زرداری حکومت نے عوام کو زندہ درگور کر رہا ہے:راجہ محمد نعیم

گجرات: زرداری حکومت نے عوام کو زندہ درگور کر رہا ہے ، ان خیالات کااظہار پاکستان مسلم لیگ ن ضلع گجرات کے راہنما راجہ محمد نعیم نے اپنے بیان میں کیا انہوں نے کہا کہ تبدیلی لانے والی جماعتوں کے قائدین کولوڈ شیڈنگ ، پٹرول ، گیس اور بجلی کے بلوں میں آئے روز مہنگائی کا سونامی نظر نہیں آ رہا ، عوام ان بہروپیوں کے بہکاوے میں نہیں آئیں گے ، پاکستان مسلم لیگ ن کے قائد میاں محمد نواز شریف اور خادم اعلیٰ پنجاب میاں محمد شہباز شریف نے ان ظالمانہ قیمتوں کے خلاف تحریک چلانے کا آغاز کیا ہے ، پاکستان مسلم لیگ ن غریب عوام کی نمائندگی کرتی ہے ، اور غریبوں کی تکالیف کو سمجھتی ہے ، راجہ محمد نعیم نے کہا حکمران ہوش کے ناخن لیں ، پاکستان کی عوام کو اتنا مجبور نہ کرین کہ پاکستان میں بھی مصر جیسے حالات پیدا ہو جائے ، حکومت جلد پٹرول اور بجلی کے نرخوں میں اضافہ واپس لے۔