ڈپٹی ڈائریکٹر پاسپورٹ گجرات چوہدری ریاض احمد ایک فرض شناس اور ایماندار آفیسر ہیں، محمد اقبال مغل
لالہ موسیٰ (محمد بلال احمد بٹ) ڈپٹی ڈائریکٹر پاسپورٹ گجرات چوہدری ریاض احمد ایک فرض شناس اور ایماندار آفیسر ہیں۔ چوہدری ریاض احمد چہرے پر مسکراہٹ لئے دلوں کو موہ لینے والی شخصیت کے مالک ہیں۔ ان خیالات کا اظہار ممتاز سماجی شخصیت محمد اقبال مغل آف لالہ موسیٰ اپنے ایک بیان میں کیا۔ انہوں نے مزید کہا کہ انکی تعیناتی کے بعد پاسپورٹ آفس گجرات کا نظام ا نتہائی موثر ہو گیا ہے ، عوام کیلئے سہولیات میں اضافہ ہوا ہے ، جبکہ عملہ کی کارکردگی اور نظم و ضبط میں بھی بہت بہتری آئی ہے ۔ جس پر ہم ڈپٹی ڈائریکٹر چوہدری ریاض احمد کو خراج تحسین پیش کرتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرزا عثمان شبیرمرحوم کے ایصال ثواب کیلئے ختم قل کی دعائیہ محفل آج مورخہ 13 فروری بروز جمعرات جامع مسجد جی ٹی روڈ والی نزد لنڈا بازار لالہ موسیٰ میں منعقد ہوگی
لالہ موسیٰ (محمدبلال احمد بٹ ) مرزا انجینئرنگ ورکس لالہ موسیٰ کے ایم ڈی مرزا غلام شبیر کے جواں سالہ بیٹے مرزا عثمان شبیر جو کہ گزشتہ روز ایک ٹریفک حادثہ میں جاں بحق ہو گئے تھے ، انکی روح کے ایصال ثواب کیلئے ختم قل کی دعائیہ محفل آج مورخہ 13 فروری بروز جمعرات جامع مسجد جی ٹی روڈ والی نزد لنڈا بازار لالہ موسیٰ میں منعقد ہوگی ۔ ختم قل صبح 10 بجے شروع ہو گا اور 11 بجے اجتماعی دعائے مغفرت ہوگی ۔ ختم قل میں شرکت فرما کر ثواب دارین حاصل کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرزا انجینئرنگ ورکس لالہ موسیٰ کے ایم ڈی مرزا غلام شبیر کے جواں سالہ بیٹے مرزا عثمان شبیر کی وفات پر تعزیت کرنے والوں کا تمام دن تانتا بندھا رہا
لالہ موسیٰ (محمدبلال احمد بٹ ) مرزا انجینئرنگ ورکس لالہ موسیٰ کے ایم ڈی مرزا غلام شبیر کے جواں سالہ بیٹے مرزا عثمان شبیر کی وفات پر تعزیت کرنے والوں کا تمام دن تانتا بندھا رہا ۔ علاقہ بھر کی سیاسی ، سماجی ، کاروباری ، مذہبی شخصیات نے مرزا غلام شبیر سے انکے صاحبزادے کی وفات پر اظہار افسوس کیا اور مرحوم کی روح کے ایصال ثواب کیلئے فاتحہ خوانی و دعائے مغفرت کی ۔ اظہار افسوس کرنے والوں میں چوہدری زبیر انور ایڈووکیٹ ، حاجی مرزا عبدالکریم ، ملک لیاقت علی اعوان ، حاجی مظہر حسین مرزا ، حاجی ارشد محمود النور ، ملک محمد انور ، ملک شوکت علی ، ندیم بٹ ، حاجی مرزا محمد اسلم ، ڈاکٹر وحید اقبا ل ، وحید شیخ ایم ڈی وحید کلاتھ ، مرزا نجیب ، مرزا امین و دیگر شامل تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوجوانوں میںانجکشن سے نشہ کی لت میں مبتلا ہونے او راسکی وجہ سے ایڈز جیسے خطرناک مرض میں اضافے کا رجحان تشویشناک ہے،ڈی سی او گجرات آصف بلال لودھی
لالہ موسیٰ (محمد بلال احمد بٹ)ڈی سی او آصف بلا ل لودھی نے کہا ہے کہ نوجوانوں میںانجکشن سے نشہ کی لت میں مبتلا ہونے او راسکی وجہ سے ایڈز جیسے خطرناک مرض میں اضافے کا رجحان تشویشناک ہے اس کے تدارک کے لئے انتظامیہ، این جی او ز او ر سول سوسائٹی کو ملکر کام کرنے کی ضرورت ہے۔ ضلع گجرات میں خصوصا انجکشن کے ذریعے نشہ لینے کا رجحان روکنے اور نئی نسل میں شعور اجاگر کرنے کے لئے جامع منصوبہ بندی کے ذریعے عملی اقدامات کئے جائیں گے۔ ان خیالات کا اظہار انہوں نے ڈسٹرکٹ ایڈز کونسل کے اجلاس سے خطاب کرتے ہوئے کیا۔ ا ی ڈی او ڈاکٹر نصرت ریاض، چوہدری محمد نواز، ایم ایس عزیز بھٹی ہسپتال ڈاکٹر طاہر نوید، صدر ڈسٹرکٹ بارایسویسی ایشن چوہدری رخسار احمد، گلوبل فنڈ انٹرنیشنل کی مینجر کوآرڈیینش اینڈ ٹریننگ مس عالیہ، ڈاکٹر روزی خان کاکڑ ، پراجیکٹ مینجر عاشر بھٹی، بلا ل مصطفی ، عمران شہزاد ، مبین الیاس ، عبدالحنان و دیگر بھی موجود تھے۔ ڈی سی او نے کہا کہ نشہ کی لت ایک سماجی برائی ہے جس سے نمٹے نے کے لئے باقاعدہ منصوبہ بندی کی ضرورت ہے تاکہ نہ صر ف انجکشن کے ذریعے بلکہ ہر قسم کے نشہ کی روک تھام ممکن ہو سکے اور ایڈز جیسے خطرناک مرض کا پھیلائو روکا جا سکے اس مقصد کے لئے ایسی منصوبہ بندی کی جائے کہ ہر فرد کے لئے ذمہ داری کا تعین کر دیا جائے ۔ انہوںنے کہا کہ ڈسٹرکٹ ایڈز کونسل میں موجودہ ممبران کیساتھ کالجز، سکولز ڈیپارٹمنٹ اور چیمبر آف کامرس کا نمائندہ بھی شامل کیا جائے۔ انہوںنے پولیس کو ہدایت کی کہ نشہ آور انجکشن کی فروخت اور نوجوانوں کو اس جانب راغب کرنے والوں کا محاسبہ کرنے کے لئے اپنی ذمہ داریاں ادا کرے۔ اس سے قبل بریفینگ دیتے ہوئے گلوبل فنڈ انٹرنیشنل کی مینجر کوآرڈیینش اینڈ ٹریننگ مس عالیہ، ڈاکٹر روزی خان کاکڑ نے بتایا کہ ملک بھر میں انجکشن سے نشہ حاصل کرنیو الواںمیں گجرات دوسرے نمبر پر ہے اور ابتک ایسے 1432افراد کی رجسٹریشن ہو چکی ہے اور ان میں سے 448میں ایچ آئی وی ٹیسٹ پازیٹو آیا ہے۔ انہوںنے بتایا کہ انجکشن کے ذریعے نشہ حاصل کرنیو الوںمیں 43فیصد 18سال سے کم عمر، 41فیصد 25سال سے کم عمر، 10فیصد 30سال سے کم عمر اور 6فیصد تیس سال سے زائد عمر کے ہیں۔ انہوںنے بتایا کہ حیرت انگیز طور پر انجکشن کے ذریعے نشہ حاصل کرنیوالوںمیں 54فیصد میٹر ک یا اس سے زیادہ تعلیم یافتہ ہیں۔ انہوںنے بتایا کہ انکی تنظیم زندگی گلوبل فنڈ انٹرنیشنل اور نیشنل ایڈز کنٹرول پر وگرام کے تحت نشہ حاصل کرنیوالے ان افراد کو ایک ہی انجکشن کے استعمال سے روکنے کے لئے ، انکی بحالی اور خاندان کے دیگر افراد کو ایڈز سے بچائو کے لئے عملی کا وشیںکر رہی ہے اور اس مقصد کے لئے چاروں صوبوں کے 30اضلاع میں کام کیا جا رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں تجاوزات کی بھر مار ٹی ایم اے کی غفلت کی وجہ سے نہ صرف سروس روڈ بند
لالہ موسیٰ( محمد بلال احمد بٹ) لالہ موسیٰ میں تجاوزات کی بھر مار ٹی ایم اے کی غفلت کی وجہ سے نہ صرف سروس روڈ کی دونوں اطراف میں سبزی مندی اور فروٹ منڈی والوں نے دھڑلے سے تجاوزات کر رکھی ہیں بلکہ مین بازار،بوہڑ بازار، دینہ چکیاں بازار، چھوٹا بازار،فیصل مارکیٹ اور چاندنی چوک سمیت کوئی بازار بھی تجاوزات سے پاک نہیں اے سے کھاریاں میاں اقبال مظہرکے بلند و بانگ دعوں کے باوجود جگہ جگہ رکشوں کے سٹینڈ بنے ہیں اور رکشے مین بازار میں پابندی کے باوجود دندناتے پھر رہے ہیںلوگوں نے شکائیت کی ہے کہ ٹی ایم اے کا عملہ من پسند افراد کو توتجاوزات کی کھلی چھٹی دے رہا ہے اور بااثر افراد کی دوکانوں پر لگے بڑے بڑے چھپروں کو تجاوزات کا عملہ ان دیکھا کر کے گزر جاتا ہے جبکہ نذرانہ نہ دینے والے دوکانداروں کو چھپر نہ اتار نے پر ایف آئی آردرج کروانے کی دھمکیاں دے رہا ہے شہریوں نے ڈی سی او گجرات سے شہر میں تجاوزات کے خلاف منصفانہ آپریشن کے ساتھ ساتھ ٹی ایم اے میں موجود کالی بھیڑوں کے خلاف کاروائی کا مطالبہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیل انتظامیہ کی دورنگی نے وزیراعلیٰ پنجاب کے میرٹ کی دھجیاں اڑادی ہیں،مہر طارق سعید
لالہ موسیٰ (محمد بلال احمد بٹ) تحصیل انتظامیہ کی دورنگی نے وزیراعلیٰ پنجاب کے میرٹ کی دھجیاں اڑادی ہیں ،ان خیالات کا اظہار ایگزیکٹو ممبرگجرات چیمبرآف کامرس مہرطارق سعید نے ایک بیان میں کیا ،انہوں نے کہاکہ اے سی کھاریاں نے تجاوزات کیخلاف آپریشن کے نام پرکیمپنگ گرائونڈ سمیت شہرمیں دکانوں کے آگے لگے ہوئے چھپراتروادیے لیکن چھوٹابازار،دینہ چکیاں بازروغیرہ میں تاجروں سے ڈیل کے سلسلہ میں دوبارہ چھپرنصب کروادیے جبکہ کیمپنگ گرائونڈ میں چھپراترے ہوئے ہیں انہوں نے کہاکہ اے سی کھاریاں اگروزیراعلیٰ پنجاب کے نمائندے ہیں تو میرٹ کابول بالا کرتے ہوئے دیگربازاروں سے بھی چھپراتروائیں یاپھرکیمپنگ گرائونڈ میں بھی چھپرنصب کرنے کی اجازت دی جائے ورنہ
کیمپنگ گرائونڈ کے تاجراحتجاج کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت عوام کے جان ومال کے تحفظ میں بری طرح ناکام ہوچکی ہے،ملک محمد رفیق
لالہ موسیٰ (محمد بلال احمد بٹ) شہیدوفاء سیدمنظورحسین شاہ کے دیرینہ ساتھی ملک محمدرفیق نے گزشتہ روزڈنگہ میں ایم این اے کے ڈیرہ سے موٹرسائیکل چوری کی واردات پرحیرت کا اظہارکرتے ہوئے کہاکہ اگراراکین اسمبلی کے ڈیرے بھی چوروں ڈاکوئوں سے محفوظ نہیں ہیں تو عام عوام کا کیاحال ہوگا،انہوں نے کہاکہ حکومت عوام کے جان ومال کے تحفظ میں بری طرح ناکام ہوچکی ہے اوریہ واحدحکومت ہے جسکی چھ ماہ کی کارکردگی بھی صفرہے اور عوام اس سے متنفردکھائی دیتے ہیں انہوں نے کہاکہ ن لیگ کے امیدواروں کو ووٹ دینے والے عوام اب پچھتارہے ہیں آنیوالا دورسادات خاندان کاہے ،جب بھی بلدیاتی انتخابات ہوئے سادات خاندان کے نامزدامیدواربھاری اکثریت سے کا میابی حاصل کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف لالہ موسیٰ وحلقہ پی پی 112کا اہم اجلاس انصاف مرکز لالہ موسیٰ میں ہوا
لالہ موسیٰ (محمد بلال احمد بٹ) پاکستان تحریک انصاف لالہ موسیٰ وحلقہ پی پی 112کا اہم اجلاس انصاف مرکز لالہ موسیٰ میں ہوا۔اجلاس کی صدرات ضلعی راہنما و سابق امیدوار صوبائی اسمبلی حلقہ پی پی 112 نوازش علی شیخ ایڈووکیٹ نے کی ۔اجلاس میں پی ٹی آئی کے ممبران پر مشتمل کمیٹیاں تھانہ کچہری،واپڈا،سوئی گیس،پی ٹی سی ایل اور دیگر محکموں کے کاموں کے لئے عوام کی راہنمائی کریں گے۔اجلاس میں مختلف محکموں کے حوالے سے تشکیل دی جانے والی کمیٹیوں کے ممبران کے ناموں کا اعلان کیا گیاجن میں دفتری امور کی کمیٹی کا انچارج ڈاکٹر اکرام الرحمن ہاشمی کو مقرر کیا گیاجبکہ بلدیاتی امور کی کمیٹی کا انچارج سہیل نواز خان،سوشل ویلفیئر کمیٹی کا انچارج طاہر رفیق بٹ،تھانہ کمیٹی چوہدری محمد احسن،واپڈا کمیٹی سید حسن رضا شاہ گیلانی،محکمہ ٹیلی فون کیلئے انچارج حاجی رفیق احمد دھامہ،سوئی گیس کیلئے حاجی عبدالرشید قریشی،تعلیمی کمیٹی کے انچارج سہیل نواز خان ،میڈیا کمیٹی میں غلام عباس بھٹہ،سپورٹس کمیٹی جنید رزاق اور دیگر ممبران کو ذمہ داریاں سونپی گئی ہیں۔اجلاس میں پاکستان تحریک انصاف کے راہنمائوں اور کارکنان جن میں حاجی چوہدری رفیق احمد دھامہ، سہیل نواز خان ،چوہدری اصغر اکبر علی،چوہدری محمد احسن،محمد شفیق مرزا،سید ندیم عباس شاہ،قاری عمر دراز،ذیشان علی شفقت،محمد شعیب مغل، مبشر بٹ،سید مظہر حسین شاہ،سید علی فائز شاہ،افضال احمد،امجد نوید شیخ اور دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی ایم اے میں ایک نیا گھپلا منظر عام پر آگیا
لالہ موسیٰ (محمد بلال احمد بٹ) ٹی ایم اے میں ایک نیا گھپلا منظر عام پر آگیا ۔ TMA کے سابق سپرینڈنٹ مہر غلام حیدر مرحوم اور کلرک غلام مصطفی مرحوم کی پنشن کے بقایا جات کا ایک لاکھ 57 ہزار کا چیک فنانس برانچ کی ملی بھگت سے کیش ہو گیا جبکہ پنشنرز کے ورثاء بھی آج بھی بقایا جات کیلئے دھکے کھا رہے ہیں ۔ AC کھاریاں میاں اقبال مظہر نے TOP کو انکوائری افسر مقدر کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
TMAکھاریاں اور یونین کونسلوں میں کمپیوٹرائزڈ رجسٹریشن فارموں کی عدم دستیابی ، عوام رل گئے
لالہ موسیٰ (محمد بلال احمد بٹ) TMAکھاریاں اور یونین کونسلوں میں کمپیوٹرائزڈ رجسٹریشن فارموں کی عدم دستیابی ، عوام رل گئے ۔ رجسٹریشن فارمز کے نہ ملنے سے مر دوخواتین اور بچوں کے دفاتر کے چکر اور کوسنے جبکہ ایمبیسیوں اور سرکاری دفاتر کیلئے فارمز نہ ملنے سے عوام دن بدن مشکلات اور مسائل سے درچار ہو رہے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ACکھاریاں میاں اقبال مظہر ان ایکشن کھاریاں کا سلاٹر ہائوس شہر سے باہر منتقل کرنے کے احکامات
لالہ موسیٰ (محمد بلال احمد بٹ) ACکھاریاں میاں اقبال مظہر ان ایکشن کھاریاں کا سلاٹر ہائوس شہر سے باہر منتقل کرنے کے احکامات ۔ AC میاں اقبال مظہر نے ایکشن TMA اور عملہ ریونیو کے ہمراہ ستار پورہ سلاٹر ہائوس کا دورہ کیا اور اسے فی الفور شہر سے باہر بد ر مر جان میں خریدے گئے ، رقبہ پر منتقل کرنے کے احکامات جاری ۔ AC کھاریاں نے فوڈ انسپکٹر کے ہمراہ عثمانیہ اور ماڈرن فلو ر ملز کا معائنہ اور آٹے کا نمونہ حاصل کرتے ہوئے انہیں صفائی بہتر بنانے اور ہیلتھ سر ٹیفکیٹ پیش کرنے کی ہدایات کیں ۔ AC کھاریاں نے تحصیل ہیڈ کوارٹر ہسپتال کا دورہ بھی کیا اور وہاں صفائی کے بہتر انتظامات کیلئے عملے اور بالخصوص سٹال مالکان کو سخت احکامات دئیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر اعلیٰ پنجاب کے پنجاب سپورٹس فیسٹیول میں تحصیل کھاریاں کی 10ٹیموں کو ضلع گجرات میں اول آنے پر مبارکباد پیش کرتے ہیں،اے سی کھاریاں
لالہ موسیٰ (محمد بلال احمد بٹ) وزیر اعلیٰ پنجاب کے پنجاب سپورٹس فیسٹیول میں تحصیل کھاریاں کی 10ٹیموں کو ضلع گجرات میں اول آنے پر مبارکباد پیش کرتے ہیں اور امید ظاہر کرتے ہیں کہ ڈویژن اور صوبہ کی سطح پر یہ کھلاڑی تحصیل کھاریاںکا نام روشن کریں گے ۔ ان خیالات کا اظہار AC کھاریاں میاں اقبال مظہر نے میڈیا سے گفتگو کرتے ہوئے کیا ۔ انہوں نے کہا کہ تحصیل کھاریاں کی 10ٹیموں جن میں کرکٹ ، ہاکی ، والی بال ، بلیرڈ ، اتھلیٹکس ، باڈی بلڈنگ ، ویٹ لفٹنگ ، چیس ، آرم ریسلنگ ، ٹک آف وار شامل ہیں جس میں ضلع کی بہترین ٹیموں کا اعزاز حاصل کیا ۔ جس پر اہلیان تحصیل کھاریاں کو ان پر فخر ہے ۔ انہوں نے کہا کہ کھاریاں کی 10 ٹیموں سے اہلیان کھاریاں کو ڈویژن اور صوبہ کی سطح پر بہترین کارکردگی کا مظاہرہ کرنے کی بھرپور امیداور توقع ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محلہ کمیٹی دفتر میں چوری کی دلیرانہ واردات ، نامعلوم چور عرصہ دراز سے بند پڑے اویل ہائوس کی ہر قیمتی شے لے اڑے
لالہ موسیٰ (محمدبلال احمد بٹ) محلہ کمیٹی دفتر میں چوری کی دلیرانہ واردات ، نامعلوم چور عرصہ دراز سے بند پڑے اویل ہائوس کی ہر قیمتی شے لے اڑے ۔ متاثرین کا پولیس کارروائی کرنے سے گریز ، کینیڈا میں مقیم غلام نبی اویل کے گھرنا معلوم چور داخل ہو کر قیمتی اشیاء لے اڑے جسکا علم گجات میں مقیم انکی صاحبزای کے گھر کے اچانک وزٹ کے دوران ہوا جبکہ انہوں نے قانونی کارروائی کروانے سے انکار کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایس ایچ او تھانہ صدر لالہ موسیٰ جاوید گجر کی قیادت میں پولیس نے دو اشتہاری ملزمان سے ناجائز اسلحہ بر آمد کر لیا
لالہ موسیٰ (محمد بلال احمد بٹ) ایس ایچ او تھانہ صدر لالہ موسیٰ جاوید گجر کی قیادت میں پولیس نے دو اشتہاری ملزمان سے ناجائز اسلحہ بر آمد کر لیا ۔ تفصیل کے مطابق صدر پولیس لالہ موسیٰ نے ایس ایچ او تھانہ صدر چوہدری جاوید گجر کی قیادت میں دو اشتہاری ملزمان آصف مسیح عرف عاسی سکنہ جٹووکل اور علی احمد کو گرفتار کر کے انکے قبضہ ڈکیتی کی وارداتوں میں استعمال ہونے والے دو ناجائز پسٹل 30 بور بر آمد کر لئے ہیں ۔ ملزم آصف مسیح دو لاکھ کی ڈکیتی میں نامزد ملزم بھی ہے ۔ پولیس مصروف تفیش ہے دوران تفتیش ملزمان سے اہم انکشافات کی توقع ہے۔
