گجرات پولیس کے نوجوانوں کی شہادت پر ہمیں دلی صدمہ ہے :فیضان خالد بٹ، مہر شہباز

گجرات: پاکستان تحریک انصاف یوتھ ونگ ضلع گجرات کے صدر فیضان خالد بٹ اور انفارمیشن سیکرٹری مہر شہباز فاضل نے مشترکہ بیان میں سانحہ کٹھالہ پھاٹک پر افسوس کا اظہار کرتے ہوئے کہا ہے کہ گجرات پولیس کے نوجوانوں کی شہادت پر ہمیں دلی صدمہ ہے کیونکہ شہید قوم کی امانت ہیں ، اور گجرات کے پولیس ملازمین نے ہمیشہ قربانیاں دی ہیں ، ناقص حکمت عملی کی وجہ سے اس طرح کے واقعات پیش آتے ہیں ، ڈی پی او گجرات اور متعلقہ حکام کو چاہیے کہ وہ ایسی منصوبہ بندی کریں جس سے ایسے واقعات کی روک تھام ہو سکے ، انہوں نے کہا کہ گجرات پولیس کے نوجوانوں کی شہادت عوام کا مرال ڈائون نہیں کر سکتی ، گجرات کے عوام ہمیشہ ایسی کاروائیوں کی مذمت کرتے ہیں اور ہم اس موقع پر شہداء کے ورثاء کے ساتھ یکجہتی کا اظہار کرتے ہیں ، اور حکومت پنجاب سے اپیل کرتے ہیں کہ وہ ایسے اقدامات کرے جس سے دہشت گردوں حوصلہ پست ہو اور عوام کا تحفظ ممکن ہو ، ڈی پی او گجرات کو چاہیے کہ وہ بھی عوام کے مسائل کے حل کی طرف توجہ دیں اور دہشت گردی کی وارداتوں کی روک تھام کیلئے عملی اقدامات کریں ۔