سید یوسف رضا گیلانی کا دورہ میر پور انتہائی کامیاب رہا : حیدر علی کاشر

بھمبر : وزیر اعظم پاکستان سید یوسف رضا گیلانی کا دورہ میرپور انتہائی کامیاب رہا یہ دورہ میر پور کی تعمیر وترقی کیلئے سنگ میل ثابت ہوگا ان خیالات کااظہار سلطان یوتھ فورس کے صدر حیدر علی کاشر نے کیا انہوں نے کہا کہ ضلع میرپور میں تعمیر وترقی کا نیا دور شروع ہوگیا وزیر اعظم کے دورے کو کامیاب بنانے میں سابق وزیراعظم بیرسٹر سلطان محمود چوہدری کا اہم رول ہے میرپور میں میگا پراجیکٹ کا افتتاح میرپور کے عوام کا دیرنیہ مطالبہ تھا جس کو وزیراعظم پاکستان سید یوسف رضا گیلانی نے پورا کر دیا انہوں نے کہا کہ پیپلز پارٹی کی حکومت الیکشن میں عوام سے کئے گئے تمام وعدوں کو پورا کر ررہی ہے۔ وزیراعظم کا شاندار اور تاریخی استقبال کرنے پر پیپلز پارٹی اور سلطان یوتھ فورس کے کارکنان کو خراج تحسین پیش کرتے ہیں جنہوں نے قائد کشمیر بیرسٹر سلطان محمود چوہدری کی کال پر وزیراعظم پاکستان کو والہانہ اور شاندار استقبال کیا۔