ریلوے اراضی پر قائم تجاوزات کے خاتمہ کیلئے کسی کو بھی رعایت نہیں دی جائے گی
چکوال( اعجاز بٹ) اسسٹنٹ ایگزیکٹو انجینئر پراپرٹی اینڈ لینڈ محکمہ ریلوے راولپنڈی ڈویژن شہزادہ شاہ نواز اور اے ای این جہلم ملک سجاد اعوان نے کہا ہے کہ ریلوے اراضی پر قائم تجاوزات کے خاتمہ کیلئے کسی کو بھی رعایت نہیں دی جائے گی اور راولپنڈی ڈویژن میں محکمہ ریلوے کی ملکیتی 43ایکڑ اراضی و اگزار کراچکے ہیں وہ گذشتہ روز تھنیل پھاٹک کے اردگرد ریلوے اراضی پر ہونے والی تجاوزات کے سلسلہ میں عدالتی کمیشن کے ہمراہ اراضی کی پیمائش سے فارغ ہونے کے بعد میڈیا سے گفتگو کررہے تھے انہوں نے کہا کہ تھنیل پھاٹک پر جو تجاوزات گرائی گئی تھیں ان تجاوزات کو قائم کرنیوالوں نے اس عمل کے خلاف کورٹ سے رجوع کر لیا۔ عدالت نے سردار ضمیر ایڈووکیٹ کو کمیشن مقرر کیا ہے اوراسکی رپورٹ پر عدالت نے جو فیصلہ کیا اس پر فوری عمل کیا جائے گا شہزادہ شاہ نواز نے کہا کہ دوسری جانب بھی قائم مارکیٹوں اور دکانیں بھی تجاوزات کے زمرے میں آتی ہیں محکمہ ریونیو کے ساتھ ملکر ریلوے کی اراضی پر تمام تجاوزات کا خاتمہ کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راجہ پرویز اشرف کے ہاتھ چند ماہ وزارت عظمیٰ کیا آئی کہ انہوں نے کرپشن کے سابقہ تمام ریکارڈ کو مات دے دی
چکوال( ڈسٹرکٹ رپورٹر) راجہ پرویز اشرف کے ہاتھ چند ماہ وزارت عظمیٰ کیا آئی کہ انہوں نے کرپشن کے سابقہ تمام ریکارڈ کو مات دے دی۔ اور ایسی ایسی کرپشن سامنے آرہی ہے کہ عوام دنگ رہ گئی ہے لوگوں کو کہنا ہے کہ چکوال مندرہ اور چکوال سوہاوہ روڈ کی توسیع پر کام کی رکاوٹ کے پیچھے بھی سابق وزیراعظم راجہ پرویز اشرف کا ہاتھ ہے جنہوں نے جس ٹھیکیدار کو ٹھیکہ دیا کمشن زیادہ ملنے کی صورت میں اس ٹھیکہ کے منسوخ کے احکامات جاری کر دیئے اور اس ٹھیکیدار نے عدالتی دروازہ کھٹکھٹا دیا بہرحال اس رکے ہوئے کام پر جلد کام شروع ہونا چاہیے تاکہ عوام سکھ کا سانس لیں۔ ودسری طرف راجہ پرویز اشرف نے بحیثیت وزیراعظم قومی خزانہ کے بری طرح لٹایا اور جی بھر کر ریوڑیاں اپنوں ہی میں تقسیم کیں لیکن راجہ پرویز اشرف کی جانب سے نوازے جانے والی چکوال کی پانچوں شخصیات انکاری ہو گئی ہیں۔ ضلع چکوال سے تعلق رکھنے والے پانچوں شخصیات کرنل(ر) سلیم اختر، فیصل مجید، ملک امیر، راجہ عدیل اور ملک عامر کا اخباری بیان کے ذریعے موقف سامنے آگیا ہے۔ ضلع چکوال کی ان پانچوں شخصیات کا جو موقف سامنے آیا ہے اس سے یہ عقد کھلتا ہے کہ ان شخصیات کا نام استعمال کر کے سابق وزیراعظم کے جاری کردہ فنڈز انکا کوئی فرنٹ مین ہڑپ کر گیا چونکہ ترقیاتی فندز حاصل کرنے والوں کا تعلق ضلع چکوال سے ہے اس لیئے یہ سوال سراٹھاتا ہے کہ کیا سابق وزیراعظم کے فرنٹ مین کا تعلق بھی ضلع چکوال سے ہے تاہم اس کا سوال کا جواب فی الوقت سامنے نہیں آسکا تاہم جن پانچ شخصیات کا نام استعمال کر کے انکی شہرت کو داغدار کیا گیا وہ خاموش نہیں رہیں گے بلکہ وہ اس راز سے پردہ اکٹھا کر دم لیں گے اور اپنی پوزیشن صاف اور واضع کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھنیل پھاٹک کے قریب آئل فیلڈ کو جانے والا ریلوے ٹریک کھدائی کے دوران سامنے آگیا
چکوال( ڈسٹرکٹ رپورٹر) تھنیل پھاٹک کے قریب آئل فیلڈ کو جانے والا ریلوے ٹریک کھدائی کے دوران سامنے آگیا۔ تفصیلات کے مطابق محکمہ پبلک ہیلتھ انجینئرنگ نے سیوریج سسٹم بچھانے کیلئے تھنیل پھاٹک کے قریب کھدائی کی تو آئل فیلڈ کو جانے والی پٹڑی سامنے آگئی جس پر محکمہ پبلک ہیلتھ انجینئرنگ نے کام روک کر محکمہ ریلوے کو اطلاع دی جس پر محکمہ ریلوے کے افسران جائزہ لینے کیلئے موقع پر پہنچ گئے معلوم ہوا ہے کہ آئل فیلڈ جانے والی پٹڑی کے آس پاس دور تک ریلوے کی ملکیتی اراضی پر لوگوں نے قبضہ کررکھا ہے محکمہ ریلوے نے محکمہ ریونیو کے ساتھ
ملکر ریلوے اراضی پر تجاوزات کے خاتمہ کیلئے حکمت عملی طے کرلی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روزنامہ الشرق کی خبر پر ایکشن ٹی ایم اے چکوال نے چکوال شہر میں جاری تجاوزات کے خلاف خصوصی مہم کے دوران آپریشن کلین اپ کرکے مین تلہ گنگ روڈپر سالہا سال سے قائم تجاوزات کا صفایا کردیا
چکوال( ڈسٹرکٹ رپورٹر) روزنامہ الشرق کی خبر پر ایکشن ٹی ایم اے چکوال نے چکوال شہر میں جاری تجاوزات کے خلاف خصوصی مہم کے دوران آپریشن کلین اپ کرکے مین تلہ گنگ روڈپر سالہا سال سے قائم تجاوزات کا صفایا کردیا ۔گذشتہ روز ٹی ایم اے نے آپریشن کرکے جنرل بس سٹینڈ کے سامنے مین روڈپر تجاوزات مافیاکا خاتمہ کرتے ہوئے افغانی پٹھانوں اور مقامی بااثر افراد کی پختہ تجاوزات کو ختم کردیا تاہم مزید تجاوزات ابھی باقی ہیں ٹی ایم اے حکام کا کہنا ہے کہ آئندہ چند روز میں چکوال شہر سے مکمل تجاوزات پٹا کر عوامی شکایات کا ازالہ کر دئا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایڈمنسٹریٹر ٹی ایم اے چکوال عمر جہانگیر کو ٹی ایم اے کے ملازمین کی احتجاجی تحریک کے نتیجے میں ضلع بدرکر دیا گیا
چکوال( ڈسٹرکٹ رپورٹر)ایڈمنسٹریٹر ٹی ایم اے چکوال عمر جہانگیر کو ٹی ایم اے کے ملازمین کی احتجاجی تحریک کے نتیجے میں ضلع بدرکر دیا گیا۔ ڈاکٹر عمر جہانگیر نے کامران صادق نامی چوکیدار کو تشدد کا نشانہ بنایاتھا۔ جس پر ٹی ایم اے کے ملازمین نے احتجاجی تحریک شروع کی تھی ایپکا ٹی ایم اے چکوال نے الیکٹرانک اور پرنٹ میڈیا کا شکریہ ادا کیا کہ انہوںنے اس زیادتی کے نتیجہ میں غریب ملازمین کی آواز اعلیٰ حکام تک پہنچائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ تعلیم کی نااہلی کی وجہ سے شدید گرمی کے باوجود نجی تعلیمی ادارے غیر قانونی طور پر کھلے ہوئے ہیں
چکوال( ڈسٹرکٹ رپورٹر) محکمہ تعلیم کی نااہلی کی وجہ سے شدید گرمی کے باوجود نجی تعلیمی ادارے غیر قانونی طور پر کھلے ہوئے ہیں اور کمسن بچوں کو چھٹیاں نہیں دی گئیں۔جس کی وجہ سے بچے گرمی کی شدت برداشت نہیں کر سکتے اور ان کی حالت غیر ہو رہی ہے۔گزشتہ روز مقامی نجی تعلیمی ادارے کا چھٹی کلاس کا طالب علم عرفان حیدر سمر کیمپ میں شرکت کے لیے پہنچا اور گرمی کی شدت برداشت نہ کر سکا۔اور بے ہوش ہو کر گر گیا۔ جسے ڈسٹرکٹ ہیڈ کوارٹر ہسپتال چکوال پہنچایا گیا۔ مگر وہ جانبر نہ ہو سکا اور جاں بحق ہو گیا۔قبل ازیں بھی ایک نجی تعلیمی ادارے کا بچہ گرمی کی شدت کی وجہ سے جاں بحق ہو چکا ہے۔جبکہ آئے روز کئی بچوں کے بے ہوش ہونیکی اطلاعات مل رہی ہیں۔ مگر محکمہ تعلیم کے کانوں پر جوں تک نہیں رینگ رہی نجی تعلیمی ادارے اپنا کاروبار چمکانے کے لیے بچوں کو انا کی بھینٹ چڑھا رہے ہیں۔ وزیراعلیٰ پنجاب صورتحال کا فوری طور پر نوٹس لیں۔
Related Posts
