گوجرانوالہ بورڈ کے تحت فرسٹ ائیر امتحان کا بائیکاٹ کیا جائے گا :پنجاب ٹیچرز یونین

گجرات: پنجاب ٹیچرز یونین ڈویژن گوجرانوالہ کے نائب صدر ملک خالد حسین اعوان آف بھگوال اور انصر پرویز گجر صدر مرکز کھاریاں نے کہا ہے کہ تحصیل گجرات بالعموم اور تحصیل کھاریاں میں بالخصوص ایلیمنٹری ایجوکیشن افسران نے ڈیوٹی پر جانے والی خواتین اساتذہ کو غیر حاضر قرار دے کر پریشان کرنا شروع کیا ہوا ہے ، جبکہ چیف سیکرٹری کے حکم کے تحت امتحانی ڈیوٹی کو فوقیت دینا لازمی قرار دیا گیا ہے ، جبکہ ڈپٹی ڈی ای اوز اور اے ای اوز اساتذہ کو سکولوں میں واپس بلا رہے ہیں ، سیکرٹری ایجوکیشن لاہور اور چیئرمین گوجرانوالہ بورڈ کو ایک یاداشت کے ذریعے اپیل کی گئی ہے کہ اگر ان افسران نے اپنی روش نہ بدلی تو ضلع گجرات میں امتحانی ڈیوٹی دینے والے تمام اساتذہ کو واپس بلا لیا جائیگا ، جس کی تمام تر ذمہ داری ان ایلیمنٹری افسران پر ہو گی ۔