ڈنگہ :امیدوار برائے قومی اسمبلی حلقہ این اے106چوہدری نصر اقبال آف سکھ چیناں نے ڈنگہ میں مصروف ترین دن گزارا
ڈنگہ(محمد بلال احمد بٹ)امیدوار برائے قومی اسمبلی حلقہ این اے 106چوہدری نصر اقبال آف سکھ چیناں نے ڈنگہ میں مصروف ترین دن گزارا،ڈنگہ میں صحافیوں سے گفتگو کرتے ہوئے کہا کہ ایم این اے کی تنخواہ سے زیادہ میرے ملازم لیتے ہیں،ہمارا مشن نسل در نسل سیاست کا خاتمہ ہے،ہر حال میں الیکشن میں حصہ لوں گا،اور انشاء اللہ جیت کر بھی دکھائوںگا انہوں نے کہا کہ میں نے الیکشن لڑنے کا فیصلہ 2009ء میں کیا تھا لیکن پارٹی مسلم لیگ ن میں شمولیت ڈیڑھ سال قبل کی تھی،میں ن لیگ سے ہمدردی دکھتا ہوں میرا یہ ارادہ نہیں کہ ہم ن لیگ کے امیدوار کے ووٹ کو متاثر کریں گے ہم جیت بھی سکتے ہیں،مجھے الیکشن لڑنے کا شوق صرف اور صرف دکھی انسانیت کی خدمت ہے،ہمارامشن چوروں لٹیروں سے جان چھڑائی اور نسل درنسل سیاست کا خاتمہ ہے ہم چاہیں گے کہ ہم خیال دوست ہمارے ساتھ چلیںٰ ہم ان کا ساتھ دیں گے اور ہم جیت کر تعلیم ہیلتھ اوورسیز پاکستانیوں کے لیے ووٹ کا حق دلوانہ چاہتے ہیں،اور اسمبلیوں میں بھی ان کی نمائندگی کو یقینی بنانا چاہتے ہیں، او پی ایف سکول کی تعمیر ہماری پہلی ترجیح ہو گی،انہوں نے مزید کہا کہ لالہ موسیٰ میں ٹراما سنٹر شروع ہو چکا ہے دو مربع زمین دانش سکول کے لئے ہم نے دی لیکن بعد میں ان کی ڈیمانڈ 1500ایکڑ ہو گی جسے پورا کرنا مشکل ہے انہوں نے مزید کہا کہ پورے ملک میں تعلیمی نصاب ہونا چاہیے یہاں پر گورنمنٹ سکولوں کے نصاب الگ ہیں، اور پرائیویٹ کولوں کے الگ ہیں،اس نظام کو بدلنے کی ضرورت ہے ہماری بیس میں فرق ہے،اس کو ختم کرنا ہو گا،اور ہم عہد کرتے ہیں کہ ان کے حق کی آواز بلند کرنے کا سفرجاری ہے اور ہم غلط کو غلط اور صحیح کو صحیح کہیں گے اس موقع پر چوہدری نصیر کے ہمراہ چوہدری طارق محمود مہر ڈنگہ ،عاصم شہزاد سیفی سیکریالی بھی موجود تھے،اور ڈنگہ میں الحاج محمد صادق بٹ ،بشیر بلہڑ،بشارت علی طاہر اور دیگر سے ملاقاتیں کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : موضع دھوپ سڑی میں برسوں پرانے ویر کا میاں طارق محمود ایم پی اے نے راضی نامہ کروا دیا
ڈنگہ(محمد بلال احمد بٹ)موضع دھوپ سڑی میں برسوں پرانے ویر کا میاں طارق محمود ایم پی اے نے راضی نامہ کروا دیا،تفصیلات کے مطابق علاقہ ڈنگہ کے موضع دھوپ سڑی میں چار قتلوں نو زخمیوں اور دو گاڑیوں کے مکمل نقصان کا مستقل بنیادوں پر چوہدری غلام احمد گرپ اور چوہدری خضر حیات گروپ سکنہ دھوپ سڑی کا راضی نامہ میاں طارق محمو ایم پی اے نے کرا دیا اور دونوں فریقین کو ایک دوسرے سے گلے ملا دیا،چوہدری غلام احمد گروپ کے سربراہ حاجی فضل داد نے سینکڑوں معززین کی موجودگی میں خدا واسطے فی سبیل اللہ معاف کر دیا،صلح کے اس اکٹھ میں شرکت کرنے والوں میں اور اہم رول ادا کرنے والوں میں راجہ بشارت محمود ڈی پی او گجرات،کرنل ریٹائرڈپرویز،میاں سلطان میراں ڈی ایس پی اور میاں امجد محمود نے کلیدی کردار ادا کیا جبکہ راضی نامہ اکٹھ میںمحمد اسلم آف فتہ بھنڈ،میاں خالد رفیق آف سیکریالی،چوہدری شرافت علی ایڈووکیٹ سیکریالی،چوہدری خالد مہندی دھکڑانوالی،سید صغیر شاہ ایس ایچ او ڈنگہ،فضل احمد سپرا ایس ایچ او ککرالی،پیر امجد شاہ،چوہدری نصیر احمد سابق ناظم نور جمال،چوہدری رخسارجوڑا ،بائو اختر پسوال،چوہدری طارق علوانہ،چوہدری مذمل چیلیانوالہ،چوہدری محمد شریف دھکڑانوالی،چوہدری محمد اصغر ساہی باگڑیانوالہ،چوہدری صغیر رندھیر،چوہدری حسنین ناگڑیانوالہ،میاں خاں ڈوگہ جوڑا،چوہدری محمد اصغر ٹوپہ،چوہدری محمد اسلم ٹوپہ،چوہدری عظیم ڈھل بنگش،زاہد اکرم ایڈووکیٹ،چوہدری سجاد احمد خان ایڈووکیٹ کراڑی والا،مرزا نوید جوڑا،چوہدری شفاقت بھکنانوالی،نثار احمد مغل ممبر مصالحتی کمیٹی تھانہ ڈنگہ،چوہدری نوشیروا ں اسلم،میاں اسجد محمود،میاں بشیر ٹھولہ کرنانہ،خالد حسین ایڈووکیٹ،چوہدری محمد اسلم گمٹی،قیصر اسحاق مغل،محمد اشرف ملہی ایس آئی،غلام قادر ایس آئی،شاہد حسین ایس آئی،چوہدری محمد ارشد وڑائچ ایس آئی سمیت سینکڑوں اہم افرادنے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری غلام احمد گروپ کا دلی طور پر مشکور ہوں جنہوں نے میرا مان رکھتے ہوئے راضی نامہ کیا،میاں طارق محمود ایم پی اے
ڈنگہ(محمد بلال احمد بٹ)پاکستان مسلم لیگ ن کے مرکزی راہنما میاں طارق محمود ایم پی اے نے موضع دھوپ سڑی میں راضی نامہ کے تاریخی اکٹھ سے خطاب کرتے ہوئے کہا کہ چوہدری غلام احمد گروپ کا دلی طور پر مشکور ہوں جنہوں نے میرا مان رکھتے ہوئے میرے اور میاں سلطان میراں ڈی ایس پی کھاریاں اور کرنل پرویز کے کہنے پر راضی نامہ کرلیا،سال سے ہماری کوشش تھی کہ جو خداکے فضل سے بار آور ثابت ہوئی اس صلح سے علاقہ میں بہتری اور خوشحالی آئے گی یہ تمام کام خدا کی رضا کیلئے کیاہے اکٹھ کے موقع پر ڈی پی او گجرات راجہ بشارت محمود نے کہا کہ آج کی یہ تاریخی صلح سب کو مبارک ہو،میاں طارق محمود ایم پی اے اور معاف کرنے والے گروپ غلام احمد گروپ دونوں ہی خراج تحسین پیش کے مستحق ہیں انہوں نے کہا کہ بندوق کلچر کے خاتمے سے امن کو فروغ ملے گا اس صلح سے علاقہ کا امن بحال ہو گا پولیس کے پلیٹ فارم سے ہم ان کا قسم کا تحفظ کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حاجی سرور صراف کے ہاں قمر زمان کائرہ وفاقی وزیر اطلاعات اور ڈنگہ میڈیا کونسل کے اراکین آمد
ڈنگہ(محمدبلال احمد بٹ)حاجی سرور صراف کے ہاں قمر زمان کائرہ وفاقی وزیر اطلاعات اور ڈنگہ میڈیا کونسل کے اراکین آمد،ان سے اہلیہ کی وفات پر اظہار رنج و الم کیا،اس موقع پر قمر زمان کائرہ اور راناقاسم حسنین علی سرپرست ڈنگہ میڈیا کونسل نے اظہار خیال کرتے ہوئے کہا کہ اللہ تعالیٰ غم کی اس گھڑی میں اللہ تعالیٰ سوگواران کو صبر جمیل عطا فرمائے اوراللہ تعالیٰ مرحومہ کے درجات میں بلندی عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ضلع بھر میں ن لیگ کی کنفرمیشن،رات بھر افواہ ساز فیکٹریاں سرگرم رہیں
ڈنگہ(محمد بلال احمد بٹ)ضلع بھر میں ن لیگ کی کنفرمیشن،رات بھر افواہ ساز فیکٹریاں سرگرم رہیں،لوگ فون کر کے اخباروں کے دفاتر سے معلومات لیتے رہے،سیاستدانوں کی کسی بھی اعلان کی تردید صرف ایک سیاستدان کی طرف سے اپنی ٹکٹ کنفرم ہونے کا اقرار،تفصیلات کے مطابق گذشتہ رات کے وقت ضلع گجرات میں ن لیگ کی ٹکٹوں کی کنفرمیشن کے حوالے سے افواہ ساز فیکٹریاں سرگرم رہیںمختلف میسجز کے زریعے لوگوں کو بتایا جاتا رہا کہ فلاں سیاستدان کی فلاں حلقہ سے ٹکٹ کنفرم کر دی گئی ہے اور اس بات کا اعلان میاں نواز شریف کی سربراہی میں ہونے والے پارلیمانی اجلا س میں کیا گیا،افواہ پھیلتے ہی اخباروں کے دفاتر میں لوگوں کا تانتا بندھ گیا،مختلف لوگ صورتحال حال جاننے کی کوشش کرتے رہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مسلم لیگ ن کا پرچم ہر طرف لہرائے گا اور نام نہاد اتحادی اپنی موت آپ مر جائیں گے،چوہدری عابد رضا کوٹلہ
ڈنگہ(محمد بلال احمد بٹ)پارٹی قیادت نے جس طرح اعتما دکا اظہار کیا انشاء اللہ پہلے سے بڑھ کر مخلوق خدا کی خدمت اور مسلم لیگ ن کی مضبوطی کے لئے کام کریں گے اس وقت مسلم لیگ ن ہی واحد جماعت ہے جو قوم کی امیدوں پرپورا اتر سکتی ہے،ان خیالات کا اظہار مسلم لیگ ن کے راہنما چوہدری عابد رضا کوٹلہ نے کیا،انہوں نے کہا کہ مسلم لیگ ن کا پرچم ہر طرف لہرائے گا اور نام نہاد اتحادی اپنی موت آپ مر جائیں گے جنہوں نے قوم کو ماسیویوں کے سواء کچھ نہیں دیا۔
