گجرات (جی پی آئی) سجادہ نشین آستانہ عالیہ شہنشاہ ولایت و مجاہد ملت صاحبزادہ پیر سید سعید احمد شاہ گجراتی تبلیغی دورہ پر امریکہ پہنچ گئے۔ وہ امریکہ میں مختلف مقامات پر محافل سے خطاب کریں گے۔ وہ طیبہ سنٹربروکلین میں عید الفطر کی نماز پڑھائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)اسسٹنٹ کمشنر کھاریاں ذوالفقار علی باگڑی نے ہمراہ تنویر عباس گجر ٹی او آر تحصیل کھاریاں اور محمد طارق تحصیل فوڈ انسپکٹر و دیگر سٹاف گورمے بیکرز لالہ موسیٰ کا دورہ کیا ہے۔ اس موقع پر انہوں نے دوران چیکنگ باسی اشیاء خوردونوش اور غیر معیاری اشیاء برآمد ہونے پر گورمے بیکری کو سیل کردیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)یوم القدس ریلی مسجد و امام بارگاہ حسینیہ (حسینیہ ٹرسٹ رجسٹرڈ گجرات) سے یوم القدس ریلی چوہدری منظور حسین موسوی کی قیادت میں بعد از نماز جمعہ آغاز ہوئی۔ ریلی کے شرکائ’ مردہ باد امریکہ’ مردہ باد اسرائیل کے نعرے لگاتے ہوئے چوک نواب تمبل چوک میں پہنچے۔ تو شرکاء سے آغا سید مبارک علی موسوی اور سید الطاف عباس کاظمی نے خطاب کیا۔ آغا صاحب نے کہا کہ مسلمانوں کی ہر مصیبت کے پس پشت امریکہ کا ہاتھ ہے۔ اسرائیل امریکہ کی سرپرستی میں نہتے مسلمانوں بچوں اور مرد و خواتین پر ظلم ڈھا رہا ہے۔ حکومت وقت اپنے سفارتی اختیارات استعمال کرے اور القدس کی اسرائیل کے چنگل سے آزاد کروانے کی کوشش کرے۔ پاکستان میں عزاداری کو محدود کرنے کی ہر کوشش ناکام ہو گی اور پابندی لگانے والوں کا حال یزید ملعون جیسا ہی ہو گا۔ شام میں روضہ سیدہ زینب پر حملے کرنے والوں اور شہزادی سکینہ سلام اللہ علیہا کے روضہ مبارک کو نقصان پہنچانے والوں کو اپنا بھیانک انجام دیکھنا ہو گا۔ پاکستانی حکومت کسی امریکی سازش کا آلہ کار نہ بنے اور نہ ہی سعودی ایجنٹ کے طور پر اسلام دشمن شیعہ دشمن کارروائیاں کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)فلسطینی مسلمانوں پر اسرائیلی ظلم و بربریت کے بارے میں عالمی رائے عامہ ہموار کرنا وقت کی اہم ترین ضرورت ہے۔ ان خیالات کا اظہار ڈائریکٹر جنرل خانہ فرہنگ ایران اسلام آباد راولپنڈی آقائے علی نوری نے یوم القدس اور ممتاز شاعر و ادیب تفاخر محمود گوندل کے اعزاز میں منعقدہ عظیم الشان تقریب کے دوران کیا۔ انہوں نے کہا کہ اقوام عالم کو فلسطینی غیور مسلمانوں پر ہونیوالا ظلم و ستم کیوں نظر نہیں آ رہا۔ کیوں عالمی ضمیر خاموش ہے۔ ایسے میں شعراء کرام اور مصنفین کا فرض ہے کہ وہ اپنی تحریروں کے ذریعے عالمی رائے عامہ ہموار کرے انہوں نے تفاخر محمود گوندل کی ادبی کاوشوں کو بے حد سراہا۔ جس میں وہ عالمی اُمہ کو فلسطینی ظلم و ستم کے بارے میں آگاہ کر رہے ہیں۔ تفاخر محمود گوندل جیسے شعراء کرام ہمارے لئے باعث افتخار ہیں۔ ممتاز شاعر و ادیب قائم نقوی نے کہا کہ اہم قلم کا فریضہ ہے کہ وہ قلم کے ذریعے عالم اسلام کی سوئی ہوئی روحوں کو بیدار کرے تاکہ اسلام کے خلاف ہونیوالی سازشوں کو بے نقاب کیا جا سکے۔ تفاخر محمود گوندل نے خطاب کرتے ہوئے کہا کہ جب تک ہمارے شاعر و ادیب بیدار نہیں ہوں گے قوم ترقی نہیں کر سکتی۔ شعراء کرام و ادبی شخصیات کی حوصلہ افزائی وقت کی اہم ضرورت ہے۔ تفاخر محمود گوندل نے خانہ فرہنگ ایران کا شکریہ ادا کیا کہ انہوں نے اس تقریب کا انعقاد کیا۔ اس موقع پر ممتاز علمائے کرام ‘ مصنفین نے شرکت کی۔ محفل مشاعرہ کا بھی انعقاد کیا گیا۔ جس میں ملک بھر کے ممتاز شعراء کرام نے حصہ لیا۔ اور اپنا کلام پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)حضرت سائیں کرم الٰہی المعروف سائیں کانونوالی سچی سرکار کا سالانہ عرس مبارک مورخہ 16-17-18-19 جولائی بروز ہفتہ ‘ اتوار ‘ سوموار’ منگل منعقد ہو گا۔ جس میں سائیں ساجد حسین 16 جولائی کو بعد نماز مغرب کو دربار شریف کو عرق گلاب سے غسل دیں گے ۔ محفل میلاد مصطفی ۖ کا انعقاد کیا جائے گا۔ ممتاز علماء کرام مشائخ عظام بھی شرکت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)جمعتہ الوداع کے سلسلہ میں جامعہ شہنشاہ ولایت میں خطاب کرتے ہوئے صاحبزادہ پیر حسن محمود شاہ گجراتی نے کہا کہ اُمت مسلمہ کو بیدار کرنا وقت کی اہم ضرورت ہے۔ ہم اللہ تعالیٰ کے شکر گزار ہیں کہ ہمیں رمضان المبارک میسر آیا جس میں ہم نے اللہ تعالیٰ کی خوشنودی کیلئے روزے رکھے۔ ہمیں چاہئے کہ اللہ تعالیٰ کی خوشنودی کیلئے عبادت کو جاری رکھیں جس طرح ہم رمضان المبارک میں مساجد بھر جاتی تھیں یہ سلسلہ رمضان کے بعد بھی جاری رہنا چاہئے۔ قاری محمد شعیب نے خطاب کرتے ہوئے جمعتہ الوداع کی فضیلت پر روشنی ڈالی۔ اس موقع پر ملکی ترقی و سلامتی کیلئے خصوصی دعائیں کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ضلع بھرمیں جمعتہ الوداع اور یوم القدس کے موقع پر لوڈ شیڈنگ کی انتہاء ہو گئی۔ لوگ گرمی سے نڈھال رہے اور مساجد میں وضو کیلئے پانی کی قلت پیدا ہو گئی عوامی حلقوں نے واپڈا حکام کی طرف سے لوڈ شیڈنگ کی ظالمانہ کارروائیوں کی مذمت کی ہے اور کہا ہے کہ اب تو عوام عبادت کرنے سے بھی محروم ہو رہے ہیں کیا یہی گڈ گورننس ہے ۔ کہ حکومت لوڈ شیڈنگ پر قابو پانے کیلئے سنجیدگی سے کام نہیں کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ضلع بھرمیں جمعتہ الوداع اور یوم القدس کے موقع پر فول پروف سیکورٹی انتظامات۔ جگہ جگہ پولیس اہلکار تعینات کئے گئے ۔ کسی بھی ممکنہ حادثہ سے نمٹنے کیلئے ضلعی حکومت کی جانب سے بہترین اقدامات کئے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی سی او لیاقت علی چٹھہ نے ارکان صوبائی اسمبلی چوہدری اشرف دیونہ ، میجر (ر) معین نواز اور مسلم لیگ ن کے راہنما چوہدری مبشر حسین کے ہمراہ رمضان سستا بازار ظہورالٰہی اسٹیڈیم کا دورہ کیا جہاں پر انہوںنے آٹا ، چاول ، مارکیٹ کمیٹی ، فروٹ و سبزی و دیگر سٹالز کا معائنہ کیا اشیاء خورد و نوش کی کوالٹی چیک کی ۔ ڈی سی او نے خریداری کے لئے آنیوالے افراد سے بھی فراہم کی جانیوالی سہولیات اور قیمتوں کے حوالے سے دریافت کیا۔ انہوں نے ہدایت کی کہ رمضان بازار میں تمام اشیائے خورد و نوش وافر مقدار میں موجود ہونی چاہیں ، ڈبوں میں پیک دودھ، بوتلیں اور دیگر اشیا ء برانڈڈ ہوں اور ان پر ایکسپائری کی تاریخ بھی درج ہو، نیز ایگری فئیر پرائس شاپس سمیت تمام سٹالز پر اعلی کوالٹی سبزیوں اور پھلوں کی فراہمی کی ہدایت کی ۔ بعد ازاں انہوں نے فروخت کے لئے رکھے گئے آٹے کے تھیلو ں کا وزن چیک کیا ۔ بعد ازاں انہوں نے ظہور الٰہی اسٹیڈیم میں جاری تعمیراتی کام کا بھی معائنہ کیا ڈی ایس او ندیم بٹ نے انہیں تعمیراتی کام کے بارے میں بریفنگ دی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)اٹھارہ کروڑ روپے لاگت سے تعمیر ہونیوالی شادیوال روڈ اور شہبا ز شریف پارک رو ڈ کا افتتاح کر دیا گیا ہے، ڈی سی او لیاقت علی چٹھہ نے مسلم لیگ ن کے راہنما چوہدری مبشر حسین کے ہمراہ تختی کی نقاب کشائی کی، ای ڈی او فنانس چوہدری اصغر، ڈی او روڈز رائے نواز، چیئرمین چوہدری نواز ریحانیہ و دیگر بھی موجود تھے۔ اس موقع پر بات چیت کرتے ہوئے ڈی سی او لیاقت علی چٹھہ نے بتایا کہ ساڑھے 8کلو میٹر طویل شادیوال روڈ کی تعمیر پر 17کروڑ روپے خرچ ہوئے ہیں، کارپٹ روڈ کے دونوں اطراف سیوریج نالے بھی تعمیر کئے گئے ہیں تاکہ سیوریج اور بارش کے پانی سے اس اہم ترین روڈ کو نقصان نہ پہنچ سکے۔ انہوں نے بتایا کہ سٹرک کی تعمیر اہل علاقہ کا دیرینہ مطالبہ تھا ، منصوبے کی تکمیل سے نہ صر اس علاقہ کے لاکھوں مکینوں بلکہ نواحی دیہی علاقوں کے عوام کو بھی سہولیات میسر ہوں گی۔ شہباز شریف پارک روڈ کی افتتاحی تقریب کے موقع پر ڈی سی او لیاقت علی چٹھہ نے بتایا کہ جی ٹی روڈ پر کے ایف سی کے قریب دریائے چناب کے ساتھ 3700فٹ سٹرک کی تعمیر پر 9.58ملین روپے خرچ ہوئے ہیں، بیس فٹ چوڑی کارپٹ روڈ کی تعمیر سے شہباز شریف پارک میں سیر و تفریح کے لئے آنیوالوں کی رسائی آسان ہوسکے گی۔ انہوں نے کہا کہ گوجرانوالہ ڈویژن کے سب سے بڑی تفریحی منصوبے کی تکمیل میں تمام امور کو مد نظر رکھا جارہا ہے تاکہ شہری اس سے بھرپور اور تادیر مستفید ہو سکیں۔ انہوں نے ٹی ایم اے گجرات کو ہدایت کی کہ دریا کے ساتھ بنچ رکھے جائیں تاکہ یہاں سیر کے لئے آنیوالوں کو سہولت فراہم کی جاسکے۔ اس سے قبل مسلم لیگ ن کے راہنما چوہدری مبشر حسین نے کہا کہ انفراسٹرکچر کو بہتر بنائے بغیر ترقی کا خواب پورا ہونا ممکن نہیں ، وزیر اعلی پنجاب میاں شہبازشریف کے وژن کے مطابق ترقیاتی منصوبوں کی اعلی معیاری میٹریل سے تکمیل اسی وژن کی عکاس ہے۔ انہوںنے دونوں منصوبوں کی بروقت تکمیل پر ڈی سی اولیاقت علی چٹھہ اور انکی ٹیم کو سراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)پنجاب پریژن فائونڈیشن لاہور کی طرف سے ڈسٹرکٹ جیل گجرات کے ہیڈ وارڈر راجہ محمد سید کو انکی بیٹی کے شادی کے اخراجات کی مد میں 1لاکھ روپے، والد کے کفن دفن کے اخراجات کی مد میں 40ہزار روپے کا چیک ادا کر دیا گیا ہے۔ ڈپٹی سپرنٹنڈنٹ ملک بابر علی نے دیگر افسران کی موجودگی میں چیک مذکورہ اہلکار کے حوالے کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان مسلم لیگ کے صدر و سابق وزیراعظم چودھری شجاعت حسین نے محمود خان اچکزئی کی جانب سے افغان مہاجرین کی حمایت میں خیبرپختونخواہ کو افغانستان کا حصہ قرار دینے پر افسوس کا اظہار کرتے ہوئے کہا ہے کہ ایک ایسے سینئر سیاستدان کی جانب سے یہ بیان نہایت افسوسناک ہے جن کے نہایت قریبی عزیز بھی موجودہ بلوچستان حکومت میں اعلیٰ عہدوں کے مزے لے رہے ہیں۔ چودھری شجاعت حسین نے ایک بیان میں کہا کہ مشرق و مغرب سمیت دنیا بھر کے کسی ملک میں بھی جمہوریت کی آڑ میں کسی کو اپنے ہی ملک کے خلاف ایسی باتیں کرنے کی آزادی دیکھنے یا سننے میں نہیں آئی۔ انہوں نے کہا کہ جہاں تک افغان مہاجرین کا تعلق ہے افغانستان پر روسی قبضہ کے بعد پاکستان واحد ملک ہے جس نے 40لاکھ افغان مہاجرین کو پناہ دی اور یہاں ان سے برادرانہ سلوک کیا جبکہ دس لاکھ افغان مہاجرین ابھی تک پاکستان میں رہ رہے ہیں، محمود خان اچکزئی کو اگر ان مہاجرین کی اتنی ہی فکر ہے تو انہیں چاہئے کہ وہ ان کی باعزت وطن واپسی کیلئے افغان حکومت کو قائل کریں، اچکزئی صاحب کو یہ بات فراموش نہیں کرنی چاہئے کہ پاکستان نے اپنے ان افغان بھائیوں کو پاکستان میں بھائیوں کی طرح رکھنے کی بہت بھاری قیمت ادا کی ہے، ان کے باعث امن عامہ کی دن بدن خراب ہوتی صورتحال ابھی تک قابو میں نہیں آ رہی تھی لیکن جنرل راحیل شریف کی جرأت مندانہ قیادت میں ضرب عضب جیسے کامیاب آپریشن کے بعد امید کی کرن پیدا ہوئی۔ چودھری شجاعت حسین نے مزید کہا کہ میرے خیال میں افغان مہاجرین کی واپسی کیلئے یہ ایک آئیڈیل وقت ہے، کابل اور اسلام آباد کو اس معاملہ کو مل کر احسن طور پر حل کرنا چاہئے۔ چودھری شجاعت حسین نے کہا کہ سینیٹ اور قومی اسمبلی کو محمود خان اچکزئی کے ایسے بیان کی نہ صرف پرزور مذمت کرنی چاہئے بلکہ مادر وطن کی سالمیت اور یکجہتی کیخلاف بیان بازی کرنے والے سینیٹ اور اسمبلیوں کے ارکان کے بارے میں قانون سازی کرنی چاہئے جس کے تحت ایسا کرنے والوں کی نہ صرف ان کی رکنیت ختم ہوجائے بلکہ ان کے 10سال تک سیاست میں حصہ لینے پر پابندی عائد ہو۔ انہوں نے کہا کہ اگر ہم سیاستدان اپنے مفاد کیلئے پندرہ دن میں قانون بنا سکتے ہیں تو اسی جذبہ سے کام لیتے ہوئے پاکستان کی سالمیت اور یکجہتی کے تحفظ کیلئے فوری طور پر قانون سازی کرنی چاہئے اور ایسے مزید ملک دشمن بیانات کی اجازت نہیں دینی چاہئے۔#
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) چار سالہ کمسن بچہ پراسرارطورپر قتل،نعش قریبی کھیتوںسے برآمد،علا قہ میںشدید خوف وہراس۔حافظ آباد کے علاقہ کولو تارڑ کے رہائشی محمد امین کا چارسالہ کم سن بیٹا ثمامہ15روز قبل اپنی والدہ کے ہمراہ وزیرآبادکے نواحی گائوں کوٹ خضری میں اپنی ننھیال آیا ہوا تھا کہ اچانک لاپتہ ہوگیا۔ تھا نہ صدر پولیس نے اغواکامقدمہ درج کرلیاتھا۔مگر پولیس کی طرف سے بھی بچے کی تلاش کیلئے کوئی خاطر خواہ اقدامات نہ اٹھائے جاسکے،۔گزشتہ روز راہگیر وں نے کھیتوں میں پڑی ہوئی نعش کی باقیات دیکھیں تو لوگوں کی بڑی تعداد جائے وقوعہ پر پہنچ گئی ۔ بچے کی نعش مسخ ہوچکی تھی ورثاہ نے کپڑوںاورجوتوںسے شنا خت کرلی ۔ کم سن بچے کی پراسرار ہلاکت کے افسوسناک واقعہ کے بعدعلاقہ میں شدید خوف وہراس پھیل گیا جبکہ بچے کی والدہ کو غشی کے دورے پڑنے لگے۔خدشہ ظاہر کیا جارہا ہے کسی درندہ صفت ملزم نے مبینہ زیادتی کے بعد بچے کو قتل کرکے کھیتوں میں پھینک دیا ہے۔نعش پوسٹ مارٹم کے لئے ہسپتال پہنچادی گئی تاحال قتل کی وجہ اورملزمان کاسراغ نہ لگ سکا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) رمضان المبارک دعائوںکی قبولیت اورگناہوںکی معافی کامہینہ ہے اس ماہ مبارک میںمومن اپناظاہری باطنی محاصبہ کرتا ہے ۔مسلمان کھانے پینے سے بازرہ کراوراپنے نفس کوقابوکرکے رب کریم کی رضاحاصل کرتا ہے۔ان خیالات کا اظہارممتازعالم دین پروفیسرڈاکٹرمحمدآصف ہزاروی نے انجمن مہریہ نصیریہ کی طرف سے دی گئی افطارپارٹی کے موقع پر کیا۔ابو ذکوان زاروی،عامر سہیل لاڈھی،محمدنذیراحمد،طاہر رشید چشتی،محمدعمیر شانی رومی،ڈاکٹرنثاراحمد،عمررضا،حافظ محمدجمیل،احمدرضا چوہان،حافظ جنید،علی نظامی،احمدبٹ،یاسر،خاورجمیل،محمدسعید،چوہدری کلیم اللہ،عرفان الٰہی ہیرا ،جمشید مغل ودیگر نے بھی خطاب کیا۔انہوںنے کہا کہ روزہ مشرق ومغرب،شمال وجنوب میںاپنے ایمان والوںکے درمیان وحدت کاشعوراجاگرکرتا ہے۔اس ماہ مبارک میںمسلمان اپنے گناہوںپرنادم ہوکرمفادات رب کریم کی حمدوثناء اورعبادات کے ذریعے اپنے خالق حقیقی کوراضی کرتا ہے جواس مقصدکوپالیتے ہیںوہی لوگ کامیاب وکامران ہوتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) 92 ایکڑزاراضی پر شہباز شریف پارک گوجرانوالہ ڈویثرن میں سب سے بڑی تفریحی گاہ ہے محل وقوع کے لحاظ سے برلب دریائے چناب پر واقع ہے وزیرآباد اور گجرات کی عوام کیلئے خاص تحفہ ہے۔192 ملین روپے کی خطیر فنڈز سے اس میں فلڈ لائٹ کرکٹ اسٹیڈیم،ڈھائی کلومیٹر عالمی معیار کا جاگنگ ٹریک اور کھانے پینے کی تمام تر سہولیات ،بچوں کیلئے عمدہ جوائے لینڈ،جھولے، فوارے ،چھوٹی نہر تک بنائی گئی ہے۔ڈی سی او گجرات لیاقت علی چٹھہ نے بیوٹیشن کمیٹی کی طرف سے شلہباز شریف پارک میںدیے افطار ڈنڑ کے موقع پر خطاب کرتے ہوئے کہا کہ شہباز شریف پارک کے فیز 1 کو عید پر عوام کیلئے کھولا جارہاہے پارک میں سیکورٹی کیلئے پولیس چوکی قائم کی گئی ہے ،عید الفطر پر سات روزہ عید میلہ کا بھی اہتمام کیا گیا ہے،پارک میں500گاڑیوں کی پارکنگ گجرات سائیڈ جبکہ وزیرآباد کے عوام کیلئے بھی دریائے چناب پر 500 گاڑیوں کی پارکنگ بنائی جائے گی۔اس موقع پر اسسٹنٹ کمشنر وزیرآباد محمد انور بریار،اسسٹنٹ کمشنر کھاریاںذوالفقار باگڑی،اے ڈی سی گجرات عرفان کاٹھیا،چیئرمین بیوٹیشن کمیٹی اورنگ زیب بٹ،انور فاروق ،محمد رفیق بھٹی،لالہ محمد خلیل ،ناصر محمود اللہ والا،حاجی ارشد محمود سلیمی ،اعجاز پارس والے،صدر پریس کلب افتخاراحمدبٹ،شیخ صلا ح الدین،سیف اللہ بٹ، محمداشرف نثار،مہرطاہر جاوید مٹھو،تنویرگوندل بھی موجود تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) جامع توحیدیہ اہلحدیث کٹڑامائی وزیرآبادمیںنمازتراویح میںتکمیل قرآن پاک کے موقع پرمورخہ2جولائی کوسالانہ تقریب میںصوبائی امیرپنجاب مرکزی جمیعت اہلحدیث پاکستان پروفیسرعبد الستار حامدقرآن اورہماری زندگی کے عنوان پرخطاب کرینگے۔بعدازاںجامع سے فارغ التحصیل ہونے والے طلباء وطالبات میںانعامات اوراسناد تقسیم کی جائینگی اوردستاربندی ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)معروف سماجی راہنماکیپٹن(ر)ڈاکٹرمحمدرفیق فضل نے کہا ہے کہ روزہ ایک ایسی عبادت ہے جس کاتعلق بندہ اوررب کے ساتھ بغیرکسی رابطہ کے تعلق کاذریعہ بنتاہے اس کااجراورثواب رب کریم خود عطاء کرتا ہے۔ رمضان میںایسا ماحول میسرہوتا ہے کہ ہرکوئی نیکی میںآگے بڑھنے کی کوشش کرتا ہے جب یہی ماحول ہرسال معاشرے میںقائم ہوگا توبرا ئی سے بازرہنااورنیکیاںکرنابہر آسان ہوجائے گا۔رسول کریم ۖ کاارشادپاک ہے جس کسی نے اللہ کی خاطرکسی روزہ دارکاروزہ افطارکروایااللہ تعالیٰ اسکے گناہ معاف فرمادے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) سیکرٹری ہیلتھ نجم شاہ نے وزیرآباد انسٹی ٹیوٹ آف کارڈیالوجی ہسپتال میں 24 گھنٹے ایمرجنسی چالو کرنے کیلئے سینئر ڈاکٹر کی بھرتی ایم ایس ڈاکٹر علی محمد شاہد،ڈاکٹر نورالصباء ہاشمی،ڈاکٹر شاہد امین پی آئی سی لاہور،نمائندہ محکمہ ہیلتھ اور ڈی جی سی سمیت5 رکنی کمیٹی تشکیل دے دی۔کمیٹی12 جولائی کو ایسوسی ایٹ پروفیسر،اسسٹنٹ پروفیسر،سینئر رجسٹرار،پتھالوجسٹ اور بائیو کمیسٹ کی خالی آسامیوں پر بھرتی کیلئے انٹرویو کریں گے۔ایم ایس کارڈیالوجی ہسپتال ڈاکٹر علی محمد شاہد نے بتایا کہ بھرتی کا عمل مکمل ہوتے ہی ہسپتال میں 24 گھنٹے ایمرجنسی میں مریضوں کی دیکھ بھال شروع کردی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) مسلم لیگ (ن)کے رہنماوسابق صوبائی وزیرشاہنوازچیمہ نے میڈیا کے وفد سے گفتگو کرتے ہوئے کہا ہے کہ قائد وزیراعظم پاکستان میاں نواز شریف اپنی جان کی پرواہ کئے بغیر اپنے ملک پاکستان کی معاشی حالت کو بہتر بنانے اور ملک دشمن عناصر کی سازشوں کا ناکام بنانے میں سرگرم عمل ہیں ۔ اس لئے ہمارے ملک کی دیگر سیاسی پارٹیاں ملک کی موجودہ حالت کو مدنظر رکھتے ہوئے ملک کو مستحکم اور معاشی حالت بہتر بنانے اور ملک دشمن عناصر کی سازشوں کو ناکام بنانے میں وہ وزیراعظم پاکستان کا ساتھ دیں اس وقت ذاتی اختلافات دور کر کے ہمیں اپنے ملک کی بہتری کے لئے ایک ہو نا ہو گا ۔ وزیراعظم پاکستان میاں نواز شریف ہیں جو اپنے ملک پر کسی قسم کی سازش برداشت نہیں کریں گے اور اپنی بہترین خارجہ پالیسی کے زریعے ان سازشوں کا ناکام بنا دیں گے ۔شاہنواز چیمہ نے کہا کہ دشمن عناصر ہمارے ملک میں افراتفری مچانے میں مگن ہیں انڈیا اور مغربی طاقتیں ہمیں پوری دنیا میں تنہا کر نے کا سوچ رہے ہیں ۔انہوںنے کہا کہ ماہ رمضان المبارک میں دعا ہے ہمارے وزیراعظم پاکستان میاں نواز شریف کو اللہ تعالیٰ جلد صحت یابی عطاء کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) ارض حرمین الشریفین کے دفاع ، سلامتی ، تحفظ اور الاقصیٰ کی آزادی کیلئے امت مسلمہ کا اتحاد وقت کا تقاضہ ہے ۔ انتہاء پسند اور دہشت گرد تنظیموں کو ناکام بنانے کیلئے شام ، عراق اور فلسطین کے مسئلہ کو حل کرنا ہو گا۔ اسلامی ممالک میں بیرونی مداخلتوں کی وجہ سے امت مسلمہ اضطرابی کیفیت میں ہے ۔ دہشت گردی اور انتہاء پسندی کے خلاف فکری اور نظریاتی جدوجہد کرنے کیلئے اتحاد بنانا ہو گا۔ حرمین الشریفین کے امن اور سلامتی کے خلاف ہونے والی سازشوں کو ناکام بنایا جائے گا۔ یہ بات پاکستان علماء کونسل کے زیر اہتمام ”یوم تحفظ ارض حرمین الشریفین والاقصیٰ ” کے موقع پر ملک بھر میں ہونے والے اجتماعات سے خطاب کرتے ہوئے مقررین نے کہی ۔پاکستان علماء کونسل کے مرکزی چیئرمین حافظ محمد طاہر محمود اشرفی (جامع مسجد معاذ بن جبل اسلام آباد)،مرکزی سیکرٹری جنرل صاحبزادہ زاہد محمود قاسمی(جامع مسجد گول فیصل آباد)،مولانا ایوب صفدر(گوجرانوالہ)،مولانا عبد الکریم ندیم (خانپور)،مولانا عبد الحمید وٹو(قلعہ دیدار سنگھ)،مولانا اسد اللہ فاروق(جامع مسجد منظور الاسلامیہ لاہور)،مولانا حافظ محمد امجد ،مولانا مشتاق لاہوری(جامع مسجد نہر والی جلو موڑلاہور)،مولانا نعمان حاشر(راولپنڈی)،مولانا اسعد زکریا (کراچی)،مفتی وحید احمد (کوئٹہ)،قاری خلیل احمد سراج(ڈیرہ اسماعیل خان)،مولانا انوار الحق مجاہد(ملتان)، ولانا شفیع قاسمی (ساہیوال)،مفتی عمر فاروق (خانیوال)،مولانا سعد اللہ شفیق (رحیم یار خان)،مولانا ابوبکر حمزہ(چکوال) ، مولانا عمر عثمانی (گجرات)، قاری وقار احمد عثمانی(سرگودھا)،مولانا شکیل الرحمن (اوکاڑہ)،مولانا احمد مکی (مظفر گڑھ)، مولانا سمیع اللہ ربانی(لیہ)،مولانا فہیم الحسن فاروقی(شیخوپورہ)،مولانا طارق ندیم(پاکپتن)،مولانا محمد اعظم (فیصل آباد)،مولانا سعد اللہ لدھیانوی (ٹوبہ ٹیک سنگھ)،مولانا ارشاد احمد (نارووال)،میاں راشد منیر(سیالکوٹ)،حافظ امجد محمود معاویہ(گوجرانوالہ)،سید عبد الغفار شاہ حجازی(لودھراں)،مولانا مبشر حضور (بہاولپور)،مولانا خورشید نعمانی(بہاولنگر)،مولانا اصغر کھوسہ(ڈیرہ غازیخان)،مولانا عبید اللہ صابر(راجن پور)،مولانا عبد العلیم (جھنگ ) ، مولانا رسال الدین آزاد(قصور)،حاجی محمد طیب شاد قادری(ننکانہ ) میں خطاب کیا۔ مختلف شہروں میں اجتماعات ، ریلیوں اور مظاہروں سے خطاب کرتے ہوئے مقررین نے کہا کہ شام اور عراق میں روسی اور ایرانی مداخلت کے بعد اب بحرین میں خانہ جنگی کی کوششیں ناقابل قبول ہیں۔ اسلامی ممالک میں بیرونی مداخلتیں اور مختلف فرقہ وارانہ گروہوں کی بعض ممالک کی طرف سے سرپرستی امت میں انتشار پیدا کر رہی ہے ۔ ایران سمیت تمام ممالک کو دوسرے ممالک کی سلامتی اور خود مختاری کا احترام کرنا چاہیے ۔امت مسلمہ کے مسائل کا حل فرقہ وارانہ نفرتوں کے خاتمے میں ہے ۔ اجتماعات میں ایک متفقہ قرارداد کے ذریعے حجاج اور زائرین کیلئے سعودی حکومت کی خدمات کو قابل تحسین قرار دیا گیا اور کہا گیا کہ حجاج اور زائرین کیلئے مشکلات پیدا کرنے والے کسی بھی گروہ یا ملک کے لوگوں پر پابندی لگانا سعودی عرب کا حق ہے اور سعودی حکومت پر لازم ہے کہ وہ حجاج اور زائرین کیلئے ارض حرمین الشریفین کے امن کو بحال رکھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) شیعہ علما کونسل کے زیر اہتمام قائد ملت جعفریہ پاکستان اور اسلامی تحریک کے سربراہ علامہ سید ساجد علی نقوی کی اپیل پر ملک بھر میں نماز جمعتہ الوداع کے بعد القدس ریلیوں کا انعقاد کرکے ناجائز اسرائیلی ریاست کے وجود کو مسترد اور فلسطین کی آزاد ریاست کے قیام کا مطالبہ کیا گیا ۔ یہ ریلیاں پنجاب ،سندھ، بلوچستان، خیبر پختونخواہ، گلگت بلتستان اور آزاد کشمیر کے چھوٹے بڑے شہروں میں نکالی گئیں۔ لاہور میں صوبائی صدر علامہ سید سبطین حیدر سبزواری کی قیادت میں القدس ریلی پریس کلب سے پی آئی اے بلڈنگ تک نکالی گئی۔ جس میں جعفریہ اسٹوڈنٹس آرگنائزیشن ، جعفریہ یوتھ، وفاق المدارس الشیعہ،شیعہ علما کونسل لاہور شعبہ خواتین ، اسلامک ایمپلائیزکے کارکن شریک ہوئے۔ خواتین کی بڑی تعداد بھی بچوں کے ساتھ ریلیوں میں شامل تھی جنہوں نے فلسطینی مسلمانوں سے اظہار یکجہتی کرتے ہوئے امریکہ اور اسرائیل کے خلاف شدید نعرے بازی کی اور امریکی پرچم نذر آتش بھی کیا۔ کارکنوں نے امام خمینی، رہبرمعظم آیت اللہ خامنہ ای اور قائد ملت جعفریہ علامہ ساجد علی نقوی کی تصاویر اور مطالبات کے حق میں پلے کارڈز اوربینرز بھی اٹھا رکھے تھے۔ جماعت اسلامی کے قائم مقا م امیر لیاقت بلوچ اور جمعیت علما پاکستان پنجاب کے صدر علامہ قاری زوار بہادر سمیت علامہ افضل حیدری، مولانا اشتیاق کاظمی،حافظ کاظم رضا نقوی، مولانا نثار حسین،توقیر حسین بابا، شہباز حیدر نقوی ، آصف علی زیدی، جعفر شاہ، صغیر ورک،قاسم علی قاسمی،ملک شوکت علی اعوان،ملک فقیر حسین،عامر علی خاں بھٹی ، مولانا یعقوب رضا حیدری ، فخر عباس بٹر،محمود علی بھٹی اور دیگر نے ریلی سے خطاب کیا۔ اس موقع پر خطاب میں علامہ سبطین سبزواری نے کہا کہ فلسطین امت مسلمہ کا مسئلہ ہے، جس سے کوئی آزاد پسند انسان الگ تھلگ نہیں رہ سکتا۔ امام خمینی کی ہدایت پر شروع ہونے والا القدس قافلہ فلسطین کی آزادریاست کے قیام اور قبلہ اول کی آزادی پرہی اختتام پذیر ہوگا۔ انہوں نے کہا کہ ملت تشیع نے دنیا بھر میں مسئلہ فلسطین کو اجاگر کرکے فرض کفایہ خوب نبھایا ہے اور استعمار دشمنی کی بھاری قیمت بھی ادا کی ہے۔ہمیں خوشی ہے کہ دیگر مسالک کے پیر وکار بھی اس جدوجہد میں اپنا حصہ ڈال رہے ہیں، جوکہ اتحاد امت کا بہترین موقع ہے۔ ان کا کہنا تھا کہ اسرائیلی مظالم کے مقابلے کے لئے امت مسلمہ کو اتحاد مضبوط بنانا چاہیے۔ریلی سے خطاب میں لیاقت بلوچ کا کہنا تھا کہ عالم اسلام کے مسائل کا حل اتحاد امت ہے، جس کے لئے پاکستان سمیت دنیا بھر میں اسلامی تحریکوں کے رہنما کوشاں ہیں۔ قاری زوار بہادر کا کہنا تھاکہ مسئلہ فلسطین کو زندہ رکھنے اور پاکستان میں اتحاد کی فضا قائم کرنے میں علامہ ساجد علی نقوی کا کلیدی کردار قابل تحسین ہے۔ علامہ افضل حیدری نے کہا کہ فلسطینی عوام کی جدوجہد رنگ لائے گی۔ انسانی حقوق کی عالمی تنظیموں کو اسرائیلی مظالم کیوں نظر نہیں آتے۔ مولانا اشتیاق کاظمی نے کہا کہ مسلم ممالک بہادر اور متقی قیادت میں متحد ہوجائیں تو فلسطین کی آزادی کا خواب شرمندہ تعبیر کیا جاسکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد (جی پی آئی) پاکستان علماء کونسل کے مرکزی سیکرٹری جنرل ،ممبر اسلامی نظریاتی کونسل صاحبزادہ زاہد محمود قاسمی نے مرکزی جامع مسجد گول فیصل آباد میں تحفظ ارض حرمین الشریفین ولاقصیٰ کانفرنس سے خطاب کرتے ہوئے کہا کہ امت مسلمہ تحفظ ارض حرمین الشریفین ولاقصیٰ کے لیئے ہر قسم کی قربانی دینے کے لیئے تیار ہے۔عالم اسلام کو جن خطرات کا سامنہ ہے ان کا مقابلہ باہمی اتحاد سے ہی کیا جا سکتاہے۔پاکستان علماء کونسل کے زیر اہتمام ملک بھر میں یوم تحفظ ارض حرمین الشریفین ولاقصیٰ منایا گیا۔وفاق المساجد پاکستان سے متصل ملک بھر کی 74ہزار سے زائد مساجد میں دہشتگردی ،انتہاپسندی ،فرقہ ورانہ تشدد کے خاتمے اور ارض حرمین الشریفین کے دفاع و سلامتی اور بیت المقدص کی آزادی کے لیئے جد و جہد جاری رکھنے کا عظم کیا گیااجتماع میں حکومت سے مطالبہ کیا گیا ہے کہ پاکستان میں بڑھتی ہوئی بیرونی مداخلت کو روکا جائے کچھ بھارتی تنظیمیں پاکستان کو کمزور کرنے اور ملک میں انارکی پھیلانے میں مصروف عمل ہیں ملک دشمن عناصر اور ان کے آلہ کاروں کو بے نقاب کیا جائے عید الفطر کے موقع پر سکیورٹی کے انتظامات بہتر سے بہتر بنائے جائیں فیصل آباد میں مسجد جامعہ قاسمیہ میں صاحبزادہ خالد محمود قاسمی،ڈویژن فیصل آباد کے زیر اہتمام مسجد عمر مولانا حبیب الرحمن ،مکی مسجد میں قاری عصمت اللہ ،ضلعی صدر قاری محمد اعظم ،جناح ٹائون،اقبال ٹائون ،مدینہ ٹائون کے صدور نے اپنی اپنی مساجد میں تحفظ حرمین پر جمعہ کے اجتماعات میں قرار داد منظور کی۔
