ڈنگہ گندم سکینڈل ، 5 ملزمان پانچ روزہ جسمانی ریمانڈ پر ڈنگہ پولیس کے حوالے ، اینٹی کرپشن کی عدالت میں پیش
ڈنگہ ( محمد بلال احمد بٹ ) ڈنگہ گندم سکینڈل ، 5 ملزمان پانچ روزہ جسمانی ریمانڈ پر ڈنگہ پولیس کے حوالے ، اینٹی کرپشن کی عدالت میں پیش ۔ گندم کی ناقص خریداری پر وزیر اعلیٰ پنجاب میاں شہباز شریف کی خصوصی ہدایت پر ڈی سی او گجرات لیاقت علی چھٹہ نے مرکز خرید گندم ڈنگہ پر چھاپہ مار کر ڈی ایف سی ملک سفیان ، اے ایف سی آفتاب جمیل بٹ ، تحصیلدار کھاریاں ندیم مسعود بھرتھ ، مل مالکان سفران علی ، عرفان ریاض ، صوفی بلال گرفتار ، گندم خریداری مرکز ڈنگہ کے انچارج میثم عباس اور اے ایف سی آفتاب بٹ کی گرفتاری کے بعد سجاد احمد نائب تحصیلدار ، مرزا منور نائب تحصیلدار ، عامر عدنان گوندل نائب تحصیلدار کو مقرر کیا گیا ہے جبکہ فوڈ انسپکٹر لالہ موسیٰ وسیم عباس کو ڈنگہ کا بھی اضافی چارج دے دیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: جیو ٹی وی کے پروگرام میں گستاخانہ نشریات قابل مذمت ہیں،چوہدری ثاقب چیچی،عاشق چوہان
ڈنگہ (محمد بلال احمد بٹ ) چیچیاں کے ممتاز زمیندار چوہدری ثاقب چیچی اور عاشق چوہان ڈنگہ نے اپنے مشترکہ بیان میں کہا کہ جیو ٹی وی کے پروگرام میں گستاخانہ نشریات قابل مذمت ہیں انہوں نے کہا کہ غیر مسلم حکومت تو کوئی کاروائی نہیں کرتی اب حکومت کی خاموشی مسلمانان پاکستان کیلئے باعث تشویش ہے ، پروگرام کے پروڈیوسر ، کمپیئرنگ کرنے والے سمیت ملوث تمام افراد کے خلاف حکومت کو سخت کاروائی کرنی چاہیے ۔ اہل بیت کی شان میں گستاخی ناقابل معافی جرم ہے ۔ جیوٹی وی کا بائیکاٹ کیا جائے ۔ انہوں نے کہا کہ آزادی صحافت کے نام پر ایسی گھنائونی حرکات قابل مذمت ہے ظلم کی انتہا کی گئی ہے حکومت اور پیمرا اس معاملہ میں فوری نوٹس لے اور ذمہ دار ان کے خلاف کاروائی کی جائے ۔ ناموس اہل بیت پر جان قربان کرنا ایمان کا حصہ ہے ۔ جیو پروگرام میں اہل بیت کی گستاخی پر شدید احتجاج کرتے ہیں ۔ بدنام زمانہ ایکٹریس کی شادی پر اہل بیت اطہار کے اسماء اعظم سے منسوب کلام مقدس چلا کر بدعتِ مردودہ کو جنم دیا ہے جس سے اہل بیت اطہار سے عقیدت کو ایمان سمجھنے والوں کی سخت دل آزاری ہوئی ہے ۔ پیمرا سے اپیل کرتے ہیں کہ اس ناپاک جسارت پر جیوٹی وی چینل کو بند کیا جائے تاکہ سب گستاخان کو عبرت ہو ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بجٹ سے قبل ہی دالیں ، مشروبات کی قیمتیں بڑھا دی گئی ہیں
ڈنگہ (محمدبلال احمد بٹ ) بجٹ سے قبل ہی دالیں ، مشروبات کی قیمتیں بڑھا دی گئی ہیں ۔ ماڈل سستا بازار کے سٹال ہولڈرز نے بتایا کہ ہول سیل مارکیٹ میں دال ماش سفید 120کے بجائے 150روپے ، مونگ دال سفید 120کے بجائے 160روپے ، دال مسور 120کے بجائے 160روپے کلو ، 50کلو چینی کی بوری 2420کے بجائے 2480روپے میں فروخت کی جا رہی ہے ۔ جبکہ مشروبات کی قیمتوں میں بھی 15سے 20روپے فی بوتل اضافہ کر دیا گیا ہے ۔ ٹینڈے ، آلو ودیگر سبزیوں کی قیمتیں بھی بڑھ گئی ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری جاوید اقبال اور چوہدری قمر اقبال آف پنجن کی زیر سرپرستی پنجاب جشن بہاراں نیزہ بازی اختتام پذیر ہو گیا
ڈنگہ (محمد بلال احمد بٹ ) چوہدری جاوید اقبال اور چوہدری قمر اقبال آف پنجن کی زیر سرپرستی پنجاب جشن بہاراں نیزہ بازی اختتام پذیر ہو گیا ۔ جلسہ میں 954گھڑ سواروں نے شرکت کی جلسہ میں پنجاب بھر کے گھڑ سواروں نے اپنی مہارت کے جوہر دکھائے ۔ سنگل نیزہ بازی مقابلوں میں حاجی ملک اسد اللہ اترانے پہلی پوزیشن حاصل کی جن کا تعلق حضرت شیر ربانی کلب سے تھا ۔ جبکہ آئیڈیل شیرازی کلب کے رائے محمد افضل کلیار نے دوسری ، علی شہباز حیدر کلب کے چوہدری اعجاز احمد کو روتانہ نے تیسری پوزیشن اور چوہدری محمد زبیر لونا نے چوتھی پوزیشن حاصل کی سیکشن مقابلوں میں علی شاہ ، زیب کلب نے پہلی پوزیشن حاصل کی ۔ جس کی قیادت چوہدری نوازش علی رانجھا نے کی پاک بری شیرازی کلب نے دوسری پوزیشن حاصل کی فاتح کھلاڑیوں کو ہزاروں روپے کیش پرائز اور ٹرافیاں دی گئیں۔ پنجاب بھر میں انتہائی منظم اور کامیاب جلسہ کے انعقاد پر ہزاروں لوگوں نے چوہدری جاوید اقبال اور چوہدری قمر اقبال کو زبردست خراج تحسین پیش کیا ۔ جلسہ میں مہمان خصوصی وفاقی وزیر کھیل ریاض حسین پیرزادہ ، صوبائی وزیر خزانہ مجبتیٰ شجاع الرحمان ، پارلیمانی سیکرٹری ڈیفنس چوہدری جعفر اقبال ، چوہدری اعجاز احمد MNAمیاں طارق محمود MPA، ڈاکٹر جنرل پیمرا اشفاق جمانی ، بیرسٹر ضیاء ، سخت سمیت اہم ترین شخصیات نے شرکت کی دو روزہ جلسہ کو دیکھنے کے لیے ہزاروں افراد جلسہ گاہ آئے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ چوہدری قمر اقبال پنجن شہانہ کی سرپرستی آل پنجاب جشن بہاراں نیزہ بازی میلہ شاہ زیب کلب فاتح ۔ ملک اسد اللہ اترا سنگل کے چیمپیئن
ڈنگہ (محمد بلال احمد بٹ ) ملن میرج ہال ڈنگہ کے چیف ایگزیکٹو چوہدری جاوید اقبال امرہ ، پاکستان یونین ناروے کے صدر چوہدری قمر اقبال پنجن شہانہ کی سرپرستی آل پنجاب جشن بہاراں نیزہ بازی میلہ شاہ زیب کلب فاتح ۔ ملک اسد اللہ اترا سنگل کے چیمپیئن ۔ وفاقی وزیر کھیل ریاض حسین پیرزادہ ، صوبائی وزیر خزانہ مجبتیٰ شجاع الرحمن ، پارلیمارنی سیکرٹری ڈیفنس چوہدری جعفر اقبال ، اعجاز احمد چوہدری ، میاں طارق محمود ایم پی اے ، ڈی سی او گجرات لیاقت علی چھٹہ ، ڈی سی او گجرات رائے اعجاز احمد ، ڈی سی او منڈی بہائوالدین ، سابق تحصیل ناظم حاجی امتیاز احمد ، ڈائریکٹڑ پیمرا اشفاق جمانی ، بیرسٹر ضیاء احمد سخی ، اعجاز احمد پیارا جذبہ انٹرنیشنل ، وسیم اشرف بٹ صدر پریس کلب گجرات ، جاوید اقبال ماجرہ ، میاں مرغوب احمد ایم پیء اے ، میاں امجد حیات ، میاں اختر حیات کولیاں شاہ حسین سمیت درجنوں مہمان شخصیات نے جشن بہاراں نیزہ مقابل دیکھے اور شاندار انتظامات اور سرپرست جلسہ چوہدری جاوید اقبال او ر چوہدری قمر اقبال کو خراج تحسین پیش کیا ۔ ریاض حسین پیرزادہ وفاقی وزیر کھیل ، مجبتیٰ شجاع الرحمان صوبائی وزیر خزانہ ، چوہدری جعفر اقبال پارلیمانی سیکرٹری ڈیفنس ، اعجاز چوہدری ایم این اے ، میاں طارق محمود ایم پی اے ، ڈی سی او گجرات لیاقت علی چھٹہ ، ڈائریکٹر پیمرا اشفاق جمانی سمیت اہم ترین مہمان شخصیات کو چوہدری جاوید اقبال ، چوہدری قمر اقبال ، چوہدری ارشد محمود ، ڈاکٹر عامر جاوید چوہدری نے خصوصی شیلڈ پیش کیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر بھر میں چنگ چی رکشہ ، ٹریکٹر ٹرالی ، قلفیاں ،چھلیاں بیچنے والے اور پھیری والوں نے شہری رہائشی علاقوں میں اونچی آواز میں گانے سننے کا شوق شہریوں کے لیے سر درد بن گیا
ڈنگہ (محمد بلال احمد بٹ ) ڈنگہ شہر بھر میں چنگ چی رکشہ ، ٹریکٹر ٹرالی ، قلفیاں ،چھلیاں بیچنے والے اور پھیری والوں نے شہری رہائشی علاقوں میں اونچی آواز میں گانے سننے کا شوق شہریوں کے لیے سر درد بن گیا۔ شہریوں کی متعلقہ حکام سے نوٹس لینے کی اپیل ۔ ڈنگہ شہر کے مرکزی اور اندرون شہر روڈوں پر چنگ چی رکشہ سوار سواریوں کے ساتھ ساتھ اپنا موسیقی سننے والوں کا شوق بھی بڑی بے دردی سے پورا کرتے نظر آتے ہیں ۔ خود تو موسیقی کی سمجھ شائد ان کو کم ہی آتی ہو گی مگر شہریوں کو درد سر ضرور لگ جاتی ہے ۔ خصوصاً گلی محلے میں تنگ گلیوں میں رہنے والے مکینوں کو زیادہ اژیت سے گزرنا پڑتا ہے ۔ حیرت اس بات کی ہے کہ حکومت مسجدوں میں نعتیں پڑھنے والوں کو گرفتار کر لیتی ہے مگر نہایت اونچی آواز میں ذومعنی گانے لگانے والوں کے خلاف کوئی کاروائی کرنے سے گریزاں ہے ۔ یہی حساب ٹریکٹروں کا ہے جو شہر میں کوئی چیز وغیرہ لے کر آتے ہیں ان کا موسیقی سننے کے شوق کی قیمت شہریوں کو سر درد کی شکل میں ادا کرنی پڑتی ہے ۔ خصوصاً انٹرمیڈیٹ کے پیپرز دینے والے طلبہ کو شدید مشکل کا سامنا ہے ۔ خاص طور پر مریضوں کو جو شدید علالت کے باوجود یہ میوزک اور لائوڈ گانے سننے پر مزید بیماریوں کا شکار ہو رہے ۔ ڈنگہ شہر کے تمام باسیوں کی ارباب اختیار سے توجہ کی استدعا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :مقامی ایم پی اے کو اپنے آپ پر بھروسہ نہیں ہے تو پھر دوسرے لوگ کس طرح ان پر اعتماد کریں گے،چوہدری اعجاز احمد رنیاں
ڈنگہ ( محمدبلال احمد بٹ ) پاکستان مسلم لیگ ق حلقہ پی پی 113 کے سابق امیدوار صوبائی اسمبلی چوہدری اعجاز احمد رنیاں نے صحافیوں سے گفتگو کرتے ہوئے کہا کہ مقامی ایم پی اے کو اپنے آپ پر بھروسہ نہیں ہے تو پھر دوسرے لوگ کس طرح ان پر اعتماد کریں گے ۔ ایسی اوچھی حرکتیںوہ کبھی بھی شرمندگی یا پچھتاوا نہیں کرتا کیونکہ یہ اس کا پرانا وطیرہ ہے ۔ ہم نے اس کے ساتھ عرصہ 25سال گزارا مگر اس میں وفا نہیں ہے ۔ انہوں نے کہا کہ ہم میں وہ تمام صلاحیتیں موجود ہیں ہم خود پر یقین کرتے ہیں ۔ اور ہر مشکل گھڑی کا ڈٹ کر مقابلہ کیا ہے ۔ یہ مشکلیں کامیابی کے دروازے تک لے جاتی ہیں ۔ اسی لیے حلقہ پی پی 113 کے عوام ہم پر اندھا اعتماد کرتے ہیں ۔ انہوں نے کہا کہ مقامی ایم پی اے جیت کر بھی ہار چکا ہے اور ہم ہار کر بھی حلقہ پی پی 113 میں جیت چکے ہیں ۔ ہم اچھے وقت کا انتظار کرتے ہیں اور ہمیشہ اپنی جدوجہد اور کامیابی پر یقین رکھتے ہیں۔ اپنی صلاحیتوں پر بھروسہ ہے ۔ چک پنڈی میں حنیف چوہان ، اکرم چوہان ، چوہدری برادران اور ہمارے سنگ ہیں ۔ انہوں نے تلخیاں اور سختیاں بھی برداشت کی ہیں وہ مصیبیتوں اور مشکلات سے انکار نہیں کرتے ۔ مقامی ایم پی اے کا وطیرہ ہے کے چالاکیوں سے حلقے کو چلائیں مگر حلقہ کی عوام اتنی با شعور ہو چکی ہے کہ وہ کھوٹے کھرے کی پہچان رکھتے ہیں ۔ ن لیگ کی پیداوار نے ہمیشہ دھاندلی ریکارڈ قائم کیے ہیں ۔ چوہدری برادران نے ہمیشہ اصولوں کی سیاست کی ہے اور انشاء اللہ تعالیٰ انہی کے نقشے قدم پر چلتے ہوئے حلقہ پی پی 113 میں ہمیں عوامی محبتوں کا پیار ملا اور ان محبتوں کے ہم قرض دار ہیں ۔ ہم نے ہمیشہ اللہ تعالیٰ کی ذات پر بھروسہ کیا ہے اور روایتی سیاست دانوں کو آئندہ انتخابات میں وہ شکست دیں گے کہ وہ حلقہ کو چھوڑ کر بھاگ جائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ڈاکٹر محمد سعید حسن مرزانے کیپٹل میڈیکل یونیورسٹی بیجنگ چائنہ سے MBBSکی ڈگری اعلیٰ پوزیشن میں حاصل کر لی
ڈنگہ(محمد بلال احمد بٹ)ایم ڈی ایچ فوڈز ڈنگہ کے چیف ایگزیکٹو مرزا عبدالستار،مرزا جاوید اقبال،مرزا عبدالجبار،سپین میں مقیم عطاء الرحمن مرزا،مرزا عبدالقیوم،مرزا عبدالسلام،حسن اینڈ کو کے بھائی مرزا عدیل عدیل ستار،مرزا قندیل ،مرا محمد رائو حسن،مرزا شہروز حسن،مرزا تیمورسہیل،مرزامحمد معاذ ،مرزا محمد حذیفہ،مرزا محمد دانس،مرزا محمد حبیب،مرزا ضرار حسن،مرزا طالب حسن،مرزا عزائم،ہزائم مرزا،محمد ھادی مرزا کے چچا چان،چوہدری محسن خورشید،چوہدری احسن خورشید،چوہدری عبدالباسط،مرزامحمد بلال،مرزا محمد شعیب،مرزا محمد ابوبکر،مرزا محمد اویس،مرزا محمد ریحان،مرزا محمد صفان کے ماموںمغل فیملی کی قد آور شخصیت مرزا محمد حسن(مرحوم و مغفور)کے فرزند ارجمند ڈاکٹر محمد سعید حسن مرزا،کیپٹل میڈیکل یونیورسٹی بیجنگ چائنہ سے MBBSکی ڈگری اعلیٰ پوزیشن میں حاصل کر لی فیملی اور دوست احباب کی جانب سے بے مثال کامیابی پر مبارکباد دینے والوں کا تانتا بندھ گیاکیپٹل میڈیکل یونیورسٹی بیجنگ چائنہ کے سالانہ کنونشن 2014ء میں چائنہ کی اعلیٰ شخصیات نے ڈنگہ کے سپوت ڈاکٹر محمد سعید حسن مرزا کو شاندار تعلیمی کارکردگی کے ساتھ ایم بی بی ایس کا امتحان پاس کرنے پر ڈگری دی،شہر اور علاقہ بھر کی عوامی سماجی سیاسی شخصیات معززین شہر عمائدین علاقہ نے مرزا فیملی کے سپوت داکٹر محمد سعید حسین مرزا کو میڈیکل کا امتحان پاس کرنے پر انہیں اور انکی فیملی کو مبارکباد دی اور ان کے لئے نیک تمنائوں کا اظہار کیا اور دعا کی کہ اللہ تعالیٰ سبحان تعالیٰ انہیں مزید کامیابیوں کامرانیوں سے سرفراز فرمائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ایم بی بی ایس کی ڈگری ملنے پر اللہ کریم کے حضور سجدہ شکر بجا لاتا ہوں،ڈاکٹر محمد سعید حسن مرزا
ڈنگہ(محمد بلال احمد بٹ)حال میں ایم بی بی ایس کی ڈگری حاصل کرنے والے ڈاکٹر محمد سعید حسن مرزا نے اپنے بیان میں کہا کہ الحمد اللہ میری بے مثال کامیابی اللہ سبحان تعالیٰ کا خاص فضل و کرم ،والدین کی دعائوں اور اساتذہ کرام کی محنت کا ثمر ہے،انہوں نے کہا کہ اپنی عظیم الشان کامیابی اور ایم بی بی ایس کی ڈگری ملنے پر اللہ کریم کے حضور سجدہ شکر بجا لاتا ہوں جس نے مجھے پیشہ مسیحائی کیلئے میڈیکل کی ڈگری سے نوازاہے انشاء اللہ بطور ڈاکٹر دکھی انسانیت کی خدمت کیلئے خود کو وقف کرنے کا عزم اورعہد کرتا ہوں دعا ہے کہ رب العزت مجھے اس نیک کام کی ہمت اور استقامت عطا فرمائے آمین،ڈاکٹرمحمد سعید حسن مرزا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سنی ایکشن کمیٹی ڈنگہ کے زیر اہتمام علامہ طاہر رضا کی قیادت میں عید گاہ سے میلاد چوک تک توہین اہل بیعت و صحابہ کے خلاف پر امن احتجاجی ریلی کا انعقاد
ڈنگہ(محمد بلال احمد بٹ)سنی ایکشن کمیٹی ڈنگہ کے زیر اہتمام علامہ طاہر رضا کی قیادت میں عید گاہ سے میلاد چوک تک توہین اہل بیعت و صحابہ کے خلاف پر امن احتجاجی ریلی کا انعقاد جیو چینلز پر اہل بیت اطہار اور شام میں مزارات صحابہ پر حملے کے خلاف ممتاز عالم دین علامہ طاہر رضا کی سرکردگی میں میاں امجد محمود،میاں خادم حسین،قاری محمد رمضان، ریاض احمد بٹ،حاجی محمدنواز،ملک اعجاز احمد،صفدر اقبال مغل،میاں عمران ایڈووکیٹ،ارشد منج، قاری ریاض احمد جلالی،قاری اشتیاق احمد سیالوی،احمد گجر ،منور انصاری، شریف چشتی،خالد سہیل بلو،غلام مصطفی بھٹی،حاجی محمدصدیق مغل،چوہدری محمد زمان،چوہدری علی ریا،ملک بابر حسین اعوان،مشتاق شاہ،گلزار احمد بھٹو،جاوید ڈار، شیخ رستم علی،میاں صدیق،قاری افضل،مولانا الیاس نقشبندی،منیر پسوال سہیل اشرف،ندیم اشرف،پیر ارشد،پیر آفتاب شاہ،میاں بشیر،عجب بٹ،حاجی مرزا یونس سمیت سینکڑوں شہریوں نے شرکت کر کے اپنے غم و غصہ کا اظہار کیا،شہر کے تمام کیبل آپریٹر جیو کے تمام چینلز بند کریں حکمران قانون کے مطابق توہین اہل بیعت کا ارتکاب کرنے والوں کو سزا ئیں دے وگرنہ انکے تخت و تاج اچاھلے جائیں گے علامہ طاہر رضا،ہم عظمت رسولۖ اور صحابہ کرم اہل بیعت اطہار کے پاسبان ہیں قاری اشتیاق احمد،گستاخان رسولۖ کو ڈھیل ہماری سستی کی بناء پر ملی ہے تمام سنی متحد اور یکجان ہو جائیں،قاری ریاض احمد،ہم پاکستان میں ظالمان کی مذمت کرتے ہیں حکمرانوں کی پراسرار خاموشی قبیح جرم ہے،عمران ایڈووکیٹ کا خطاب،شرکاء ریلی نے جنگ جیو کے خلاف احتجاجی بینرز اور کتبے اٹھا رکھے تھے اور انہوں نے جیو چینلز بند کرنے کا مطالبہ کیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حاجی چوہدری جاوید اقبال،چوہدری قمر اقبال کی سرکردگی میں دو روزہ جشن بہاراں و نیزہ بازی کے مقابلوں کے کامیاب انعقاد کے بعد اختتام پذیر ہو گیا
ڈنگہ(محمد بلال احمد بٹ)حاجی چوہدری جاوید اقبال،چوہدری قمر اقبال کی سرکردگی میں دو روزہ جشن بہاراں و نیزہ بازی کے مقابلوں کا کامیاب انعقاد وفاقی صوبائی وزراء اور اعلیٰ سرکاری آفیسرز کی شرکت حاجی چوہدری جاوید اقبال اور چوہدری قمر اقبال کی سرکردگی میں امرہ کلاں ملن میرج ہال کے قریب جشن بہاراں کی دو روزہ پروقار تقاریب میں وفاقی وزیر کھیل ریاض حسین پیرزادہ،صوبائی وزیر خزانہ مجتبی شجاع الرحمن،چوہدری اعجاز احمد ایم این اے،میاں طارق محمود ایم پی اے،مرغوب احمد ایم پی اے،حاجی چوہدری امتیاز احمد،ڈائریکٹر پیمرا اشفاق احمد اور دیگر مہمانوں کو حاجی چوہدری جاوید اقبال،چوہدری قمر
اقبال،ڈاکٹر عامر جاوید نے یادگاری شیلڈ پیش کیں،دو روزہ جشن بہاراں و نیزہ بازی کے مقابلوں میں پنجاب بھر سے اعلیٰ گھڑ سواروں نے شرکت کر کے زبردست یادگار پرفارمنس کا مظاہرہ کیا شرکاء تقریب عش عش کر اٹھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وفاق المدارس العربیہ پاکستان کے تحت سالانہ امتحانات2014ء 24مئی سے پورے ملک میں بیک وقت شروع ہونگے
ڈنگہ(محمد بلال احمد بٹ)وفاق المدارس العربیہ پاکستان کے تحت سالانہ امتحانات2014ء 24مئی سے پورے ملک میں بیک وقت شروع ہونگے جس میں اڑھائی لاکھ سے زائد طلباء و طالبات شرکت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :آج21مئی کو سرکاری حج سکیم کے تحت حج کرنے والوں کے ناموں کا اعلان کیا جائے گا
ڈنگہ(محمد بلال احمد بٹ)آج21مئی کو سرکاری حج سکیم کے تحت حج کرنے والوں کے ناموں کا اعلان کیا جائے گا،ایک لاکھ ستائیس ہزار حج درخواستوں کو کمپیوٹرائزڈ کیا جا رہا ہے مئی کے آخری ہفتہ میں عازمین کو حج مبارک کے خطوط لکھ دیئے جائیں گے نجی کمپنیوں کے کوٹہ کا جائزہ لینے کیلئے اجلاس ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :صدر مملکت آف پاکستان ممنون حسین2جون کوپارلیمنٹ کے مشترکہ اجلاس سے خطاب کریں گے
ڈنگہ(محمد بلال احمد بٹ)صدر مملکت آف پاکستان ممنون حسین2جون کوپارلیمنٹ کے مشترکہ اجلاس سے خطاب کریں گے،پارلیمنٹ کا اجلاس دو جون کو صبح گیارہ بجے پارلیمنٹ ہائوس میں طلب کیا گیا ہے جس میں صدرمملکت ممنون حسین خطاب کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سنی ایکشن کمیٹی ڈنگہ کے زیر اہتمام توہین اہل بیعت اطہارو صحابہ کے خلاف ریلی میں ریاض احمد بٹ و دیگر شرکت
ڈنگہ(محمد بلال احمد بٹ)سنی ایکشن کمیٹی ڈنگہ کے زیر اہتمام توہین اہل بیعت اطہارو صحابہ کے خلاف ریلی میں ریاض احمد بٹ ودیگر تاجروں کی بھر پور شرکت ،علامہ مولانا طاہر رضا کی سرکردگی میں ریاض احمد بٹ حاجی محمد نواز ،حاجی محمدیونس ڈار،مبین خاور بسوی،محمد شریف چشتی،حاجی منور گل،خالد سہیل بلو،مرزا انور ناز،حاجی محمد اسماعیل ٹوپہ،ملک ذوالفقار احمد،شیخ خرم،شیخ خالد محمود،چوہدری شاہد ریاض،ٹھیکیدار عبدالرشید،محمد ندیم قادری ،بائو محمد افضل،حاجی غلام مرتضی،ڈاکٹر محمد الیاس،ڈکٹر طارق محمود،عطاء اللہ بٹ،میاں بشیر احمد،جمیل لطیف،پیر آفتاب شاہ،محبوب عالم بٹ،حاجی محمد شریف مچھیانہ،انصر اقبال،افتخار علی عفت،محسن بٹ،صوفی خالد ،محمد اکرم،حاجی رشید احمد،غحفار خان،مہر بشارت،مہر مشتاق،حاجی محمد ضیاء چشتی،خاور حسین،حاجی عنایت و دیگر نے شرکت کی اور جیو نیوز اور شام میں مزارات صحابہ پر حملہ کرنے والوں کے خلاف احتجاج ریکارڈ کرایا اور اہل بیت اطہار کی توہین کرنے والے نیوز چینلز کو بند کرنے کا مطالبہ کیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ممتاز عالم دین خطیب مرکزی جامع مسجد عید گاہ صاحبزادہ محمد طاہر رضا کی سنی ایکشن کمیٹی کے عہدیداران و اراکین کے ہمراہ ریاض احمد بٹ کے دفتر خصوصی آمد
ڈنگہ(محمد بلال احمد بٹ)ممتاز عالم دین خطیب مرکزی جامع مسجد عید گاہ صاحبزادہ محمد طاہر رضا کی سنی ایکشن کمیٹی کے عہدیداران و اراکین کے ہمراہ ریاض احمد بٹ کے دفتر خصوصی آمدعلامہ مولانا محمد طاہر رضا نے اس موقع پر انکے کاروبار کی خیروبرکت اور انکی کامیابیوں کیلئے خصوصی دعا فرمائی،اس موقع پر صدر سنی ایکشن ڈنگہ میاں خادم حسین،قاری محمد رمضان نقشبندی،میاں محمد عمران ایڈووکیٹ،پیر عبدالرحمن ہاشمی،مولانا محمد عارف نورانی،قاری اشتیاق سیالوی،قاری مشتاق احمد جلالی،قاری فیاض احمد جلالی،مولانا محمد الیاس نقشبندی،قاری محمد آصف جلالی،صوفی خالد عطاری،قاری نعیم صابر سلطانی،ابوبکر صدیق مغل،ملک اعجاز احمد،حاجی غلام مرتضی بٹ،رجب علی چشتی،راجہ محمد اشرف،عطاء اللہ بٹ سمیت دیگر شخصیات موجود تھیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :رئیس اعظم نون ممتاز بزنس مین چوہدری صغیر نون26مئی کو انگلینڈ سے واپس وطن آئینگے
ڈنگہ(محمد بلال احمد بٹ)رئیس اعظم نون ممتاز بزنس مین چوہدری صغیر نون26مئی کو انگلینڈ سے واپس وطن آئینگے انکے دوست احباب عزیز و اقارب ان کا ایئرپورٹ پر والہانہ اور تپاک استقبال کریں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :الحاج محمد صادق بٹ کی سرکردگی میں ڈاکٹر اورنگزیب بٹ نے نور فاطمہ آئی اینڈ جنرل ہسپتال میں ڈاکٹر اور عملہ تعینات کر دیا
ڈنگہ(محمد بلال احمد بٹ)الحاج محمد صادق بٹ کی سرکردگی میں ڈاکٹر اورنگزیب بٹ نے نور فاطمہ آئی اینڈ جنرل ہسپتال میں ڈاکٹر اور عملہ تعینات کر دیا ایدھی آف ڈنگہ الحاج محمد صادق بٹ نے صحافیوں سے گفتگو کرتے ہوئے کہا کہ ماہر معالج ڈاکٹر
اورنگزیب بٹ نے نور فاطمہ ہسپتال میں ڈاکٹرز ،لیڈی ڈاکٹرز ،نرسنگ،پیرا میڈیکل سٹاف سمیت دیگر عملہ کے انٹرویو کئے ہیں انشاء اللہ ماہر آئی سپیشلسٹ ڈاکٹر کی تعیناتی کے ساتھ ہی نور فاطمہ ہسپتال کو عوام کیلئے کھول دیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :میاں طارق محمود ایم پی اے سابقہ الیکشن میں چوہدری اعجاز احمد رنیاں کے تاریخ ساز ووٹوں”تیزی سے بڑھتی ہوئی مقبولیت اور آئندہ الیکشن میں اپنی عبرتناک شکست کے خوف سے حواس باختہ ہو چکے ہیں۔چوہدری دلاور خان گکھڑ
ڈنگہ (محمد بلال احمد بٹ ) مسلم لیگ ق کے اوور سیز رہنما چوہدری دلاور خان (انگلینڈ )گکھڑ، چوہدری ریاض احمد (انگلینڈ )بھاؤ گھسیٹ پور ، چوہدری کاشف شہزاد (سپین )آف ڈھل بنگش ، چوہدری محمد اجمل ٹوپہ ، چوہدری عابد انور ٹوپہ ، چوہدری نزاکت علی نے اپنے مشترکہ بیان میں کہا ہے کہ میاں طارق محمود ایم پی اے سابقہ الیکشن میں چوہدری اعجاز احمد رنیاں کے تاریخ ساز ووٹوں”تیزی سے بڑھتی ہوئی مقبولیت اور آئندہ الیکشن میں اپنی عبرتناک شکست کے خوف سے حواس باختہ ہو چکے ہیں ۔ جھوٹی حماتیں اور شمولیتیں میاں طارق محمود کو آئندہ شکست سے نہیں بچا سکتیں ہیں اور نہ ہی اس طرح کے منفی ہتھ کنڈے اور حربے استعمال کر کے میاں طارق محمود اپنی تیزی سے گرتی ہوئی ساکھ کو بچا سکتے ہیں ۔ چک پنڈی کی چوہان برادری اور خونن برادری ، رنیاں برادران اور چوہدری برادران کے انتہائی قریبی بااعتماد اور سچے ساتھی ہیں ۔ ان کا مرنا جینا چوہدری برادران رنیاں برادران اور مسلم لیگ ق کے ساتھ ہے اور اس بات کو کسی صورت بھی جھٹلایا نہیں جا سکتا ۔ روزِروشن کی طرح عیاں اس حقیقت کو بھی میاں طارق محمود نے اخباری حربوں کے ذریعے دھندلانے کی کوشش کی ، لیکن چک پنڈی کی چوہان برادری اور خونن برادری نے محمد حنیف چوہان ، محمد اکرم چوہان سابق کونسلر ، سیٹھ غلام رسول سابق کونسلر کی قیادت میں پوری طاقت سے گزشتہ روز اخبارات میں شائع ہونے والی من گھڑت اور بے بنیاد خبر اور میاں طارق محمود کے اعلانِ حمایت کو مسترد کرکے یہ ثابت کیا کہ ان کا تعلق چوہدری اعجاز احمد رنیاں اور مسلم لیگ ق سے سچا اور پکا ہے ۔ جسے جھوٹ اور بد دیانتی سے ختم نہیں کیا جا سکتا ، ہم میاں طارق محمود کی طرف سے منفی اور اخباری ہتھ کنڈوں کے استعمال کی پرزور مزمت کرتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ (ن ) کے ساتھ کوئی تعلق نہیں ہے ۔ چوہدری برادران اور رنیاں برادران انتہائی قریبی ساتھی ہیں اور ہمیشہ رہیں گے،محمد اکرم چوہان و دیگر
ڈنگہ (محمد بلال احمد بٹ ) موضع چک پنڈی کی ممتاز سماجی اور سیاسی شخصیات محمد اکرم چوہان سابق کونسلر ، محمد حنیف چوہان ، سیٹھ غلام رسول سابق کونسلر ، حاجی بہادر خاں ، چوہدری محمد اسلم چوہان ، چوہدری محمد زمان چوہان ، تصور چوہان ، توصیف احمد چوہان ، ماجد چوہان ، طاہر زمان چوہان ، نعمان اکرم چوہان ، ارسلان چوہان نے اپنے ایک مشترکہ بیان میں کہا ہے کہ مسلم لیگ (ن ) کے ساتھ کوئی تعلق نہیں ہے ۔ چوہدری برادران اور رنیاں برادران انتہائی قریبی ساتھی ہیں اور ہمیشہ رہیں گے ۔ سنگ اور دھڑے کے پکے ہیں اور چوہدری اعجاز احمد رنیاں کے ساتھ ہمیشہ کندھے سے کندھا ملا کر کھڑے رہیں گے ۔ گزشتہ روز مقامی اخبارات میں ہماری طرف سے میاں طارق محمود کی حمایت کے حوالے سے غلط اور بے بنیاد خبر شائع کروائی گئی ۔ جس کا حقیقت سے کوئی تعلق نہیں ہے ۔ چک پنڈی کی چوہان برادری اور خونن برادری ترقیاتی منصوبوں کی گرانٹ نہیںہے جسے چالاقی اور ہیرا پھیری سے اپنے حق میں جہاں چاہا وہاں استعمال کر لیا ۔ میاں طارق محمود کا یہ وطیرہ بن چکا ہے کہ گرانٹ چوہدری جعفر اقبال ایم این اے منظور کروائے اور ایم پی اے صاحب اپنی تختی لگوانے اور افتتاح کرنے وہاں پہنچ جائیں ۔ اہلیانِ چک پنڈی باشعور اور جرأت مند لوگ ہیں ۔ جنہیں جواب دینا اچھی طرح آتا ہے ۔ گزشتہ روز چک پنڈی میں عبدالستار کھٹانہ نے ایم پی اے کو ناصر خونن کے گھر بلایا اور وہاں پر تمام اہلیانِ دیہہ کو اکٹھا کیا کہ گاؤں کے رستے کی تعمیر کے حوالے سے مشاورت کرنی ہے ، لیکن بعد ازاں اس معاملے کو انتہائی غلط انداز میں اعلانِ حمایت کے طور پر شائع کروا دیا گیا اور حقائق کے برعکس محمد حنیف چوہان کے نام کے ساتھ سابق کونسلر لکھ دیا گیا ، جبکہ وہ سابق کونسلر نہیں ہیں ۔ رنیاں برادران کے ساتھ ہمارا تعلق سیاسی ، نہیں ذاتی ہے اور ہمارے تعلقات کی بنیاد سچائی اور دیانتداری پر ہے ۔ جھوٹ اور بد دیانتی کی سیاست نہ کبھی ہمارا وطیرہ رہی ہے اور نہ ہی ہم اس کو پسند کرتے ہیں۔ مسلم لیگ ق کے ساتھ تعلق ہے اور ہمیشہ رہے گا ۔ مرنا جینا رنیاں برادران کے ساتھ ہے ۔ ہم امید کرتے ہیں کہ ایم پی اے میاں طارق محمود آئندہ ایسے منفی ہتھ کنڈوں سے باز رہیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:خلیفہ اجمیر شریف شیخ عظیم اللہ چشتی کی سرکردگی میں حضرت خواجہ معین الدین چشتی اجمیری کا سالانہ عرس مبارک27مئی کو ہو گا
ڈنگہ(محمد بلال احمد بٹ)شیخ سلیم اللہ شیخ نعیم اللہ،شیخ ندیم اللہ،شیخ عامر محمود،شیخ سلیم کی زیر نگرانی خلیفہ اجمیر شریف شیخ عظیم اللہ چشتی کی سرکردگی میں حضرت خواجہ معین الدین چشتی اجمیری کا سالانہ عرس مبارک27مئی کو ہو گا، پیر سید فصیح الدین سہروری نبیۖ کے حضور گلہائے عقیدت پیش کریں گے سالانہ عرس میںحضرت خواجہ معین الدین چشتی اجمیری کے موقع پر جامع مسجد عید گاہ ڈنگہ میں عظیم الشان محفل نعت منعقد ہو گی جس میں عالمی شہرت کے پیر سید فصیح الدین سہروری ،محمد عمیر علی قادری،قاری بابر ندیم نعت رسول مقبولۖ پیش کریں گے تلاوت کی سعادت زیشان اکرم حاصل کریں گے،جبکہ نقابت وقاص گل کریں گے،بڑی تعداد میں مسلمانان علاقہ شرکت کریںگے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکومت پنجاب نے اساتذہ کی ترقی کا طریقہ کار تبدیل کر دیا گیا
ڈنگہ(محمد بلال احمد بٹ)حکومت پنجاب کی جانب سے نوٹیفکیشن جاری ہوا ہے جس میں اساتذہ کی ترقی کا طریقہ کار تبدیل کر دیا گیا ہے،مذکورہ پالیسی سے اساتذہ میں تشویش کی لہر دوڑ گئی،جو میٹرک ایف اے یا بی اے کر کے ٹیچر بھرتی ہوئے تھے،قبل ازیں سروس مدت کے لحاظ سے بھی اساتذہ کر پروموشن مل جاتی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :نواحی گائوں کوٹ اسلم کا بوڑھا ٹرانسفارمر علاقہ کے مکینوں کے مکینوں کیلئے مصیبت بن گیا
ڈنگہ(محمد بلال احمد بٹ)نواحی گائوں کوٹ اسلم کا بوڑھا ٹرانسفارمر علاقہ کے مکینوں کے مکینوں کیلئے مصیبت بن گیا،آئے روز جل جل جانا معمول بن گیا،ٹرانسفارمر کی اصل قیمت سے زیادہ مرمت کی مد میں اہلیان علاقہ سے وصول کر لئے گئے اہلیان حلقہ نے اسے فوری تبدیل کرنے کا مطالبہ کیاہے۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :مرکز ڈنگہ کے گرلز بوائز پرائمری اور سرکاری سکولوں میں تقریباً 16000طلبہ کیلئے دستیاب سہولیات اور اساتذہ کی کمی کے باوجود داخلہ مہم جاری
ڈنگہ(محمد بلال احمد بٹ)مرکز ڈنگہ کے گرلز بوائز پرائمری اور سرکاری سکولوں میں تقریباً 16000طلبہ کیلئے دستیاب سہولیات اور اساتذہ کی کمی کے باوجود داخلہ مہم جاری کنٹریکٹ بنیاد پر کی گئی500سو سے زائد بھرتیوں میں سے مرکز ڈنگہ کو صرف تیرہ اساتذہ مہیا کے گئے،عارضی بنیادوں پر مرکز ڈنگہ میں تبدیل کئے گئے سات اساتذہ نے سیاسی بنیادوںپر تبادلے رکوا لئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ جیو ٹی وی کے پروگرام میں گستاخانہ نشریات قابل مذمت ہیں،چوہدری ساجدمحمود
ڈنگہ(محمد بلال احمد بٹ)بلدیاتی امیدوار وارڈ نمبر7ڈنگہ چوہدری ساجد محمود نے اپنے بیان میں کہا ہے کہ جیو ٹی وی کے پروگرام میں گستاخانہ نشریات قابل مذمت ہیں انہوں نے کہا کہ غیر مسلم حکومت تو کوئی کاروائی نہیں کرتی اب حکومت کی خاموشی مسلمانان پاکستان کیلئے باعث تشویش ہے،پروگرام کے پروڈیوسر ،کمپیئرنگ کرنے والے سمیت ملوث تمام افراد کے خلاف حکومت کو سخت کاروائی کرنی چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اہل بیت کی شان میںگستاخی ناقابل معافی جرم ہے،حاجی شاہد محمود بٹ
ڈنگہ(محمد بلال احمد بٹ)جنرل سیکرٹری بزم عاشقان مصطفی ڈنگہ حاجی شاہدمحمود بٹ نے اپنے اخباری بیان میں کہا ہے کہ اہل بیت کی شان میںگستاخی ناقابل معافی جرم ہے جیو ٹی وی کا بائیکاٹ کیا جائے،انہوں نے کہا کہ آزاد ی صحافت کے نام پر ایسی گھنائونی حرکات قابل مذمت ہے ظلم کی انتہا کی گئی ہے حکومت اور پیمرا اس معاملہ میں فوری نوٹس لے اور ذمہ داران کے خلاف کاروائی کی جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ ناموس اہل بیت پرجان قربان کرنا ایمان کا حصہ ہے،میاں افتخار احمد آف کولیاں شاہ حسین
ڈنگہ(محمد بلال احمد بٹ)معروف زمیندار راہنما پی ٹی آئی حلقہ پی پی113،بلدیاتی امیدوار وارڈنمبر2ڈنگہ میاں افتخار احمد آف کولیاں شاہ حسین نے اپنے بیان میں کہا ہے کہ ناموس اہل بیت پرجان قربان کرنا ایمان کا حصہ ہے،انہوں نے کہا کہ چیئر مین پاکستان تحریک انصاف عمران خان کا جیو کے بائیکاٹ کا فیصلہ درست ہے پاکستان تحریک انصاف جیو کے پروگرام میں اہل بیت کی گستاخی پر شدید احتجاج کرتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سنی ایکشن کمیٹی کے زیر اہتمام جیو اہلبیت اطہار کی توہین اورصحابہ اکرام کے مزارات کی شہادت کیخلاف ڈنگہ میں احتجاجی ریلی نکالی گئی
ڈنگہ (محمد بلال احمد بٹ) سنی ایکشن کمیٹی کے زیر اہتمام جیو ٹی وی کے مارننگ شو میں اہلبیت اطہار کی توہین ، شام میں حضرت خالد بن ولید اورحضرت اویس قرنی کے مزارات کی شہادت کیخلاف ڈنگہ میں احتجاجی ریلی نکالی گئی، کثیرتعداد میں مذہبی جماعتوں کے قائدین اور شہریوں کی احتجاجی ریلی میں شرکت ، تفصیلات کے مطابق سنی ایکشن کمیٹی کے زیر اہتمام گزشتہ روز ڈنگہ میں جیو ٹی وی کی طرف سے اہلبیت اطہار کی توہین کے خلاف احتجاجی ریلی نکالی گئی ، ریلی کی قیاد ت صاحبزادہ محمد طاہر رضاخطیب اعظم مرکزی جامع مسجد عیدگاہ ڈنگہ اور صدر سنی ایکشن کمیٹی میاں خاد م حسین نے کی احتجاجی ریلی میں میاں امجد محمود سابق چیئرمین بلدیہ ڈنگہ ، ملک بابر حسین اعوان صدر پاکستان تحریک انصاف ڈنگہ ، میاں محمد عمران ایڈووکیٹ ، محمد شریف چشتی ، قاری محمد رمضان نقشبندی ، قاری ریاض احمد جلالی ، سمیت دیگر راہنمائوں نے بھی شرکت کی ، احتجاجی ریلی میں دعوت اسلامی ، انجمن صدائے مدینہ ، میلاد کمیٹی ،انجمن طلباء اسلام ، مرکزی جماعت اہلسنت ،انجمن نوجوانان اہلسنت ، بزم عاشقان مصطفی ڈنگہ سمیت دیگر سیاسی ، مذہبی ،سماجی ،صحافتی اور تارجر تنظیمات نے بھی بھر پور شرکت کی ، احتجاجی ریلی مرکزی جامع مسجد عیدگاہ ڈنگہ سے شروع ہوکر میلاد چوک ڈنگہ پر اختتام پذیر ہوئی ، جہاں پر علمائے اہلسنت نے شرکاء ریلی سے خطاب کرتے ہوئے جیو ٹی وی کی طرف سے اہلبت اطہار کی شان میں گستاخی پر شدید غم و غصے کا اظہار کرتے ہوئے جیو ٹی وی کو بند کرنے کا مطالبہ کیا، احتجاجی ریلی سے خطیب اعظم مرکزی جامع مسجد عیدگاہ ڈنگہ صاحبزادہ محمد طاہر رضا، میاں محمد عمران ایڈووکیٹ ، سنی ایکشن کمیٹی ، علامہ ریاض احمد جلالی ، سمیت دیگر قائدین نے خطاب کیا ، ریلی میں متفقہ طور پر قرارداد منظور کی گئی جس میں ارباب اختیا ر سے مطالبہ کیا گیا کہ جیو ٹی وی کی طرف سے اہلبیت اطہار کی شان میں کی گئی گستاخی ناقابل معافی ہے لہٰذا جیو ٹی وی کو فی الفور بند کیا جائے اور جیو ٹی وی کے مالک میر شکیل الرحمن اور پروگرام کی میزبان ڈاکٹر شائستہ لودھی سمیت دیگر ذمہ داران پر توہین رسالت ایکٹ کے تحت مقدمہ درج کیا جائے ، تمام میڈیاکو ضابطہ اخلاق بناکر پابند کیا جائے جو آئین پاکستان ،اسلامی تعلیمات اور ہماری معاشرتی روایات کی حقیقی روح کے مطابق ہو اورمیڈیاپر ہمارے حقیقی اسلامی معاشرے کی عکاسی نظر آتی ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بجلی کی لوڈشیڈنگ کا خاتمہ حکومت کی پہلی ترجیح ہے،چوہدری جعفر اقبال ایم این اے
ڈنگہ(محمد بلال احمد بٹ)بجلی کی لوڈشیڈنگ کا خاتمہ حکومت کی پہلی ترجیح ہے،مسلم لیگ ن کی حکومت عوام کے اعتماد پر پورا اترے گی،ان خیالات کا اظہار ممبر نیشنل اسمبلی و پارلیمانی سیکرٹری دفاع چوہدری جعفر اقبال نے حلقہ این اے106میں جاری ترقیاتی کاموںکا جائزہ لیتے ہوئے مختلف وفود سے گفتگو کرتے ہوئے کیا انہوں نے کہا کہ میاں نواز شریف ملک کو خوشحالی کی طرف گامزن کرنے کیلئے اور میاں شہباز شریف پنجاب کو خوشحال بنانے کیلئے مصروف عمل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :میاں طارق محمود کی حلقہ کیلئے خدمات ناقابل فراموش ہیں،میاں اختشام اللہ اسلم
ڈنگہ(محمد بلال احمد بٹ)ڈنگہ شہر اور حلقہ پی پی113کی تعمیر و ترقی میں جو کردار ایم پی اے میاں طارق محمود نے اداکیا ہے اس کی تاریخ میں مثال نہیں ملتی ان خیالات کا اظہار توحید کریانہ سٹور کے ایم ڈی احتشام اللہ اسلم نے کیا انہوں نے کہا کہ میٹرنٹی ہسپتال میں لیڈی ڈاکٹر کی تعیناتی اور ڈنگہ لالہ موسیٰ کی تعمیرشروع کرانے پر علاقہ کی عوام میں خوشی کی لہر دوڑ گئی اور سب لوگ ایم پی اے کو خراج تحسین پیش کررہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ ملک شام میں صحابی رسولۖ حضرت اویس قرنی کے مزار مقدس کی بے حرمتی اور شہید کئے جانے پر تمام مسلمانوں کو انتہائی غم ہے،افتخار احمد افتخار
ڈنگہ(محمد بلال احمد بٹ)ملک شام میں صحابی رسولۖ حضرت اویس قرنی کے مزار مقدس کی بے حرمتی اور شہید کئے جانے پر تمام سلمانوں کو انتہائی غم اور افسوس ہوا ہے،عالم اسلام کے تمام حکمران اس بات کا نوٹس لیں اور ملک شام کے حکمرانوں سے احتجاج کریں ان خیالات کا اظہار محقق افتخار احمد افتخار نے ایک ملاقات میں کیا انہوں نے کہا کہ صحابی رسولۖ کے مزارات تمام مسلمانوں کے لیے احترام کی جگہ ہے اس کی بے حرمتی کسی بھی طرح قابل قبول نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈھنڈالی گرلز سکول کے قریب ٹرک کی چھائوں میں سویا مزدور ٹرک خود بخود سرکنے کے باعث ٹرک کے نیچے آکر جاں بحق ہو گیا
ڈنگہ(محمد بلال احمد بٹ)ڈھنڈالی گرلز سکول کے قریب ٹرک کی چھائوں میں سویا مزدور ٹرک خود بخود سرکنے کے باعث ٹرک کے نیچے آکر جاں بحق ہو گیا،تفصیلات کے مطابق26سالہ شادی شدہ تنویر احمد قولد منظور احمد سکنہ ڈھنڈالی بھوسہ بھرنے کی مزدوری کرتا تھا گذشتہ روز ڈھنڈالی میں کھڑے ٹرک کے نیچے سویا ہوا تھا کہ مبینہ طور پر ڈھلان کے باعث ٹرک خود بخود چل پڑا جس کے نیچے سویا ہوا تنویر احمد ٹائر کے نیچے آکر جاں بحق ہو گیا،جواں سال تنویر کی موت سے پورا گائوں سوگوار ہو گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پنجاب حکومت نے5ارب روپے کے رمضان پیکیج کا اعلان کر دیا
ڈنگہ(محمد بلال احمد بٹ)پنجاب حکومت نے5ارب روپے کے رمضان پیکیج کا اعلان کر دیا۔ وزیر اعلیٰ محمد شہباز شریف کاکہناہے کہ عوام کو رمضان بازاروں کے علاوہ اوپن مارکیٹ میں بھی آٹاسستے داموں فراہم کیا جا ئے گا،جبکہ2ہزار دستر خوان بھی لگائے جائیں گے۔ وزیراعلیٰ پنجاب کے زیر صدارت رمضان پیکیج کے حوالے سے اجلاس ہوا، جس میں فیصلہ کیا گیا کہ صوبے میں360 رمضان بازاراور334 فیئر پرائس شاپس قائم کی جائیں گی، جہاں دس اشیائے ضروریہ تھوک ریٹ پر دستیاب ہوں گی۔ محمد شہباز شریف نے کہا کہ رمضان بازاروں میں آٹے کے تھیلے کا رنگ سبز اور اوپن مارکیٹ میں خاکی ہو گا۔ انہوں نے ہدایت کی کہ صوبے میں سحری اور افطاری کے اوقات میں 2ہزار دستر خوان بھی لگائے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ڈی سی لیاقت علی چٹھہ نے ضلع میں زراعت کے فروغ اور فصلوں کی بہتر پیداوار کے لئے ماڈل فارمنگ کا آغاز کر دیا
ڈنگہ (محمد بلال احمد بٹ) ڈی سی لیاقت علی چٹھہ نے ضلع میں زراعت کے فروغ اور فصلوں کی بہتر پیداوار کے لئے ماڈل فارمنگ کا آغاز کر دیا گیا ہے اور اس مقصد کے لئے 164ترقی پسند کاشتکاروں کا انتخاب کر لیا گیا ہے محکمہ زراعت ان منتخب شدہ ترقی پسند کاشتکاروں کو فصل کی بوائی سے لیکر کٹائی تک ہر موقع پر ضروری تکنیکی معاونت فراہم کر یگا تاکہ فی ایکٹر پیداوار میں زیادہ سے زیادہ اضافہ ممکن ہو سکے۔ان خیالات کا اظہار انہوںنے کنجاہ کے علاقہ میں کسان کنونشن سے خطاب کرتے ہوئے کیا اس موقع پر ڈی او محکمہ زراعت چوہدری محمد صدیق، ای ڈی او محکمہ زراعت رائو خالد، ڈیپٹی ڈائریکٹرواٹر مینجمنٹ الفت حسین ،پی ایس او ندیم بٹ بھی موجود تھے۔ ڈی سی او لیاقت علی چٹھہ نے کہا کہ ماڈل فارمنگ کے لئے تحصیل گجرات سے100، تحصیل سرائے عالمگیرسے 54 اور تحصیل کھاریاں سے 10 ترقی پسند کاشتکاران کا انتخاب کیا گیا ہے ۔ انہوں نے کہاکہ منتخب شدہ ترقی پسندکاشتکاران کے فارمیز پر وقتا فوقتا ٹرینگ پروگرام کا انعقاد بھی کیا جائے گا تاکہ زیادہ سے زیادہ کاشتکاران کو جدید فارمینگ کی طرف راغب کیا جاسکے۔ انھوں نے اس موقع پر کہا کہ ضلع بھر میں کسانوں کے مسائل اوجاگر اور حل کرنے کے لئے لوکل سطح پر کمٹیاں بنائے جائے گی او ر ابن کمیٹوں کے ممبران اپنے مسائل کے حوالے سے کسی بھی وقت مجھ سے مل سکتے ہیں۔ انھوں نے کسانوں سے اپیل کی کہ غیر معیاری بیج، جعلی کھادیں اور ادوایات کے استعمال سے پرہیز کریں جو فی ایکٹر پیداوار کو متاثر کرتی ہیں جبکہ انھوں نے محکمہ زراعت کو ہدایت کی کہ کاشتکاران کو ملاوٹ سے پاک اور مقررہ نرخوں پر کھاد اور زرعی ادوایات کی فراہمی کو یقینی بنایاجائے۔اس سے قبل ای ڈی او زراعت رائو خالد محمود اور ڈی او زراعت توسیع محمد صدیق نے بھی کنونشن سے خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :اسلام آباد ہائیکورٹ نے چیئرمین پی سی بی ذکا اشرف کو بحال کر دیا اور نجم سیٹھی کی عبوری کمیٹی کو غیرقانونی قرار دیدیا
ڈنگہ(محمد بلال احمد بٹ)اسلام آباد ہائیکورٹ نے چیئرمین پی سی بی ذکا اشرف کو بحال کر دیا اور نجم سیٹھی کی عبوری کمیٹی کو غیرقانونی قرار دیدیا۔ عدالت عالیہ کی سنگل بنچ نے چیئرمین پی سی بی تقرری کیس کا فیصلہ سناتے ہوئے نجم سیٹھی کی بطور چیئرمین پی سی بی تقرری کو کالعدم قرار دیا ہے۔ اسلام آباد ہائیکورٹ کے جسٹس انور الحق قریشی نے پاکستان کرکٹ بورڈ کے برطرف 38ملازمین کو بھی بحال کر دیا۔ عدالت نے اپنے فیصلے میں 10فروری 2014ء کو جاری ہونے والے نوٹیفکیشن جس کے تحت نجم سیٹھی کو چیئرمین پی سی بی مقرر کیا گیا تھا، اسے بھی کالعدم قرار دیتے ہوئے بورڈ میں بنائی جانیوالی عبوری کمیٹی کو بھی ختم کرنے کا حکم دیا۔ چیئرمین پی سی بی ذکا اشرف نے عدالتی فیصلے پر خوشی کا اظہار کرتے ہوئے کہا ہے آج کے فیصلے سے کرکٹ میں جمہوریت کی فتح ہوئی، کرکٹ کی بحالی کیلئے تمام اقدامات کریں گے۔ ان کا یہ بھی کہنا تھا عدالت کا حکم نامہ ابھی تک موصول نہیں ہوا، آج عدالتی آرڈر مل جاتا ہے تو سوموار کو چارج سنبھال لوں گا۔ اے این این کے مطابق نجی ٹی وی سے گفتگو کرتے ہوئے ذکا اشرف نے کہا اپنی بحالی پر اللہ تعالیٰ اور عدلیہ کا شکر ادا کرتا ہوں۔ میں کرکٹ کی خدمت کرنا چاہتا ہوں، نجم سیٹھی کے دور میں کوئی بھی غلط فیصلہ ہوا ہو گا تو اسے تبدیل کر دوں گا۔ جو لوگ کرکٹ کیلئے فائدے مند ہوں گے انہیں رکھا جائیگا باقی کو باہر کر دوں گا جبکہ غلط چیزوں کو ختم کرکے اچھی چیزوں کو جاری رکھوں گا۔ انہوں نے کہا پہلے دن سے بگ تھری فارمولے کی مخالفت کر رہا تھا، بھارت سے سیریز اچھی بات ہے اس پر عمل ہونا چاہئے۔ انہوں نے کہا وزیراعظم نوازشریف بڑے لیڈر ہیں ہماری بات بھی سنیں میں ان سے ملنا چاہتا ہوں۔ وزیراعظم ملاقات کا وقت دیں۔ لاہور سے سپورٹس رپورٹر کے مطابق اسلام آباد ہائیکورٹ کی جانب سے دوسری بار معطل کئے جانے والے چیئرمین پی سی بی نجم سیٹھی نے کہا ہے ایس آر او کے ذریعے آیا تھا عدالت نے حکومت کے فیصلے کو معطل کیا ہے، اب حکومت اور ذکا اشرف جانے میں عدالت نہیں جائوں گا۔ قذافی سٹیڈیم میں میڈیا سے گفتگو کرتے ہوئے انکا کہنا تھا کرکٹ کے حوالے سے جلد قوم کو بڑی خوشخبریاں دینے جا رہے تھے، اسکے ساتھ ایک غیرملکی ٹیم کے ساتھ بھی بات چیت چل رہی تھی کہ وہ لاہور میں آکر انٹرنیشنل میچ کھیلے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میڈیا گروپس کی لڑائیوں سے سخت جدوجہد سے حاصل کی گئی جمہوری آزادی کو خطرات لاحق ہوگئے ہیں،بلاول بھٹو زرداری
ڈنگہ(محمد بلال احمد بٹ) بلاول بھٹو زرداری نے کہا ہے کہ میڈیا گروپس کی لڑائیوں سے سخت جدوجہد سے حاصل کی گئی جمہوری آزادی کو خطرات لاحق ہوگئے ہیں۔ ٹویٹر پر اپنے ٹویٹ میں میڈیا گروپس کی آپس کی لڑائی پر ردعمل ظاہر کرتے ہوئے انہوں نے کہا کہ میڈیا گروپس کے درمیان شدید لڑائیوں کا سلسلہ جاری ہے اور ان سے سخت جدوجہد سے حاصل کی گئی جمہوری آزادی کو ان لڑائیوں سے خطرہ ہے، ایسی صورتحال سے پاکستانی میڈیا کی آدم خوری کا تاثر مل رہا ہے۔ میڈیا گروپوں کی لڑائی سے لگتا ہے کہ وہ ایک دوسرے کو کھانے پر تلے ہوئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ رمضان المبارک میں عوام کو ریلیف دینے کیلئے لوڈشیڈنگ کا دورانیہ کم کیا جائیگا،عابد شیر علی
ڈنگہ(محمد بلال احمد بٹ) وزیر مملکت عابد شیر علی نے کہا ہے کہ رمضان المبارک میں عوام کو ریلیف دینے کیلئے لوڈشیڈنگ کا دورانیہ کم کیا جائیگا اور افطار و سحر کے دوران لوڈشیڈنگ نہیں کی جائیگی۔ میڈیا سے گفتگو میں وزیر مملکت پانی و بجلی عابد شیر علی نے کہا کہ الیکٹرانک اور پرنٹ میڈیا کے ذریعے نشر کیا جا رہا ہے کہ جہاں پر بجلی کی لوڈ شیڈنگ ہو رہی ہے وہاں مسئلہ چوری کا ہے۔ انہوں نے کہا کہ فیسکو کی بل ریکوری میں بہتری آئی ہے۔ عابد شیر علی نے کہا کہ حکومت نے فیصلہ کیا ہے کہ اب بجلی چوری کیخلاف بھرپور کارروائی ہوگی اورکسی کو نہیں بخشا جائیگا۔ وزیراعظم 30 مئی کو نندی پور پلانٹ کابھی افتتاح کرینگے جس سے بجلی حاصل کرکے نومبر دسمبر کے دوران گرڈ سسٹم میں شامل ہوجائیگی ۔ انہوں نے کہا کہ ملک کے سب سے بڑے پورٹ قاسم کا بھی افتتاح کردیا گیا ہے۔ وزیر مملکت پانی و بجلی نے کہا کہ بل کی عدم ادائیگی پر فیصل آباد سرکٹ ہائوس کی بجلی منقطع کردی گئی ہے۔ انہوں نے کہاکہ اتفاق رائے سے ہی کالاباغ ڈیم تعمیر کیا جائیگا۔ عابد شیر علی نے کہا ہے کہ فیصل آباد میں مسلم لیگ (ن) کے علاوہ کوئی سیاسی پارٹی کامیاب جلسہ نہیں کر سکتی، شیخ رشید لال حویلی میں چار سو افراد کا جلسہ نہیں کر سکے، حکومت قومی اداروں کے شانہ بشانہ ہے ،کسی کو مذہب اور اسلام سے کھیلنے کی اجازت ہر گز نہیں دیں گے، فیسکوریکوری کے حوالے سے فیصل ا?باد پہلے نمبر پر ہے۔ پاکستان کی سیاست کی ریت بن چکی ہے کہ ہارنے والی پارٹی نے دھاندلی کا شور مچانا ہوتا ہے، حکومت پاکستان اپنے اداروں کے شانہ بشانہ کھڑی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عمران خان کے الزامات بے بنیاد ہیں،افتخارمحمد چوہدری سابق چیف جسٹس آف پاکستان
ڈنگہ(محمد بلال حمد بٹ) سابق چیف جسٹس افتخار محمد چودھری نے عمران خان کے الزامات کو ایک بار پھر مسترد کرتے ہوئے کہاہے کہ الزامات بے بنیاد ہیں، ریٹائر ہونے سے پہلے عدلیہ نے ایک کروڑ 32 لاکھ مقدمات کے فیصلے کئے، کسی میڈیا سے میرا کوئی تعلق نہیں تھا، میں میڈیا کے کردار کا معترف ہوں۔ وہ ہفتہ کو نیویارک میں میڈیا سے گفتگو کر رہے تھے۔ انہوں نے کہا کہ ثبوت کے بغیر الزام تراشی مناسب نہیں، اس کا ثبوت لایا جائے۔ سابق چیف جسٹس نے کہا کہ ریٹرننگ افسروں اور الیکشن کمشن سے خط و کتابت اور ریکارڈ گواہ ہے کہ الیکشن کمشن پر عدلیہ کا کوئی دبائو نہیں تھا۔ انہوں نے کہا کہ میں پہلے بھی کہہ چکا ہوں کہ الیکشن سے چیف جسٹس کا کوئی تعلق نہیں ہوتا، ریٹرننگ افسر سیشن ججز ہوتے ہیں جنہیں ہائیکورٹ کے چیف جسٹس تعینات کرتے ہیں۔ انہوں نے کہاکہ میرے دور میں جوڈیشل پالیسی بنائی گئی جس کے تحت ججز ایگزیکٹو کا کام نہیں کرینگے جبکہ سیاستدانوں نے خود الیکشن کمشنر فخر الدین جی ابراہیم سے مل کر الیکشن سپروائزکروانے کا مطالبہ کیا تھا، ان لوگوں میں عمران خان بھی شامل تھے۔ انکا کہنا تھا کہ الیکشن سے متعلق عذرداریوں پر فیصلہ کرنا ٹربیونلز کا کام ہے سپریم کورٹ اس میں مداخلت نہیں کر سکتی تاہم ٹربیونلز کا کام تیز ہونا چاہئے تھا، ارسلان کیس کے حوالے سے انہوں نے کہاکہ عدالت فیصلہ دے چکی ہے، مزید بات نہیں کرونگا، سیاست سے متعلق سوال پر انکا کہنا تھا کہ یہ شجر ممنوعہ نہیں ہیں۔ تھنک ٹینک کے حوالے سے کام کر رہا ہوں تاہم یہ ابتدائی مراحل میں ہے۔ انکا کہنا تھا کہ عدالت صرف کیس سے متعلق افراد کو ہی طلب کرتی ہے چاہے وہ کتنا بڑا عہدیدار ہی کیوں نہ ہو۔ انہوں نے ایک سوال پر کہا کہ ناراض بلوچوں کو راضی کرنے کے حوالے سے کسی نے کوئی رابطہ نہیں کیا تاہم اگر کوئی کہے گا تو میں اس میں کردار کیلئے تیار ہوں۔دریں اثناء افتخار محمد چوہدری نے خبردار کیا ہے کہ کسی نے طالع آزما کی تو اسے عدلیہ بحالی تحریک کو نہیں بھولنا چاہئے، مارشل لاء کا راستہ ہمیشہ کیلئے بند کیا جاچکا ہے اب کسی طالع آزما نے مارشل لاء لگانے کی کوشش کی تو زبردست مزاحمت ہوگی۔ 31 جولائی 2009ء کے فیصلے کے بعد اب نہ تو کوئی جج اور نہ ہی پارلیمنٹ کسی غیر آئینی اقدام کی توثیق کریگی۔ افتخار محمد چودھری نے کہا کہ پاکستان میں سب اچھا نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موجودہ حالات میں علمائے کرام امن و امان کے قیام میں اہم کردار ادا کر سکتے ہیں،ڈی پی او گجرات رائے اعجاز احمد
ڈنگہ(بیوروچیف) ڈی پی او گجرات رائے اعجاز احمد نے کہا ہے کہ موجودہ حالات میں علمائے کرام امن و امان کے قیام میں اہم کردار ادا کر سکتے ہیں انہوں نے کہا کہ میرے دروازے ہر شہری کیلئے کھلے ہیں ، ہمیں مل کر گجرات کے امن و امان کیلئے کام کرنا ہے اور جو شر پسند عناصر امن و امان میں رکاوٹ بن رہے ہیں ، ان کے خلاف اتحاد کا مظاہرہ کرنا ہے ، اس موقع پر ڈی سی او گجرات لیاقت علی چٹھہ ، ایم پی اے حاجی عمران ظفر ، سابق ایم پی اے حاجی ناصر محمود بھی موجود تھے ، ڈی پی او گجرات نے علمائے کرام پر زور دیا کہ وہ اپنے خطبوں میں مذہبی منافرت کے خلاف آواز اٹھائیں اور ایسے لوگوں کی نشاندہی کریں جو کہ اسلام کے خلاف کام کر رہے ہیں ، اور امن و امان کے قیام میں رکاوٹ ہیں ، حاجی ناصر محمود نے کہا کہ یہ پاکستان ہمارے بزرگوں نے حاصل کیا تھا ، اس کا تحفظ بھی ہم نے ہی کرنا ہے ، اور جو لوگ پاکستان کو نقصان پہنچانے کے درپے ہیں ایسی قوتوں کا ڈٹ کر مقابلہ بھی ہم نے کرنا ہے ، اس موقع پر علمائے کرام کی خدمات کو بھی سراہا گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ مختار فورس آفس پر حملہ اور جیو چینل پر اہلسنت کی کردار کشی کی بھر پور مذمت کرتے ہیں،چوہدری ایوب اوپل
ڈنگہ(محمد بلال احمد بٹ)ڈنگہ مختار فورس آفس پر حملہ اور جیو چینل پر اہلسنت کی کردار کشی کی بھر پور مذمت کرتے ہیں اور ضلعی انتظامیہ سے مطالبہ کرتے ہیں کہ ڈنگہ شہر میں ہونے والی دہشت گردی کے ملزمان کو گرفتار کیا جائے اور حکومت سے مطالبہ کرتے ہیں کہ جیو چینل کو بند کیا جائے چوہدری ایوب اوپل،ڈویثرن صدر تحریک نفاد فقہ جعفریہ نے اپنے پیغام میں بتایا ہے کہ اہلسنت کی گستاخی اور مختار فورس پر حملہ ناقابل برداشت ہے اگر موجودہ حکومت اور انتظامیہ امن چاہتی ہے ہے تو ہمارے مطالبات پر عمل کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ گذشتہ ایک سال کے دوران ملک میں مہنگائی میں بے تحاشہ اضافہ نے عام آدمی کی زندگی اجیرن بنا دی ،چوہدری ارشدمنج
ڈنگہ(محمد بلال احمد بٹ)راہنما پی ٹی آئی حلقہ پی پی113چوہدری ارشد منج نے اپنے بیان میں کہا ہے کہ گذشتہ ایک سال کے دوران ملک میں مہنگائی میں بے تحاشہ اضافہ نے عام آدمی کی زندگی اجیرن بنا دی ہے،حکومت آئندہ بجٹ میں سرکاری ملازمین کی تنخواہ میں اضافہ اور ریلیف دینے کے لئے ٹھوس اعلانات کرے،انہوں نے کہا کہ سرکاری ملازمین کی تنخواہ میں زیادہ سے زیادہ اضافہ کیا جائے جبکہ صنعتی ملازمین کی اجرت میں بھی قابل ذکر اضافہ کیا جائے،انہوں نے کہا کہ ن لیگ کی
قیادت اور حکمران سرکاری ملازمین کے مسائل کو سمجھیں اور انہیں حل کرنے کیلئے اپنی ذمہ داریاں نبھائیں،انہوں نے واضع کیا کہ حکومت نے تنخواہوں میں اضافہ کے حوالے سے مطالبات نظر انداز کئے تو پاکستان تحریک انصاف ہر قسم کے احتجاج میں ملازمین کی حمایت کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ فیصل آباد کے جلسے نے حکمرانوں نے نیندیں حرام کر دیں،ملک بابر حسین اعوان
ڈنگہ(محمد بلال احمد بٹ)صدر پی ٹی آئی ڈنگہ ملک بابر حسین اعوان نے اپنے بیان میں کہا ہے کہ فیصل آباد کے جلسے نے حکمرانوں نے نیندیں حرام کر دیں،اسلام آباد کی طرح فیصل آباد جلسے کو بھی ہر صورت کامیاب بنائیں گے گرفتاریوں سے نہیں ڈرتے،انشاء اللہ ہر صورت قافلہ ڈنگہ سے فیصل آباد جائے گا،انہوں نے کہا کہ پاکستان حکمران اسلام آباد کے جلسے سے بری طرح خوفزدہ ہیں، اب عوام اٹھ کھڑے ہوئے ہیں دھاندلی کے ذریعے اقتدار میں آنے والوں کا یوم حساب قریب آگیا ہے،اور انہیں اپنے کئے کا حساب دینا ہو گا اب اسے عوام کے سوالوں کے جوابات دینا ہوں گے،انہوں نے کہا کہ اس وقت تک احتجاج جاری رہے گا جب تک ہارے مطالبات تسلیم نہیں ہوتے،ن لیگ کو اب بھاگنے نہیں دیں گے اب تحریک انصاف کا سونامی کرپٹ حکمرانوں کو تنکے کی طرح بہا کر لے جائے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر میں آئی پی ایل کرکٹ میچ پر لاکھوں روپے کا جوائ،بکی سرعام،گلی محلوں ہوٹلوں پر سرعام جواء کروانے میں مصروف عمل
ڈنگہ(محمدبلال احمد بٹ)ڈنگہ شہر میں آئی پی ایل کرکٹ میچ پر لاکھوں روپے کا جوائ،بکی سرعام،گلی محلوں ہوٹلوں پر سرعام جواء کروانے میں مصروف عمل، جوئے سے غریبوں کے گھر بکنے لگے نوجوان نسل بے راہ روی کا شکار،جبکہ بکی بپھر گئے اور نوجوان نسل کو جواء کی طرف راغب کرنے لگے،بعض بکی تو نوجوان نسل کو جوئے کی دعوت دیتے ہوئے کہتے ہیں کہ ہمارے ہاں چھاپہ نہیں پڑے گا ہم پولیس کو منتھلی دیتے ہیں،اگر کوئی ہمارے خلاف خبر لگائے گا تو ہم اس کے خلاف پروپیگنڈہ کریں گے کہ انہوں نے ہم سے منتھلی مانگی ہے۔نوجوانوں کی اکثریت اس پرچی جوئے اور آئی پی ایل کرکٹ میچ سے کنگال ہو کر منشیات کی طرف راغب ہونے لگے ہیںعلاوہ ازیں پچھلے دنوں ڈی ایس پی کھاریاں نے مجرم پکڑنے کی بجائے منشیات کے خلاف ریلی کا انعقاد بھی کیا تاہم اب تک نا تو جوئے کے اڈے ختم ہو سکے ہیں اور نہ ہی منشیات کا خاتمہ ممکن ہو سکا ہے۔اگر پولیس ایمانداری سے پرچی جوئے اور منشیات فروشوں کے خلاف کریک ڈائون شروع کرے تو ایک ہفتے میں ڈنگہ سے جرائم کا خاتمہ ممکن جائے گا۔
