سردار گروپ اور تحریک انصاف نے حلقہ بندیوں کو اعلیٰ عدالتوں میں چیلنج کرنے کا اعلان
چکوال : سردار گروپ اور تحریک انصاف نے حلقہ بندیوں کو اعلیٰ عدالتوں میں چیلنج کرنے کا اعلان کیا ہے اور قانونی ماہرین سے مشاورت شروع کردی ہے۔سردار گروپ کے رہنماسردار آفتاب اکبر نے میڈیا کو بتایا کہ حالیہ تشکیل پانے والی حلقہ بندیاںکسی صورت قابل قبول نہیں ہیں کیونکہ لوگوں کو اعتماد میں لیے بغیر توڑ پھوڑ کی گئی انہوںنے کہا کہ اراکین اسمبلی نے من مانے نتائج حاصل کرنیکے لیے حکمت عملی تیار کر لی ہے سردار آفتاب اکبر کا کہنا تھا کہ ایک ہاتھ میں تسبیح اور دوسرے ہاتھ میں خنجرپکڑنے والوں نے سردار گروپ کو نقصان پہنچانے کے لیے ہر حربے استعمال کرنا شروع کر رکھے ہیں مگر وہ اپنے مذموم مقاصد میں کامیاب نہیں ہونگے۔ انہوںنے کہا کہ قانونی ماہرین سے مشاورت جاری ہے اور حلقہ بندیوں کی تشکیل کو چیلنج کریں گے دریں اثناء پاکستان تحریک انصاف کے سرگرم رہنما چوہدری علی ناصر بھٹی نے بھی حلقہ بندیوں کو مسترد کردیا اور کہا کہ موجودہ حلقہ بندیوں کی کوئی قانونی پوزیشن نہیں ہے۔ انہوں نے کہا کہ ہر یونین کونسل میں مرضی کے نتائج حاصل کرنے کے لیے مسلم لیگ ن کے اراکین اسمبلی نے حلقہ بندیاں کروائیں۔انہوں نے کہا کہ ہمیں عدالتوں سے انصاف ضرور ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریلوے کے اعلیٰ حکام اور رکن قومی اسمبلی بیگم عفت لیاقت علی خان کے درمیان طویل ملاقات ہوئی
چکوال: ریلوے کے اعلیٰ حکام اور رکن قومی اسمبلی بیگم عفت لیاقت علی خان کے درمیان طویل ملاقات ہوئی۔ جس میں ریلوے کی ڈھڈیال مرکز میں اراضی کو کارآمد بنانے کے لیے محترمہ عفت لیاقت نے تجاویز دیں۔ عفت لیاقت نے ڈھڈیال کے محنت کش لوگوں کی سپورٹ کرتے ہوئے ریلوے حکام سے خصوصی طور پر بات چیت کی۔ کہ ریلوے کی اراضی کو غریب لوگوں کے لیے کارآمد بنایا جائے اور انہیں مستقل بنیادوں پر ایڈجسٹ کیا جائے۔ ریلوے حکام نے عفت لیاقت کو یقین دہانی کرائی کہ جلد ریلوے کی اراضی پر دکانیں تعمیر کر کے متاثرہ لوگوں کو روزگار کی سہولت فراہم کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلہے بالا میں ایک شخص نے چہارم کلاس کے طالب علم کو جنسی تشدد کا نشانہ بنا ڈالا
چکوال: بلہے بالا میں ایک شخص نے چہارم کلاس کے طالب علم کو جنسی تشدد کا نشانہ بنا ڈالا۔طلعت عباس اپنے دوستوں کے ہمراہ بیٹروں کا شکار کرنے کے لیے گیا جہاں پر ملزم ضمیر ولد قاسم نے اسے جنسی تشدد کا نشانہ بنایا۔صدر پولیس نے مقدمہ درج کر کے ملزم کی تلاش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلزپارٹی کے بانی رہنما حکیم سید دلاور حسین نقوی کی صاحبزادی کو سپرد خاک کر دیا گیا
چکوال: پیپلزپارٹی کے بانی رہنما حکیم سید دلاور حسین نقوی کی صاحبزادی کو سپرد خاک کر دیا گیا۔نماز جنازہ میں ہر مکتبہ فکر سے تعلق رکھنے والے افراد نے شرکت کی۔معروف شخصیات ظفر علی بلوچ، غضنفر عباس بھٹہ عرف غزنی،رانا ارشد عباس، ملک حمید، محمد اسماعیل، عرفان عباس بھٹہ،محمد عقیل اور دیگر نے تعزیت کا اظہار کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر اقبال احمدسیٹھی کی اہلیہ کو ملکوال میں سپرد خاک کر دیا گیا
چکوال:ڈاکٹر اقبال احمدسیٹھی کی اہلیہ کو ملکوال میں سپرد خاک کر دیا گیا۔ الخدمت فائونڈیشن ضلع چکوال کے صدر حق نواز سلطان ،جنرل سیکرٹری خرم منظور ،ضلعی رہنما تسکین سید ،چوہدری آصف سیال اور دیگر نے ڈاکٹر اقبال احمدسیٹھی سے رنج و غم کا اظہار کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت پنجاب نے سپریم کورٹ کی ہدایات کی روشنی میں پنجاب بھر کی مارکیٹ کمیٹیوں کے ایڈمنسٹریٹرز بحال کر دئیے
چکوال: حکومت پنجاب نے سپریم کورٹ کی ہدایات کی روشنی میں پنجاب بھر کی مارکیٹ کمیٹیوں کے ایڈمنسٹریٹرز بحال کر دئیے ہیں۔ چکوال مارکیٹ کمیٹی کے ایڈمنسٹریٹر چوہدری نوید کہوٹ کوبھی بحال کیے جانے کانوٹیفکیشن جاری کر دیا گیا ہے اور نوید اختر کہوٹ نے ایک مرتبہ پھر ایڈمنسٹریٹرمارکیٹ کمیٹی کی ذمہ داریاں سنبھال لی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف قانون دان چوہدری غلام جیلانی منہاس ایڈووکیٹ کو ٹی ایم اے چکوال کا قانونی مشیر مقرر کر دیا گیا
چکوال: معروف قانون دان چوہدری غلام جیلانی منہاس ایڈووکیٹ کو ٹی ایم اے چکوال کا قانونی مشیر مقرر کر دیا گیا ہے۔ حکومت پنجاب نے ان کی تقرری کا نوٹیفکیشن جاری کر دیا۔ چوہدری غلام جیلانی منہاس ٹی ایم اے چکوال کے عدالتی معاملات نبٹائیں گے۔چوہدری غلام جیلانی منہاس کا شمار نامور وکلاء میں ہوتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر اقبال احمدسیٹھی کی اہلیہ کو ملکوال میں سپرد خاک کر دیا گیا
چکوال: ڈاکٹر اقبال احمدسیٹھی کی اہلیہ کو ملکوال میں سپرد خاک کر دیا گیا۔ الخدمت فائونڈیشن ضلع چکوال کے صدر حق نواز سلطان ،جنرل سیکرٹری خرم منظور ،ضلعی رہنما تسکین سید ،چوہدری آصف سیال اور دیگر نے ڈاکٹر اقبال احمدسیٹھی سے رنج و غم کا اظہار کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایس ایچ او تھانہ سٹی تلہ گنگ نے سینئر صحافی کیخلاف جھوٹی رپٹ درج کر دی
چکوال: ایس ایچ او تھانہ سٹی تلہ گنگ نے سینئر صحافی کیخلاف جھوٹی رپٹ درج کر دی ، تلہ گنگ پریس کلب کا منہ پر سیاہ پٹیاں باندھ کر احتجاج۔ تفصیلات کے مطابق ایس ایچ او تھانہ سٹی خالد نے سینئر صحافی و سینئر عہدیدار کیخلاف دھمکیوں کے حوالے سے جھوٹی رپٹ درج کر دی۔ تلہ گنگ پریس کلب کے عہدیداروں نے کہا کہ آئی جی پنجاب کے آبائی علاقے میں بھی صحافت کا گلہ گھوٹا جارہا ہے ، جبکہ انکے خلاف جھوٹی رپٹیں درج کر کے انہیں ڈرایا دھمکیاں جارہا ہے ، تلہ گنگ پریس کلب نے کہا کہ جب تک ڈی پی او کی جانب سے اس معاملے کی مکمل انکوائری کرکے ٹیلی فون کے مکمل ریکارڈ کی چھان بین نہیں کی جائیگی تب تک احتجاج جاری رہے گا اور انسپکٹر خالد کی زیادتیوں کیخلاف آئی جی پنجاب ،آر پی او سے بھی رابطہ کیا جائیگا اگر انصاف نہ ہوا تو عدالت سے رجوع کیا جائے گا۔اس حوالے سے تلہ گنگ پریس کلب کے ممبران نے پریس کلب کے وکلاء پینل سے مشاورت مکمل کر لی ہے
