پاکستان پیپلز پارٹی کو رجسٹرد کرانے کیلئے الیکشن کمیشن سے رجوع کی خوشی میں کارکنوں کاجشن ‘ مٹھائی تقسیم کی گئی

لاہور( پ ر)کارکنوں نے بینظیر بھٹو شہید کی دیرینہ ساتھی ناہید خان کی طرف سے پاکستان پیپلز پارٹی کو رجسٹرد کرانے کیلئے الیکشن کمیشن سے رجوع کی خوشی میں بھرپور جشن منایا ۔ مرکزی سیکرٹریٹ علامہ اقبال ٹائون میں کارکنوں نے تقریب کا اہتمام کیا جس میں مٹھائی تقسیم کی گئی اور ناہید خان’ صفدر عباسی اور سردار حر بخاری کے حق میں نعرے لگائے گئے۔ اس موقع پر ملک یوسف عادل’ ملک بابر’ رانا خالد’ملک جاوید گوجرہ’ سلیم خان’ سید ابور ذر بخاری’ وسیم عباس ‘ آصف عباسی اور دیگر نے ناہید خان کو مبارکباد دیتے ہوئے کہا کہ انہوں نے ثابت کر دیا کہ وہ پیپلز پاٹی کو ذوالفقار علی بھٹو شہید بینظیر بھٹو شہید کے مشن کے مطابق چلانے کیلئے جدوجہد جاری رکھے ہوئے ہیں۔ انہوں نے کہا کہ مفاد پرستوں نے اپنی گردن بچانے کے لئے عوام کی پیپلز پارٹی کو ایک این جی اوز قرار دیدیا ہے ۔