پیرمحل (راحیل گجر سے) تحصیل ٹوبہ کے 394، گوجرہ کے 379، جبکہ کما لیہ کے 477 معذور افراد کو خدمت کارڈ جاری کئے گئے تحصیل پیرمحل کے معذور افراد خدمت کارڈ کے کائونٹر سے محروم پیرمحل کے معذور افراد کو تین ما ہ بعد 1200روپے کے حساب سے3600روپے وصول کرنے کے لیے کمالیہ جانا پڑے گا ڈی سی اوٹوبہ ٹیک سنگھ فی الفور پیرمحل تحصیل میں خدمت کارڈ کائونٹر قائم کریں معذور افراد کے والدین کامطالبہ تفصیل کے مطابق ڈسٹر کٹ کوارڈی نیشن آفیسر عامر اعجاز اکبر نے ضلع ٹوبہ ٹیک سنگھ نے خدمت کارڈ کے اجراء کے لیے تحصیل سطح پر قائم سنیٹر ز پر آنے والے معذور افراد کو ہرممکن سہولت فراہم کرنے کا عندیہ دیا پیرمحل کو تحصیل کا درجہ حاصل کیے تین سال ہوچکے ہیں مگر ابھی تک ضلعی انتظامیہ پیرمحل کو تحصیل کمالیہ کی غلامی سے نجات دلانے سے قاصر ہے جس کا واضح ثبوت تحصیل پیرمحل میںمعذور افراد کے لیے خدمت کارڈ کے کائونٹر سے محروم رکھا گیا پیرمحل کے معذور افرادکو تین ما ہ بعد 1200روپے کے حساب سے3600روپے وصول کرنے کے لیے کمالیہ جانا پڑے گا جوحاصل کردہ رقم کرایہ کی مد میں خرچ ہونے کے باعث معذور افرا د کو خاطر خواہ فائدہ نہ ہوسکے گا تحصیل پیرمحل کے مکینوںنے ڈی سی اوٹوبہ ٹیک سنگھ سے مطالبہ کیا کہ فی الفور معذور افراد کی سہولت کے لیے پیرمحل میں خدمت کارڈ کائونٹر قائم کیاجائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (راحیل گجر سے) تحصیل پیرمحل کی پولیو مہم مئی 2016 کا افتتاح چوہدری خالد سردار سابق نائب ضلع ناظم متوقع چیئرمین بلدیہ پیرمحل نے ہمراہ ڈاکٹر باہلک علی ڈپٹی ڈسٹرکٹ ہیلتھ ، رانا اختر علی تحصیل ہیلتھ انسپکٹر کے ہمراہ تحصیل ہیڈکوآرٹر ہسپتال پیرمحل میں بچوں کو پولیو کے قطرے پلاکر کیا ڈاکٹر باہلک علی نے بتلایاکہ پانچ دن کے اندر تحصیل بھر کی 15یونین کونسلوں میں 15یوسی ایم او ،30ایریاانچارج ،183ٹیمیں تشکیل دے کر 75387بچوں کو پولیو کے قطرے پلائیں گے انشا ء اللہ تحصیل پیرمحل میں پانچ روزہ پولیو مہم کے دوران اپنا ٹارگٹ یقینی بنائیں گے چوہدری خالد سردار نے والدین سے خطاب میں کہا کہ پولیو مہم میں حصہ لینا قومی ذمہ داری ہی نہیں بلکہ والدین کا اپنے بچوں کی نشوونما اور معذوری سے بچانے کے لیے اہم فرض بھی ہے پاکستان کو معذوری سے پاک وطن بنانے کے لیے پولیو مہم میں بڑھ چڑھ کر حصہ لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (راحیل گجر سے) نجی سکول کی وین کو اچانک آگ لگ گئی وین بچوں کو سکول سے چھٹی کے بعد گھر چھوڑنے کے بعد ڈرائیور نے وین لاکر سکول گیٹ کے قریب کھڑی کی تھی کہ اچانک وین میں آگ بھڑک اٹھی وین دیکھتے ہی دیکھتے جل کر راکھ ہوگئی تفصیل کے مطابق بھسی روڈ پر واقع چک نمبر681/22گ ب میں موجود ڈی ایس نامی نجی پبلک سکول کی وین جوکہ بچوں کو پک اینڈڈراپ کی سہولت فراہم کیے ہوئے ہیں چھٹی کے بعد بچوں کو گھروں میں پہنچانے کے بعد ڈرائیور نے یونہی وین سکول گیٹ پر کھڑی کی وین میں آگ لگ گئی جس سے وین مکمل طورپر جل کر تباہ ہوگئی یادرہے کہ ڈسٹرکٹ ٹرانسپورٹ اتھارٹی کی طرف سے سکولوں کے بچوں کولانے لے جانے والی گاڑیوں کو چیکنگ کرنے کی بجائے کھلے عام پٹرول کی ٹینکیاں رکھنے کی آزادی دے رکھی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (راحیل گجر سے) تعلیم کے نام پر لوٹ مارکرنے والا مافیا قومی مجرم ہے میرا ایسے کسی گروپ یا اکیڈمی ادارہ سے تعلق نہیں جو تعلیم کے نام پر لوٹ مار کرکے مقدس پیشہ کو بدنام کرنے کی کوشش کررہے ہیں ان خیالات کا اظہارپروفیسر ناصر محمود پرنسپل گورنمنٹ فرید بخش غوثیہ ڈگری کالج چک333گ ب نے اپنے وضاحتی بیان میں کیا انہوںنے کہا میرا کسی بھی اکیڈمی پرائیویٹ سکول سے کوئی تعلق واسطہ نہ ہے اگر کسی نے غیر قانونی طورپر میرا نام ظاہر کیا ہوتو اسکے خلاف قانونی چارہ جوئی کا حق محفوظ رکھتاہوں اس موقع پر ان کے ہمراہ چوہدری محمد اسلم بھی موجودتھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (راحیل گجر سے) تحصیل پیرمحل کمالیہ میں ایکسیئن واپڈا کی طرف سے نئے گریڈ اسٹیشنوں کے افتتا ح پر افتتاح ،لوڈشیڈنگ بے قابو بجلی کی غیر اعلانیہ لوڈ شیڈنگ شہری بلبلا اٹھے واپڈا حکام بے بس آدھے آدھے گھنٹہ سے بجلی کی بندش دن رات جاری درجنوں خواتین بچے بوڑھے بے ہوش ایک ہفتہ کے اندر درجنوں اموات شہریوںنے رات جاگ کر گلیوں میں گذارنا شروع کردی تفصیل کے مطابق پیرمحل شہر سمیت تمام چکوک میں بجلی کی دن رات میں طویل لوڈشیڈنگ جاری وقفہ سے لوڈشیڈنگ اور وولٹیج زیادہ ہونے سے الیکٹرانکس کی لاکھوں روپے کی اشیا ء جل گئی جبکہ ریکارڈ گرمی کی وجہ سے درجنوں بچے بوڑھے خواتین بے ہوش ہوگئے جنہیں مقامی ہسپتالوں میں طبی امداد دی گئی جبکہ شدید حبس اور گرمی کے باعث ایک ہفتہ کے اندر درجنوں خواتین مرد لقمہ اجل ہوچکے ہیںرات کے وقت لوڈشیڈنگ کے باعث مرد خواتین اور بچوں نے رات گلیوں میں بیٹھ کر گذارتے ہوئے واپڈا کے حکام کو کوستے رہے جبکہ مقامی واپڈا کا عملہ اس طویل غیر اعلانیہ لوڈشیڈنگ کی بنیادی وجہ بتانے سے قاصر ہے حالانکہ ایکسیئن محمد افضل کاٹھیہ نے ایم این اے چوہدری اسدالرحمن سے کئی نئے فیڈر ز کی افتتاح کروایا مگر لوڈشیڈنگ میں کمی نہ ہوسکی جس سے بعض شہری مقامی حکام سے جھگڑتے رہے بجلی کی وولٹیج 240واٹ سے بڑھ کر 260واٹ تک پہنچ جانے سے شہریوں کی لاکھوں روپے الیکٹرانکس کی اشیاء جل کرراکھ ہوگئی شہریوںنے چیئرمین واپڈاسے اپیل کی کہ اس شدید حبس زدہ موسم میں لوڈشیڈنگ کا سلسلہ بند کیاجائے تاکہ واپڈاکے حکام عوام کی بددعائوں سے بچ سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (راحیل گجر سے) گردے میں پتھری کے مریض گرمیوں کے موسم میں دھوپ میں زیادہ دیر تک نہ رہیں۔ جسم سے پسینہ زیادہ خارج ہونے کی وجہ سے کسی بھی وقت گردہ فیل ہو سکتا ہے۔ گرمیوں میں گردوں کے امراض زیادہ شدید ہونے کا امکان ہوتا ہے ان خیالات کا اظہار ڈاکٹر ہارون مجیدمیڈیکل آفیسر معروف معالج نے اپنے بیان میں کیا انہوںنے کہا کہ گردے کے مریضوں کو گرمیوں میں زیادہ پانی پینا چاہیے تاکہ جسم میں پانی کی کمی واقع نہ ہو جولوگ فیلڈ میں کام کرتے ہیں، اگر وہ گرمیوں میں پانی کی مناسب مقدار نہیں لیتے تو ان کے گردے خراب ہونے کے امکانات میں 65 فیصد تک اضافہ ہو سکتا ہے۔ منہ کے ذریعے پیا جانے والا پانی جسم میں جہاں پانی کی مقدار اور سطح کو نارمل رکھتا ہے وہاں گردوں کی حفاظت بھی کرتا ہے۔ کڈنی فاونڈیشن آف کینیڈا نے تو یہاں تک تجویز کیا ہے کہ ہر ایک گھنٹے بعد ایک گلاس پانی پیا جانا چاہیے تاکہ گردوں کی صفائی کا کام متواتر جاری رہے۔ تحقیق رپورٹ میں گردوں میں پتھر بننے کی متعدد وجوہات بھی درج کی گئی ہیں مگر ان میں سب سے زیادہ زور پانی نہ پینے کی خطرناک عادت پر دیا گیا ہے انہوںنے کہا ہے کہ پانی واحد شے ہے جس سے گردے صحت مند رہتے ہیں شدید درد کی صورت میں فی الفور مریض کو اپنے معالج سے رجوع کرناچاہیے تاکہ بروقت تشخیص سے مرض پر قابو پایاجاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (راحیل گجر سے) محکمہ فوڈ اورمحکمہ صحت کی عدم دلچسپی یا غفلت شہر بھر میں غیر معیاری ‘ ملاوٹ شدہ اور دو نمبر اشیاء خورد و نوش کی سرعام فروخت شہری موذی امراض میں مبتلا ملاوٹ مافیا سرعام شہریوں کی زندگیوں سے کھیلنے لگاتفصیل کے مطابق پیرمحل شہر بھر میں ملاوٹ شدہ سرخ مرچ ‘ دیگر مصالحہ جات ‘ دودھ ‘ دھی ‘ آٹا دیگر اشیاء خورد ونوش سرعام فروخت ہو رہی ہیں علاقہ بھر میں درجنوں خود ساختہ سوڈا واٹر فیکٹریاں جعلی اور دو نمبر بوتلیں ٫ مشروبات اور دو درجن سے زائد برف خانے مضر صحت پانی سے ناقص برف کی تیاری میں مصروف ہیں جس سے صحت عامہ کو شدید خدشات لاحق ہو رہے ہیں جبکہ ریڑھی اور چھابڑی فروش تعلیمی درسگاہوں اور پرائمری سکولوں کے مین گیٹوں پر کٹے پھٹے پھل برف کے گولے ‘ گول گپے ‘ فالودہ ‘ قلفیاں ‘ گولیاں ٹافیاں ‘ چپس اور جعلی آئس کریم فروخت کر رہے ہیں خصوصا دہی بھلے ‘ گول کپوں ‘ آلو چھولوں میں کھٹاس پیدا کرنے کے لئے ٹاٹری کا استعمال کیا جارہا ہے جو کہ نظام انہضام ‘ جگر’ معدے اور انتڑیوں کو کاٹ کر رکھ دیتی ہے۔ ان اشیائے کے کھانے سے خصوصا کمسن طلبا و طالبات اور سکولوں کالجوں کے طالب علم گلے معدے و دیگر امراض کا شکار ہو کر ہسپتالوں کار خ کررہے ہیں ضلع کے انتظامی سرکاری افسران تمام صورت حال سے باخبر ہونے کے باعث ناگزیر کاروائی سے گریزاں سماجی فلاحی حلقوں نے جعلی سوڈا واٹر بوتلوں مضر صحت برف اور گولی قلفیوں فالودہ آئس کریم اور غیر معیاری اشیا ء کی فروخت کو رکوانے کے لئے فوری اور فعال کارروائی کا مطالبہ کیا ہے محکمہ صحت کے افسران کا کہنا ہے اگر دفعہ 144کے تحت ان اشیاء پر پابندی لگادی جائے تو خاطرخواہ نتائج سامنے آسکتے ہیں فی الحال شکایت کے بغیر کاروائی نہیں کرسکتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (راحیل گجرسے) ضلعی آفس نادرا ٹوبہ ٹیک سنگھ میں پاسپورٹ کی سہولت فراہم کی جائے سماجی فلاحی حلقوں کا مطالبہ تفصیل کے مطابق ضلع ٹوبہ ٹیک سنگھ میں 4 تحصیل سمیت سینکڑوں دیہات موجود ہے جن کے رہائشیوں کو دوردراز کا سفر طے کرکے فیصل آباد میں پاسپورٹ کے حصول کے لیے جانا پڑتا ہے جس میں مردخواتین کو تکلیف دہ مشکلات سمیت سینکڑو ں میل کی مسافت طے کرنی پڑتی ہے جس سے دفتر کا وقت ختم ہوجاتاہے اگر علی الصبح پہنچ جائے سارا دن لمبی لائنوں میں لگ کر ناکام واپس لوٹنا پڑتا ہے باربار کے چکرلگاتے ہوئے مجبورہوکر ایجنٹوںسے رابطہ کرنا پڑتاہے جوکہ دونوں ہاتھوں سے سائلین کی کھالیں ادھیڑ تے ہے سماجی فلاحی تنظیموںنے مجازا تھارٹی سے مطالبہ کیا کہ فی الفور ضلعی آفس نادرا میں پاسپورٹ کی سہولت فراہم کی جائے تاکہ سائلین تکلیف دہ سفرا ور ذلت رسوائی سے بچ سکیں۔
راحیل گجر نمائندہ پیرمحل فون نمبر0331-8670101
