جھوٹی خبریں لگوا کر ہمارے کازکو نقصان پہنچانے کی کوشش کی جا رہی ہے:نوازش علی

لالہ موسیٰ:  اخبارات میں جھوٹی اور من گھڑت خبریں لگوا کر ہمارے کاز کو نقصان پہنچانے کی کوشش کی جا رہی ہے۔ان خیالات کا اظہار تحریک انصاف کے ضلعی جنرل سیکرٹری  نوازش علی شیخ ایڈووکیٹ نے مقامی اخبار میں آنے والی خبروں کی تردید کرتے ہوئے کیا انہوں نے کہا کہ پارٹی الیکشن اور ٹکٹوں کے حوالے سے ہمارے بیانات کو غلط انداز میں پیش کیا گیا۔پارٹی میں الیکشن ہمارا دیرینہ مطالبہ ہے۔ضلع گجرات کے پی سی اوز نے مشترکہ طور پر قرارداد منظور کی تھی جس میں پارٹی الیکشن کا مطالبہ کیا گیا تھااور جمہوری طریقے سے عہدیداران کو منتخب کرنے کیلئے صوبائی اور مرکزی قیادت کو قرار دا د پیش کی گئی تھی۔پارٹی الیکشن سے تحریک انصاف مضبوط ہو گی اور ہمیشہ قائم و دائم رہے گی۔پارٹی الیکشن سے جو بھی عہدیدار منتخب ہوئے ہم ان کے ساتھ چلیں گے۔