جھنگ (ڈسٹرکٹ رپورٹر) حکومت پنجاب کی ہدایات کی روشنی میں محکمہ ہیلتھ کے زیر اہتما م عالمی ہفتہ برائے حفاظی ٹیکہ جات کے اختتامی روز ڈسٹرکٹ ہیڈ کوارٹر ہسپتال جھنگ میں سیمینار اورعوامی آگاہی واک کا اہتمام کیا گیا جس میںای ڈی او ہیلتھ ڈاکٹر ظفر عباس خان، ایم ایس ڈی ایچ کیو ہسپتال ڈاکٹر حبیب احمد بٹر ،ڈاکٹرز، ایم این سی ایچ، نیشنل اور نیوٹریشن پروگراموں کے افسران اور عملہ ،میڈیکل شعبہ کے طلباء و طالبات،نرسنگ سٹاف اور دیگر نے شرکت کی۔ سیمینار سے خطاب کرتے ہوئے ای ڈی او ہیلتھ ڈاکٹر ظفر عباس نے کہا کہ ضلع بھر میں عالمی ہفتہ برائے حفاظتی ٹیکہ جات شاندار انداز میں منایا گیا ہے اور اس دوران حفاظتی ٹیکہ جات کی بھرپور اندازمیں مہم چلائی گئی ۔ انہوںنے مزید کہا کہ اس خصوصی عوامی فلاح و بہبود کی ہفتہ روزہ مہم کو ایک ٹیم ورک کے تحت تمام شعبہ جات نے کامیاب بنایا ہے جس میں عوامی اور سماجی ورکروں نے اپنا بھرپور کردار ادا کیا ہے اس موقع پر دیگر سینئر ڈاکٹر وں نے نوزائیدہ بچوں اور حاملہ خواتین کو حفاظتی ٹیکہ جات بروقت لگوانے کی اہمیت اور افادیت سے آگاہ کیا۔بعد ازاں عوامی آگاہی واک کااہتما م کیا گیا جو ڈی ایچ ڈی سی کی عمارت سے شروع ہوکر ہسپتال کے مختلف شعبوں سے گزرتی ہوئی ڈی ایچ کیو ہسپتال کے مرکز ی دروازے پر اختتام پذیر ہوئی۔ واک کے شرکاء نے حفاظتی ٹیکہ جات کی افادیت اور آگاہی کے حوالہ سے بینرز اور پلے کارڈ اٹھا رکھے تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) یکم مئی عالمی یوم مزدور (لیبر ڈے)کے موقع پر تقریبات اور ریلیوں کے انعقاد کے موقع پر امن امان کی بحالی اور سیکورٹی کے حوالہ سے ڈسٹرکٹ کوآرڈی نیشن آفیسر نے حکومت پنجاب کی ہدایت پر ڈسٹرکٹ پولیس آفیسر کو خصوصی مراسلہ جاری کر دیا ہے جس میں کہا گیا ہے کہ یکم مئی مزدوروں کے عالمی دن کے حوالہ سے ضلع بھر کے مختلف علاقوں میں مختلف مزدور اور ٹریڈ یونین کے حوالے سے پروگرام کا انعقاد کریں گے اور اس ضمن میں انتظامیہ اور پولیس کا میسر رابطہ نہایت ضروری ہے جس کے تحت امن و امان کی بحالی اور پرامن پروگراموں کے انعقاد کے حوالہ سے خصوصی اقدامات کئے جانے کی ضرورت پر زور دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ڈی سی او /ایڈ منسٹریٹر ضلعی حکومت نادر چٹھہ نے ضابطہ فوجداری کی دفعہ144کے تحت ایک حکم نافذ کیا ہے جس کی رو سے علامہ اقبال اوپن یونیورسٹی کے زیر اہتمام ہونے والے فیز ون میں پی ٹی سی /سی ٹی/اے ٹی ٹی سی / بی ایڈ اور فیز ٹو میں میٹرک/ایف اے/ بی اے/بی ایس جبکہ فیز تھری میں پوسٹ گریجوایٹ،/ایم فل/پی ایچ ڈی پروگراموں کے سالانہ امتحانات خزاں 2015 کے سلسلہ میں ضلع کی حدود میں بنائے گئے امتحانی مراکز کی سو گز کی حدود کے اندر غیر متعلقہ افراد کے داخلہ پر پابندی عائد کر دی گئی ہے۔ حکم میں مزید کہا گیا ہے کہ رولنمبر کے حامل امید واران دوران پرچہ کتاب،گائیڈ،ڈیجیٹل ڈائری،موبائل فون و دیگر ایسا کوئی مواد جو پرچہ حل کرنے میں مدد گار ثابت ہوہرگز ہمراہ نہ لائیں بصورت دیگر انکے خلاف محکمانہ کاروائی عمل میں لائی جائیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ ( ڈسٹرکٹ رپورٹر) تفصیلات کے مطابق پنجاب ایمرجنسی سروس ریسکیو 1122 کی جانب سے ممکنہ سیلاب اور کسی بھی ہنگامی صورت حال سے نمٹنے کے لئے ہیڈ تریموں کی رابطہ نہر میں واٹر ریسکیو ٹرینینگ کا آ غازکر دیا گیاہے اس موقع پر ضلعی ایمرجنسی آفسیر ڈاکٹر طارق سعید نے واٹر ریسکیو مشقوں کے حوالہ سے ر یسکیو جوانوں کی کارکردگی کا جائزہ بھی لیاان مشقوں میں ریسکیو کے تمام اہلکار حصہ لے رہے ہیںانکا مقصد ریسکیو اہلکاروں کو سیلاب کے دوران پیش آنے والی صورت حال کے حوالے سے تربیت فراہم کرنا ہے ڈاکٹر طارق سعید کایہ بھی کہنا ہے کہ یہ مشقیں ریسکیو کے طے شدہ شیڈول کے مطابق کی جا رہی ہیں جن کا دورانیہ سات دن تک رہے گاانہوں نے کہا ہے کہ اس وقت کسی بھی قسم کی کوئی ہنگامی حالت موجود نہیں ہے لیکن ممکنہ سیلاب کے پیش نظر اہلکاروں کی کارکردگی کو جانچنے کے لئے ان مشقوں کا انعقاد کیا گیا ہے انہوں نے کہا کہ مشقوں کے دوران ریسکیوں اہلکاروں کو سیلاب کے دوران پیش آنے والی صورتحال سے مقابلے کے لئے تیار کیا جا رہا ہے تا کہ وہ ہر قسم کے خطرات سے نمٹنے کے لئے ذہنی طور پر تیار رہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ ( تحصیل رپورٹر) ۔تفصیلات کے مطابق سرگودہا روڈاڈا رسول پورہ کے قریب ٹرک اور ٹریکٹر ٹرالی کے درمیان تیز رفتاری کے باعث حادثہ پیش آیاجس سے 32سالہ جابر ولد خان محمد سکنہ فیصل آبا د مو قع پر ہی جابحق ہو گیا جبکہ س40سالہ خضر حیات ولدشیرمحمد( سکنہ چنیوٹ) کو انتہائی زخمی حالت میں ریسکیو1122 کی ٹیم نے بر وقت پہنچ کر ابتدائی طبی امداد فراہم کرتے ہوئے سول ہسپتال جھنگ منتقل کیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) تفصیلات کے مطابق گوجرہ روڈ محلہ چاہ فرید والہ میں ثقلین نامی شخص کے گھر میں شارٹ سرکٹ کی وجہ سے اچانک اگ بھڑک اٹھی ر یسکیو 1122کے عملہ نے بروقت پہنچ کر ا گ پر قابو پالیا اور لاکھوں کا مال محفوظ کیاتاہم کوئی جانی نقصان نہیں ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) تفصیلات کے مطابق پُرانا چنیوٹ روڑ بسم اللہ سی این جی کے قریب سٹرک پر کھڑی ہائی ایس میں وائرنگ شارٹ ہو نے سے آگ بھڑک اٹھی اچانک اگ بھڑک اٹھی ر یسکیو 1122کے عملہ نے بروقت پہنچ کر ا گ پر قابو پالیا اور لاکھوں کا مالیت کی گاڑی کو محفوظ کیاتاہم کوئی جانی نقصان نہیںہوا ۔
