برصغیر کی ممتاز روحانی شخصیت صاحبزادہ الحاج پیر سید فضل حسین شاہ بخاری قادری المعروف سید العارفین شہنشاہ فضل رحمتہ اللہ علیہ کے 30 ویں سالانہ عرس
گجرات (جی پی آئی) برصغیر کی ممتاز روحانی شخصیت صاحبزادہ الحاج پیر سید فضل حسین شاہ بخاری قادری المعروف سید العارفین شہنشاہ فضل رحمتہ اللہ علیہ کے 30ویں سالانہ عرس پاک کی پہلی نشست کی بابرکت محفل پاک آستانہ عالیہ غوثیہ فضلیہ کھیپڑانوالہ شریف میں کرنل ریٹائرڈ صاحبزادہ پیر سید مسعود الحسن شاہ بخاری قادری کی زیر صدارت اور صاحبزادہ پیر سید محمود الحسن شاہ بخاری قادری سجادہ نشین آستانہ عالیہ غوثیہ فضلیہ کی زیر نگرانی انعقاد پذیر ہوئی، نقابت کے فرائض خاور بشیر بٹ گولڑوی نے سرانجام دئیے، جبکہ دارالعلوم جامعہ غوثیہ فضلیہ کھیپڑانوالہ شریف کے طالب علم قاری عبدالجبار قادری نے تلاوت قرآن پاک کا شریف حاصل کیا، تلاوت کے بعد صوفی محمد احسان قادری، حافظ محمد منیر، شفقت اللہ قادری اور حافظ غلام حسین لوراں نے ہدیہ نعت پیش کیا جس کے بعد پیر طریقت صاحبزادہ پیر سید محمود الحسن شاہ بخاری قادری، صاحبزادہ پیر سید فیضان الحسن شاہ بخاری قادری اور حضرت علامہ قاری شاہد چشتی نے خصوصی خطاب فرمایا، جبکہ کرنل ریٹائرڈ صاحبزادہ پیر سید مسعود الحسن شاہ بخاری قادری نے خصوصی دعا فرمائی، عرس مبارک میں اندرون و بیرون ممالک سے ہزاروں پیر بھائیوں، مریدوں عقیدت مندوں نے شرکت کی اور پیران کرائم صاحبزادہ پیر سید زاہد الحسن شاہ، صاحبزادہ پیر سید رخسار الحسن شاہ، صاحبزادہ پیر سید تجمل حسین شاہ، صاحبزادہ پیر سید زمان شاہ، صاحبزادہ پیر سید مبشر اعجاز شاہ و دیگر سادات کرام کی دست بوسی کی، پہلی نشست کے اختتام پر تمام شرکاء کو لنگر شریف کھلایا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹیزن فرنٹ ضلع گجرات کے سیکرٹری اطلاعات عامر چوہدری کو ان کی شاندار کارکردگی
گجرات (جی پی آئی) سٹیزن فرنٹ ضلع گجرات کے سیکرٹری اطلاعات عامر چوہدری کو ان کی شاندار کارکردگی پر دوسری مرتبہ سٹیزن فرنٹ ضلع گجرات کی طر ف سے حسن کارکردگی ایوارڈ دیا گیا، ضلعی صدر علی ابرار جوڑا و دیگر ممبران کی موجودگی میں ضلعی سینئر نائب صدر وسیم افضل جوڑا ایڈووکیٹ اور نائب صدر فراز ملک نے اپنے دست مبارک سے عامر چوہدری کو یہ ایوارڈ دیا، اس سے قبل بانی سٹیزن فرنٹ چوہدری محمد طفیل نے عامر چوہدری کی صلاحیتوں کو سراہتے ہوئے انہیں خصوصی ایوارڈ دیا تھا، یہ بات قابل ذکر ہے کہ گزشتہ پانچ سالوں کے دوران عامر چوہدری واحد عہدیدارا ہیں جنہیں دوسری مرتبہ اس ایوارڈ سے نوازا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز کاروباری شخصیت فیصل نذیر جہلمی، شہزاد نذیر جہلمی، بابر جہلمی، آفتاب تنویر جہلمی، سجاد تنویر جہلمی، ذوالفقار تنویر جہلمی کی والدہ محترمہ کو گزشتہ روز قبرستان بجلی گھر والا میں سپرد خاک کر دیا گیا
گجرات (جی پی آئی) ممتاز کاروباری شخصیت فیصل نذیر جہلمی، شہزاد نذیر جہلمی، بابر جہلمی، آفتاب تنویر جہلمی، سجاد تنویر جہلمی، ذوالفقار تنویر جہلمی کی والدہ محترمہ کو گزشتہ روز قبرستان بجلی گھر والا میں سپرد خاک کر دیا گیا، مرحومہ کے ایصال ثواب کیلئے ختم قل کی محفل آج صبح ساڑھے نو بجے جامع مسجد نور مدینہ محلہ سردار پورہ میں ادا کی جائیگی، تمام دوست احباب سے شرکت کی اپیل کی جاتی ہے، اس موقع پر خصوصی خطاب ممتاز عالم دین علامہ ابوتراب بلوچ کرینگے، دوست احباب سے شرکت کی اپیل کی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پبلک افیئرز کمیٹی وزیر اعلی سیکرٹریٹ محمدمنشا اللہ بٹ نے ڈی سی او گجرات آصف بلا ل لودھی کی طرف سے ضلع گجرات میں ترقیاتی منصوبوں اور عوامی مسائل بارے بریفنگ کو زبر دست سراہا
گجرات (جی پی آئی ) پبلک افیئرز کمیٹی وزیر اعلی سیکرٹریٹ محمدمنشا اللہ بٹ نے ڈی سی او گجرات آصف بلا ل لودھی کی طرف سے ضلع گجرات میں ترقیاتی منصوبوں اور عوامی مسائل بارے بریفنگ کو زبر دست سراہا۔ انکا کہنا تھا کہ ڈی سی او گجرات بھر طریقے سے عوامی مسائل اور ضلع کی ترقی کے لئے ضروریا ت سے پوری طر ح آگاہ ہیں جو انکی عوامی معاملات میں دلچسپی کا ثبو ت ہے۔ محمد منشا اللہ بٹ نے ڈی پی او گجرات سید علی ناصر رضوی اور ضلع گجرات میں افسران کی ٹیم کو بھی سراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ کے راہنماو سابق تحصیل ناظم چوہدری سعادت نواز اجنالہ نے کہا ہے کہ چوہدری ظہورالٰہی شہید کی 31 ویں برسی عقیدت و احترام سے منائی جائے گی
گجرات (جی پی آئی) پاکستان مسلم لیگ کے راہنماوسابق تحصیل ناظم چوہدری سعادت نواز اجنالہ نے کہا ہے کہ چوہدری ظہورالٰہی شہید کی 31 ویں برسی عقیدت و احترام سے منائی جائے گی۔ انہوں نے کہا کہ آج جس طرح پوری دنیا میں مسلم لیگ اپنے قائد کی برسی پر پورے جوش وجذبے سے انتظامات کر رہے ہیں۔ یہ مسلم لیگیوں کا اپنے قائد سے عقیدت کا رشتہ ہمیشہ قائم و دائم رہے گا۔ چوہدری سعادت نواز اجنالہ نے کہا کہ شہید جمہوریت چوہدری ظہور الٰہی شہید کی خدمات کا اطراف ان کے دشمن بھی کرتے ہیں کیوں کہ چوہدری ظہور الٰہی شہید وہ وفا کی تصویر تھے جنہوں نے ہمیشہ کارکنوں، ساتھیوں اور اپنے ملک کے حقوق کو پامال نہیں کیا بلکہ پورے ملک کی سالمیت اور بقاء کی خاطر جابر سے جابر حکمرانوں کے سامنے بھی وہ ڈٹے رہے۔ چوہدری سعادت نواز اجنالہ نے کہا کہ چوہدری ظہور الٰہی شہید ہمارے عظیم لیڈر تھے اور اُن کے بعد اُن کے سپوتوں نے ملک میں ترقی کا انقلاب برپا کیا۔ عوام کے مسائل اُن کی دہلیز پر حل کرائے۔ ضلع گجرات اربوں روپے کے میگا پراجیکٹ مکمل کروائے۔ تعلیم کے شعبہ میں یونیورسٹی کا قیام ایسا عظیم کارنامہ ہے جس کو پورے ضلع گجرات اور دیگر اضلاع والے بھی فراموش نہیں کر سکتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہید جمہوریت چوہدری ظہور الٰہی شہید کی 31 ویں برسی جرمنی کے شہر اکیل کی جامعہ مسجد میں نہایت عقیدت و احترام سے منائی جائے گی
گجرات (جی پی آئی) شہید جمہوریت چوہدری ظہور الٰہی شہید کی31ویں برسی جرمنی کے شہر اکیل کی جامعہ مسجد میں نہایت عقیدت و احترام سے منائی جائے گی۔ پاکستان مسلم لیگ کے راہنما و سابق تحصیل ناظم چوہدری سعادت نواز اجنالہ کی طرف سے برسی کے تمام انتظامات مکمل کرلئے گئے ہیں اور مسلم لیگ جرمن کے تمام عہدیداران کو دعوت نامے جاری کر دیئے گئے ہیں۔ 25 ستمبر کو چوہدری ظہور الٰہی شہید کی برسی کے موقع پر چوہدری وجاہت حسین ٹیلی فون پر خطاب کریں گے اور چوہدری سعادت نواز اجنالہ، چوہدری شجاعت نواز اجنالہ، چوہدری وجاہت نواز اجنالہ نے کہا ہے کہ ہم نے تمام مسلم لیگیوں کو دعوت نامے جاری کئے ہیں اور اگر کسی کو دعوت نامہ نہ ملا ہو تو وہ اس نمبر 004915217214805 پر رابطہ کرکے شرکت کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ کو آرڈی نیٹرمصالحتی کمیٹیز چوہدری عمر گجر نے کہا ہے کہ ضلع بھر میں ڈکیتوں چوروں کیخلاف ڈی پی او علی ناصررضوی کی قیادت میں گھیرا تنگ کر دیاگیاہے
گجرات (جی پی آئی) ڈسٹرکٹ کو آرڈی نیٹر مصالحتی کمیٹیز چوہدری عمر گجر نے کہا ہے کہ ضلع بھر میں ڈکیتوں چوروں کیخلاف ڈی پی او علی ناصررضوی کی قیادت میں گھیرا تنگ کر دیا گیا ہے۔ ڈی ایس پی لالہ موسیٰ ملک منظور اور ایس ایچ رحمانیہ بشارت احمدچوکی انچارج ماڈل ٹائون سب انسپکٹر انور سرلہ کو قتل اور ڈکیتی کے مقدمات میں ملوث ملزمان کی گرفتاری پر زبردست خراج تحسین پیش کرتے ہیں چوہدری عمرگجر نے کہا کہ گذشتہ دو ماہ میں ڈی پی او گجرات سید علی ناصر رضوی کی کارکردگی پنجاب بھر میں ٹاپ پر رہی ہے بھاری تعداد میں اندھے قتل ٹریس کرنے پر ہم ڈی پی او گجرات کی کارکردگی پر انہیں خراج تحسین پیش کرتے ہیں چوہدری عمر گجر نے کہا کہ ضلع بھر میں مصالحتی کمیٹیوں کی کارکردگی کو مزید بہتر بنایا جارہا ہے انشاء اللہ ضلع گجرات سے خاندانی دشمنیوں کا خاتمہ کر کے دم لیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او گجرات سید علی ناصر رضوی نے یہاں منعقدہ دربار سے خطاب کرتے ہوئے کہا کہ جو پولیس اہلکار سفارش کروا کر تعیناتیاں کرواتے ہیں
گجرات ( جی پی آئی ) ڈی پی او گجرات سید علی ناصر رضوی نے یہاں منعقدہ دربار سے خطاب کرتے ہوئے کہا کہ جو پولیس اہلکار سفارش کروا کر تعیناتیاں کرواتے ہیں وہ کبھی بھی اچھے اور ذمہ دار پولیس آفیسر اور اہلکار ثابت نہیں ہو سکتے انہوں نے کہا کہ میں نے گجرات پولیس سے سفارش کا عذاب نکال دیا ہے آج ہر اہلکار اپنی تعیناتی کا فیصلہ خود کر رہا ہے جو گجرات پولیس میں اپنی نوعیت کا پہلا اقدام ہے انہوں نے کہا کہ عہدوں سے کچھ نہیں ہوتا اگر سپاہی باصلاحیت ہوں تو وہ ایس ایچ او کے برابر کام کر کے دکھا سکتا ہے اس موقع پر 500 پولیس اہلکاروں اور انسپکٹروں کے عہدے کے افسران اور اہلکاروں سے دوسری بار ان کی پسندیدہ جگہوں پر تبادلوں کیلئے درخواستیں وصول کی گئیں متعدد پولیس اہلکاروں نے محرروں کے خلاف بھی درخواستیں دیں جس پر ڈی پی او نے محرروں کے خلاف انکوائری کے احکامات جاری کر دئیے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جرات میں بجلی کی اعلانیہ اور غیر اعلانیہ طویل لوڈشیڈنگ کے خلاف شہریوں نے احتجاجی مظاہرہ کیا
گجرات (جی پی آئی ) گجرات میں بجلی کی اعلانیہ اور غیر اعلانیہ طویل لوڈشیڈنگ کے خلاف شہریوں نے احتجاجی مظاہرہ کیا مظاہرین نے اپنے بازوئوں پر سیاہ پٹیاں باندھ رکھی تھیں احتجاجی پلے کارڈز بھی اٹھا رکھے تھے اور واپڈا کے خلاف نعرے بازی کر رہے تھے مظاہرین کا کہنا تھا کہ ہم بجلی کے بل قیمت سے زیادہ ادا کرتے ہیں اور بجلی بھی ہمیں فراہم نہیں کی جاتی گذشتہ دو روز سے گجرات شہر اور گردونواح کے علاقوں میں بجلی کی اعلانیہ اور غیر اعلانیہ لوڈشیڈنگ میں اضافہ ہو گیا ہے جس سے شہری مشکلات کا شکار ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جرات پولیس نے ڈکیت گینگ گرفتار کر کے لاکھوں روپے مالیت کا مسروقہ سامان برآمد کر لیا
گجرات (جی پی آئی ) گجرات پولیس نے ڈکیت گینگ گرفتار کر کے لاکھوں روپے مالیت کا مسروقہ سامان برآمد کر لیا ڈی ایس پی لالہ موسیٰ ملک منظور اعوان نے گذشتہ روز پریس کانفرنس کرتے ہوئے بتایا کہ تھانہ رحمانیہ کے علاقوں میں ملزمان عرصہ دراز سے لوگوں کے گھروں میں ڈکیتیاں کر رہے تھے پولیس نے اطلاع ملنے پر چھاپہ مار کر 7 رکنی ڈکیت گینگ کے یاسر محمود فیصل محمود افضال احمد محمد نعیم کو گرفتار کر لیا جبکہ ملزمان کے تین ساتھی فرار ہونے میں کامیاب ہو گئے ڈی ایس پی نے بتایا کہ ملزمان سے لاکھوں روپے مالیت کے طلائی زیورات اے ٹی ایم کارڈز ڈرائیونگ لائسنس اور نقدی کے علاوہ بھاری مقدار میں جدید اسلحہ بھی برآمد ہوا ہے انہوں نے بتایا کہ ملزم یاسر عرف یاسرا تھانہ ڈنگہ کے علاقہ میں گذشتہ سال اکتوبر میں تین افراد کے قتل میں بھی ملوث تھا اور وہ اشتہاری تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس تھانہ سرائے عالمگیر سٹی نے محلہ نئی آبادی کے رہائشی محفوظ کو گرفتار کر کے اس کے قبضہ سے شراب کی بوتلیں برآمد کر کے مقدمہ درج کر لیا ہے
گجرات (جی پی آئی ) پولیس تھانہ سرائے عالمگیر سٹی نے محلہ نئی آبادی کے رہائشی محفوظ کو گرفتار کر کے اس کے قبضہ سے شراب کی بوتلیں برآمد کر کے مقدمہ درج کر لیا ہے جبکہ تھانہ سٹی لالہ موسیٰ نے چک سکندر میں شراب کے نشہ میں دھت ہو کر غل غپاڑہ کرنے پر شاہد کو گرفتار کر کے مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مقدمہ کی پیروی کرنے سے روکنے کیلئے قتل کی دھمکیاں دینے پر ملزمان کے خلاف مقدمہ درج کر لیا گیا
گجرات (جی پی آئی ) مقدمہ کی پیروی کرنے سے روکنے کیلئے قتل کی دھمکیاں دینے پر ملزمان کے خلاف مقدمہ درج کر لیا گیا پولیس تھانہ سول لائن گجرات نے ملزمان اللہ دتہ سکنہ رحیم یار خان وغیرہ کے خلاف محلہ سلطان پورہ کے رہائشی عمر کو مقدمہ کی پیروی کرنے پر سنگین نتائج اور قتل کی دھمکیاں دینے پر مقدمہ درج کر لیا ہے۔
Related Posts
