گجرات ( جی پی آئی ) سجادہ نشین آستانہ عالیہ غوث یگانہ چھالے شریف صاحبزادہ پیر سید انتصار الحسن شاہ نے کہا کہ گستاخانہ خاکوں کی اشاعت قابل مذمت ہے اور دنیا کا کوئی بھی مذہب اس طرح کا فعل کرنے کی اجازت نہیں دیتا اور اہل سنت کسی بھی طرح اس طرح فعل کی اجازت نہیں دینگے ۔ انہوں نے کہا کہ اہل سنت سواداعظم ہیں اور اہل سنت کے ساتھ کسی قسم کی زیادتی برداشت نہیں کی جائے گی ۔ انہوں نے کہا کہ اہل سنت کے حقوق کی حفاظت کیلئے سر دھڑ کی بازی لگیں گے اور اہل سنت کا وقار بلند کرینگے ۔ انہوں نے کہا کہ گجرات میں جس طرح اہل سنت کے حقوق پائمال کئے جا رہے ہیں یہ کسی بھی صورت برداشت نہیں ۔ انہوں نے کہا کہ اہل سنت پر امن ہیں اور یہ پر امن طریقہ سے اسلام کی تبلیغ کیلئے کوشاں ہیں اور اسلام کی تبلیغ سے دنیا کا کوئی بھی طاقت نہیں روک سکتی ۔ انہوں نے کہا کہ اہل سنت نے ہمیشہ ملک کی تعمیر و ترقی میں اہم کردار ادا کیا ہے ۔ پاکستان اہل سنت کی مشائخ نے حاصل کیا تھا ۔ اور اہل سنت ہی اس کے تحفظ کیلئے کوشاں ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) گجرات پراپرٹی ڈیلر کے انتخابات میں اتفاق گروپ نے بھاری اکثریت سے فتح حاصل کر لی ۔ راجہ سکندر صدر اور محمد وارث جنرل سیکرٹری منتخب ہو گئے ‘ پراپرٹی ڈیلر ایسوسی ایشن کے الیکشن جیل چوک گجرات میں منعقد ہوئے ‘ نو منتخب عہدیداران نے صدر راجہ سکندر نے97سینئر نائب صدر اشتیاق حسین نے 99′ جنرل سیکرٹری محمد وارث 97جوائنٹ سیکرٹری محمد واجد نے 90′ سیکرٹری اطلاعات غلام مصطفی نے 87’ فنانس سیکرٹری محمد ناصر نے 87ووٹ حاصل کئے ۔ اس موقع پر ضلع بھر سے پراپرٹی ڈیلرز کی کثیر تعداد موجود تھی ۔ پولیس کی بھاری نفری بھی تعینات تھی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) سٹیزن فرنٹ سٹی گجرات کے صدر شیخ عرفان پرویز نے پراپرٹی ڈیلرز ایسوسی ایشن کے انتخابات میں کامیابی حاصل کرنے پر منتخب صدر راجہ محمد سکندر و دیگر عہدیداران کو مبارکباد پیش کی ہے اور امید ظاہر کی ہے کہ نو منتخب عہدیداران پراپرٹی ڈیلرز کے مسائل کے حل کیلئے کام کرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)اسلامی نظریاتی کونسل پاکستان کے رکن اور امیر اہل سنت صاحبزادہ سید پیر سعید احمد شاہ گجراتی نے علماء اہلسنت اور آئمہ مساجد کے بہت بڑے اکٹھ سے خطاب کرتے ہوئے کہاکہ وہ کسی بھی صورت علماء اہل سنت کی عزت نفس مجروع نہیں ہونے دیں گے پولیس صرف سنی فرقہ کے علماء کرام کو تنگ کررہی ہے علماء کرام مشائخ عظام آئمہ مساجد کے خلاف ناجائز مقدمات فوری طور پر خارج کیے جائیں اگر ایک ہفتہ تک علماء کرام کے خلاف درج مقدمات اخراج نہ کیے گئے تو علماء اہلسنت کو لیکر سڑکوں پر نکلیں گے انہوں نے کہاکہ وہ گجرات میں انتظامیہ وپولیس کے ذمہ داران کو خبردار کرتے ہیں کہ اہل سنت کے صبرکا امتحان نہ لیا جائے علماء اہل سنت پرامن ہیں اور ہمیشہ انتظامیہ وپولیس کے ساتھ تعاون کیا ہے مگر انتظامیہ وپولیس علماء اہل سنت کو جھوٹے مقدمات درج کرکے ہراساں کررہی ہے اذان کے ساتھ سرکارمدینہ ۖ کے ساتھ درودوسلام پڑھنا اہل سنت کے ایمان کا حصہ ہے انہوں نے کہاکہ علماء کرام سے اپیل کرتے ہیں کہ وہ اپنے خلاف درج ایف آئی آر لیکر مرکز اہل سنت جامعہ شاہ ولائیت پہنچے تمام مقدمات ختم کرائیں گے انہوں نے کہاکہ دہشت گردی کی آڑ میں ضرب عضب کو ہراساں کیا جارہا ہے یہ آپریشن پاکستان کی بقاء کے لیے ہیں دہشت گردوں کے خلا ف آپریشن کی علماء اہل سنت مکمل حمائیت کرتے ہیں ۔صاحبزادہ سید پیر علی حسین شاہ گجراتی نے کہاکہ علماء اہلسنت نہ ہی معصوم اور نہ ہی مظلوم ہیں اپنا حق لینا جانتے ہیں گجرات اولیاء کرام کی سرزمین ہے نہ کسی ڈی سی او یا ڈی پی او کی ہے ہمیں پتہ ہے کہ ڈی پی او کا کس فرقہ سے تعلق ہے وہ صرف سرکاری ملازم بن کر رہے ایم پی اے حاجی عمران ظفر نے کہاکہ وہ ایم پی اے کی حیثیت سے یہاں نہیں آئے بلکہ عاشق رسول ۖ کی حیثیت سے علماء کرام کے پاس آئے ہیں وہ علماء اہل سنت کے خلا ف درج مقدمات کے خاتمہ کے لیے ڈی سی او اور ڈی پی او سے بات کریں گے ہمارے لیے تمام علماء کرام قابل احترام ہیں اور ان میں مذہبی ہم آہنگی پائی جاتی ہے ۔علامہ حکیم جواد الرحمان نظامی نے کہاکہ ڈی پی او صاحب اہل سنت کے علماء کو چھیڑ کر انجوائے کررہے ہیں مگر انکو مہنگا پڑے گا گجرات میں عاشق رسولۖ موجود ہیں ۔قاری ارشد نقشبندی نے کہاکہ علماء اہل سنت متحد ہیں وہ سرکاری انتظامیہ کے کسی اوچھے ہتھکنڈے استعمال نہیں ہونے دیں گے ایک کال پر گجرات سیل کردیں گے سید زاہد حسین شاہ نے کہاکہ گجرات کے گلی محلوں میں اہل سنت کے لوگ موجود ہیں جو حکم ملے گا عمل درآمد کریں گے اس موقعہ پر صاحبزادہ سید پیر حسن محمود شاہ گجراتی، مولانا اشرف نقشبندی، امیر علی منہاس ، مقبول الہٰی بٹ ،علامہ ابوتراب بلوچ ، قاری حسنات احمد جلالی ،ضیاء الرحمن عطاری دعوت اسلامی ، مولوی محمد یوسف راجپوت سمیت دیگر نے بھی خطاب کیا علماء اہل سنت کے اکٹھ میںقاری عنصر محمود ، انجم جلالی، راجہ محمد طاسین، صاحبزادہ نور محمد جاوید ، صاحبزادہ محمد فاروق نقشبندی سمیت دیگر بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز سیاسی و سماجی شخصیت چوہدری محمد عارف کٹھانہ آف چک پنڈی کے صاحبزادے چوہدری عامر عارف کٹھانہ رشتہ ازدواج میں منسلک ہو گئے، شادی کی تقریب میں ممتاز سیاسی، سماجی و کاروباری شخصیات نے بھرپور شرکت کی ، نکاح چوہدری ارشد علی آف چیچیاں باہووال کی صاحبزادی کے ساتھ طے پایا، بارات کا استقبال چوہدری رشد علی، نوابزادہ مظہر علی خاں ایم این اے، نوابزادہ حیدرمہدی ایم پی اے ، نوابزادہ طاہر الملک، چوہدری افتخار احمد آئی جی پنجاب ، چوہدری سلیم قاسم ایڈووکیٹ، چوہدری ندیم قاسم، عرفان صفدر، شہزاد اسلم وائس چیف آف ائیر سٹاف، چوہدری محمد اشرف نمبردار چیچیاں، چوہدری امجد علی، چوہدری عبدالرحمن، چوہدری شکیل انجم اجنالہ، چوہدری اشفاق احمد چیچی، سلیمان محمد خاں، چوہدری حسن محمود خاں چیچیاں، چوہدری ساجد علی پاسورٹ آفس نے کیا، شادی کی تقریب میں شرکت کرنے والوں میں نوابزادہ غضنفر علی گل، میاں طارق محمود، میاں امجد محمود ڈنگہ، ڈی ایس پی میاں سہیل فاضل، چوہدری عبدالستار کٹھانہ، چوہدری زاہد کٹھانہ، چوہدری محمد افضل دھو سرہالی، چوہدری اختر حسین جوڑا ایڈووکیٹ، چوہدری محمد احسن اجنالہ، چوہدری محمد اعظم اجنالہ، چوہدری افضال اکبر چیچی، چوہدری عمران مشتاق بامتہ ایڈووکیٹ، چوہدری علی اصغر حیات ایڈووکیٹ، چوہدری جاوید سرور مراڑیاں، چوہدری عاشق سرور مراڑیاں، چوہدری عمر حیات ، چوہدری عصمت الٰہی نمبردار ، چوہدری معظم علی نمبردار، حاجی عاشق حسین ، چوہدری فیصل محمود چیچی( بلونیا اٹلی)، چوہدری لیاقت علی شاہ پور، چوہدری محمد عارف کٹھانہ ، چوہدری نصر اللہ اگووال، چوہدی محمد اسلم سرائے ڈھنگ، سید علیم امتیاز جھنگی، چوہدری محبوب ربانی ، چوہدری منیر الزماں فتح پور، چوہدری ضمیر الزماں فتح پور، چوہدری تنویر فاضل ایڈووکیٹ، چوہدری احسن اصغر مکیانہ، چوہدری محمد ادریس ایڈووکیٹ، حاجی الطاف حسین بامتہ، چوہدری فرحان ارشد صابووال، چوہدری گل محمد کٹھانہ، محمد عالم قادری، عطاء الرحمان قادری ایڈووکیٹ، چوہدری منصوراختر ایڈووکیٹ، راجہ طارق محمود جذبہ ، ایم دائود خاں ، احسان اکرم گھرال و دیگر نے شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ایم ڈی سوئی گیس عارف حمید کی ہدایات کے مطابق سوئی گیس صارفین کو ریلیف فراہم کرنے کیلئے عملی اقدامات کا آغاز کر دیا گیا ہے ۔ صارفین کیلئے سوئی گیس دفاتر کے دروازے کھول دئیے گئے ہیں جبکہ کرپشن کے خاتمہ کیلئے جامع اقدامات کا آغاز کیا گیا ہے ان خیالات کا اظہار جنرل منیجر سوئی نادرن گیس گجرات ریجن احسان اللہ بھٹی نے چارج سنبھالنے کے بعد بات چیت کرتے ہوئے کیا انہوں نے کہا کہ سوئی گیس صارفین محکمہ کیلئے انتہائی محترم ہیں ان کے مسائل کا حل میری ترجیحات میں سر فہرست ہے ، جنرل منیجر سمیت تمام افسران کے دفاتر کے دروازے صارفین کیلئے ہر وقت کھلے ہونگے اور وہ بلا جھجک تمام افسران سے رجوع کر سکیں گے انہوں نے کہاکہ فیلڈ سٹاف کو ہدایات کر دی گئیں ہیں کہ جس صارف کا نیامیٹر لگایا جائے سروس لائن بچھائی جائے یا کوئی دوسری سروسز فراہم کی جائیں ان کے نام اور موبائل نمبرز حاصل کیے جائیں جبکہ وہ خود ان نمبروں پر رابطہ کر کے سٹاف کے رویہ بارے صارفین سے آگاہی حاصل کریں گے ۔ احسان اللہ بھٹی نے کہا کہ تمام تر مشکلات کے باوجود اور حکومتی پالیسی کے مطابق سوئی گیس صارفین کو ہر ممکن ریلیف فراہم کرنے کیلئے عملی اقدامات یقینی بنائے جائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ڈی سی او لیاقت علی چٹھہ ، ایم این اے چوہدری عابد رضا، ایم این اے چوہدری جعفر اقبال اور ایم پی اے چوہدری شبیر احمد نے کھاریاں میں 13کروڑ روپے لاگت سے واٹر سپلائی، سیوریج، گلیوں نالیوں کی تعمیر کے منصوبہ جات کا افتتاح کر دیا ہے ، یہ پراجیکٹ پبلک ہیلتھ ڈیپارٹمنٹ مکمل کرے گا، اس موقع پر ایم پی اے چوہدری محمد اشرف دیونہ، اے سی کھاریاں افشاں رباب، چوہدری تنویر گوندل اور بڑی تعداد میں معززین بھی موجود تھے۔ افتتاحی تقریب سے خطاب کرتے ہوئے ڈی سی او لیاقت علی چٹھہ نے کہا کہ پنجاب حکومت نے ضلع گجرات کے عوام کی ترقی کے لئے اہم منصوبہ جات کی منظوری دی ہے اور انکی تکمیل سے نہ صرف کھاریاں بلکہ ضلع گجرا ت ترقی یافتہ نظر آئے گا۔ انہوں نے کہا کہ ارکان اسمبلی کی طرف سے عوامی مسائل میں بھر پور دلچسپی اور انکے حل کے لئے عملی کاوشیں خوش آئند ہیں ، منتخب عوامی نمائندے جن منصوبہ جات کی منظوری حاصل کرتے ہیں وہ انتظامیہ کے پاس عوام کی امانت ہیں جنکی جلد از جلد تکمیل کے لئے تمام وسائل بروئے کار لائے جائیں گے۔ ڈی سی او نے واضع کیا کہ عوامی فلاحی منصوبہ جات کے دوران کسی قسم کی کرپشن ہرگز برداشت نہیں کی جائے گی اور دونمبری کرنے والوں کو جیل کی ہوا کھانا پڑے گی۔ ضلع میں میگا پراجیکٹس کے حوالے سے انہوںنے بتایا کہ دریائے چناب پر شہباز پور پل کی تعمیر کے لئے حکومت نے ابتدائی طو ر پر 15ملین روپے کے فنڈز جاری کر دیے ہیں اسی طرح 92ایکٹر اراضی پر ڈویژن کا سب سے بڑا شہباز شریف پارک تعمیر کیا جارہا جبکہ شاہین چوک پر فلائی اوور کا منصوبہ بھی منظور کیا جا چکا ہے۔ ایم این ایز چوہدری عابد رضا ، چوہدری جعفر اقبال اور ایم پی اے چوہدری شبیر احمد نے افتتاحی تقریب سے خطاب کرتے ہوئے کہا کہ ترقیاتی منصوبہ جات عوام کا حق ہے جسے ان تک پہنچایا جا رہا ہے۔ انہوںنے کہا کہ اب علاقہ میں کوئی قبضہ گروپ کسی شہری کی جائیداد پر قبضہ نہیں کر سکے گا اور نہ ہی پولیس ناجائز مقدمات درج کرے گی اسی طرح سرکاری دفاتر میں بھی سائلوںکی داد رسی ہوگی۔ انہوں نے کہا کہ جمہوریت میں اصل طاقت عوام ہوتے ہیں اور انہیں کی طرف سے دی گئی طاقت سے انکے نمائندے انکی خدمت کرتے ہیں جبکہ آج کا بھر پور استقبال اس بات کا ثبوت ہے کہ عوام حلقہ کے نمائندوں کی کارکردگی سے مطمئن ہیں۔ اس سے قبل ممتازسیاسی راہنما اسلم خان، صدر انجمن تاجران چوہدری شوکت، چوہدری شکیل احمد نے بھی خطاب کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی سی او لیاقت علی چٹھہ نے کہا ہے کہ وزیر اعلی پنجاب کے اعلان کے مطابق جلالپور جٹاں میں سپورٹس اسٹیڈیم کی تعمیر کے لئے 10ایکٹر اراضی حاصل کرلی گئی ہے ،علاقہ میں کھیلوں کے فروغ کے لئے اس اہم پراجیکٹ کی تعمیر فوری شروع کر دی جائے گی۔ ان خیالات کا اظہار انہوںنے منصوبہ کے لئے ایکوائر کی گئی اراضی کے معائنہ کے موقع پر کیا، ایم این اے نوابزادہ مظہر علی خاں، ایم پی اے میجر(ر) معین نواز، ای ڈی او فنانس چوہدری محمد اصغر، اے سی گجرات میاں اقبال مظہر، ڈی او سپورٹس سلمان علی، مسلم لیگ ن کے راہنما نوابزادہ طاہر الملک، چوہدری ظہور الہی، پی ایس او ندیم بٹ بھی اس موقع پر موجود تھے۔ ڈی سی او لیاقت علی چٹھہ نے کہا کہ وزیر اعلی پنجاب میاں شہباز شریف نے دورہ گجرات کے موقع پر عوامی مطالبہ پر جلالپور جٹاں میں اس اہم منصوبہ کی منظوری دی تھی جس پر 117ملین روپے خرچ ہوں گے۔ڈی سی او نے متعلقہ افسران کو ہدایت کی کہ پراجیکٹ پر کام آج سے شروع کر دیا جائے اور اسے جلد از جلد مکمل کیا جائے۔ انہوںنے بتایا کہ کمپلکس میں کرکٹ، فٹ بال، ہاکی اور دیگر کھیلوں کے لئے گرائونڈز بنائے جائیں گے۔ مقامی زمینداروں سے بات چیت کرتے ہوئے ڈی سی او نے کہا کہ زمین مالکان کو انکی اراضی کا معقول معاوضہ دیا گیا ہے ، زمیندار اراضی پر کاشت گنے کی فصل کاٹ سکتے ہیں جبکہ حکومت انہیں اسکا معاوضہ بھی دے گی اسی طرح جن کھیتوں میں گندم کی فصل کاشت ہے محکمہ زراعت کی طرف سے تخمینہ کے بعد انہیں بھی ادئیگی کی جائے گی۔ ایم این اے نواب زادہ مظہر علی خاں، ایم پی اے میجر(ر) معین نواز نے اظہار خیال کرتے ہوئے کہا کہ جلالپور سپورٹس اسٹیڈیم علاقہ کے لئے حکومت اور وزیر اعلی پنجاب کا عظیم تحفہ ہے جس سے کھیلوں کی سرگرمیوں کو فروغ ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ڈی سی او لیاقت علی چٹھہ نے فین انڈسٹری سے وابستہ افراد کو صنعتی اداروں میں استعمال کے لئے گیلن یا بوتل میں کھلا پٹرول حاصل کرنے کے لئے پی ایس او پمپ گجرات فلنگ اسٹیشن جی ٹی روڈ نزد عید گاہ کومجاز مقرر کر دیا ہے ۔ نوٹیفیکیشن کے مطابق گیلن یا بوتل میں پٹرول حاصل کرنے کے لئے متعلقہ صنعتی ادارہ پاکستان الیکڑک فین ایسویسی ایشن (پیفما) کے لیٹر پیڈ پر تحریری درخواست دے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان سنی تحریک گجرات نے گزشتہ روز گجرات پریس کلب میں فرانس اور دیگر یورپی ممالک کی طرف سے توہین آمیز خاکوں کی اشاعت کیخلاف احتجاج کیا احتجاجی تقریب سے خطاب کرتے ہوئے علامہ ایاز اختر نعیمی نے کہا کہ ناموس مصطفی ۖ کا تحفظ ہمارا سرمایہ حیات ہے ۔اور ہم یہ فریضہ جان پر کھیل کر ادا کرین گے ۔ امت مسلمہ توہین آمیز کی اشاعت کا بدلہ یورپی ممالک کی اشیاء کا بائیکاٹ کرکے ان ممالک کو معاشی نقصان پہنچا کر بھی لے سکتے ہیں ۔عالمی سطح پر توہین آمیزخاکوں کی اشاعت پر موجودہ حکمرانوں کی خاموشی ان کے کردار پر بہت بڑا سوالیہ نشان ہے۔ انہوں نے مزید کہا کہ اس وقت علماء اہل سنت کیخلاف متعصبانہ سوچ رکھنے والے افسران جھوٹے پرچے درج کرکے اہل سنت کی آواز کو دبانا چاہتے ہیں ۔جو ہمیں کسی صورت میں قابل قبول نہیں ۔علامہ محمد جمیل اعظمی نے کہا کہ یورپی ممالک کیخلاف بھر پور احتجاج امت مسلمہ کے اتحاد سے ہی ممکن ہے ۔ علامہ مشتاق قادری نے کہا کہ توہین رسالت کسی صورت برداشت نہیںکی جائے گی۔چاہے اس کے لیے ہمیں کتنی ہی قربانیاںکیوں نہ دینی پڑیں ۔پروگرام کی علامہ ایاز اختر نے صدارت کی ،جبکہ جید علماء کرام میں سے حکیم جواد الرحمن نظامی سیفی، قاری علی اصغر سعیدی ،علامہ مشتاق قادی گولڑوی ،علامہ محمد جمیل اعظمی ایڈیٹر ماہنامہ اہل سنت گجرات،علامہ فضل غنی قادری ،مولانا محمد عظیم قادری ، علامہ فیصل منیر قادری ،صدر سنی تحریک علماء بورڈ ،علامہ رفاقت علی قادری سنی تحریک علماء بورڈ ،مولانا طارق قادری ،کے علاوہ محمد شہبازبٹ صدر سنی تحریک لالہ موسیٰ ، حافظ جنید قادری سنی تحریک سٹوڈنٹ ونگ ،حاجی سعید بھٹہ جماعت اہل سنت گجرات ،ادارہ صراط مستقیم ، تبلیغ اسلامی اور دیگر تنظیمات کے نمائندوں نے شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی )بزم غنیمت و شریف کنجاہی کے زیر اہتمام پنجابی کے نامور شاعر ، ادیب ، محقق، دانشور پروفیسر محمد شریف کنجاہی کی آٹھویں برسی عقیدت و احترام سے منائی گئی ۔ بلدیہ کنجاہ میں ان کی یاد میں ایک محفل مشاعرہ کا انعقاد کیا گیا جس کی صدارت بزم غنیمت و شریف کنجاہی کے صدر منیر چشتی کنجاہی نے کی جبکہ مہمان خصوصی ممتاز کالم نگار افتخار بھٹہ تھے ۔ تقریب کے مہمانان اعزاز میں ایس ایچ او تھانہ کنجاہ میاں توصیف احمد ، کنجاہ پریس کلب کے صدر یاورعباس، مسلم لیگ ن کنجاہ کے جنرل سیکرٹری محمد شبیر سیفی ، ممتاز قانون دان چوہدری محمد علی منہاس ایڈووکیٹ تھے ۔ اس موقع پر شعراء کرام اور معززین شہر نے پروفیسر محمد شریف کنجاہی کو شاندار الفاظ میں خراج تحسین عقیدت پیش کیا اور کہا کہ پروفیسر محمد شریف کنجاہی ایک عہد ساز شخصیت تھی ۔ انہوںنے اپنے عمل کے ذریعے اپنے علم و فن کا لوہا نہ صرف پاکستان بللکہ دنیا بھر میں منوایا ۔ اس موقع پر افتخار بھٹہ ، ایس ایچ او تھانہ کنجاہ میاں توصیف احمد، سابق وائس چیئرمین بلدیہ کنجاہ حاجی نورمحمد آرائیں ، محمد شبیر سیفی، احسان فیصل کنجاہی اور دیگر نے اپنے خیالات کا اظہار جبکہ منیر صابری کنجاہی ، منیر حسین چشتی کنجاہی ، محمد اشرف نازک کنجاہی ، خالد منیر لودھی ، یاورعباس، حاجی نذیر احمد چکوڑی ، محمد بشیر ملنگ کاہنہ ، سلیم ڈار، علی احمد جھنڈیوال، حکیم عمران سہیل ، سید فضل حسین شاہ دھروڑکے ، میر اصغر دبیر سمیت دیگر شعراء کرام نے اپنا کلام پیش کیا۔ نقابت کے فرائض بزم غنیمت و شریف کنجاہی کے جنرل سیکرٹری ظفر ادیب نے سرانجام دئیے ۔ اس موقع پر سابق کونسلر بلدیہ کنجاہ یوسف مسیح ، کنجاہ پریس کلب کے نائب صدر سید اشفاق حیدر، ایڈیشنل جنرل سیکرٹری قمر رشید چشتی ، شیخ اسد ، ماسٹر محمد عظمت قریشی اور دیگر اہم شخصیات نے خصوصی طور پر شرکت کی ۔ پولیس چوکی سٹی کنجاہ کے عملہ نے سیکورٹی کے بہترین فرائض سرانجام دئیے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی )صحافیوں کے وقار کی بلندی اور کنجاہ پریس کلب کو فعال بنانے میں بھر پور کردار ادا کریں گے ۔ ان خیالات کا اظہار کنجاہ پریس کلب کے نومنتخب صدر یاورعباس نے اراکین پریس کلب اور معززین علاقہ کی موجودگی میں اپنے خطاب میں کیا ۔ انہوںنے کہا کہ کنجاہ پریس کلب کو ایک مثالی ادارہ بنائیں گے جہاں صحافیوں کی فلاح و بہبود کے لیے بہتر انداز سے کام ہوسکے ۔ انہوںنے کہا کہ کنجاہ پریس کلب کے دروازے ہر ورکنگ صحافی کے لیے کھلے ہیں جو بھی آنا چاہے گا اسے پہلے سے زیادہ عزت دی جائے گی۔ انہوںنے کہا کہ نئے ساتھیوں کی شمولیت سے پریس کلب کو توانائی ملی ہے ۔ انہوںنے مزید کہا کہ سابقہ کابینہ سمیت تمام نئے اور پرانے ساتھیوں کو ساتھ لے کر چلیں گے اور ان کی مشاورت سے پریس کلب کے امور چلائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی )کھاریاں کے ممتاز صحافی لیاقت علی قادری نے کنجاہ پریس کلب کے نومنتخب صدر یاورعباس اور ان کی پوری کابینہ کو دل کی اتھاہ گہرائیوں سے مبارکباد پیش کی ہے ۔ انہوںنے کہا کہ نومنتخب کابینہ تجربہ کار اور بہترین صلاحیتیوں کی مالک ہے ۔ ہم امید کرتے ہیں کہ نومنتخب کابینہ صحافیوں کے مسائل کو احسن طریقے سے اجاگر کرے گی اور صحافی برادری کی فلاح و بہبود کے لیے دن رات کوشاں رہے گی۔ انہوںنے کہا کہ علاقہ کے مسائل کو اجاگر کرنا اور حکام بالا تک پہنچانا صحافیوں کا کام ہوتا ہے پریس کلب کے پلیٹ فارم کے ذریعے کنجاہ کے عوامی مسائل کو ایوان اقتدار تک پہنچایا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی )مسلم لیگ ق جلالپورجٹاں کے ممتاز رہنما اور چوہدری برادران کے قریبی ساتھی عابد بٹ نے کنجاہ پریس کلب کے نومنتخب صدر یاورعباس اور ان کی پوری کابینہ کو دل کی اتھاہ گہرائیوں سے مبارکباد دی ہے ۔ انہوںنے کہا کہ نومنتخب کابینہ بہترین صلاحیتیوں کی مالک ہے ۔ ہم ان سے امید کرتے ہیں کہ وہ صحافیوں کی فلاح و بہبود کے لیے بہتر انداز سے کام کریںگے اور کنجاہ کے صحافیوں کے وقار میں اضافہ کا باعث بنیں گے۔ انہوںنے کہا کہ مسلم لیگ ق ان کے ساتھ اپنے بھر پور تعاون کا یقین دلاتی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی )مرکزی انجمن تاجران کنجاہ کے صدر سیٹھ قمر خورشید صراف نے کنجاہ پریس کلب کے نومنتخب صدر یاورعباس ، جنرل سیکرٹری شہباز سرور بٹ اور ان کی پوری کابینہ کو مبارکباد دی ہے ۔ انہوں نے کنجاہ پریس کلب میں نومنتخب عہدیداران سے گفتگو کرتے ہوئے کہا کنجاہ پریس کلب ملک بھر کا ایک مثالی ادارہ ہے کیونکہ یہاں کے صحافیوںنے ہمیشہ فلاحی کاموں میں سیاسی ، سماجی اور مذہبی تنظیموں سے بھی پہلے حصہ لیا ہے ۔ کنجاہ پریس کلب کو اس دفعہ پروفیشنل ٹیم میسر آئی ہے جس کی بدولت ہم امید کرتے ہیں کہ یہ ادارہ پہلے سے بھی زیادہ فعال ہوگا اور عوامی مسائل کے حل کے لیے کوشاں رہے گا۔ انہوںنے صحافی برادری کو اپنے بھر پور تعاون کی یقین دہانی بھی کرائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی )سنی علماء ومشائخ اور سنی امن کمیٹی ضلع گجرات کا بھر پور اجلاس زیر صدارت پیشوائے اہلسنت حضرت پیر محمد افضل قادری جامعہ سیدنا علی گجرات منعقد ہوا ۔صاحبزادہ پیر محمد افضل قادری نے خطاب کرتے ہوئے کہا: اداروں ،حکومت اور انتظامیہ میں موجود کچھ با اثر لوگ انسداد دہشت گردی کی آڑ میں پر امن اہلسنت اور دینی لٹریچر کے خلاف کریک ڈائون کر کے افواج پاکستان اور فوجی آپریشن کے خلاف خطرناک سازشوں میں مصروف عمل ہیں جبکہ پوری قوم کے خلاف جنگ کی بجائے صرف دہشت گردوں کی بیخ کنی کی ضرورت تھی۔انہوں نے اہلسنت وجماعت سے کہا: وہ ہر قیمت پر افواج پاکستان کا ساتھ دیں اور ضرب عضب کوکامیاب بنائیں تاکہ وطن عزیز امن وآشتی کا گہوارہ بن سکے ۔صاحبزادہ پیر محمد افضل قادری نے سنی علماء ومشائخ سے کہا: 27جنوری کو 1بجے دن داتا دربار تا پنجاب اسمبلی گستاخانہ خاکوں کے خلاف ناموس رسالت مارچ کے لئے تمام شہروں وقصبوں سے قافلوں کی صورت میں شریک ہوں ۔انہوں نے کہا: دینی کتابوں کے خلاف کسی صورت بھی کریک ڈائون قبول نہیں ہوگا ۔اہلسنت وجماعت کو اندریں صورتحال جامع تحریک چلانے اور قربانیاں دینے کے لئے تیار رہنا ہوگا وگرنہ دینی لٹریچر پر سخت پابندیاں لگ جائیں گی ۔انہوں نے حکومت اور انتظامیہ سے مطالبہ کیا کہ حافظ سعید امیر جماعة الدعوہ کو گجرات جلسہ کرنے سے روکا جائے اور جماعة الدعوہ اور تمام کالعدم تنظیموں کے خلاف بلا تاخیر کریک ڈائون کیا جائے ۔انہوں نے کہا: بڑی شرم کی بات ہے اسلامی جمہوریہ پاکستان میں تباہ کن فحاشی پر کوئی پابندی نہیں اور نظام تبلیغ اور لائوڈ اسپیکر کے جائز استعمال پر پابندی لگا کر دشمنان ِ اسلام کے ایجنڈے کی تکمیل کی جاری ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی )کنجاہ ڈنگہ روڈسے نامعلوم چورواپڈاکی لاکھوںروپے مالیت کی بجلی کی تاریںچوری کرکے لے گئے تفصیلات کے مطابق واپڈاسب ڈویژن کنجاہ ڈنگہ روڈ سے نامعلوم چورواپڈ اکی الیون کے وی کی چارسپین بجلی کی تاریںچوری کرکے لے گئے جس کی مالیت لاکھوںروپے بتائی جاتی ہے ایس ڈی اوکنجاہ میاںامتیازاحمدنے مقدمہ کے اندراج کیلئے تھانہ کنجاہ میںدرخواست دے دی ہے۔
