قصور (محمد عمران سلفی سے) ڈرگ انسپکٹر کی کاروائی، 7دوکانیں سیل،3لاکھ10ہزار جرمانہ، 9مقدمات ڈرگ کورٹ ریفر، مصطفی آباد سمیت ضلع بھر میں عطائیوں ، غیر معیاری و جعلی ادویات رکھنے والوں کے خلاف مزید سخت کاروائی کی جائے گی، ثناء اللہ سیف کی صحافیوں سے گفتگو، تفصیلات کے مطابق ڈرگ انسپکٹر ثناء اللہ سیف نے پریس کلب مصطفی آباد میں صحافیوں سے گفتگو کرتے ہوئے کہا کہ گزشتہ ایک ماہ کے دوران ڈی سی او قصور سلمان غنی کے خصوصی احکامات اورای ڈی او ہیلتھ ڈاکٹر مسعود طارق کی زیر نگرانی 132دوکانیں اور ایک فیکٹری کو چیک کیا ، ناقص غیر معیاری ادویات رکھنے والے 7میڈیکل سٹور سیل کر دئیے تھے، 75سیمپل حاصل کئے، 9مقدمات تیار کرکے ڈرگ کورٹ کو ریفر کئے گئے، تین مقدمات درج کروائے گئے،عدالت کی طرف سے تین لاکھ دس ہزار روپے جرمانے بھی ہوئے، ڈرگ انسپکٹر ثناء اللہ سیف نے کہا کہ مصطفی آباد اور ان کے نواحی دیہات میں عطائیوں کے بارے میں صحافیوں کی نشاندہی پر جلد ہی کاروائی تیز کی جائے گی، ضلع بھر سے عطائیوں ، میڈیکل سٹوروں پر غیر معیاری و جعلی ادویات کی فراہمی کا خاتمہ کرنا مشن ہے، میڈیا کے تعاون سے عوام کو عطائیوں سے نجات دلانے کیلئے آگاہی مہم بھی چلائی جائے گی، تاکہ عوام عطائیوں کے ہاتھوں لٹنے اور مرنے کی بجائے کوالیفائڈ ڈاکٹروں سے رجوع کریں، سرکاری ہسپتالوں میں تمام سہولیات مہیا کر دی گئی ہیں جہاں ماہر ڈاکٹر حضرات عوام کی دن رات خدمت کرنے میں مصروف ہیں، عوام عطائیوں کے بارے میں اطلاع دیں فوری کاروائی کریں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(محمد عمران سلفی سے)تھانہ گنڈا سنگھ نے ماہ مارچ میں 13اشتہاری، متعدد منشیات فروش گرفتار کئے، ساڈھے چار کلو چرس، 2سو لیٹر شراب، موٹر سائیکل بر آمد، ایک سال پرانا مقدمہ ٹریس ،تفصیلات کے مطابق ڈی پی او قصور سید علی ناصر رضوی کی خصوصی ہدایت و ڈی ایس پی سٹی سرکل محمد اکرام خاں کی زیر نگرانی ایس ایچ او تھانہ گنڈا سنگھ طارق بشیر چیمہ نے سماج دشمن عناصر کے خلاف چلائی گئی خصوصی مہم کے دوران قتل اقدام قتل، ڈاکتی و راہزنی کی وارداتوں میں ملوث 13خطر ناک اشتہاری، 9منشیات فروش، 8ناجائز اسلحہ رکھنے والے درجنوں افراد کو گرفتار کرکے ان کے قبضہ سے ناجائز اسلحہ، ساڈھے چا ر کلو چرس، 200لیٹر دیسی شراب، موٹر سائیکل و نقدی بر آمد کرکے ملزمان کو جیل بھیج دیا، ٹریس مقدمات میں ایک سال پرانے مقدمات بھی شامل ہیں، ایس ایچ او تھانہ گنڈا سنگھ طارق بشیر چیمہ نے کہا کہ میں نے اپنی تعینات کے دوران اپنے افسران کی زیر نگرانی جرائم پیشہ افراد پر زمین تنگ کر دی ہے، جس کی وجہ سے جرائم پیشہ افراد علاقہ چھوڑنے پر مجبور ہو چکے ہیں، علاقہ سے منشیات فروشی کی لعنت کو جڑ سے ختم کرنا میرا مشن ہے، عوام کو انصاف کی فراہمی کیلئے میرے دروازے دن رات کھلے ہیں، میں روزانہ تھانے میں بیٹھ کر عوام کے مسائل سنتا ہوں مجھ سے ملنے کیلئے کسی ٹائوٹ یا چوہدری کی ضرورت نہیں، انصاف کا حصول ہر شہری کا حق ہے جو اسے بلا تفریق مہیا کیا جائے گا، انہوں نے مزید کہا کہ لاڈو سپیکر کے استعمال کے حوالے سے علما کرائم سے متعدد میٹنگیں ہو چکی ہے اب لاڈو سپیکر کے استعمال پر مکمل پابندی ہے، عوام کے تعاون سے علاقہ کو امن کا گہوارہ بنائوں گا،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(محمد عمران سلفی سے)اب پٹرولنگ پولیس نئے جذبہ ولگن کے ساتھ خلقِ خدا کی راہنمائی و امدادکرے گی،کینٹ چونیاں میں فوجی افسران کی زیر نگرانی پٹرولنگ پولیس کے تمام افسران و ماتحتان نے پسٹل،رائفل G.III۔رائفل SMGکے 10/10فائر کرنے کی عملی پریکٹس کی گئی ،تفصیلات کے مطابق جاوید سلیمی ایڈیشنل آئی جی پنجاب ہائی وے پٹرول پولیس کی ہدایت پر بابر بخت قریشی SSP/PHPلاہور ریجن کی زیر نگرانی پٹرولنگ پولیس ضلع قصور کے تمام سٹاف کو ایلیٹ کمانڈوز اور اسلحہ ماہرین کی زیر نگرانی اسلحہ استعمال کرنے ,اسلحہ کی حفاظت ،اسلحہ SOPکے بارہ میں تفصیلی لیکچر و عملی پریکٹس کرائی گئی ،کینٹ چونیاں میں فوجی افسران کی زیر نگرانی پٹرولنگ پولیس کے تمام افسران و ماتحتان نے پسٹل،رائفل G.III۔رائفل SMGکے 10/10فائر کرنے کی عملی پریکٹس کی گئی اور اسلحہ کے عملی استعمال کے بارہ میں تفصیلی لیکچر دیا گیا،ریسکیو1122کے تعاون سے فرسٹ ایڈ کے بارہ میں تفصیلی لیکچر اور عملی مظاہر ہ کیاگیا،اسی طرح سول ڈیفینس اتھارٹیز کے ماہرین نے بم ناکارہ بنانے ۔آگ لگنے،سیلاب کی صورتحال ودیگر آفات و حادثات سے نپٹنے کے بارہ میں تفصیلی لیکچر دیا،مزید برآں دہشت گردی کے واقعات سے نبرد آزما ہونے کے بارہ میں مفید معلومات مہیا کی گئیں،DSPشعیب چیمہ نے مزید بتایا کہ سول ڈیفینس ،ریسکیو1122،ایلیٹ فورس ،اسلحہ ماہرین ،عسکری ماہرین کے تعاون سے پٹرولنگ پولیس کے افسران و ماتحتان کا قوتِ کار،اعتماد اور افادیت میں بے پناہ اضافہ ہوا ہے،اب پٹرولنگ پولیس نئے جذبہ ولگن کے ساتھ ان ہدایات و معلومات کو عملی زندگی میں لاگو کرکے خلقِ خدا کی راہنمائی و امداد کو بہترین اور مزید موثر و متحرک کرنے کے سلسلہ میں اپنا کردار ادا کریگی،عوام الناس کسی بھی وقت حادثہ،واردات،امداد یا راہنمائی کے لیے پٹرولنگ پولیس کی امداد،راہنمائی حاصل کرنے کے لیے 1124پر کال کر کے پٹرولنگ پولیس کی خدمات سے استفادہ حاصل کرسکتے ہیں۔
محمد عمران سلفی صدر پریس کلب للیانی(رجسٹرڈ)
