گجرات (جی پی آئی) پاکستان مسلم لیگ (ق) کے مرکزی رہنما چوہدری حسین الٰہی مبارکباد دینے کیلئے سابق نائب ناظم مہر مشتاق احمد کی رہائشگاہ پر گئے اور انکی صاحبزادی کی شادی پر مبارکباد پیش کی اور نیک تمنائوں کا اظہار کیا ہے۔ چوہدری حسین الٰہی نے چوہدری وجاہت حسین کی جانب سے بھی مبارکباد کا پیغام پہنچایا۔ اس موقع پر چوہدری علی ابرار جوڑا’ سابق ایم پی اے خالد اصغر گھرال’ چوہدری اخلاص نیر’ محمد ارشد نت’ حمید اللہ بھٹی’ قاضی سیف اللہ خالد’ مہر یونس ‘ مرزا عمران بیگ ‘ حاجی مہر ممتاز ‘ مہر رضوان’ حاجی احمد مشتاق ‘ مہر عمر ممتاز’ حاجی مہر ممتاز احمد’ سید عمر عبداللہ’ آصف گھمن’ احتشام گھمن بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)پاکستان مسلم لیگ (ق) کے ضلعی نائب صدر چوہدری علی ابرار جوڑا نے مہر مشتاق احمد کی رہائشگاہ پر چوہدری حسین الٰہی سے گفتگو کرتے ہوئے کہا کہ ق لیگ کو بطور اپوزیشن مزید متحرک ہونے کی ضرورت ہے۔ ضلع گجرات کو لا وارث چھوڑ دیا گیا ہے۔ فروٹ منڈی میں ڈی سی او کو آدھی انچ کا ڈینگی نظر آ گیا مگر شہر میں جگہ جگہ گندگی کے ڈھیر نظر نہیں آئے۔ بارش کے سیزن سے پہلے صفائی کیوں نہیں کی گئی۔ بیوٹیفکیشن اور انتظامیہ کی بد ترین کارکردگی کا پول کھل گیا۔ گجرات کے عوام کی تضحیک کی جا رہی ہے۔ تمام حکومتی نمائندے خود بھی اندر سے شرمندہ ہیں نہ کوئی ترقیاتی کام نہ فنڈ صرف فوٹو سیشن ہو رہے ہیں۔ بلدیاتی نمائندے 9 ماہ سے گھر بیٹھے پریشان ہیں۔ سارا شہر جام ہو گیا ہے۔ عوامی نمائندوں کی کوئی شنوائی نہیں ۔ سارا ضلع انتظامیہ کے رحم و کرم پر ہے اور اپوزیشن جماعتیں بھی کردار ادا نہیں کر رہی ہیں۔ جو کہ نہایت ہی افسوس کی بات ہے۔ اس موقع پر چوہدری حسین الٰہی نے کہا کہ کارکن گھبرائیں نہیں پاکستان مسلم لیگ نے کبھی بھی عوام کو اکیلا نہیں چھوڑا ۔ ہم ہمیشہ عوام کے شانہ بشانہ نظر آئیں گے اور اپنے ورکرز کے ساتھ ملکر حکومت مخالف تحریک چلائیں گے۔ اور عوامی مسائل کا خاتمہ کریںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز عالم دین و ناروے کی ممتاز مذہبی شخصیت صاحبزادہ پیر علامہ حافظ سید پیر بلال امتیاز شاہ آستانہ عالیہ کھیپڑانوالہ شریف نے کہا ہے کہ تمام مسائل کا حل دین اسلام پر عمل کرنے میں ہے۔ ہمیں چاہئے کہ اپنے مسائل کے حل کیلئے اسلام کی تعلیمات کی طرف رجوع کریں۔ جب تک ہم صحیح معنوں میں اسلامی تعلیمات پر عمل پیرا نہیں ہونگے عوامی مسائل حل نہیں ہو سکتے۔ انہوں نے کہا کہ ہم ناروے میں لوگوں میں اسلام کی تعلیمات اجاگر کرنے اور دین اسلام کے بارے میں رہنمائی کرنے میں کوشاں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) وزیر اعلی پنجاب کا زراعت کی ترقی کے لئے 100ارب روپے کا تاریخی کسان پیکج زرعی پیداوار میں اضافہ اور ملک کو خواراک میںخود کفیل بنانے کے لئے سنگ میل ثابت ہوگا، زرعی شعبہ ملکی معیشت میں ریڑھ کی ہڈی کی حثیت رکھتا ہے اس کی بہتری سے ہی ملک تیزی سے ترقی کی منازل طے کر سکے گا۔ ان خیالات کا اظہار اے ڈی سی عرفان علی کاٹھیا، ایم پی ایز میجر (ر) معین نواز ، حاجی عمران ظفر اور چوہدری شبیر احمد نے محکمہ زراعت توسیع کے زیر اہتمام ضلع کونسل ہال میں کسان کنونشن سے خطاب کرتے ہوئے کیا، مسلم لیگ ن کے راہنما چوہدری تنویر گوندل ،ا ی ڈی او زراعت حافظ محمد جمیل، ڈی او زراعت توسیع محمد رفیق تارڑ، ڈی او لائیو سٹاک ڈاکٹر واجد ارشد ، نمائندہ کسان ڈاکٹر علی احمد طاہر نے بھی اظہار خیال کیاجبکہ محکمہ زراعت کے افسران، بڑی تعداد میںکسانوںنے کنونش میںشرکت کی۔ ا ے ڈی سی عرفان علی کاٹھیا نے کہا کہ حکومت پنجاب نے روا ں مالی سال کے دوران زراعت کی ترقی کے لئے بجٹ کو 100ارب روپے تک پہنچا دیا ہے اس پیکج کی تیاری سے قبل کسانوں سے مشاورت کی گئی اور انکی سفارشات کو بھی مدنظر رکھا گیا ہے ۔ انہوںنے کہا کہ اس وقت تعلیم اور صحت کے بعد زراعت کا شعبہ صوبائی حکومت کی ترجیحات میں سرفہرست ہے۔ انہوںنے کہا کہ پنجاب حکومت نے گذشتہ مالی سال کے دوران کسانوںکو فصلوں کے نقصانات کے مد میں فی ایکٹر5ہزار روپے کی ادائیگی، زرعی آلات کے سبسڈی پر فراہمی کے لئے اربوں روپے خرچ کئے اس کے ساتھ گندم کے ترقی داد ا جدید بیچ کی مفت فراہمی اور دالوںکے صحت مند بیچوں کی رعایتی نرخوں پر فراہمی پر بھی کثیر فنڈز خرچ کئے گئے اس کے ساتھ لائیو سٹاک کی بہتری کے لئے ریسکیو 9211سروس کا آغاز، جانوروں کی مفت ویکسینیشن اور کٹڑوں کی پرور ش پر مویشی پال حضرات کو لاکھو ں روپے معاوضہ ادا کیا۔ انہوںنے کہا حالیہ بجٹ میںکھادوںکی قیمتوںاوربجلی کے نرخوںمیںواضع کمی بھی حکومت کی کسان دوستی کا ثبوت ہیں ۔ ایم پی ایز میجر (ر) معین نواز ، حاجی عمران ظفر اور چوہدری شبیر احمد نے کہا کہ زراعت کی ترقی ملک کی ترقی کے لئے نہایت اہم ہے ، موجودہ حکومت معیشت کی مضبوط بنیادیں استوار کرنے جارہی ہے ۔ انہوںنے کہا کہ کھادوں ، بجلی کی قیمتوںمیں کمی، مویشی پال حضرات کی حوصلہ افزائی زرعی ترقی کے لئے حکومت کے انقلابی اقدمات ہیں۔ انہوںنے محکمہ زراعت کے افسران پر زوردیا کہ یونین کونسل سطح پر سیمینارز کا انعقاد کرکے کسان پیکج کے حوالے سے کسانوںکو آگاہی فراہم کی جائے۔ اس سے قبل زراعت اور لائیوسٹاک کے افسران نے شرکاء کو بریفنگ دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ضلع میں ای سٹمپنگ کا باقاعدہ آغاز کر دیا گیا ہے ، تحصیل آفس گجرات میں اس حوالے سے منعقدہ تقریب کے مہمانان خصوصی اے ڈی سی عرفان علی کاٹھیا نے ایم پی ایز میجر (ر) معین نواز ، حاجی عمران ظفر اور چوہدری شبیر احمد اور فوکل پرسن /اے سی گجرات نورالعین ، مسلم لیگ ن کے راہنما چوہدری تنویر گوندل تھے۔ اس موقع پر بات چیت کرتے ہوئے اے ڈی سی عرفان علی کاٹھیا نے کہا کہ و زیر اعلی پنجاب میاں شہباز شریف کے وژن کے مطابق ای سٹمپنگ کا آغاز کیا گیا ہے جس کا مقصد جائیداد کی خرید و فروخت کے معاملات میں دھوکہ دہی کا خاتمہ ہے جبکہ اس نظام کے نفاذ سے رجسٹریشن فیس کے حوالے سے بھی بدعنوانیوں کا خاتمہ ہوگا۔ انہوںنے کہا کہ ضلع گجرات میں ای سٹمپنگ کے لئے پانچ سہولت مراکز قائم کئے گئے ہیں جہاں موجود عملہ چالان فارم 32اے بلامعاوضہ فراہم کرے گا جبکہ اسکی مدد سے پنجاب بنک کی کسی بھی برانچ سے محض 30منٹ میں اشٹا م حاصل کئے جا سکیں گے۔ انہوںنے بتایا کہ ای سٹمپنگ کے ذریعے ہونیوالے تمام رجسٹریاں کمپوٹرائزڈ ہونگی جاری ہونیوالی فرد کی بھی تصدیق کی جا سکے گی۔ اے ڈی سی عرفان علی کاٹھیا نے بتایا کہ ضلع گجرات کے دیہی موضعات کا ریکارڈکمپوٹرائز کرنے کا کام تکمیل کے آخر ی مراحل میں ہے جبکہ اگلے مرحلے میں اربن ریکارڈ کی کمپوٹرائزیشن ہوگی۔ ایم پی ایز میجر (ر) معین نواز ، حاجی عمران ظفر اور چوہدری شبیر احمدنے کہا کہ لینڈ ریکارڈ کی کمپوٹرائزیشن اور اب ای سٹمپنگ حکومت پنجاب کے انقلابی اقدامات ہیں جن سے کرپشن کے خاتمہ میں مدد ملے گی۔ انہوںنے کہا کہ ای سٹپمنگ کا نظام کی کامیابی سے شہریوں کی جائیدادوںکو محفو ظ بنانے کے ساتھ حکومت کے ریونیو کو بہتر بنانے میں بھی مدد ملے گی۔ اس سے قبل فوکل پرسن ای سٹمپنگ اسسٹنٹ کمشنر گجرات نے مہمانان خصوصی کو بریفنگ دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) اساتذہ معیاری و جدید تعلیم کی فراہمی میں کلیدی کردار ادا کرتے ہوئے روشن پاکستان کے مستقبل کے ضامن ہیں۔ بہترین تعلیمی نتائج و مقاصد کے حصول کے لیے جدید ٹیکنالوجی سے استفادہ دورِ حاضر کی ضرورت بن چکا ہے۔ جامعہ گجرات تعلیمی سر بلندی کی ہر ممکن کوشش کو بروئے کار لاتے ہوئے ملکی ترقی میں اپنے حصہ کا ہاتھ بٹانے کی بھرپور کاوش کر رہی ہے۔ طلبہ کے ساتھ ساتھ بہترین اساتذہ اعلیٰ تعلیمی ادارہ کا سرمایہ ہوتے ہیں۔ اعلیٰ تعلیم کے نظام کو جدید خطوط پر استوار کرنے کے لیے جامعہ گجرات کے اساتذہ کی مثالی کاوشیں نوجوان طلبہ کو عملی اور سود مند تعلیم سے آراستہ کرنے کی جانب اہم قدم ہیں۔ ان خیالات کا اظہار وائس چانسلر پروفیسر ڈاکٹر ضیاء القیوم نے جامعہ گجرات کے سینیئر اساتذہ کے نمائندہ اجلاس سے خطاب کرتے ہوئے کیا۔ سینیئر اساتذہ و انتظامیہ کے اس اجلاس میںمختلف شعبہ جات کے صدور، چیئرپرسن، ڈین، ڈائریکٹروں کے علاوہ رُکن کالجوں کے پرنسپلوں نے شرکت کی۔ ڈاکٹر ضیاء القیوم کی معاونت کے فرائض رجسٹرار ڈاکٹر طاہر عقیل نے سرانجام دئیے۔ اس نمائندہ اجلاس کا مقصد جامعہ گجرات کے تعلیمی منصوبوں کا جائزہ لیتے ہوئے ان میں مزید بہتری کا ادراک کرنا تھا۔ ڈاکٹر ضیاء القیوم نے مزید کہا کہ جدید ٹیکنالوجی سے استفادہ اور ملکی سطح پر اس کا فروغ ترقی کی علامت ہے مگر جدید ٹیکنالوجی کو باہر سے درآمدکرنے کی بجائے ہمیں کوشش کرنا چاہیے کہ ہم ملکی جامعات میں اپنے طلبا وطالبات کو جدید خطوط پر استوار معیاری تعلیم کی فراہمی کے ذریعے مقامی ماہرین تیار کریں جو مقامی صنعت و حرفت کی ترقی کے لیے مقامی ٹیکنالوجی تیار کرنے کافریضہ سر انجام دیں۔ جامعہ گجرات کوشش کر رہی ہے کہ امسال جدید ٹیکنالوجی کا سہارا لیتے ہوئے آن لائن ایڈمشن کے نظام کو فعال بنایا جائے۔ ڈاکٹر ضیاء القیوم نے اساتذہ سے استدعا کی کہ وہ اپنے طلبہ کے لیے ایسے کورسز تشکیل دینے کی کوشش کریں جو فارغ التحصیل ہونے کے بعد عملی طور پر ان کے مددگار ثابت ہوں۔ طلبہ میں انٹر پرینیئر شپ کے شعور کو اُجاگر کرنا ہمارا سب سے بڑا مطمع نظر ہے تاکہ ہمارے طلبہ ملک و قوم پر بوجھ بننے کی بجائے سلیف بزنس کے ذریعے ملکی ترقی میں بیش بہا اضافہ کا باعث بنیں۔ ڈاکٹر طاہر عقیل نے کہا کہ ڈاکٹر ضیاء القیوم کی قیادت میں تعلیمی و تدریسی سطح پر جامعہ گجرات میں واضح تبدیلیاں محسوس ہونا شروع ہو گئی۔ تعلیم و تدریس کا اصل مقصد طلبہ کی نوجوان نسل کو معاشرہ کا ذمہ دار اور فرض شناس شہری بننے کی جانب راغب کرنا ہوتا ہے۔ تعلیم کے اصل مقاصد کو حاصل کرنے میں ذمہ دار اساتذہ راہنما کردار ادا کرتے ہوئے اپنے فرائض منصبی سے بہترین طریقہ سے عہدہ بر آمد ہو سکتے ہیں۔ اس نمائندہ اجلاس میں ڈائریکٹرITسروسز ارشد منظورنے جامعہ گجرات کی نئی ویب سائٹ کا تفصیلی جائزہ پیش کیا اور اس ویب سائٹ کے کلیدی فیچرز کو متعارف کرواتے ہوئے آن لائن ایڈمشن کے طریق کار سے آگاہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) ”مینوں نوٹ وکھا میرا موڈ بنے”محلہ عزیز پورہ کھاریاں کا ٹرانسفارمر 15دن بعد ہی دوبارہ جل گیا جسے جلے ہوئے بھی تادم تحریر42گھنٹے سے زائد گزر گئے بار بار محکمہ واپڈا میں تحریری درخواستیں دینے کے باوجود ٹرانسفارمر کی مرمت کا کام شروع نہ ہو سکا۔ تفصیل کے مطابق کھاریاں کے محلہ عزیز پورہ کا ٹرانسفارمر جو 15روز قبل اہل محلہ سے 16سے20ہزار روپے وصول کر کے سٹی فیڈر انچارج نے مرمت کروایا جو بمشکل 15دن نکال سکے۔ موصوف کی پیسے لینے پر اہل محلہ نے شکایت ایکسین واپڈا سے کی جس پر انہوں نے ایکشن لیتے ہوئے سٹی فیڈر انچارج کی انکوائری لگا دی۔ شکایت لگانے پر علاقہ کے عوام کو ٹرانسفارمر مرمت نہ کر کے سزا دی جا رہی ہے۔ قبل ازیں دو دفعہ ٹرانسفارمر جلنے پر سٹی فیڈرانچارج نے اہل محلہ سے پیسے وصول کر کے دونوں دفعہ ہی چند گھنٹوں کے اندر اندر ٹرانسفارمر مرمت کروا دیا تھا دوسری دفعہ پیسے لینے پر اہل محلہ نے ایکسین سے شکایت کی اُسی شکایت کا خمیازہ اب اہل محلہ کو بھگتنا پڑ رہا ہے اور بار بار درخواستیں دینے کے باوجود سٹی فیڈر انچارج ٹرانسفارمر مرمت کرنے کو تیار نظر نہیں آتا۔ ٹرانسفارمر جل جانے کی وجہ سے محلہ عزیز پورہ کربلا کا منظر پیش کر رہا ہے نہ پینے کے لئے پانی دستیاب ہے اور نہ ہی کھانا بنانے کے لئے اور نہ ہی نہانے دھونے کے لئے اس کے ساتھ ساتھ گرمی کے ستائے ہوئے بچے بوڑھے، خواتین سارا دن گلیوں میں بیٹھے رہتے ہیں جبکہ رات جاگ کر گزارنے پر مجبور ہیں عوامی حلقوں نے چیف گیپکو اور ایکسین کھاریاں سے مطالبہ کیا ہے کہ ایسے کرپٹ شخص کو کھاریاں سے تبدیل کر کے کوئی ایماندار اور عوام کی مشکلات کا ادراک رکھنے والا آفیسر تعینات کیا جائے تاکہ عوام کوسکھ کا سانس میسر آ سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) 7اگست سے شروع ہونے والی تحریک کی کامیابی میں یوتھ نمایاں کردار ادا کرے گی نوجوان ہراوّل دستے کا کردار ادا کریں گے عمران خان کی کال پر لبیک کہتے ہوئے بڑے قافلے کے ہمراہ دھرنے میں شرکت کریں گے ان خیالات کا اظہار صدر PTI یوتھ ونگ حلقہ پی پی 115 چوہدری اجمل حسین پیارا وائس چیئرمین یوسی بدر نے کیا۔ انہوں نے کہا کہ عوام کی نظریں اب صرف اور صرف عمران خان پر لگی ہوئی ہیں اور عمران خان کو ہی نجات دہندہ سمجھ رہے ہیں انشاء اللہ 7اگست سے کرپٹ اور لٹیرے حکمرانوں سے چھٹکارا حاصل کرنے کی تحریک شروع ہو رہی ہے اور ان حکمرانوں کا دھڑن تختہ کرنے کے بعد ہی ختم ہو گی چوہدری اجمل حسین پیارا نے مزید کہا کہ PTI کی یہ تحریک کامیاب ہو کر ہی ختم ہو گی عوام گھروں سے نکلیں اور دھرنے کو کامیاب بنائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) سید نور الحسن شاہ کلیوال کی وفات پر سیاست اور خدمت کا باب بند ہوا ہے ضلع گجرات ایک زیرک انسان سے محروم ہو گیا ہے ہم لواحقین کے غم میں برابر کے شریک ہیں دعا ہے کہ اللہ تعالیٰ سید نورالحسن شاہ کے درجات بلدن کرے۔ تعزیت کرنے والوں میں مہر ناظم حسین رڑیالہ، سید خالد حسین جھانٹلہ، راجہ طفیل میڑھ، سید گلاب شاہ لمے شریف، سید صابر حسین شاہ لمے شریف اور دیگر شامل ہیں معززین علاقہ نے سیدنور الحسن شاہ کلیوال کی وفات پر گہرے دکھ اور غم کا بھی اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) ایم این اے چوہدری عابد رضا کوٹلہ کی قیادت میں عوام نے آزاد کشمیر کے الیکشن میں محبتوں کا پھر مقروض بنا دیا ہے اور چوہدری عابد رضا کے نامزد امیدوواروں کو ووٹ دے کر کامیاب بنایا ہے ہم عوام کے بے حد مشکور ہیں قائدین کوٹلہ برادران کی قیادت میں خدمت کا سلسلہ جاری رکھیں گے حلقہ این اے107 اور پی پی115 کی طرح آزاد کشمیر میں بھی تعمیر وترقی کی تاریخ رقم کی جائے گی ان خیالات کا اظہار مشترکہ طور پر راہنما مسلم لیگ(ن) یوسی ڈوگہ محمد ناصر ایوب سیٹھ رڑیالہ اور ڈاکٹر خالد محمود بٹ رڑیالہ نے کیا۔ انہوں نے کہا کہ ایم این اے چوہدری عابد رضا کی قیادت میں نومنتخب بلدیاتی نمائندے آزاد کشمیر کے M.L.A خدمت کی تاریخ رقم کریں گے انہوں نے مزید کہا کہ آنے والا دور بھی مسلم لیگ(ن) کا ہی ہے میاں نواز شریف ہی وزیراعظم بنیں گے اور تعمیر وترقی اور خوشحالی کا سلسلہ جاری رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) ملک وحید سرور بدرمرجان چیئرمین ایک باصلاحیت نوجوان ہیں انشاء اللہ پورے پاکستان میں PTIیوتھ ونگ کو فعال اور ناقابل تسخیر جماعت بنائیں گے ہم ملک وحید سرور کوPTI یوتھ ونگ پاکستان کا نائب صدر منتخب ہونے پر مبارکباد پیش کرتے ہیں ان خیالات کا اظہار مشترکہ طور پر ممتاز اوورسیز پاکستانی ملک سعید احمد بدرمرجان (سپین) اور ملک ظہیر احمد بدرمرجان (ڈنمارک) نے کیا انہوں نے کہا کہ عمران خان کا ویژن بھی نوجوانوں کو آگے لانا ہے ملک وحید سرور عمران خان کے ویژن پر پورا اتریں گے اورPTI یوتھ ونگ کو پورے ملک میں متحرک کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) EDOہیلتھ گجرات ڈاکٹر چوہدری الطاف نے مس صائمہ فردوس کو سول ہسپتال کھاریاں میں تعینات کر دیا جبکہ ان کی پیش رو مسز غزالہ کوBHU موہری شریف تبدیل کر دیا ہے یاد رہے کہ صائمہ فردوس اس سے قبل موہری شریف میں اپنی خدمات سرانجام دے رہی تھی ان کا شمار بھی محنتی اور قابل L.H.Vs میں ہوتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
6ماہ میں 657بچوں کے اغواء پنجاب حکومت کی کارکردگی پر بھی سوالیہ نشان ہے۔ آصف سہیل کھوکھر
لاہور(جی پی آئی) یونین کونسل 246یوحنا آبادنشترٹائون کے چیئرمین آصف سہیل کھوکھرنے6ماہ میں 657بچوں کے اغواء ہونے پر تشویش کااظہارکرتے ہوئے کہاہے کہ پنجاب میں 6ماہ میں 657بچوں کے اغواء پرسرکاری رپورٹ سے نہ صرف پنجاب پولیس کی کارکردگی کاپول کھل گیاہے بلکہ پنجاب حکومت کی کارکردگی پر بھی سوالیہ نشان ہے۔ یہ رپورٹ پولیس کی کارکردگی صفر ہونے کی عکاس ہے۔انہوں نے کہاکہ بچوں کے اغواء کے واقعات انتہائی شرمناک ہیں ان کی جتنی مذمت کی جائے وہ کم ہے۔اتنی بڑی تعداد میں بچوں کااغواء کوئی معمولی بات نہیں ،اس تکلیف کاان والدین سے پوچھیں جن کے لخت جگر غائب ہوئے ہیں۔6ماہ میں اتنی بڑی تعداد میں بچوں کااغواء ہونا حکومت کی فوری توجہ کامتقاضی ہے۔ آصف سہیل کھوکھرنے مزید کہاکہ پنجاب میں رینجرز آپریشن وقت کی اہم ترین ضرورت ہے ۔اس لئے ضرورت اس امرکی ہے کہ صوبائی حکومت اس بات کاسختی سے نوٹس لے کہ آخر اتنی بڑی تعداد میں بچوں کے اغواء کے مقاصد کیاہیں کیونکہ لاہور میں بچوں کے اغواء کار انتہائی تیزی کے ساتھ اپنے ایجنڈئے کیلئے سرگرم ہیں۔ پنجاب حکومت اپنی کارکردگی پر لگنے والے ان کلنک کے ٹیکوں کے خاتمے کیلئے فی الفور حرکت میں آئے اورمغوی بچوں کی بازیابی کیلئے تمام تروسائل استعمال کئے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
90 فیصد نوجوان خاندانوں کا سہارا بننے کی بجائے بے روزگاری کے عذاب میں جل رہے ہیں۔ایم اے تبسم
لاہور(جی پی آئی) کالمسٹ کونسل آف پاکستان (سی سی پی) کے مرکزی صدرایم اے تبسم نے کہاہے کہ عوام مہنگائی اور بے روز گاری سے پیدا ہونے والی غربت کے باعث زندگی سے تنگ آکر خود کشیوں کے عذاب سے دوچار ہیں۔مہنگائی اور بے روز گاری کی وجہ سے پنجاب کی آدھی سے زیادہ آبادی پیٹ بھر کر روٹی کھانے کی سکت نہیں رکھتی۔ پنجاب حکومت کی کارکردگی صرف اشتہارات تک محدود ہے۔صرف نمائشی کاموں سے وقت گزارا جارہا ہے۔ ایم اے تبسم نے کہا کہ روز گار فراہم کرنے کے تمام اعلانات غلط ثابت ہوئے۔زندگی کا گزارا مشکل ہوگیا ہے۔ حکومت کی بدانتظامی کے باعث پنجاب میں دوسرے صوبوں سے زیادہ مہنگائی ہے۔وفاقی ادارہ شماریا ت کے مطابق گذشتہ سال میں سب سے زیادہ اضافہ کھانے پینے کی اشیاء میں ہوا ہے۔آٹا،گھی،دال،چاول،چینی،سبزیاں،فروٹ سب کچھ عام آدمی کی پہنچ سے دور ہوگیا ہے۔انہوں نے کہاکہ پنجاب میں صنعتی کارخانے بند ہونے میں مزید تیزی آگئی ہے جس سے بے روزگاری کے سیلاب نے ہر کسی کو اپنی لپیٹ میں لے لیا ہے۔جو فیکٹریا ںابھی تک سلامت ہیں ان میں بھی تین کی بجائے ایک شفٹ چلائی جارہی ہے۔جس سے دوشفٹوں کے مزدور محروم ہوگئے ہیںصوبائی حکومت روزگار کے نئے مواقع پیداکرنے کی بجائے بے روزگاری میں مسلسل اضافہ کرنے میں مصروف ہے۔فیڈریشن آف چیمبرز آف کامرس اینڈانڈسٹری،اپٹما اور لاہور چیمبر آف کامرس کی رپورٹس کے مطابق پنجاب میں ساٹھ لاکھ کے قریب ملازم بیروزگار ہوگئے ہیں۔پنجاب میں جرائم میں اضافہ کی سب سے بڑی وجہ غربت اور بے روز گاری ہے۔پنجاب کے 90 فیصد نوجوان اپنے خاندانوں کا سہارا بننے کی بجائے بے روزگاری کے عذاب میں جل رہے ہیں۔ایم اے تبسم نے کہاکہ اٹھارویںترمیم کے تحت اجازت ملنے کے باوجود پنجاب حکومت نے ایک میگاواٹ بجلی بھی پیدا نہیں کی۔غربت اور خودکشیوں میں ہر روز اضافہ ہورہا ہے لیکن حکمران شاہانہ زندگی بسر کررہے ہیں۔پنجاب حکومت کے اللوں تللوں اور غیر دانشمندانہ پالیسوں کے باعث پنجاب کئی سو ارب روپے کا مقروض ہوچکا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بریڈفورڈ(جی پی آئی) حضور اکرم ۖ پیغمبر امن و محبت بن کر تشریف لائے ۔ولادت نبوی ۖ کا صدقہ کائنات میں نور ہدایت پھیلا ۔وقارِ انسانیت ،عظمتِ نسواں، احترام انساں اور معرفت یزداںصدقۂ محمد ۖ ہے ۔منتشر معاشرہ اخوت و اتحاد کی علامت بن کر مثالی معاشرہ بنا ۔عرب و عجم میں تفریقات کا خاتمہ ہوا ۔ ایک خد ا ، ایک رسول ۖ ،ایک قرآن کو ماننے کی سوچ پروان چڑھی ۔وحدتِ ملت کے لئے آج بھی میلاد والے آقا ۖ کی تعلیمات کا فروغ ضروری ہے ۔عوامی فلاح شریعت کی بالا دستی میں ہے ۔ فحاشی و عریانی سے اسلامی معاشرہ کو پراگندہ کرنے والے اپنی آخرت کی فکر کریں ۔ عشقِ رسول ۖ کا تقاضا ہے کہ محفل میلاد النبی ۖ گھر گھر منائی جائے۔ جشن میلاد منانا سنت خدا ، سنت انبیاء ،سنت اولیاء اور جمہور امت کا طریقہ ہے ۔قوم کو محبتوں کے بندھن میں پرونے کے لئے ضروری ہے کہ ملت اسلامیہ مشترکات کو اپنالے ۔ غلبۂ اسلام اور استحکام پاکستان کے لئے درود والے ہی میدان میں نکل کر دنیا کو امن و آشتی کا گہوارہ بنائیں گے ۔ان خیالات کا اظہارچیئرمین انجمن خدام الصوفیہ و امیر ملت ٹرسٹ پیر سید منور حسین شاہ جماعتی سجادہ نشین آستانہ عالیہ حضرت امیر ملت علی پور سیداں شریفجامع انوار الاسلام بریڈ فورڈ سٹی یوکے میںماہانہ محفل میلاد مصطفےٰۖسے خطاب کرتے ہوئے کیا ۔اس موقعہ پر پیر سید ذاکر حسین شاہ جماعتی ،پیر سید اشفاق حسین شاہ جماعتی مہمانان خصوصی تھے ۔اس موقعہ پر خطاب کرتے ہوئے علامہ محمد تبسم بشیر اویسی سجادہ نشین مرکز اویسیاںنارووال نے کہا کہ میلاد النبوی ۖ نے تمام انسانیت اور مخلوقات کو عزت و وقار بخشا ۔آج کے دور میں کامیابی و کامرانی کے لئے صرف احکاماتِ نبوی پر عمل کرنا ضروری ہے ۔ نبی کریم ۖ کی تعلیمات ہر دور میں قابل عمل اور ترقی کی ضامن ہیں ۔میلاد النبی ۖ حقیقت میں انسانی عروج کا باعث بنی ۔پیغمبر امن حضرت محمد مصطفےٰ ۖ کی ولادت عالمی امن کی نوید ہے۔غلبہ اسلام کے لئے مسلمانوں کو تمام تر فروعی اختلافات ختم کر کے ذات نبوی ۖ پر متفق ہونا ضروری ہے ۔رسول اعظم ۖنے مقاصد بعثت کی تکمیل کے لئے معاشرہ کی اصلاح و فلاح کا لافانی دستور عطا فرمایا ،ماں ، بہن ، بیٹی کی تمیز اور اصول و قانون کی پاسداری سکھائی ،اخلاقِ حسنہ سے مادر پدر آزاد خیال عرب قوم کو محبت و احترام کے رشتے میں پرو دیا ۔ دنیا پر واضح کیا کہ رنگ و نسل ، قوم و قبیلہ یا علاقہ و خطہ سے پہچان نہ رکھو بلکہ کلمہ طیبہ کے بندھن سے اپنا تعارف سمجھو۔ اس موقعہ پر صاحبزادہ سید نعمان حسین شاہ جماعتی نے ہدیہ عقیدت پیش کیا۔اختتام پر ملت اسلامیہ کیلئے خصوصی دعا کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان علماء کونسل کے مرکزی وائس چیئرمین مولانا ایوب صفدر نے کہا ہے کہ حرمین الشریفین کے دفاع کیلئے کسی قربانی سے دریغ نہیں کریں گے۔ حرمین الشریفین کے دفاع اور سلامتی ہر مسلمان کو اپنی جان سے زیادہ عزیز ہے۔ سعودی عرب ،پاکستان اور اسلامی ممالک کیخلاف ہونے والی سازشوں کیخلاف امت مسلمہ کا اتحاد وقت کا اہم تقاضا ہے۔پاکستان علماء کونسل کے زیر اہتمام تحفظ حرمین الشریفین کانفرنس 31جولائی کوچیمبر آف کامرس گوجرانوالہ میں ہوگی۔ کانفرنس میں پاکستان علماء کونسل کے مرکزی قائدین حافظ محمد طاہر محمود اشرفی ،صاحبزادہ زاہد محمود قاسمی کے علاوہ دیگر مکاتب فکر کے قائدین خطاب کریں گے۔ کانفرنس کی تیاریوں کے سلسلہ میں ہونے والے اجلاس سے خطاب کرتے ہوئے انہوں نے کہا کہ کانفرنس کے انتظامات کیلئے مختلف کمیٹیاں تشکیل دے دی گئی ہیں ۔انتظامی کمیٹی میں پروفیسر حافظ محمد عبد اللہ ، چوہدری اصغر باجوہ،حافظ امجد محمود معاویہ،رانا محمد کفیل خان،حکیم سلطان محمود،قاری عمر فاروق کے نام شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) عالمی انجمن خدام الدین کے امیر مولانا میاں محمد اجمل قادری نے کہا ہے کہ جمعیت علماء اسلام کی صد سالہ تقریبات کا آغاز23 مارچ2017ء مرکز شیرانوالہ سے ہوگا،اور اس سلسلہ میں آخری پروگرام نومبر میں ایوب اسٹیڈیم کوئٹہ میں ہوگا،14اگست کو لیاقت باغ راوالپنڈی،11ستمبر کو مزار قائد کراچی،میں ہوگا۔گذشتہ روز کیولری گراؤنڈ اپنے گھر میں ہنگامی پریس کانفرنس سے خطاب کرتے ہوئے ۔انہوں نے کہا کہ نواز حکومت ہچکولے کھا رہی ہے اور ریاست پاکستان کو داؤ پر لگائے ہوئے ہے،آزاد کشمیر میں واضح اکثریت ملنے کامقصد ریاست کی خوبصورتی نہیں بلکہ بد صورتی کی علامت ہے،سیاسی میں وسعت پسندی کی ضرورت ہے ، انتہا پسندی کی سیاست میں کوئی گنجائش نہیں۔ پاکستان کی عوام بھی ترک عوام سے زیادہ جمہوریت پسند ہے ،ملک کا مستقبل روشن ہے، وزیر اعظم کی انتہا پسندی قوم کو اندھیروں میں دھکیل رہی ہے،انہوں نے کہا کہ پاک چائنہ بہتر تعلقات پر امن افغانستان ہے اور افغانستان کا امن ایشاء کے امن کی ضمانت ہے۔انہوں نے کہا کہ کراچی اور گوادر کی بدحالی کو خوشحالی میں بدلنے کے لئے دینی مدارس کی خدمات حاضر ہیں،انہوں نے کہا کہ جے یو آئی پاکستان میں نواز شریف کے سیاسی قد کو بہتر سوقد سمجھتی ہے،انہوں نے کہا کہ کراچی کی خوشحالی لاہور اور اسلام آباد کی تزئنی و آرائش سے زیادہ ضروری ہے اور گوادر کا مسقبل بھی کراچی کے حال سے ہی وابستہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نارووال(جی پی آئی) تحریک پاکستان میں علماء و مشائخ اہلسنت کا کردار روز روشن کی طرح عیاں ہے ۔ہمارے اسلاف نے حصول پاکستان کیلئے قربانیاں پیش کی ہیں۔نصاب تعلیم سے ان نفوس قدسیہ کی تعلیمات کو نکال دیا گیا ہے جس کی وجہ سے نسل نو ان اعلیٰ کردار لوگوں سے نا آشاں ہیں۔ جو قومیں اپنے اسلاف کی تعلیمات کو بھلادیتی ہیں وہ قومیں ہلاک و برباد ہو جاتی ہیں جبکہ اسلاف کی تعلیمات پر عمل کرنے والوں کو دنیا و آخرت میں کامیاب حاصل ہوتی ہے۔ تحریک پاکستان میں علماء و مشائخ اہلسنت کے کردار کے حوالے سے 13اگست 2016ء 2بجے دن قائد تحریک اویسیہ پاکستان علامہ پیر محمد تبسم بشیر اویسی سجادہ نشین مرکز اویسیاں نارووال کی زیر صدارت اتحاد تنظیمات اہلسنت کے زیر اہتمام ”استحکام پاکستان سیمینار ”منعقد ہو گا جس میں ملک بھر سے جید علماء و مشائخ ، سیاسی ،سماجی ،روحانی ،علمی اور مذہبی شخصیات کے علاوہ ضلع بھر کی سنی تنظمات کے قائدین خطابات کریں گے ۔ان خیالات کااظہار جنرل سیکرٹری اتحاد تنظیمات اہلسنت چوہدری محمد یعقوب اویسی ایڈووکیٹ ضلعی صدر تحریک اویسیہ پاکستان نارووال نے مرکز اویسیاں نارووال میں اتحاد تنظیمات اہلسنت کے اہم اجلاس سے خطاب کرتے ہوئے کیا ۔ اس موقعہ پر پیر ارشد محمود نعیمی سجادہ نشین آستانہ عالیہ نعیمیہ قادریہ تکیہ کلاں، راہنما جمعیت علماء پاکستان سید منظور حسین شاہ، معروف علمی شخصیت مفتی محمد عارف نقشبندی آف ساہو وال، ضلعی ناظم تحریک اویسیہ نارووال قاری محمد ارشد اویسی، راہنما تنظیمات اہلسنت رفاقت انجم مصطفائی ،ترجمان مرکز اویسیاں صاحبزادہ محمد عاصم بشیر اویسی، ضلعی صدر بز م رضائے محمد ۖ نارووال حافظ محمد عرفان اسلام اویسی،قاری منیر احمد شاد، تحصیل ناظم عالمی تنظیم اہلسنت نارووال مولانا محمد اعظم عطاری، راہنما مرکز ی جماعت اہلسنت مولانا عرفان خان، سٹی صدر ٹی او پی نارووال صوفی شوکت علی اویسی، پرسنل سیکرٹری علامہ پیر اویسی صاحب محمد محسن اویسی، حافظ محمد حسنین ارشد اویسی بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد(جی پی آئی) پاکستان علماء کونسل کے وفد کی صاحبزادہ زاہد محمود قاسمی کی قیادت میں R.P.Oٰفیصل آباد صدیق کمیانہ سے ملاقات ۔انتہاپسندی اور دہشتگردی کے خلاف مذہبی رواداری کے فروغ دینے پر اتفاق ۔پاکستان علماء کونسل کے مرکزی سیکرٹری جنرل ،ممبر اسلامی نظریاتی کونسل صاحبزادہ زاہد محمود قاسمی کی قیادت میں علماء کونسل کے وفد نے بلال صدیق کمیانہ R.P.Oفیصل آباد سے ملاقات کی وفد میں پاکستان علماء کونسل پنجاب کے صدر حافظ محمد امجد ،مولانا شبیر احمد عثمانی صوبائی جنرل سیکرٹری ،صاحبزادہ خالد محمود قاسمی ،مولانا اعظم فاروق ضلعی صدرفیصل آباد،مولانا سعد اللہ صدر ٹوبہ ٹیکسنگ ،مولانا نواس ضلعی سرپرست ،قاری عصمت اللہ ڈویژنل جنرل سیکرٹری ،مولانا نعیم طلحہٰ صدر جناح ٹائون،قاری رمضان ،قاری محمد عثمان ،مولانا محمد اسماعیل ،مولانا اکرم ،مولانا کرم داد،قاری محمد حیات،مولانا عثمان طارق ضلعی صدر جھنگ،قاری الطاف اللہ ،قاری اختر عثمانی ،قاری احمد یار ،قاری ثاقب عزیز ،مولانا یاسر،مولانا عامر اشرف،مولانا قاسم عمار جنرل سیکرٹر ی چینوٹ نے شرکت کی ۔ علماء نے امن ،سلامتی ،رواداری کے فروغ اور انتہاپسندی کے خاتمے کے لیئے کردار ادا کرنیکی یقین دہانی کروائی R.P.Oفیصل آباد بلال صدیق کمیانہ نے کہاکہ عالم اسلام اور پاکستان اس وقت جن مسائل کے شکار ہیں تشدد اور انتہا پسندی کے خاتمے کے لیئے علماء اپنا کردار ادا کریںعلماء کو قرآن و سنت کے مطابق نوجوان نسل کی ذہنی اور فکری تربیت کرنی چاہیئے پاکستان علماء کونسل کے مرکزی سیکرٹری جنرل ممبر اسلامی نظریاتی کونسل صاحبزادہ زاہد محمود قاسمی نے R.P.Oفیصل آباد بلال صدیق کمیانہ کو ان کی فیصل آباد میں بطور R.P.O تعیانتی پر مبارکباد دی اور علماء کونسل کی طرف سے مکمل تعاون کی یقین دہانی کروائی صاحبزادہ زاہد محمود قاسمی نے کہاکہ امن و سلامتی اور رواداری کے فروغ کے لیئے ممبر و محراب سے علماء کا کردارانتہائی اہم ہے بین المذاہب اور بین المسالک مکالمہ کی عملاً کوششیں علماء کونسل نے کیں دہشتگردی اور انتہاپسندی کے خاتمے کے لیئے علماء نے جد و جہد کی محرم الحرام کی آمد سے قبل ڈویژن فیصل آباد میں امن کانفرنسیں اور سیمینار منعقد کیئے جائیں گے اور ضرب عضب اپریشن کے تمام نکات پر علماء کونسل متفق ہے اور اس کو کامیاب بنوانے میں قانون نافز کرنیوالے اداروں اور پولیس کے ساتھ مکمل تعاون کیا جائے گا۔
