سوہدرہ کی صحافتی و ادبی تنظیموں کا ایک مشترکہ ہنگامی اجلاس منعقد ہوا

سوہدرہ : سوہدرہ کی صحافتی و ادبی تنظیموں کا ایک مشترکہ ہنگامی اجلاس سوہدرہ پریس کلب میں صدر انجمن صحافیاں عبدالحمید بٹ کی زیر صدارت منعقد ہوا ، جس میں جیو نیوز کراچی کے دفتر پر حملہ کی شدید مذمت کرتے ہوئے حکومت سے مطالبہ کیا گیا کہ وہ حملہ میں ملوث افراد کو گرفتار کر کے انہیں سرعام سزا دے تا کہ آئندہ کسی کو حملہ کرنے کی جرات نہ ہو سکے اس موقع پر سینئر موسٹ صحافی و پریس کلب کے چیئرمین نجیب اللہ ملک نے کہا کہ آئینہ دکھانا اگر جرم ہے تو پھر صحافی برادری ڈٹ کر یہ جرم کرتی رہے گی اور کسی قیمت پر آزادی صحافت پر سمجھوتہ نہیں کیا جائیگا ، ماضی کی روایت کے عین مطابق سچ کے مقابلہ میں جھوٹ کے پیامبر حکمرانوں کو پسپائی اختیار کرنا پڑے گی ۔