بھمبر (ڈسٹرکٹ رپورٹر) پاکستان تحریک انصاف یوتھ بھمبر کے مرکزی راہنما چوہدری اسامہ علی نے کہا ہے کہ آزاد کشمیر میں بیرسٹر سلطان محمود چوہدری کی قیادت میں تحریک انصاف ایک مضبوط قوت بن چکی ہے 29 مارچ کے ضمنی الیکشن میں پیپلز پارٹی کو اپنی حیثیت کا اندازہ ہو جائیگا آزاد کشمیر سمیت میرپور کے عوام بیرسٹر سلطان محمود چوہدری کی قیادت میں متحد اور منظم ہیں اور بیرسٹر سلطان محمود چوہدری کو بھاری اکثریت سے کامیاب کرائینگے انہوں نے کہا کہ وزیراعظم آزاد کشمیر نے سرکاری وسائل میرپور کے ضمنی الیکشن میں جھونک رکھے ہیں اپنا کوئی امیدوار نہ ملنے پر مسلم کانفرنس کو گھوڑا سرکار کے 6 کروڑ روپے میں خرید کر لیا ہے جو انشاء اللہ پیپلز پارٹی کی عبرتناک شکست کا باعث بنے گا انہوں نے کہا کہ بیرسٹر سلطان محمود چوہدری انٹرنیشنل لیول کے لیڈر ہیں ان کی تحریک آزادی کشمیر کیلئے گراں قدر خدمات ہیں ان کے تحریک انصاف میں شامل ہو جانے سے بھمبر سے لیکر تائو بٹ تک نوجوانوں میں خوشی کی لہر دوڑ گئی ہے اور لوگ جوق در جوق تحریک انصاف کے قافلے میں شامل ہو رہے ہیں میرپور کے ضمنی الیکشن سمیت آئندہ آزاد کشمیر قانون ساز اسمبلی کے الیکشن میں بھی تحریک انصاف بیرسٹر سلطان محمود چوہدری کی قیادت میں بھاری اکثریت سے کامیابی حاصل کر کے حکومت بنائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر( ڈسٹرکٹ رپورٹر)پیپلزپارٹی کے راہنما اور بزنس مین چوہدری دلشاد احمد نے میڈیا نمائندگان سے ٹیلی فونک گفتگو کرتے ہوئے کہا میرپور آزاد کشمیر کے ضمنی انتخابات میں چوہدری محمد اشرف بھاری اکثریت سے کامیاب ہونگے29مارچ بیرسٹر سلطان محمود کے سیاسی تابوت میں آخری کیل ثابت ہو گابیرسٹر سلطان کو عوام نے پیپلز پارٹی کے نام پر ووٹ دیا تھا انہوں نے عوام حلقہ کے مسائل پر توجہ دینے کی بجائے اپنی ہی حکومت کے خلاف سازشیں کرنا شروع کر دیں انہوں نے کہا پیپلز پارٹی کی موجودہ حکومت کو کام نہیں کرنے دیا گیا بلکہ اس کی ٹانگیں کھینچی گئی لیکن اس کے باوجود موجودہ حکومت نے آزاد خطہ میں تعمیر و ترقی تعلیمی انقلاب اور میگا پروجیکٹس کی تعمیر سے آزاد خطہ میں خوشحالی و تعمیر و ترقی کے نئے دور کا آغاز کیا جس کو عوام کی اکثریت سراہاتی ہے پیپلز پارٹی آمدہ انتخابات میں بھی بھاری اکثریت سے کامیاب ہو کر تعمیر و ترقی کے سفر کو جاری رکھے موجودہ حکومت نے تارکین وطن کے مسائل حل کرنے میں بھی اپنا بھرپور کردار ادا کررہے ہے پیپلز پارٹی نے عوام کے حقوق کیلئے قربانیاں دی ہیں ہم نے ہمیشہ افہام و تفہیم کی سیاست کی جس کا ناجائز فائدہ اُٹھا کر مخالفین نے اسے پیپلز پارٹی کی کمزوری سمجھ لیا عوام ہماری طاقت ہیں ہم ان کے حقوق کیلئے کسی بھی قربانی سے دریغ نہیں کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر) مسلم لیگ کی حکومت عوام کو ریلیف دینے میں مکمل طور پر ناکام ہو چکی ہے ائیر پورٹ پر سیکورٹی کے انتظامات انتہائی ناقص جبکہ کرپشن پہلے سے بھی بڑھ گئی ہے وزیر داخلہ چوہدری نثار کو اپنی وزارت سے مستعفی ہو جانا چاہیے ان خیالات کا اظہار پاکستان مسلم لیگ نون امریکہ کے راہنما چوہدری عرفان الحسن آف جبی نے کیا انہوں نے کہا کہ انتہائی دکھ اور افسوس سے کہنا پڑتا ہے کہ مسلم لیگ کی حکومت ڈلیور کرنے میں مکمل طور پر ناکام ہو چکی ہے کسی بھی شعبہ میں بہتری کے بجائے کرپشن میں اضافہ ہوا ہے خاص طور پر ائیر پورٹ پر کرپشن پہلے سے کئی گنا بڑھ گئی ہے حکومت نے کرپشن کو روکنے اور سیکورٹی کے انتظامات کو بہتر کرنے کیلئے عملی طور پر کچھ نہیں کیا ناقص کارکردگی پر وزیر داخلہ چوہدری نثار احمد کو اپنی وزارت سے مستعفی ہو جانا چاہیے انہوں نے کہا کہ میاں نوا ز شریف کی کابینہ نالائق اور نا اہل لوگوں پر مشتمل ہے جو حکومت کی نیک نامی میں اضافہ کرنے کے بجائے اس کی بد نامی کا باعث بن رہے ہیں اور حکومت اور عوام کی مشکلات میں اضافہ کر رہے ہیں انہوں نے کہا کہ میاں نواز شریف ایسے وزراء کو فی الفور فارغ کر کے اچھے کردار کے مالک اہل اور قابل لوگوں کو کابینہ میں شامل کریں تا کہ حکومت کی کارکردگی بہتر ہو سکے اور لوگوں کو ریلیف مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر) پیپلز پارٹی ضمنی الیکشن میں بھر پور کامیابی حاصل کریگی 29 مارچ کا سورج چوہدری محمد اشرف کی کامیابی کی نوید لیکر طلوع ہو گا میرپور کے غیور عوام پیپلز پارٹی سے بے وفائی کرنے والوں کو عبرتناک شکست دے کر غداری کا باب ہمیشہ ہمیشہ کیلئے بند کر دینگے ان خیالات کا اظہار پیپلز پارٹی کے راہنما ایڈمنسٹریٹر بلدیہ بھمبر راجہ شاہد انور نے صحافیوں سے گفتگو کرتے ہوئے کیا انہوں نے کہا کہ بیرسٹر سلطان محمود کی نہ کوئی جماعت ہے اور نہ ہی کوئی نظریہ ، انکا نظریہ عقیدت اور حمایت صرف اور اقتدار ہے میرپور کے عوام کے ووٹ سے ممبر اسمبلی بنتے ہیں لیکن کبھی انہوں نے میرپور کے عوام کے حقوق کی بات نہیں کی وزیرعطم بننے کیلئے پیپلز پارٹی کی قیادت کو بلیک میل کرنے کی کوشش کی لیکن ناکامی پر تحریک انصاف میں شامل ہو گئے کل تحریک انصاف سے اقتدار نہ ملا تو پھر تحریک انصاف سے بھی غداری کر ینگے انہوں نے کہا کہ میرپورکے غیور عوام غداروں کی سیاست کو جان چکے ہیں اب ان کے بھکاوے میں نہیں آئینگے انہوں نے کہا کہ پیپلز پارٹی کی حکومت نے وزیراعظم چوہدری عبدالمجید کی قیادت میں میرپور کے اندر تعمیر و ترقی کا جال بچھا دیا ہے میگا پراجیکٹس شروع کر کے میرپور کے عوام کو بھر پور ریلیف فراہم کیا جا رہا ہے انشاء اللہ 29 مارچ کو فتح پیپلز پارٹی کی ہو گی پیپلز پارٹی کے امیدوار چوہدری محمد اشرف بھاری اکثریت سے کامیا ب ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر) PSF ضلع بھمبر کے صدر بشارت رضا کی والدہ محترمہ گذتہ روز رضائے الہٰی سے انتقال کر گئیں مرحومہ کو نماز جنازہ کے بعد انکے آبائی گائوں کالچھ سماہنی میں سپرد خاک کر دیا گیا نماز جنازہ میں سیاسی، سماجی ، مذہبی راہنمائوں سمیت ، عوام علاقہ ، عزیز و اقارب نے شرکت کی۔
