جھنگ : جمعیت علماء اسلام کے مرکزی شوریٰ کے رکن اور جے یو آئی جھنگ کے رہنما ئوں شہباز احمد گجر ایڈووکیٹ ، ملک عبدالرزاق کھوکھر، عبدالرحمن عزیز، حاجی خالد محمود ڈھڈی ، حاجی الطاف حسین کھوکھر، مولانا پیر محمد اشرف ،مولانا قاری ہارون ، مولانا حافظ محمد طارق ، مولانا سرورخان، امجد اقبال ساجد، قاری محمد طاہر، قاری محمد اقبال حیدری، نصراللہ حسن ودیگر نے صوبائی حکومت سے مطالبہ کر تے ہو ئے کہا ہے کہ میونسپل کمیٹی جھنگ کو میونسپل کارپوریشن کا درجہ دیا جا ئے ۔بیگ کالونی ،بستی عباس پور، رائوکالونی ، کوسائی سنگھ کے علاقے میونسپل کارپوریشن میں شامل کئے جا ئیں ان تمام کو ملاکر جھنگ کو کارپوریشن بنانے کا نو ٹیفکیش جا ری کیا جا ئے آئیندہ بلدیاتی انتخاب اور حلقہ بندیاں کا رپوریشن کی بنیاد پر کی جا ئیں جھنگ کا حق بنتا ہے کہ اسے میونسپل کارپوریشن کا درجہ دیا جا ئے کیونکہ یہ میونسپل کارپوریشن بنائے جا نے کی تمام شرائط پر پورا اُترتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (نمائندہ خصوصی) بجٹ2015-16میں بینکوں سے رقم نکلوانے پر 0.6فیصد تک ٹیکس عائد کئے جانے کے بعد جہاں بینکنگ سیکٹر کو شدید جھٹکا لگا ہے وہاں کاروباری اور تاجر برادری نے بھی شدید تحفظات کا اظہار کرتے ہوئے شدید احتجاج کیا ہے انجمن تاجران (رجسٹرڈ ) جھنگ کے ضلعی صدر جمشید اختر نے کہا ہے کہ اس ٹیکس سے کاروباری لین دین مشکل کر دیا ہے جس سے تاجر برادری میں شدید بے چینی پائی جاتی ہے۔انہوں نے کہا کہ اس پر لائحہ عمل مرتب کرنے کے لیئے اجلاس طلب کر لیا گیا ہے اور آل پاکستان انجمن تاجران سمیت دیگر تنظیموں سے بھی رابطے میں ہیں۔اور ان کی کال پر ہم ان کے شانہ بشانہ ہو کر اس جدوجہد میں حصہ لیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ : ڈسٹرکٹ کوآرڈی نیشن آفیسر نادر چٹھہ نے کہا ہے کہ وزیراعلیٰ کی ہدایات پر حکومت پنجاب کے موثرومنظم انتظامات کی بدولت سستے رمضان بازاروں میںلوگوں کوروزمرہ استعمال کی اشیاء ایک ہی جگہ پر عام مارکیٹ کے مقابلے میں کم نرخوں پر دستیاب ہورہی ہے جو کہ عوامی بھلائی کے لئے قابل قدراقدام ہے۔ یہ بات انہوں نے گزشتہ روز ضلع بھرکی چاروں تحصیلوں میں لگائے گئے سستے رمضان بازاروں کے اچانک معائنہ کے دوران کہی۔ڈی سی او نادر چٹھہ نے رمضان بازاروں میں پھلوں،سبزیوں ودیگرغذائی اشیاء کے معیار اور ان کی دستیابی ونرخوں کا جائزہ لیتے ہوئے کہا کہ حکومت پنجاب نے رمضان المبارک کے دوران مہنگائی کے صنعتی رحجان کو روکنے کیلئے کڑے اقدامات کئے ہیں جن کے تحت عام مارکیٹیوں میں اشیاء کی قیمتوں کو قابومیں رکھنے کیلئے پرائس مجسٹریٹس کو متحرک کرنے کے علاوہ سستے رمضان بازاروں کا انعقاد کیا گیا ہے جن کی کامیابی کے لئے صوبائی وزرائ،اراکین قومی وصوبائی اسمبلی،ڈویژنل کمشنر اواوردیگر متعلقہ افسران کڑی نگرانی کررہے ہیں۔انہوں نے دکانداروں کو سختی سے ہدایت کی کہ وہ صارفین کے ساتھ اپنا رویہ درست رکھیںغیر معیاری اور ملاوٹ شدہ اشیاء کی فروخت سے گریزکرتے ہوئے اپنی دکانوں میں ریٹ لسٹوں میں عام مارکیٹ اور سستے رمضان بازار کے نرخ درج کریں تاکہ اشیاء کی قیمتوں کے بارے صارفین کو واضح فرق نظر آئے اور صارفین پراعتمادطریقے سے خریداری کرسکیں۔انہوں نے ٹی ایم او کو ہدایت کی کہ روزانہ کی بنیادپرسستے رمضان بازاروں میں سپرے اور صفائی ستھرائی کے نظام پر خصوصی توجہ دی جائے۔ڈی سی او نادر چٹھہ نے دوران معائنہ سستے رمضان بازاروں میں فروخت کے لئے رکھی گئی سبزیاں،پھل،دالیں،چاول،گوشت وغیرہ کی کوالٹی چیک کرتے ہوئے صارفین سے خریدی گئی اشیاء کے ریٹ بھی معلوم کئے۔انہوں نے اس دوران مختلف دکانوں پر رکھے گئے وزن کے پیمانے چیک کرنے کے علاوہ سبسڈی پر52روپے فی کلو گرام پر فروخت ہونے والی چینی اور310روپے میں 10کلو گرام وزنی آٹے کے تھیلوں کے وزن بھی چیک کروائے۔انہوں نے مذکورہ رمضان بازاروں میں دکانداروں اورصارفین کے لئے سایہ،فرسٹ ایڈ،شکایات بکس ودیگر ضروری سہولیات کی فراہمی پر اطمینان کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ : ٹیکنیکل آفیسرفیسکو(واپڈا)انجینئرمحمد کلیم اللہ کی اطلاع کے مطابق گرڈ اسٹیشن جھنگ 132کے وی ایوب چوک فیڈر بجلی کی لائنوں کی تبدیلی اورضروری مرمت کے سلسلہ میں 4 جولائی،6جولائی اور 8جولائی 2015صبح سات بجے تا دوپہر ایک بجے تک بند رہیں گے جس کے باعث ملحقہ علاقوں میں بجلی کی فراہمی معطل رہے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ : ایڈیشنل ڈسٹرکٹ اینڈ سیشن جج چوہدری ضیا اللہ اور سول جج وقار احمد سدھونے گزشتہ روز ڈسٹرکٹ جیل جھنگ کے دورہ کے دوران معمولی نوعیت کے مقدمات میں ملوث 02نفر حوالاتی اسیران کو جیل سے ذاتی مچلکہ پر فی الفور رہا کرنے کا حکم صادر کیا۔فاضل جج صاحبا ن حوالاتی ،نو عمر قیدی اورخواتین کی بیرکس میں بھی گئے جہاں انہوں نے انکے مقدمات اور جیل میں درپیش مسائل کے بارے دریافت کرتے ہوئے احکامات جاری کئے کہ قانون کے مطابق اسیران کوہر ممکن سہولیات فراہم کی جائیں ۔انہوںنے قیدیوں کیلئے تیار کیا جانے والا کھانے کا معیارچیک کرنے کے علاوہ جیل ہسپتال کا بھی دورہ کیا اور جیل میں صفائی ستھرائی اور سیکورٹی کے نظام کو تسلی بخش پاکر سپرنٹنڈ نٹ جیل کو ہدایت کی کہ مریضوں کی صحت اور علاج معالجہ پر خصوصی توجہ دیتے ہوئے بروقت طبی سہولیات فراہم کی جائیں ۔اس دوران جیل سپرنٹنڈنٹ چوہدری الیاس احمد اور ڈپٹی سپرنٹنڈنٹ حق نواز بھی تھے۔
