دودن کی شدید گرمی کے بعد بھمبر میںباران رحمت موسم خوشگوار روزے داروں نے سکھ کا سانس لیا
بھمبر(ڈسٹرکٹ رپورٹر) دودن کی شدید گرمی کے بعد بھمبر میں باران رحمت موسم خوشگوار روزے داروں نے سکھ کا سانس لیا تفصیلات کے مطابق بھمبراور گردونواح میں 2دن سے شدید گرمی اور حبس تھا جس سے روزہ داروں سمیت بچے، بوڑھے شدید پریشان تھے گزشتہ روز سحری کے وقت تیز ہواؤں اور گرج چمک کیساتھ بارش کا یہ سلسلہ صبح گئے تک جاری رہا جس سے موسم انتہائی خوشگوار ہوگیا اور مرجھائے چہرے کھل اٹھے جبکہ بارش سے نشیبی علاقے زیر آب آگئے اور متعدد لنک روڈز لینڈ سلائیڈنگ سے بند ہو گئیں بارش سے گرمی اور حبس کا زور ٹوٹ گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبرکی گلیوں میں لٹکتی ہوئی بجلی کی تاریں مون سون کی برسات میں کسی بھی وقت حادثات کا باعث بن سکتی ہیں
بھمبر(ڈسٹرکٹ رپورٹر) بھمبر کی گلیوں میں لٹکتی ہوئی بجلی کی تاریں مون سون کی برسات میں کسی بھی وقت حادثات کا باعث بن سکتی ہیں ماضی میں عام شہریوں سمیت متعدد برقیات ملازمین بھی زندگی سے ہاتھ دھو بیٹھے ہیں محکمہ برقیات کے اعلیٰ حکام لٹکتے تاروں سے پیدا ہونے والی سنگین صورتحال کا نوٹس لیں شہریوں کا مطالبہ تفصیلات کے مطابق شہر میں بجلی کے کھمبوں اور دیگر کئی مقامات پر بجلی کی لٹکتی تاریں موسم برسات کی بارشوں میں انتہائی خطرناک ثابت ہو سکتی ہیں بعض جگہوں پر تاریں لوہے کے پول کیساتھ باندھی ہوئی ہو تی ہیںجس سے اکثر کرنٹ گھروں کے دروازوں، کھڑکیوں اور واٹر سپلائی کے کنکشن میں آجاتا ہے جبکہ اکثر علاقوں میں بجلی، ٹیلی فون اور کیبل کی تاریں گچھوں کی صورت میں لپیٹی گئی ہیں اور اگر ان تاروں میں کرنٹ آجائے تو یہ متعدد لوگوں کو اپنی لپیٹ میں لے سکتا ہے شہریوں نے محکمہ برقیات کے اعلیٰ حکام سے مطالبہ کیا ہے کہ وہ اس مسلے کا تدارک کریں اور شہریوں اور انکے بچوں کو کسی بھی ناگہانی صورتحال اور حادثے سے بچائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلزپارٹی کے وجود میں ذوالفقار علی بھٹو شہید اور بے نظیر بھٹو شہید کا خون شامل ہے
بھمبر( ڈسٹرکٹ رپورٹر) پیپلزپارٹی کوئی ریت کا ٹیلہ نہیں جو آندھی یا طوفان سے اڑ جائے پیپلزپارٹی کے وجود میں ذوالفقار علی بھٹو شہید اور بے نظیر بھٹو شہید کا خون شامل ہے پاکستان اور آزاد کشمیر میں غریب عوام کے حقوق و مفادات کیلئے عملی جدوجہد کرنے والی جماعت ہے پاکستان پیپلزپارٹی ہر مشکل کا بھرپور مقابلہ کرے گی ان خیالات کا اظہار وزیر اعظم آزاد کشمیر کے کوآرڈینیٹر برائے اٹلی ڈاکٹر امتیاز احمد چوہدری نے اپنے ایک بیان میں کیا انہوں نے کہا کہ پیپلزپارٹی ایک نظریے کا نام ہے جس نے ہمیشہ اپنے خون کی آبیاری سے غریبوں کے حقوق کا تحفظ کیا ہے اور پاکستان کے آئین کے تحفظ اور جمہوریت کی پٹری کو مضبوط کیا ہے انہوںنے کہاکہ چند شر پسند عناصر آزاد کشمیر میں پیپلزپارٹی کی حکومت کو ختم کرنے کے بیانات داغ رہے ہیں ہم انہیں یہ بتا دینا چاہتے ہیں کہ پیپلزپارٹی کی تاریخ قربانیوں سے بھری پڑی ہے پیپلزپارٹی نے آمر قوتوں سمیت جمہوریت کے دشمنوں سے آنکھوں میں آنکھیں ڈال کر مقابلہ کیا ہے اور لیڈرشپ سے لیکر کارکنوں تک قربانیاں دینے والی یہ جماعت اپنا دفاع کرنا خوب جانتی ہے اور ہرایسی سازش کو ناکام بنائے گی جو غیر آئینی ہواور عوامی مینڈیٹ سے حاصل حکومت آزاد کشمیر اپنے پانچ سال کی آئینی مدت مکمل کر ے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلزپارٹی آزاد کشمیر کی حکومت اپنا قبلہ درست کرے ن لیگ آزاد کشمیر کے اندر ہونیوالی کسی بھی قسم کی کرپشن برداشت نہیںکرے گی
بھمبر(ڈسٹرکٹ رپورٹر) پیپلزپارٹی آزادکشمیر کی حکومت اپنا قبلہ درست کرے ن لیگ آزاد کشمیر کے اندر ہونیوالی کسی بھی قسم کی کرپشن برداشت نہیںکرے گی اور حکومت کی تبدیلی کیلئے تحریک چلانے سے بھی گریز نہیں کرینگے ان خیالات
کا اظہارن لیگ کے راہنما وابو ظہبی کی مشہور کاروباری شخصیت راجہ نوید طارق نے صحافیوں سے ٹیلی فونک گفتگو کرتے ہوئے کیاا نہوں نے کہاکہ پاکستان میں مسلم لیگ ن کو مینڈیٹ دیکر عوام نے اس اعتماد کا بھرپور اظہار کیا ہے کہ ن لیگ ہی پاکستان کی واحد سیاسی جماعت ہے جو ملک کو بحرانوں سے نکالنے کا عزم رکھتی ہے انہوں نے کہاکہ آزاد کشمیر میں پیپلزپارٹی حکومت کی کرپشن کی داستانیں زد عام ہوچکی ہیں ترقیاتری کاموں کی بجائے کرپشن موجودہ حکومت کا وطیرہ بن چکا ہے جس پرہمیں شدید تشویش ہے انہوںنے کہاکہ ن لیگ آزاد کشمیرکی عوام کو کرپٹ حکومت سے نجات دلانے کیلئے حکومت کی تبدیلی کی تحریک چلانے سے گریز نہیں کرے گی اور عوامی طاقت سے حکومت تبدیل کرکے عوام کا تحفظ کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رمضان المبارک ہمیں غریبوں اور مسکینوں، بیوگان اور بے سہارا لوگوں کی مدد کرنے کا درس دیتا ہے
بھمبر( ڈسٹرکٹ رپورٹر) رمضان المبارک ہمیں غریبوں اور مسکینوں، بیوگان اور بے سہارا لوگوں کی مدد کرنے کا درس دیتا ہے رمضان المبارک نیکیوں کا موسم بہار ہے اس میں اللہ تعالیٰ کی رحمتیں جوش میں ہوتی ہیں ہم سب ملکر غریبوں اور بے سہارا لوگوں کی مدد کرکے اللہ تعالیٰ کی خوشنودی حاصل کرنے کیلئے کردار ادا کرنا چاہیے ان خیالات کا اظہار تحصیل چیئرمین زکوة بھمبر چوہدری حیدر علی کاشر نے کشمیر پریس کے صحافیوں سے خصوصی گفتگو کرتے ہوئے کیا انہوںنے اس موقع پر کہاکہ مجھے جو عہدہ دیا گیاہے یہ غریبوں کی امانت ہے مستحق افراد کو ان کا جائز حق دلاؤں گا میرے دروازے ہر وقت ان کیلئے کھلے ہیں انہوں نے کہا کہ بحیثیت مسلمان ہم سب کی اجتماعی ذمہ داری ہے کہ ہم معاشرے کیلئے طبقات اور بے سہارا لوگوں کی مدد کریں بالخصوص رحمتوں کے مہینے رمضان المبارک میں غریبوں اور مساکین کی امداد کرنے پر اللہ تعالیٰ کی ذات خوش ہوتی ہے انہوںنے کہاکہ حلقہ ایل اے 7 بھمبر میں اگر کسی مستحق کو زکوة کے حصول میں کوئی مسلہ ہو تو وہ براہ راست مجھ سے رابطہ کرے انشاء اللہ مسائل حل کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضرت خدیجة اکبریٰ رضی اللہ تعالیٰ عنہٰ کا یوم وصال نہایت عقیدت و احترام سے مرکزی جامع مسجد بھمبر میں منایا گیا
بھمبر(ڈسٹرکٹ رپورٹر) حضرت محمد صلی اللہ علیہ وآلہ وسلم کی زوجہ محترمہ حضرت خدیجة اکبریٰ رضی اللہ تعالیٰ عنہٰ کا یوم وصال نہایت عقیدت و احترام سے مرکزی جامع مسجد بھمبرمیں منایا گیا اس موقع پر پروفیسر مولانا محمد امین الدین خطیب جامع مسجد نے انکی زندگی کے بارے میں مفصل روشنی ڈالی اور انکی فضیلت کو بیان کیا 10 رمضان المبارک کو حضرت خدیجة اکبریٰ رضی اللہ تعالیٰ عنہٰ کے یوم وصال کے موقع پر مرکزی جامع مسجد میں دعاکی اور خواتین کو انکے نقش قدم پر چلنے کی تاکید کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر گجرات روڈ پر بلدیہ کی طرف سے نالوں کی صفائی احسن اقدام ہے تاہم مقامی این جی او کی طرف سے لگائے گئے
بھمبر( ڈسٹرکٹ رپورٹر) بھمبر گجرات روڈ پر بلدیہ کی طرف سے نالوں کی صفائی احسن اقدام ہے تاہم مقامی این جی او کی طرف سے لگائے گئے درختوں کو عملہ نے غفلت سے توڑ دیا جو قابل افسوس عمل ہے بلدیہ کے اعلیٰ حکام ملازمین کی مبینہ غفلت کا نوٹس لیں ان خیالات کا اظہار بھمبر کے شہریوں مدثر اقبال، شکیل احمد، ناصر اقبال، احسن لطیف، راجہ نعیم اقبال، بشارت حسین اور دیگر نے بھمبر گجرات روڈ پر نالے کی صفائی کے دوران بلدیہ ملازمین کی مبینہ غفلت کے باعث توڑے گے درختوں بارے اظہار خیال کرتے ہوئے کیا انہوں نے کہاکہ یہ درخت شہر کے ماحول کو صاف کرنے اور خوب صورتی میں اضافہ کر رہے تھے انکی بے جا کٹائی نے شہر کی خوبصورتی ماند کردی ہے اعلیٰ حکام بلدیہ ملازمین کی مبینہ غفلت کا نوٹس لیں۔
Related Posts
