جھوٹے مقدمہ میں گرفتار نوجوان عدالتی حکم پر رہا

گجرات:جھوٹے مقدمہ میں گرفتار نوجوان عدالتی حکم پر رہا ، تفصیلات کے مطابق ایک ہفتہ قبل لاہور کے رہائشی راشد اور مزمل نامی 2نوجوان جو کہ روزگار کے سلسلہ میں گجرات میں مقیم ہیں کو مرغزار کالج کی سٹوڈنٹ کے اغواء کے جرم میں گرفتار کیا گیا تھا ، مدعی بضد تھے کہ نوجوان لڑکی کے اغواء میں ملوث ہیں مگر آٹھ دن کے بعد لڑکی نے خود پیش ہو کر بیان دے دیا کہ وہ اپنی مرضی سے گئی تھی ، جس پر سیشن جج عامر شریف ڈوگر نے دونوں نوجوانوں کو رہا کرنے کا حکم دیا اور پولیس نے بے گناہی پر انہیں چھوڑ دیا ۔