اپنے دور میں تحصیل بار کو رجسٹر کروایا۔ اور وکلاء کالونی منظور کروائی
کروڑ لعل عیسن ( نامہ نگار ) اپنے دور میں تحصیل بار کو رجسٹر کروایا۔ اور وکلاء کالونی منظور کروائی۔ بار روم کیلئے ایک لاکھ کا فرنیچر اور ایک لاکھ کی کتابیں خرید کیں۔ ان خیالات کا اظہار صدر بار سردار اخلاق احمد خان سیہڑ ایڈووکیٹ نے صحافیوں سے گفتگو کرتے ہوئے کیا۔ انہوں نے کہا کہ موجودہ الیکشن میں ہمارا ینگ لائرز گروپ بھری اکثریت سے کامیاب ہو گا اور صدارتی امید وار راجہ فیاض احمد سکھیرہ کو کامیاب کروا کر وکلاء کی مزید خدمت کریں گے۔ انہوں نے مزید کہا کہ ہمیشہ ذاتی جیب سے خرچ کر کے وکلاء کے ذاتی مسائل حل کروائے۔ تحصیل بار کروڑ جو کہ پہلے لیہ بار کا حصہ تھی بھر پور کوششوں سے علیحدہ تحصیل بار کروڑ منظور کروائی اور وکلاء کالونی کیلئے مسلسل جدوجہد کر کے اسے منظور کروایا ہے۔ امید کرتے ہیں کہ وکلاء بھائی ہماری ان کوششوں پر ینگ لائر کو ایک بار پھر کامیاب کروائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کامیاب ہو کر وکلاء کی عزت و احترام اور مسائل ترجیحی بنیادوں پر حل کروائوں گا۔ وکلاء کیلئے کالونی منظور کروا کر حتمی شکل دی جائے گی
کروڑ لعل عیسن ( نامہ نگار ) کامیاب ہو کر وکلاء کی عزت و احترام اور مسائل ترجیحی بنیادوں پر حل کروائوں گا۔ وکلاء کیلئے کالونی منظور کروا کر حتمی شکل دی جائے گی۔ یہ بات شاہجہان مصطفی خان ایڈووکیٹ امیدوار جنرل سیکریٹری کروڑ بار ایسوسی ایشن نے صحافیوں سے گفتگو کرتے ہوئے کہی۔ انہوں نے کہا کہ کامیاب ہو کر بار روم کیلئے مزید فرنیچر اور لائبریری کیلئے کتابیں بھی خرید کی جائیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ محکمہ اشتمال کے عملہ کی ملی بھگت سے 78 بوگس کلیموں کے ذریعے 28 سو ایکڑ رقبہ لوگوں کو ایڈجسٹ کر دیا گیا
کروڑ لعل عیسن ( نامہ نگار ) کروڑ محکمہ اشتمال کے عملہ کی ملی بھگت سے
78 بوگس کلیموں کے ذریعے 28 سو ایکڑ رقبہ لوگوں کو ایڈجسٹ کر دیا گیا۔ دوران اشتمال رشوت لے کر سینکڑوں رجسٹریاں کی گئیں اور ممبر بورڈ کے حکم امتنائی کے باوجود ون ڈے ڈال دیئے گئے۔ ان خیالات کا اظہار امیدوار چیئرمین یونین کونسل تھل جنڈی مخدوم قمرالزمان قریشی نے گزشتہ روز پریس کانفرنس میںکیا ۔ انہوں نے کہا کہ کروڑ نشیب 1979 ء زیر اشتمال ہے اور1971 ئ1970 ء کے بعد کوئی جمع بندی مرتب نہ ہوئی ہے۔ کروڑ نشیب کا کل رقبہ 11 ہزار248 ایکڑ ہے لیکن صرف 6 ہزار ایکڑ کے ون ڈے ڈالے گئے ہیں۔ اور اس دوران بھاری رشوت لے کر سینکڑوں رجسٹریاں اور انتقال پاس کر دیئے گئے۔ ایسے افراد کو بھی 78 بوگس کلیموں کے ذریعے 28 سو ایکڑ رقبہ جو کہ جعلی بوگس ثابت ہونے پر ریونیو بورڈ نے خارج بھی کر دیا ہے لیکن عملہ اشتمال نے رشوت لے کر دو دو سو کنال اراضی شیر مادر کی طرح لٹا دی ہے جس کے باعث لوکل مالکان کی تباہی کر دی گئی ۔ انہوں نے وزیر اعلیٰ پنجاب ، محکمہ ریونیو بورڈ ، صوبائی وزیر مال سمیت دیگر حکام سے مطالبہ کیا کہ کروڑ نشیب میں تعینات نائب تحصیل دار بشیر خان سمیت دیگر عملہ کے خلاف انکوائری کر کے کاروائی کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ نشیب کا سیٹھ نذر کمہار بیٹی کی رخصتی اور بیٹے کے ولیمے کے روز دل کا دورہ پڑنے سے ہلاک
کروڑ لعل عیسن ( نامہ نگار ) کروڑ نشیب کا سیٹھ نذر کمہار بیٹی کی رخصتی اور بیٹے کے ولیمے کے روز دل کا دورہ پڑنے سے ہلاک۔ ہنستا بستا گھر ماتم کدہ بن گیا۔ تفصیل کے مطابق بستی کمہاراں کروڑ نشیب کا سیٹھ نذر کمہار اپنے بیٹے کو بیاہ کر لایا اور گزشتہ روز اس کی بیٹی کی رخصتی اور بیٹے کا ولیمہ تھا جس کیلئے انتظامات کیئے جا رہے تھے۔ دیگیں پک رہی تھی کہ صبح 7 بجے اچانک دل کا دورہ پڑا جس کے باعث نذر کمہار جاں بحق ہو گیا اور خوسیوں بھرے گھر میں صفِ ماتم بچھ گیا۔ مرحوم کی نماز جنازہ ادا کر دی گئی جس میں علاقہ کے سینکڑوں افراد نے شرکت کی۔
