گجرات ہومیو پیتھک میڈیکل کالج کے کلرک بائو احمد خان کے صاحبزادے محمد غفور احمد رشتہ ازدواج سے منسلک ہو گئے
گجرات (جی پی آئی)گجرات ہومیو پیتھک میڈیکل کالج کے کلرک بائو احمد خان کے صاحبزادے محمد غفور احمد رشتہ ازدواج سے منسلک ہو گئے ، ان کی شادی امجد حسین بھٹی کی صاحبزادی سے ہوئی ، اس موقع پر ممتاز شخصیات کی کثیر تعداد موجود تھی ، جن میں یاسر علی ، ڈاکٹر رفیق رضا ، ڈاکٹر انجم نور دین ، ڈاکٹر رزاق احمد غفاری ، ڈاکٹر ظہیر الدین بابر ، محمد خان ، محمد انور ، غلام سرور ، محمد انور بھٹی ، محمد خان بھٹی ، محمد دین بھٹی ، نور دین بھٹی ، نصراللہ خان ، تصور حسین ، تنویر حسین ، سیف اللہ بھٹی ، و دیگر شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیعہ ایکشن کمیٹی ضلع گجرا ت کا اہم اجلاس سید ناصر پپو شاہ کی رہائشگاہ پر منعقد ہوا
گجرات (جی پی آئی)شیعہ ایکشن کمیٹی ضلع گجرا ت کا اہم اجلاس سید ناصر پپو شاہ کی رہائشگاہ پر منعقد ہوا ،اس موقع پر فیصلہ کیا گیا کہ یکم نومبر بروز جمعة المبارک بعد از نماز جمعہ دو بجے تحفظ اعزاداری کانفرنس و لبیک یا حسین ریلی منعقد ہو گی ، جس میں ضلع بھر کے تمام بانیان مجالس ، تمام عزاء داران ِ حسین ، ماتمی سنگتوں کے ممبران شرکت کرینگے اجلاس میں اعزادارنِ حسین کی بہتری کیلئے مختلف فیصلے کیے گئے ، اور ایک پیغام دیا گیا کہ اعزاء داری کی حفاظت کرنا تمام اعزاء دارانِ حسین کا فرض ہے اور ہم اعزاء دارانِ حسین کی حفاظت کیلئے ہر ممکن کوششیں کرینگے ، اجلاس میں چوہدری منظور وڑائچ ، جواد حسین جعفری ، سید الطاف عبا س کاظمی ، سید محبوب حسین شاہ ، سید رضوان شاہ عرف رضی شاہ آف شادیوال ، سید تقی رضا، سید
عمران حیدر ، سید ذوالفقار علی ، علامہ زمان حسینی ، سید اعجاز حسین شاہ ، سید ناصر عباس عرف پپو شاہ ، سید علمدار شاہ و دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حسینیہ ٹرسٹ کے وفد نے ممتاز عالم دین قاری عطاء الرحمن آف جامع مسجد مستریاں کی عیادت کی
گجرات (جی پی آئی)حسینیہ ٹرسٹ کے وفد نے ممتاز عالم دین قاری عطاء الرحمن آف جامع مسجد مستریاں کی عیادت کی ، وفد میں چوہدری منظور وڑائچ ، سید الطاف عباس کاظمی ، جواد حسین جعفری ، سید مختار نقوی ، علامہ ناصر عباس ، علامہ زمان حسین حسینی و دیگر شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محلہ نور پور پڈھے میں محرم الحرام کے انتظامات کی تیاریاں عروج پر پہنچ گئی ہیں
گجرات (جی پی آئی)محلہ نور پور پڈھے میں محرم الحرام کے انتظامات کی تیاریاں عروج پر پہنچ گئی ہیں ، گزشتہ روز انجمن کاظمیہ کے وفد نے ڈی ایس پی سٹی سید غلام مصطفی گیلانی ، ڈی ایس پی ٹریفک میاں سہیل فاضل ، انچارج سپیشل برانچ امتیاز احمد ، انچارج سیکورٹی برانچ انسپکٹر اعظم ، ٹی ایم او خرم ترہنگی و دیگر سے ملاقات کی ، ملاقات کے دوران محرم الحرام کے انتظامات کے حوالہ سے تبادلہ خیال کیا گیا اور مختلف مسائل کی نشاندہی کی گئی ، متعلقہ افسران نے وعد ہ کیا کہ انتظامات کو بہتر طریقہ سے مکمل کیا جائیگا اور کسی کو کوئی مشکل پیش نہیں آئے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمد رفاقت گوندل کو گلوبل سٹیزن شپ یونین نے پاکستان میں اپنا کوارڈی نیٹر مقرر کر دیا ہے
گجرات (جی پی آئی)سینئر صحافی و ممتاز ماہر تعلیم اور انسانی حقوق کیلئے کام کرنے والی ضلع گجرات کی اہم شخصیت محمد رفاقت گوندل کو گلوبل سٹیزن شپ یونین نے پاکستان میں اپنا کوارڈی نیٹر مقرر کر دیا ہے ، اور ان کی تقرری کا نوٹیفکیشن جاری کر دیا گیا ہے ، اس سے قبل محمد رفاقت گوندل انٹرنیشنل ہیومن رائٹس کمیشن کے ساتھ کام کر رہے ہیں ، جبکہ معروف خبر رساں ادارے آن لائن نیوز ایجنسی ، این این آئی او ر ثناء نیوز ایجنسی کے ساتھ بھی اپنی صحافتی خدمات سرانجام دیتے رہے ہیں ، اور پنجاب کالج جی ٹی روڈ گجرات میں بطور لیکچرار خدمات سرانجام دے رہے ہیں ، ضلع بھر کی مختلف سیاسی ، سماجی اور صحافتی شخصیات نے محمد رفاقت گوندل کی تقرری پر اور ان کی خدمات پر انہیں خراج تحسین پیش کرتے ہوئے مبارک باد پیش کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوجوان صحافی ضیاء سید آئندہ ہفتے یورپ اور برازیل کے دورے پر روانہ ہونگے
گجرات (جی پی آئی) نوجوان صحافی ضیاء سید آئندہ ہفتے یورپ اور برازیل کے دورے پر روانہ ہونگے ، وہ اپنے دورہ کے دوران یونان ، فرانس ، پرتگال اور برازیل جائینگے اور مختلف سماجی تنظیموں کے پروگراموں میں شرکت کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک میں تیزی سے بڑھتی ہوئی مہنگائی نے غریب عوام کا جینا دشوار کر دیا ہے
گجرات (جی پی آئی) ملک میں تیزی سے بڑھتی ہوئی مہنگائی نے غریب عوام کا جینا دشوار کر دیا ہے ، ان خیالات کا اظہار سٹیزن فرنٹ تھنکرز فورم ضلع گجرات کے چیئرمین افتخار بھٹہ نے سٹیزن فرنٹ ضلع گجرات کے ماہانہ اجلاس سے خطاب کرتے ہوئے کیا انہوںنے کہا کہ موجودہ حکومت کے پاس کوئی معاشی پالیسی نہیں ہے ، مہنگائی کی وجہ سے لوگ خود کشیاں کرنے پر مجبور ہیں ، روزگار اور کاروبار نہ ہونے کی وجہ سے جرائم کی شرح میں کئی گنا اضافہ ہوا ہے ، حکومت کو چاہیے کہ جلد از جلد معاشی پالیسی بنائے عوام کیلئے اشیائے ضروریہ کی قیمتوں میں کمی جائے اجلاس میں مہنگائی بجلی اور پٹرول کی بڑھتی ہوئی قیمتوں پر سخت تشویش کا اظہار کیا گیا ، اجلاس میں متفقہ طور پر فیصلہ کیاگیا کہ اگر مہنگائی کو کنٹرول کرنے پر کوئی پالیسی وضع نہ کی گئی تو سٹیزن فرنٹ بھرپور احتجاج کرئے گی ، جس میں ضلع گجرات کی دوسری تنظیموں کو بھی شرکت کی دعوت دی جائے گی ، اجلاس میں حاجی اسلم جاوید آرائیں اور مجید بھٹی نے خصوصی شرکت کی ،قبل ازیں تلاوت و نعت کے بعد ضلعی سیکرٹری ایم وائی ناصر نے سابقہ اجلاس کی کاروائی پڑھ کر سنائی اور شرکاء اجلاس کو ایجنڈے کے بارے میں بریفنگ دی ، اجلاس میں راجہ محمد اعجاز ، ڈاکٹر ارشد چوہدری ، محمد اشرف منہاس ، فراز ملک ، پروفیسر گلزار احمد گولڑوی ، مہر اعجاز توقیر ، مرزا سجاد حسین ، عامر چوہدری ، شاہد ولیم اور ڈاکٹر رزاق احمد غفاری نے بھی اظہار خیال کیا ، آخر میں میزبان اجلاس ضلعی جائنٹ سیکرٹری محمد اویس مرزا کی طرف سے پر تکلف عصرانہ دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان ہیومن رائٹس آرگنائزیشن (PHRO)کے صدر محمد تنویر نے کہا ہے کہ ہم بلا تفریق عوامی خدمت کا مشن لیکر نکلے ہیں
گجرات (جی پی آئی) پاکستان ہیومن رائٹس آرگنائزیشن (PHRO)کے صدر محمد تنویر نے کہا ہے کہ ہم بلا تفریق عوامی خدمت کا مشن لیکر نکلے ہیں ، اور آئندہ ماہ سے انسانی حقوق کے ساتھ ساتھ عوام کی خدمت کیلئے میڈیکل اور فری ایجوکیشن کیلئے کیمپس کا انعقاد کرینگے تا کہ عوام کو صحت کی بنیادی سہولتیں فراہم کرنے کیلئے ہم بھی اپنا کردار ادا کر سکیں ، اور عوام میں شعور پیدا کریں کہ تعلیم کے بغیر معاشرے میں انسانی کی کوئی قدر و قیمت نہیں ، انہو ں نے کہا کہ تعلیم روشن راستے کی راہنمائی فراہم کرتی ہے جس سے انسان کو اپنے حقوق سے بھی آگاہی حاصل ہوتی ہے ، انسانی حقوق حاصل کرنے کیلئے جدوجہد کرنا لازمی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسسٹنٹ کمشنر گجرات عابد بھٹی نے کریک ڈائون کر تے ہوئے بغیر لائسنس چلنے والا پٹرول پمپ سیل کر دیا ہے
گجرات(جی پی آئی) اسسٹنٹ کمشنر گجرات عابد بھٹی نے کریک ڈائون کر تے ہوئے بغیر لائسنس چلنے والا پٹرول پمپ سیل کر دیا ہے جبکہ ملازمین کو حکومتی پالیسی کے مطابق اجرت نہ دینے والے اداروں، صفائی کا خیال نہ رکھنے والی بیکریوں اور ہوٹلز کے مالکان کو وارننگ جاری کر دی ہے اسی طرح زائد المعیاد اشیائے خورد و نوش فروخت کرنے والے متعدد بیکرز اور سٹور مالکان پر بھاری جرمانے عائد کر دیے گئے ہیں۔ ڈی سی او آصف بلا ل لودھی کی ہدایت پر خصوصی کاروائی کے دوران اسسٹنٹ کمشنر عابد بھٹی نے رحمان شہید روڈ پر واقع تھر ی سٹار پٹرول پمپ چیک کیا جس کے مالکان عرصہ دراز سے بغیر لائسنس کاروبار کر رہے تھے۔ انہوں نے فوری طور پر پٹرول پمپ سیل کر کے مالکان کے خلاف کاروائی کا آغاز کر دیا ہے۔ ہوٹلوں کے کچن کی چیکنگ کے دوران صفائی کے ناقص انتظامات پر فلیور اور سلور سپون ہوٹلز کے مالکان کو وارننگ جاری کر دی گئی ہے۔ اسی طرح اے سی گجرات عابد بھٹی نے پیس سپر سٹور، کیک ماسٹر ، سیون الیون اور میلان بیکرز پر زائد المعیاد اشیائے خورد و نوش فروخت کرنے پر انکے مالکان کو مجموعی طور پر 64ہزارروپے جرمانہ عائد کر دیا ہے۔ دودھ فروشوں کی چیکنگ کے دوران ملاوٹ زدہ دودھ فروخت کرنے پر ایک دوکاندار کا سارا دودھ ضائع کر ا دیا گیا۔ اسسٹنٹ کمشنر نے بعدا زاں پرائیوٹ ہسپتالوں اور دیگر چھوٹے اداروں کی چیکنگ کی اور ملازمین کو حکومتی پالیسی کے مطابق کم از کم اجرت نہ دینے پر پولی کلینک سمیت متعدد اداروں کے مالکان کو وارننگ جاری کر دی۔ دریں اثنا اسسٹنٹ کمشنر عابد بھٹی نے خبردار کیا ہے کہ تمام ہوٹلز اور بیکریوں کے مالکان کچن میں حفظان صحت کے اصولوں کے مطابق صفائی کا انتظام کریں ۔ انہوں نے متنبہ کیا کہ کم از کم اجرت کی پالیسی پر عملدرآمد نہ کرنے والے کاروباری مالکان کے خلاف قانون کے مطابق سخت ایکشن ہوگا۔ عوامی حلقوں نے اسسٹنٹ کمشنر گجرات عابد بھٹی کی طرف سے ناقص اور زائد المعیاد اشیاء فروخت کرنے والوں، غیر قانونی کاروبار میں ملوث افراداور مزدور کو کم اجرت دینے والوں کے خلاف کریک ڈائون کو زبر دست سراہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسسٹنٹ کمشنر عابد حسین بھٹی نے لیبر آفیسر اور فوڈ انسپکٹر کے ہمراہ کاروباری ہوٹل،دُکانوں پر چھاپے مارکر جرمانے کئے
گجرات(جی پی آئی) اسسٹنٹ کمشنر عابد حسین بھٹی نے لیبر آفیسر اور فوڈ انسپکٹر کے ہمراہ کاروباری ہوٹل،دُکانوں پر چھاپے مارکر بھاری جرمانے کئے جن میں سیون الیون سٹور، پیسر سپر سٹور، میلانو بیکری کو ایکسپائر مال اور گراح فروشی کی بناء پر 64,000/ روپے سے زائد جرمانے کئے جبکہ تھری سٹار پٹرول پمپ جو اَن لیگل چل رہاتھا وہ بھی سیل کردیا مزید براں پرائیویٹ اداروں کو وارننگ دی گئی ہے کہ وہ اپنے ملازمین کو پنجاب گورنمنٹ کی کم از کم فکس کردہ اجرت کے مطابق تنخواء دیں A/C عابد حسین بھٹی نے میڈیا کو بتایا کہ آئندہ ہفتے انہی اداروں میں کریک ڈائون ہو گا جو اپنے ورکروں کو تنخواہیں نہیں دے رہے اُنکے خلاف سخت قانونی کاروائی ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں مجلس پڑھنے والی ذاکرہ کو مسلح افراد نے تشدد کا نشانہ بنا کر زخمی کر دیا
گجرات (جی پی آئی ) گجرات میں مجلس پڑھنے والی ذاکرہ کو مسلح افراد نے تشدد کا نشانہ بنا کر زخمی کر دیا گذشتہ روز نواحی گائوں جمال پور سیداں میں ملزمان مولا بخش وغیرہ نے امام بارگاہ سے مجلس پڑھ کر گھر واپس جانے والی ذاکرہ غزالہ سکنہ محلہ امین آباد کو تشدد کر کے زخمی کر دیا اور فرار ہو گئے پولیس تھانہ سول لائن نے مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او گجرات نے تھانہ سول لائن میں تعینات اے ایس آئی ذوالفقار علی گورائیہ کو انچارج چوکی جٹووکل تعینات کر دیا ہے
گجرات (جی پی آئی) ڈی پی او گجرات سید علی ناصر رضوی نے تھانہ سول لائن میں
تعینات اے ایس آئی ذوالفقار علی گورائیہ کو انچارج چوکی جٹووکل تعینات کر دیا ہے ذوالفقار علی نے چارج سنبھال کر کام شروع کر دیا ہے۔
Related Posts
