پولیس تھانہ اے ڈویژن کے انچارج کے رویہ کے خلاف خاتون کی خود کشی کی کوشش

گجرات: پولیس تھانہ اے ڈویژن کے انچارج کے رویہ کے خلاف خاتون کی خود کشی کی کوشش تفصیلات کے مطابق محلہ قاسم پورہ کی رہائشی خاتون (ا)بی بی نے ایک ماہ قبل تھانہ اے ڈویژن میں جعلی چیک کے مقدمہ کے اندراج کیلئے تحریری درخواست دی تھی ، جس پر تھانہ نے تحقیقات کیں اور مصالحتی کمیٹی کے کنونیئر سے بھی رائے حاصل کی ، اس کے باوجود کہ ملزم بااثر ہونے کی وجہ سے پولیس نے ابھی تک کسی بھی قسم کی مزید قانونی کاروائی نہ کی ہے ، اور نہ ہی جعلی چیک کا مقدمہ درج کیا ، جس پر پولیس کے رویہ سے دلبراشتہ ہو کر گزشتہ روز خاتون نے خود سوزی کی کوشش کی جس کو فوری طور پر طبی امداد کیلئے مقامی ہسپتال پہنچا دیا گیا ، خاتون نے میڈیا سے بات چیت کرتے ہوئے بتایا کہ پولیس تھانہ اے ڈویژن کے انچارج گزشتہ ایک ماہ سے مجھے ذلیل و خوار کر رہے ہیں اور تمام حقائق جاننے کے باوود ملزما ن کو نہ تو گرفتار کیا ہے اور نہ ہی کسی بھی قسم کا مقدمہ درج کیا گیا ہے ۔