پیرمحل ( نامہ نگار) انسانیت کی خدمت کرنے والوں کا نام رہتی دنیا تک زندہ رہتا ہے عوامی فلاح و بہبود کے کام کرنے والے دنیا وآخرت میں کامیابی سے ہمکنار ہوتے ہیں انسانیت کی فلاح کے لیے کیے گئے کام رائیگاں نہیں جاتے ان خیالات کا اظہار الحاج رانامحمدا عظم خاں چیئرمین یونین کونسل نے چک نمبر674/15گ ب میں اپنی مدد آپ کے تحت واٹر فلٹریشن پلانٹ کی تنصیب پر عامر اعجاز اکبر ڈی سی اوٹوبہ ٹیک سنگھ اور تحصیل انتظامیہ کو خراج تحسین پیش کرتے ہوئے شرکاء سے خطاب میں کیا انہوںنے کہا اپنی مدد آپ کے تحت واٹر فلٹریشن پلانٹ کی چک 674/15گ ب میں تعمیر سے عوامی فلاحی منصوبہ کا آغا ز ہونے سے مقامی سطح پر بلاامتیاز عوام کو صاف شفاف پانی کی فراہمی ممکن ہوئی واٹر فلٹریشن پلانٹ کی تنصیب اور جگہ کی فراہمی میں ڈی سی اوٹوبہ ٹیک سنگھ کی خدمات قابل ستائش ہی نہیں قابل تعریف بھی ہے جنہوںنے بلاامتیاز واٹر فلٹریشن پلانٹ کی اپنی مدد آپ کے تحت تنصیب کی اجازت اور معاونت فراہم کی انہوںنے کہا ملک خدادا کی بہتری اور عوام کی فلاح و بہبود کیلئے کا م رائیگاں نہیں جاتے دنیا اور آخرت میں بخشش کا ذریعہ بنتے ہیں ڈی سی اوٹوبہ ٹیک سنگھ عامر اعجا زاکبر کی خدمات عوامی فلاحی منصوبوں کی تکمیل کے لیے گراں قدر ہے جن کو ہم خراج تحسین پیش کرتے ہیں اس موقع پر چوہدری احسان احمد کونسلر ،مقصو داحمد کونسلر ،رانامحمد شریف ، عبدالقیوم گجر،چوہدری محمد ارشد ، رانا محبوب خاں ،رانااحسان احمد ، رانا اشفاق احمد، چوہدری مقبول احمد پھلوری ،چوہدری محمد اسلم سمیت کثیر تعداد میں مکینوںنے شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) نامعلوم چوروں چھت پھاڑکر نقدی طلائی زیورچوری کرکے لے گئے مقدمہ در ج تفصیل کے مطابق چک نمبر684/25گ ب غلام محمد ولد امیر کے گھر نامعلوم چور مکان کی چھت پھاڑکر نقدی ایک لاکھ 70ہزار روپے طلائی زیورات قیمتی پارچات چوری کرکے لے گئے تھانہ پیرمحل پولیس نے نامعلوم چوروں کے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار )تین شراب فروش رنگے ہاتھوں گرفتار شراب برآمدکرایہ داری ایکٹ کی خلاف ورزی پر دومکان مالکان کے خلاف مقدمات درج تفصیل کے مطابق تھانہ پیرمحل پولیس نے تین شراب فروش جن میںبی پلاٹ پیرمحل سے محمد رزاق ولد پیر بخش کو گرفتار کرکے تین لٹر شراب چک نمبر733گ ب کے رہائشی ملازم حسین ولد خوشی محمد سے 8لٹر شراب موضع رجب علی باجے والاکے رہائشی انتظار حسین ولد رجب علی سے 8لٹر شراب برآمد کرکے زیر دفعہ3/4امتناع آرڈیننس کے تحت مقدمہ درج کرلیا جبکہ کرایہ داری آرڈیننس کی خلاف ورزی کرتے ہوئے بغیر پولیس کو اطلاع کیے مکان کرایہ پر دینے پر چک نمبر321 گ ب کے رہائشی محمدر مضان ولد وزیرعلی جس نے موٹر وے کی لیبر کو مکان کرایہ پر دے رکھا تھا جبکہ غوثیہ آباد پیرمحل کے رہائشی ذوالفقار علی لدعبدالغفور جس نے ظفر اقبال ساکن 674/15گ ب کو مکان کرایہ پر دے رکھا تھا11کرایہ داری آرڈیننس کے تحت مقدمات درج کرلیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار )مفرور ملزم کو پناہ دینے پر مقدمہ درج تفصیل کے مطابق مقدمہ نمبر199تھانہ پیرمحل میں اشتہاری ملزم رمضان ولد مہامند کو اس کا رشتہ دار قمرعبا س ولد مقبول احمدساکن چک321 گ ب محبوب ہوٹل پر کھانا کھلارہاتھاکہ پولیس نے چھاپہ مار اتو اشتہاری کوفرارکروادیا تھانہ پیرمحل پولیس نے مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) اے سی پیرمحل کا ویٹرنری عملہ کے ساتھ چک 327گ ب تحصیل پیرمحل میں قائم محکمہ لائیوسٹاک کے کیمپ کا دورہ ضلع ٹوبہ ٹیک سنگھ میں داخل ہونے والے مویشیوں کوممکنہ موذی امراض سے بچائو کے لیے سپرے کا حکم تفصیل کے مطابق حافظ محمد نجیب اسسٹنٹ کمشنر پیرمحل نے ہمراہ ڈی ایل او ضلع ٹوبہ ٹیک سنگھ انٹر ی پوائنٹ چک 327گ ب تحصیل پیرمحل میں قائم محکمہ لائیوسٹاک کے کیمپ کا دورہ کرکے ضلع ٹوبہ ٹیک سنگھ میں داخل ہونے والے مویشیوں کوممکنہ موذی امراض سے بچائو کے لیے سپرے اور ویکسیئن دینے کے عمل کا جائزہ لیا انہوںنے کانگو وائرس کے پیش نظر ضلع کی حدود میں داخل ہونے والے جانوروں کے اندراج ، اور ان کی دوسرے علاقوں کو بھجوانے اور ان کی مکمل ویکسین اور چیک اپ کرکے گاڑی میں سپرے کرنے کے عمل کا جائزہ لیتے ہوئے ویٹرنری عملہ کو ہدایات جاری کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
