سیاسی راہنمائوں اور سرکاری محکموں کی غفلت کی وجہ سے گجرات تا کڑیانوالہ ، فتح پور ، جلالپور صوبتیاں تک جانے والے روڈز ٹوٹ پھوٹ کا عرصہ دراز سے شکار ہیں
گجرات (جی پی آئی) سیاسی راہنمائوں اور سرکاری محکموں کی غفلت کی وجہ سے گجرات تا کڑیانوالہ ، فتح پور ، جلالپور صوبتیاں تک جانے والے روڈز ٹوٹ پھوٹ کا عرصہ دراز سے شکار ہیں ، جس کی وجہ سے نہ صرف ٹرانسپورٹروں کو شدید مشکلات کا سامنا کرنا پڑ رہا ہے ، بلکہ عوام کو بھی شدید مشکلات کا سامنا ہے ، جبکہ سرکاری اداروں کے افسران اور سیاسی جماعتوں کے بڑے بڑے راہنمائوں کے اکثر اوقات ان علاقوں کے دورہ جات بھی اس بات پر نوٹس نہیں لے سکے کہ حکومت پنجاب سے روڈز کی از سر نو تعمیر کیلئے فنڈز حاصل کر سکیں اور عوام کی دیگر مشکلات تو حل کرنے میں سب ناکام ہو چکے ہیں ، لیکن تعمیر و ترقی کے بلا تفریق کام کروا کر ہی عوام کو زیادہ سے زیادہ ریلیف دے سکیں ، عوامی حلقوں نے کامیاب ہونے والے امیدواروں سے التجا کی ہے کہ اب وہ سیاست چھوڑ کر عوامی خدمت بھی کر لیں ، اور ضلع گجرات کی حالت زار پر رحم کریں اور عوامی مسائل کو حل کرنے کیلئے سرکاری محکموں کو پابند بنائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الخدمت فائونڈیشن کے مطابق قربانی فی سبیل اللہ صدر الخدمت فائونڈیشن ضلع گجرات نے گزشتہ سالوں کی طرح امسال بھی سیلاب متا ثرین
گجرات (جی پی آئی) الخدمت فائونڈیشن کے مطابق قربانی فی سبیل اللہ صدر الخدمت فائونڈیشن ضلع گجرات نے گزشتہ سالوں کی طرح امسال بھی سیلاب متا ثرین ،زلزلہ متاثرین ،بیواؤں ،یتیموں اور ضرورا تمندوں کی مد د کرنے کا بیڑا اٹھایا ہے۔ اس سلسلے میں قربانی مہم کا آغاذ ہو چکا ہے ۔گائے کا حصہ فی کس 7000 اور بکرے کی قیمت 16000 طے پایا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سجادہ نشین آستانہ عالیہ غوث زماں ڈھینڈہ شریف پیر سید ، زاہد حسین شاہ ترمذی کی دادی محترمہ جو کہ گزشتہ روز رضائے الٰہی سے انتقال فرماگئیں
گجرات (جی پی آئی) سجادہ نشین آستانہ عالیہ غوث زماں ڈھینڈہ شریف پیر سید ، زاہد حسین شاہ ترمذی کی دادی محترمہ جو کہ گزشتہ روز رضائے الٰہی سے انتقال فرماگئیں تھیں کے ایصال ثواب کیلئے ختم قل کی محفل آستانہ عالیہ ڈھینڈہ شریف میں منعقد ہوئی ، جس میں ممتاز علمائے کرام پیران کرام نے کثیر تعداد میں شرکت کی ، جن میں پیر سید انتصار الحسن شاہ ، پیر سید عمر علی شاہ ، پیر سید نور حسین شاہ ،پیر سید نذر حسین شاہ ، پیر سید علی حسین شاہ گجراتی ، علامہ نعیم اختر رضوی ، علامہ محمد نعیم مجاہد ، عبدالرشید نظامی ، محمد یاسر ، فیضان ، قاری خلیل ، صفدر حسین شاہ ، سید مبشر حسین شاہ ، سید عمران افگن شاہ ، پیر سید علمدار شاہ ، محمد فاروق ، محمد بشیر ، منور حسین ، لالہ محمد اسلم ، حاجی محمد نواز ، شعیب منور ، محمد اکرم ، جاوید اکرم ، محمد وسیم ، محمد فیصل ، مرزا محمد اسلم ، صوفی محمد اصغر بٹ ، ڈاکٹر محمد عنصر ، محمد لطیف ، صابر حسین و دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
برکس کلن ورکرز سکول لالہ موسیٰ میں بچوں کی تعلیم و تربیت میں اپنا کردار ادا کرنے کیلئے جرمن NGOکی ایک نمائندہ کل پاکستان پہنچے گی
گجرات (جی پی آئی) برکس کلن ورکرز سکول لالہ موسیٰ میں بچوں کی تعلیم و تربیت میں اپنا کردار ادا کرنے کیلئے جرمن NGOکی ایک نمائندہ کل پاکستان پہنچے گی جو کہ ایک ماہ تک بچوں کو تعلیم جیسی بنیادی سہولت کیلئے اپنی فری خدمات فراہم کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اولیاء کرام نے تبلیغ اسلام میں اہم کردار ادا کیا
گجرات (جی پی آئی) اولیاء کرام نے تبلیغ اسلام میں اہم کردار ادا کیا ، برصغیر پاک و ہند میں اولیاء کرام کی وجہ سے پھیلا ، ان خیالات کا اظہار ممتاز روحانی شخصیت صاحبزادہ پیر سید حبیب اللہ شاہ سجادہ نشین آستانہ عالیہ گھمگول شریف کوہاٹ نے مدرسہ جامعہ جلالیہ میراں صاحب محلہ نور پورپڈھے میں عظیم الشان عظمت اولیاء کانفرنس کے موقع پر خطاب کرتے ہوئے کیا ، انہوں نے کہا کہ اولیاء کرام کی کاوشوں کی وجہ سے اسلام کو فروغ ملا اور پاکستان کے قیام میں بھی اکابرین اہلسنت نے اہم کردار ادا کیا ، پیر فخر نذیر قاسم آستانہ عالیہ بھورا جنگل شریف نے کہا کہ اولیاء کرام نے جس اندازمیں اشاعت اسلام کی اس کی مثال نہیں ملتی ، لاکھوں غیر مسلموں نے اولیاء کرام کی تبلیغ سے متاثر ہو کر لاکھوں غیر مسلموں نے اسلام کی دولت حاصل کی ، علامہ محمد ارشد نقشبندی نے کہا کہ اولیاء کرام نے ہی اسلام کی تبلیغ و اشاعت میں اہم کردار ادا کیا ، اور آج ہم مسلمان ہیں تو اس کی وجہ یہی ہے کہ ہمیں اولیاء کرام نے اسلام کی دولت سے مالا مال کیا ، پیران کرام ، اولیاء کرام کی خدمات ناقابل فراموش ہیں ، حضرت علامہ محمد اشرف نقشبندی نے کہا کہ عظمت اولیاء کانفرنس کا انعقاد خوش آئند ہے ، جس طرح علامہ محمد ارشد نقشبندی نے عظمت اولیاء کانفرنس کا انعقاد کیا ہے ، اس سے نئی نسل میں عظمت اولیاء کے بارے میں شعور بیدار ہو رہا ہے ، حضرت علامہ محمد شاہد چشتی نے کہا کہ اولیاء کا پیغام ہمیں اس بات کی تعلیم دیتا ہے کہ ہم اسلام کی تبلیغ و اشاعت میں کوئی دقیقہ فروغ ذاشت نہ اٹھائیں بلکہ اپنی صلاحتیں اسلام کی سربلندی کیلئے صرف کریں ، انہوں نے ضلعی انتظامیہ سے مطالبہ کیا کہ فوری طور پر دہشت گردی کے خاتمہ کیلئے اقدامات کیے جائیں تا کہ ملک میں امن و امان قائم ہو سکے ، انہوں نے فحاشی عریانی کی شدید مذمت کی اور کہا کہ اگر فحاشی عریانی کے خاتمہ کیلئے اقدامات نہ کیے گئے تو بھرپور احتجاج کیا جائیگا ، اس موقع پر علامہ پیر عنصر محمود انجم ، قاری محمد عمران فاروقی ، قاری سلیم سیالوی ، علامہ عبدالرئوف جلالی ، قاری شاہد عرفانی ، صاحبزادہ عبدالمصطفیٰ سیالوی ، قاری حنیف جلالی ، قاری محسن رضا قادری ، علامہ فیاض احمد سلطانی ، حافظ حسن رضا علوی ، حافظ سید شازیب نوشاہی ، حافظ اسجد قادری ، حافظ شاہد عمران ، حافظ اکرام اشرف نقشبندی ، چوہدری مجید اللہ ملہی ، چوہدری محمد عثمان و دیگر شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں موسلادھار بارش سے گرمی کا زور ٹوٹ گیا
گجرات ( جی پی آئی ) گجرات میں موسلادھار بارش سے گرمی کا زور ٹوٹ گیا موسم خوشگوار نکاسی آب کے مناسب انتظامات نہ ہونے کی وجہ سے پورا شہر پانی میں ڈوب گیا جبکہ شاہدولہ دربار بھی پانی میں ڈوبنے سے زائرین کو شدید مشکلات کا سامنا کرنا پڑا گذشتہ روز گجرات میں موسلادھار بارش ہوئی جبکہ شدید بارش سے نکاسی آب کے مناسب انتظامات نہ ہونے کی وجہ سے شہر کے اکثر گلی محلے سڑکیں سرکاری دفاتر پانی میں ڈوب گئے جس سے شہریوں کو مشکلات کا سامنا کرنا پڑا بارش کا پانی شاہدولہ دربار میں بھی داخل ہو گیا زائرین کو دربار میں پانی داخل ہونے سے مشکلات کا سامنا کرنا پڑا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع گجرات میں ترقیاتی سکیموں کیلئے 1 ارب سے زائد کے فنڈز جاری کئے جانے کا امکان ہے
گجرات ( جی پی آئی ) ضلع گجرات میں ترقیاتی سکیموں کیلئے 1 ارب سے زائد کے فنڈز جاری کئے جانے کا امکان ہے جس کیلئے ضلع بھر میں سروے آخری مراحل میں داخل ہو گیا ہے معلوم ہوا ہے کہ ضلع گجرات کو ایک ارب روپے کا ترقیاتی پیکج ملنے کے بعد سرائے عالمگیر کھاریاں جلالپورجٹاں میں جاری ترقیاتی سکیمیں مکمل کی جائیں گی جبکہ گجرات میں جی ٹی روڈ کی تعمیر و مرمت ایم آر آئی سینٹر عزیز بھٹی شہید ہسپتال کے علاوہ گرلز اور بوائز کالجوں کیلئے بھی ترقیاتی فنڈز جاری کیے جائیں گے گجرات میں سیوریج کے دیرینہ مسئلہ کے حل کیلئے بھی خصوصی فنڈز دئیے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جلالپورجٹاں کے قریب تیز رفتار کالج وین الٹ گئی ،ایک طالبہ ہلاک
گجرات ( جی پی آئی ) جلالپورجٹاں کے قریب تیز رفتار کالج وین الٹ گئی ایک طالبہ ہلاک 7 شدید زخمی ہو گئیں گذشتہ روز موضع بھراج کے قریب کالج وین نمبری ایل زیڈ آر 3369 جلالپورجٹاں سے طالبات کو لے کر کالج چھوڑنے جا رہی تھی کہ تیز رفتاری کے باعث بے قابو ہو کر الٹ گئی جس کے نتیجہ میں طالبہ سحرش نواز سکنہ کڑیانوالہ موقع پر جاں بحق ہو گئی جبکہ وین سوار 7 طالبات شدید زخمی ہو گئیں جنہیں طبی امداد کیلئے ہسپتال منتقل کر دیا گیا ہے صدر پولیس جلالپورجٹاں نے وین قبضہ میں لے کر ڈرائیور کے خلاف مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس نے دوران ناکہ بندی خاتون کو گرفتار کر کے اس کے قبضہ سے ڈیڑھ کلو گرام چرس برآمد کر لی
گجرات ( جی پی آئی ) پولیس نے دوران ناکہ بندی خاتون کو گرفتار کر کے اس کے قبضہ سے ڈیڑھ کلو گرام چرس برآمد کر لی ہے گذشتہ روز پولیس چوکی شاہین نے شاہین چوک گجرات میں ناکہ بندی کی ہوئی تھی کہ راولپنڈی سے آنے والی بس میں سوار خاتون بساء گل خان سکنہ پشاور کی تلاشی لی گئی تو اس کے قبضہ سے ڈیڑھ کلو چرس برآمد کر کے ملزمہ کے خلاف مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن کے مرکزی رہنما ایم این اے حمزہ شہباز شریف آج یکم اکتوبر کو گجرات آئیں گے
گجرات ( جی پی آئی ) مسلم لیگ ن کے مرکزی رہنما ایم این اے حمزہ شہباز شریف آج یکم اکتوبر کو گجرات آئیں گے وہ یونیورسٹی آف گجرات میں خطاب کریں گے اور مسلم لیگ ن کی مقامی قیادت سے ملاقات کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں چنگ چی رکشہ نے سائیکل سوار کو ٹکر مار کر شدید زخمی کر دیا
گجرات ( جی پی آئی ) گجرات میں چنگ چی رکشہ نے سائیکل سوار کو ٹکر مار کر شدید زخمی کر دیا گذشتہ روز شاہین چوک کے قریب تیز رفتار چنگ چی رکشہ بے قابو ہو کر سائیکل سے جا ٹکرایا جس سے سائیکل سوار شخص محمد فیاض شدید زخمی ہو گیا جسے طبی امداد کیلئے ہسپتال داخل کروا دیا گیا ہے پولیس نے چنگ چی رکشہ ڈرائیور تنویر کے خلاف مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹانڈہ میں ایس ڈی او اور لائن سپرنٹنڈنٹ کی کرپشن کے خلاف سینکڑوں لوگوں کا شدید احتجاج
گجرات ( جی پی آئی ) ٹانڈہ میں ایس ڈی او اور لائن سپرنٹنڈنٹ کی کرپشن کے خلاف سینکڑوں لوگوں کا شدید احتجاج گذشتہ روز ٹانڈہ کے رہائشی سینکڑوں افراد نے واپڈا کے ایس ڈی او اور لائن سپرنٹنڈنٹ عمران کی کرپشن کے خلاف احتجاجی مظاہرہ کیا اور ان کے فوری تبادلہ کا مطالبہ کیا لوگوں کا کہنا ہے کہ دونوں نے واپڈا کا لاکھوں روپے مالیت کا سامان چوری کر کے فروخت کر دیا تھا جس پر دونوں معطل ہو گئے بعد ازاں سفارش پر دوبارہ بحال ہو کر کرپشن شروع کر دی لائن سپرنٹنڈنٹ نے بتایا کہ مخالفین کے اکسانے پر ہمارے خلاف مظاہرہ کرایا گیا ہم کسی کرپشن میں ملوث نہیں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میونسپل ماڈل ہائی سکول گجرات کی 90 ڈیلی ویجز لیڈی ٹیچرز کو بغیر نوٹس دئیے فارغ کر دیا گیا
گجرات ( جی پی آئی ) میونسپل ماڈل ہائی سکول گجرات کی 90 ڈیلی ویجز لیڈی ٹیچرز کو بغیر نوٹس دئیے فارغ کر دیا گیا فارغ ہونے والی ٹیچروں اور سکول کے طلباء و طالبات نے ڈی سی او آفس جا کر احتجاجی مظاہرہ کیا جیل روڈ پر واقع میونسپل ماڈل ہائی سکول کی انتظامیہ نے بغیر نوٹس دئیے ڈیلی ویجز پر ٹیچنگ کرنے والی 90 ٹیچرز کو فوری طور پر نوکریوں سے فارغ کر دیا گیا ہے جس پر لیڈی ٹیچرز اور سکول کے طلباء و طالبات نے ڈی سی او آفس جا کر شدید احتجاج کیا اور کہا کہ آج ہمیں دوبارہ نوکریوں پر بحال نہ کیا گیا تو ہم مزید احتجاج کریں گی ٹیچرز کا کہنا تھا کہ ہمیں سکول میں کام کرتے ہوئے 15 سال سے زائد کا عرصہ گزر چکا ہے مگر ہمیں مستقل نہیں کیا گیا اتنی بڑی تعداد میں سکول سے ٹیچرز کو فارغ کئے جانے سے زیر تعلیم بچوں کی تعلیمی سرگرمیاں متاثر ہونے کا اندیشہ پیدا ہو گیا ہے سکول انتظامیہ نے بتایا کہ حکومت پنجاب نے ڈیلی ویجز ٹیچرز کو فارغ کرنے کے احکامات جاری کئے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ سوئی گیس کا دفتر رحمان شہید روڈ سے اسٹیٹ لائف بلڈنگ جی ٹی روڈ گجرات پر منتقل ہو گیا
گجرات ( جی پی آئی ) محکمہ سوئی گیس کا دفتر رحمان شہید روڈ سے اسٹیٹ لائف بلڈنگ جی ٹی روڈ گجرات پر منتقل ہو گیا ہے شہری اپنے سائل اور کاموں کیلئے نئے دفتر میں حکام سے رابطہ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں 5 سالہ بچہ 9 فٹ گہرے گندے نالے میں گر گیا دو گھنٹے بعد بچے کو زندہ نالہ سے نکال لیا گیا
گجرات ( جی پی آئی ) گجرات میں 5 سالہ بچہ 9 فٹ گہرے گندے نالے میں گر گیا دو گھنٹے بعد بچے کو زندہ نالہ سے نکال لیا گیا گذشتہ روز محلہ فیروز آباد کے رہائشی اقبال قریشی کا 5 سالہ پوتا اچانک گہرے نالے میں گر گیا تلاش کے بعد بچے کو زندہ نالے سے نکال لیا گیا اور اسے طبی امداد کیلئے پرائیوٹ ہسپتال منتقل کر دیا گیا گذشتہ روز بارش اور سیوریج کی بندش سے پانی محلے میں کھڑا ہونے سے کمسن بچہ نالہ میں جا
گرا اہل علاقہ نے ڈی سی او گجرات آصف بلال لودھی سے نالہ مکمل طور پر بند کرنے کا مطالبہ کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ بار کلرک ایسوسی ایشن کے انتخابات میں فرینڈز گروپ کے تمام پینل نے کامیابی حاصل کر لی
گجرات (جی پی آئی ) ڈسٹرکٹ بار کلرک ایسوسی ایشن کے انتخابات میں فرینڈز گروپ کے تمام پینل نے کامیابی حاصل کر لی راجہ ریاض گروپ کوئی نشست نہ جیت سکا فرینڈز گروپ کے ملک ظفر اقبال 126 ووٹ حاصل کر کے صدر غلام مصطفی 126 ووٹ حاصل کر کے نائب صدر جہانگیر عادل 127 ووٹ حاصل کر کے جنرل سیکرٹری محمد لطیف 102 ووٹ حاصل کر کے جوائنٹ سیکرٹری منتخب ہو گئے جبکہ مجلس عاملہ کے نومنتخب عہدیداروں میں چوہدری مدثر جھنڈے وال 93 ندیم 108 اور علی رضا بٹ 69 ووٹ حاصل کر کے مجلس عاملہ کے ارکان منتخب ہو گئے ہیں جبکہ فنانس سیکرٹری کے عہدے پر صائم اقبال بٹ بلامقابلہ منتخب ہو چکے ہیں الیکشن میں راجہ ریاض گروپ کوئی سیٹ نہیں جیت سکا۔
Related Posts
