حکمران مسلسل قیمتوں کو بڑھا کرعوام کو مہنگائی کے تحفے دے رہے ہیں :مسرت

کھاریاں : جماعت اسلامی حلقہ خواتین ضلع گجرات کی ناظمہ محترمہ مسرت نے اپنے بیان میں کہا ہے کہ حکمران مسلسل گیس اور پٹرول کی قیمتوں کو بڑھا کر عوام کو مہنگائی کے تحفے دے رہے ہیں ، جو کہ قابل تشویش ہے ، انہوں نے کہا کہ اگر حکمرانوں نے نیٹو سپلائی بحال کرنے کے بارے میں سوچا بھی تو یہ ان کے لئے ٹھیک نہیں ہو گا ، حکومت اس معاملہ سے عوامی توجہ ہٹانے کیلئے یہ ہتھکنڈے استعمال کر رہی ہے ، کبھی بجلی گیس کی لوڈ شیڈنگ تو کبھی پٹرول کی قیمتوں میں اضافہ کر دیا جاتا ہے ، عوام اب مزید مظالم برداشت نہیں کریں گے ، حکمران عوام کو مہنگائی کی دلدل سے نکالنے کی کوشش کریں اور بڑھاتی ہوئی قیمتوں کو فوری واپس لیں ۔