قصور (بیورورپورٹ) سجادہ نشین محدث قصوری مبلغ اسلام پیرمفتی اخترعلی قادری چیئرمین رویت ہلال کمیٹی برطانیہ نے سوشل میڈیا پر گستاخانہ پیجز کے خلاف عدالتی ریمارکس پر گفتگو کرتے ہوئے کہاکہ گستاخانہ رسول ۖکو دہشت گرد قراردینے کا عدالت عالیہ کا فیصلہ خوش آئند ہے،حکومت کو چاہیے کہ وہ اسلام آباد ہائی کورٹ کے ان ریمارکس کا احترام کرے اوران کے خلاف بھرپور اقدامات اور سخت ایکشن لے کر سوشل میڈیا پر تمام گستاخانہ پیجز بلاک کریں ،ان خیالات کا اظہار انہوں نے اپنے آستانے پر میڈیا سے گفتگو کے دوران کیا ،پیرمفتی اخترعلی قادری کہنا تھا کہ حقیقی دہشت گرد رسول اللہ ۖکی شان میں گستاخی کرنے والے ہیں،ان گستاخوںکے بارے حکومتی خاموشی ناقابل برداشت اور شرمناک ہے، نبی کریم ۖ کی ناموس کے لیے جان بھی قربان کردیں گے ،اگر حکومت اس طرح کی فرقہ واریت کے خلاف ٹھوس اقدامات نہیں کرے گی تو امت مسلمہ کے سپوت قانون ہاتھ میں لیں گے اور ملک میں امن وسکون اور ترقی کی راہ اس وقت تک ہمورانہیں ہو سکتی جب تک فیصلے عدل وانصاف پر نہیں ہو گے ،انہوں نے مزید کہا کہ حقیقی عزت مکین گنبد خضریٰ کے ساتھ وابستگی میں ہے نہ کہ واشنگٹن اور وائٹ ہائوس سے وابستگی میں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(ڈسٹرکٹ رپورٹر)سینئر وائس چیئر مین ضلع کونسل ملک اعجاز احمد خاں نے کہا ہے کہ پنجاب حکومت مستحقین زکوٰة کی مستقل بنیادوں پر بحالی کیلئے تمام وسائل بروئے کار لارہی ہے ‘شہرکیساتھ ساتھ دیہی علاقوں میں بھی غریب اور نادار لوگوں کو مالی وسائل فراہم کرنے کیلئے کثیر رقم مختص کی گئی ہے ‘دینی مدارس ‘ووکیشنل ٹریننگ انسٹیٹیوٹس ‘نابینا افراد ‘جہیز فنڈ ‘غریب مستحقین کیلئے گزارہ الائونس اور علاج معالجہ کیلئے مستحقین زکوٰة کو میرٹ کی بنیاد پر فنڈز دیئے جا رہے ہیں ۔ یہ بات انہوں نے گزشتہ روز ڈسٹرکٹ زکوٰة کمیٹی قصور کے دفتر میں 2کروڑ 39لاکھ 4ہزار 981روپے کے چیک مستحقین زکوٰة میں تقسیم کرنے کی تقریب سے خطاب کرتے ہوئے کہی ۔ اس موقع پر چیئر مین ضلعی زکوٰة کمیٹی قصور چوہدری محمد صادق’ڈسٹرکٹ زکوٰة آفیسر اشفاق احمد خان ، آڈٹ آفیسر ضلعی زکوٰة کمیٹی قصور میاں مقصود احمد ، ممبران ضلعی زکوٰة کمیٹی میاں محمد نصر اللہ امین ، ملک بشیر احمد ، محمد ارسلان صادق اور دیگر بھی موجود تھے ۔ اس موقع پر خطاب کرتے ہوئے وائس چیئر مین ضلع کونسل ملک اعجاز احمد خاں نے کہا کہ پنجاب حکومت نے غریب آدمی کے معیار زندگی کو بلند کرنے کیلئے خطیر رقم مختص کی ہے جسے ایک شفاف طریقے سے مستحقین میں باقاعدگی سے تقسیم کیا جا رہا ہے تا کہ غریب اور نادار لوگ اپنی بنیادی ضروریات پوری کر سکیں ۔ انہوں نے کہا کہ ٹیوٹا کے زیر اہتمام چلنے والے ووکیشنل ٹریننگ انسٹیٹیوٹس کے طلباء و طالبات کو فنی تربیت فراہم کرنے کیلئے مالی امداد دی جاتی ہے تا کہ ملک سے بیروزگاری کا خاتمہ ممکن بنایا جا سکے ۔ اس موقع پر چیئر مین ضلعی زکوٰة کمیٹی قصور چوہدری محمد صادق نے کہا کہ پنجاب حکومت کی طرف سے ملنے والی رقم کو ایک شفاف اور غیر جانبدار طریقہ کار کے تحت مستحقین زکوٰة میں تقسیم کیا جا رہا ہے اور زکوٰة فنڈ کی رقم میں مزید اضافہ کیلئے اقدامات کئے جا رہے ہیں تا کہ زیادہ سے زیادہ لوگ مستفید ہو سکیں ۔ انہوں نے مزید کہا کہ مستحقین زکوٰة میں گزارہ الائونس اور نابینا الائونس کو سال 2016-17کے تیسرے کوارٹر کی قسط جاری کی جارہی ہے جو کہ بذریعہ ایزی پیسہ تقسیم کی جائینگی جبکہ آٹو رکشہ جات کی 54عدد درخواستیں ضلعی کمیٹی کو موصول ہوئی ہیں جنکی سکروٹنی کی جاری ہے اور جلد ہی بذریعہ قرعہ اندازی صوبائی زکوٰة انتظامیہ کی طرف سے خوش نصیبوں کا اعلان کر دیا جائیگا۔ اس موقع پر سینئر وائس چیئر مین ضلع کونسل ملک اعجاز احمد خاں نے 4 ووکیشنل ٹریننگ انسٹیٹیوٹس کو 1کروڑ 56لاکھ 60ہزار روپے ، محکمہ زکوٰة سے رجسٹرڈ آٹھ دینی مدارس کو مبلغ 39لاکھ 8ہزار 481روپے ، ضلع کے 9عدد تعلیمی ادارہ جات کے مستحق طلباء و طالبات کیلئے وظیفہ فنڈ کی مد سے 24لاکھ 84ہزار روپے ، مستحقین زکوٰة کو فری علاج و معالجہ کی سہولت فراہم کرنے کیلئے ضلع کی ہیلتھ ویلفیئر کمیٹیوں کو مبلغ 14لاکھ 62ہزار 500روپے ، مستحقین زکوٰة کو اپنے پیروں پر کھڑا کرنے اور معاشرے کا کار آمد فرد بنانے کیلئے سماجی بحالی اسکیم کے تحت چھوٹے کاروبار شروع کرنے کیلئے 18مستحقین کو مبلغ 2لاکھ 70ہزار روپے اور مستحق زکوٰة بچیوں کی شادی کیلئے مبلغ 1لاکھ 20ہزار روپے کے چیک جاری تقسیم کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)پریس کلب اجلاس کے متفقہ فیصلوں سے انحراف غداری تصور ہوگا ،صحافیوں سے زیادتی برداشت نہیں کی جائیگی مگرصحافیوں پربھی لازم ہے کہ وہ پروفیشنل جرنلسٹ بن کر کام کریں ،نیشنل ایکشن پلان پر عملدرآمد وقت کی ضرورت ہے ،صحافتی اداروں میں اختیارات کی نچلی سطح پر منتقلی مسائل کا حل ہے،پریس کلب میں عنقریب کھیلوں کادوستانہ میچ رکھیں گے، صحافی برادری اپنے حقوق کیلئے اٹھ کھڑی ہو، منافقت اور مفاد پرست عناصر کا محاسبہ وقت کی ضرورت ہے، ان خیالات کااظہار چیئرمین یونین آف جرنلسٹس محمداجمل شاد نے صدر عطاء محمدقصوری کی زیرصدارت ہنگامی اجلاس سے خطاب کے دوران کیا،عطاء محمدقصوری صدر یونین آف جرنلسٹ نے کہا کہ تمام صحافیوںکو ذاتی اختلافات بھلا کرقصور ضلع اور ملک کی بہتری کی خاطر یک نکاتی ایجنڈے پر اکٹھا ہوکر حب الوطنی کا ثبوت دینا ہوگا کیونکہ قائداعظم محمد علی جناح اور ہمارے آباؤ اجداد نے لاتعداد قربانیاں دیکر پاکستان کو خود مختار ریاست بنایا اب پاکستان اس نہج پر پہنچ چکا ہے کہ اسے بچانے کی اشد ترین ضرورت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ) پاکستان مسلم لیگ ن شعبہ خواتین کی صدر صفیہ سعید اور کوٹرادھاکشن سے کوارڈینیٹرعمرانہ قصوری نے کہا ہے کہ مسلم لیگ ن واحد قومی جماعت ہے، جس نے خواتین کو ہر شعبہ میں نمائندگی دی چاہے وہ اداروں کے بورڈ آف گورنر زہوں،خواتین کی وارثت کا مسئلہ ہو،مخصوص نشستوں کے علاوہ اب جنرل سیٹوں پربھی خواتین کا5فیصد کوٹہ پارلیمنٹ سے منظور ہوچکاہے۔ ان خیالات کا اظہار انہوں نے گذشتہ روز پارٹی دفتر میں خواتین کے عالمی دن کے حوالے سے ایک تقریب سے خطاب کرتے ہوئے کیا۔اس موقع پرخدیجہ حسن، طاہرہ عزیز سمیت دیگر بھی موجود تھیں۔عمرانہ قصوری نے مزیدکہا کہ خواتین کو با اختیار بنانے کے لئے وسائل کی فراہمی ایک روشن معاشرے کی تشکیل کے لئے سود مند سرمایہ کاری ہے،دین اسلام خواتین کو با اختیار بنانے اور مساوی حقوق دینے پر زور دیتا ہے، انہوں نے خواتین کو مخاطب کرتے ہوئے کہا کہ آگے بڑھو اور میاں وازی شریف اور میان شہباز شریف کے ہاتھ مضبوط کرو اور ملک دشمنوں کو منہ توڑ جواب دو۔ اور انشاء اللہ آنے والا کل بھی آ پ کا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ) محدث قصوری حضرت مفتی عبداللہ قادری عالم اسلام کے عظیم مجاہدتھے اسلام اور مسلک اہلسنت کیلئے انکاکردار ہمیشہ یاد رکھاجائیگا انہوں نے ساری زندگی دین سے دورمسلمانوں کیلئے امام اہلسنت کا پیغام محبت دیکر اسلام کی خدمت کاحق اداکیا، نائب اعلی حضرت محدث قصوری کی تعلیمات پر عمل کرکے دنیا اور آخرت میں کامیابی حاصل کی جاسکتی ہے ان خیالات کااظہار خطیب پاکستان علامہ ملازم حسین ڈوگر ، سیدفداحسین شاہ حافظ آبادی ،امیرجماعت اہلسنت پنجاب مفتی اقبال چشتی ودیگر نے سجادہ نشین محدث قصوری مبلغ اسلام پیرمفتی اخترعلی قادری کی زیرصدارت انکے سالانہ عرس مبارک کے موقع پرخطاب کے دوران کیا، اس موقع پر حافظ فاروق حیدرنے نقابت کی جبکہ معروف ثناء خوانوںنے ہدیہ نعت پیش کیا ۔ جبکہ صدر یونین آف جرنلسٹس عطاء محمدقصوری، جنرل سیکرٹری و کونسلر بلدیہ عمران زیب کمبوہ،عمران شہزادانصاری معززین چوہدری محمود الہی چشتی،محررتھانہ بی ڈویثرن میاں رمضان سمیت ہزاروں افراد نے شرکت کی اختتام پر ملکی سلامتی کیلئے خصوصی دعاء کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)قصور اور نواح میں دو مختلف واقعات میں دو خواتین کو قتل کر دیا گیا ۔ماہی والا کے رہائشی محمد عارف نے پولیس تھانہ بی ڈویثزن میں مقدمہ درج کروایا ہے کہ اسکی ہمشیرہ طاہر ہ پروین کی شادی ہمراہ خالد علی سے ہوئی تھی مورخہ27/02/17کو سائل بہنوئی محمد مشتاق کے ساتھ اپنے بیمار والد کی خیریت دریافت کرنے بہن طاہر ہ کے گھر آئے اور ہم واپس گائوں چلے گئے شام 5/6بجے سائل کی والدہ کو اختر علی نے فون کیا کہ آپ کی بیٹی طاہر ہ فوت ہو گئی اسکی نعش ہسپتال قصور میں ہے اس کی نعش ہسپتال قصور میں ہے سائل کو قوی یقین ہے کہاسکی کی بہن طاہرہ کو اختر علی نے زہر دیکر مار ڈالا ہے ۔اختر علی بہن طاہر کو دھمکیاں دیتا تھا کہ خالد سے طلاق لے لو اور میرے ساتھ نکاح کر لو جو وہ نہ مانتی تھی جبکہ موضع سید پور کے رہائشی محمد ارشد نے پولیس تھانہ سٹی چونیاں میں مقدمہ د رج کروایا ہے کہ اسکی شادی اے سال قبل اقصٰی ہوئی تھی ملزم عارف وغیرہ شادی سے خوش نہ تھے ملزم عارف وغیرہ چار کس مجھے کو دھمکیاں دیتے تھے کہ اقصیٰ کو طلاق دے دو جسے ملزمان زبر دستی موضع ماجرہ لے گئے اور یکم مارچ کو اقصیٰ سے بات ہوئی جس نے کہا کہ الزام علیہان نے مجھے قتل کر دینا ہے جس کی ریکارڈنگ میرے پاس موجود ہے جو اقصیٰ کو بازیاب کروانے کے لیے لاہور ہائیکورٹ سے بیلف لے کر گیا جو الزام علیہان نے اقصٰی کو کہیں چھپا دیا مورخہ08/03/17کو بوقت8/30بجیدن کال کی تو انہوں نے بتلایا کہ جہاں تم بیلف لے کر گئے تھے اس لڑکی کو ملزمان نے قتل کر دیا ہے ۔پولئس نے مقدمات کے اندراج کے بعد تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ) چھانگا مانگا قصبہ سے نومولود بچی کی نعش برآمد ۔ پولیس تھانہ چھانگا مانگا نے عوام اطلاع پر قصبہ میں موجود کچرے کے ایک ڈھیر سے کپٹرے میں لٹی ایک نومولود بچی کی نعش برآمد کر کے قانونی کاروائی کے بعد مزلمان کی تلاش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)گردونواح میں راہزنی کی تین وارداتوں میں ڈاکو لاکھوں کی نقدی اور موٹرسائیکل لوٹ کر لے گئے ۔ہلہ روڈ پتوکی میں واقع ایک میرج ہال کے قریب دو ڈاکووں نے ایک موٹرسائیکل سوارارسلان کو روک کر اس سے 139000اور موبائل فون لوٹ کر لے گئے اور ملتان روڈ یرموک سنٹر کے قریب چار ڈاکووں نے موٹرسائیکل سوار شاہد انور سے موٹرسائیکل ،موبائل فون اور 53000کی نقدی لوٹ کر لے گئے جبکہ کھٹریپڑ چک10پتوکی سے چار ڈاکووں نے موٹرسائیکل سوارعلی حسین سے 30000اور موٹرسائیکل چھین لی ۔ مقامی پولیس مصروف کاروائی ہے۔
