لالہ موسی ٰ: آکو پنکچر حجامہ آپۖ کی سنت اور ایک بہترین طریقہ علاج ہے اور چین کا قومی علاج ہے، ڈاکٹر عبدالرشید مرزا
لالہ موسیٰ(محمد بلال احمد بٹ)علی آٹو پنکچر ہسپتال لالہ موسیٰ کے ڈاکٹر عبدالرشید مرزا نے کہا ہے کہ آکو پنکچر حجامہ آپۖ کی سنت اور ایک بہترین طریقہ علاج ہے اور چین کا قومی علاج ہے اور پورے ملک میں یہ علاج کیا جاتا ہے انہوں نے کہا کہ جسم کی70فیصد بیماریاں خون کی عدم فراہمی یا اس کی رکاوٹ کی وجہ سے ہوتی ہیں حجامہ کے ذریعے جلد ہی نہیں بلکہ عضلات کو بھی حرکت ملتی ہے جس سے ٹشو میں موجود ٹاکس ریلیز ہو کو خارج ہوتے ہیں انہوں نے کہا کہ آکو پنکچر حجامہ سے ہر بیماری کا علاج کیا جاتا ہے مثلاً فالج، لقوہ، گھینٹیا، دمہ، پھیپھڑوں کے امراض،خواتین کی بیماریاں،آدھے سر کا درد اور موہروں کے درد کے علاوہ بیک پین کا مفید طریقہ علاج ہے۔انہوں نے کہا کہ یہ طریقہ علاج ہزاروں سال سے دنیا کے مختلف ملکوں میں رائج ہے اور دنیا بھر کے لوگ اس طریقہ علاج سے بھرپور فائدہ حاصل کررہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:مین بازار میں دن کے وقت ہتھ ریڑھی کے داخلہ پر پابندی کے خلاف ریڑھی بانوں نے بلدیہ لالہ موسیٰ میں احتجاج کیا
لالہ موسیٰ(محمد بلال احمد بٹ)مین بازار میں دن کے وقت ہتھ ریڑھی کے داخلہ پر پابندی کے خلاف ریڑھی بانوں نے بلدیہ لالہ موسیٰ میں احتجاج کیا،مظاہرین نے الزام لگایا کہ تجاوزات کے اصل ذمہ دار مین بازار کے وہ دکاندار ہیں جنہوں نے دکانوں کے سامنے سامان سجا رکھا ہے اور10000سے15000روپے کرایہ پر سامنے دس دس فٹ جگہ کرایہ پر دے رکھی ہے،جبکہ چنگ چی رکشے والے بھی مین بازار میں دندناتے پھر رہے ہیں،مگر نشانہ غریب ریڑھی والوں کو بنایا جا رہا ہے جو ریڑھی لگا کر اپنے بال بچوں کا پیٹ پال رہے ہیں بلدیہ نے شام پانچ بجے تک ان کی ہتھ ریڑھیوں کے مین بازار میں داخلہ پر پابندی لگا کر فاقہ کشی پر مجبور کر دیا ہے،مظاہرین نے مطالبہ کیا ہے کہ انہیں مین بازار میں دن کے وقت بھی ریڑھی لگانے کی اجازت دی جائے بعد ازاں مطاہرین پر امن طور پر منتشر ہو گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:چار مسلح ڈاکوئوں نے شادی کی تقریب سے واپس گھر جاتی ہوئی خاتون اور اس کے بھانجے سے لاکھوں روپے مالیت کے طلائی زیورات،ہزاروں نقدی اور موبائل فون چھین لیا
لالہ موسیٰ(محمدبلال احمد بٹ)چار مسلح ڈاکوئوں نے شادی کی تقریب سے واپس گھر جاتی ہوئی خاتون اور اس کے بھانجے سے لاکھوں روپے مالیت کے طلائی زیورات،ہزاروں نقدی اور موبائل فون چھین لیا،تفصیلات کے مطابق لالہ موسیٰ کے معروف صحافی سجاد چوہدری کی ہمشیرہ اور چوہدری خالد اصغر گھرال کے کزن(ط)سکنہ مرغزار کالونی گجرات اپنے بھانجے کے ساتھ مادل ٹائون لاہور سے اپنے قریبی عزیز سابق ایم پی اے چوہدری محمد الیاس کے بیٹے کی شادی کی تقریب میں شرکت کے بعد واپس گھر جا رہی تھی کہ تعاقب کرتے ہوئے چار مسلح ڈاکوئوں نے انکی کار کو کھٹالہ کے قریب گن پوائنٹ پر روک لیا اور خاتون سے تیرہ تولے کے طلائی زیورات اور20000 روپے نقدی اور رضا مہندی سے40000 روپے نقدی ،موبائل فون اور شناختی کارڈ چھین کر بے خوف و خطر فرارہو گئے ڈکیتی کی واردات گذشتہ روز بارہ بجے کے بعد ہوئی صدر پولیس گجرات نے چار نامعلوم ڈاکوئوں کے خلاف زیر دفعہ392کے تحت مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ : تھانہ گلیانہ کے گائوں کنجیہال مین توہین درود شریف کا واقعہ قابل مذمت ،غازی محمد ثاقب جلالی
لالہ موسیٰ(محمد بلال احمد بٹ)تھانہ گلیانہ کے گائوں کنجیہال مین توہین درود شریف کا واقعہ قابل مذمت ہے،پویس فوری طور پر ملزمان کو گرفتار کر کے کیفرکردار تک پہنچائے ان خیالات کا اظہار امیر تحریک تحفظ اسلام پاکستان غازی محمد ثاقب جلالی،مرکزی سیکرٹری جنرل حافظ محمد اصغر توحیدی نے اپنے مشترکہ بیان میں کیا،انہوں نے کہا کہ کنجہیال کے واقعہ کے پیچھے کالعدم تنظیم کے لوگوں کا ہاتھ ہے،انہیں فوری طور پر گرفتار کیا جائے ورنہ ہم پر زور احتجاج کریں گے اسکی تمام تر ذمہ
داری انتظامیہ پر عائد ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:پاکستان سنی تحریک سنیوں کے حقوق کی محافظ جماعت ہے،محمدشہباز قادری
لالہ موسیٰ(محمد بلال احمد بٹ)پاکستان سنی تحریک سنیوں کے حقوق کی محافظ جماعت ہے،ان خیالات کا اظہار صدر پاکستان سنی تحریک لالہ موسیٰ محمد شہباز بٹ قادری نے محلہ کریم پورہ کی ملک ،بٹ کھوکھر برادری کے سرکردہ راہنمائوں کی پاکستان سنی تحریک میں شمولیت کے موقعہ پر تقریب سے خطاب کرتے ہوئے کیا،انہوں نے کہا کہ مذکورہ شخصیات کی شمولیت سے پاکستان سنی تحریک مزید مضبوط ہو گی اور لالہ موسیٰ کی سب سے بڑی جماعت بنے گی،انہوں نے مزید کہا کہ سربراہ پاکستان سنی تحریک انجینئر ثروقت اعجاز قادری کی قیادت میں سنی تحریک ملک میں نظام مصطفی کے نفاذ کیلئے جدوجہد کر رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:پولیس چوکی کی عین ناک تلے محلہ سیدا گول میں دو مسلح موٹر سائیکل سواروں نے خاتون کی دن دییہاڑے طلائی بالیاں چھین لیں
لالہ موسیٰ(محمد بلال احمد بٹ)پولیس چوکی کی عین ناک تلے محلہ سیدا گول میں دو مسلح موٹر سائیکل سواروں نے خاتون کی دن دییہاڑے طلائی بالیاں چھین لیں،تفصیل کے مطابق محلہ سیدا گول کی رہائشی خاتون نزیراں بی بی اپنے گھر کی دہلیز پر بیٹھی ہوئی تھی کہ دوموٹر سائیکل سوار ڈاکوئوں نے منہ پر ہاتھ رکھ کر کانوں میں موجود چار طلائی بالیاں زبردستی چھین لیں جس سے خاتون کے کان بری طرح زخمی ہو نے کی اطلاع ملی ہے،طلائی بالیوں کی مالیت لاکھوں روپے بتائی جاتی ہے،یاد رہے کہ مذکورہ واردات پولیس چوکی سیدا گول سے چند قدم کے فاصلے پر تھی جس سے پولیس کی نا اہلی اور ڈاکوئوں کی دیدہ دلیری کا واضح ثبوت ملتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:عوامی شہری اتحاد کے وفد کی سی او بلدیہ وجاہت صدیقی سے ملاقات
لالہ موسیٰ(محمد بلال احمد بٹ)عوامی شہری اتحاد کے وفد کی سی او بلدیہ وجاہت صدیقی سے ملاقات،ملاقات میں صدر عوامی شہری اتحاد ملک ناصر علی،جنرل سیکرٹری خالد مجید بٹ،شیخ اسلم،ملک شوکت علی،ملک شبیر،راجہ عبدالرحمن،ذیشان شیخ،ملک محمد دین،شیخ تقی و دیگر موجود تھے،ملاقات میں ْصدر عوامی شہری اتحاد ملک ناصر علی نے سی او بلدیہ وجاہت صدیقی کو لالہ موسیٰ شہر میں ڈینگی سپرے اور صفائی کے حوالہ اپنے خدشات کا اظہار ملک ناصر علی نے سی او بلدیہ کو واٹر کنکشن کیلئے کھولے گئے کھڈوں کے بارے میں بھی آگاہ کیا اور کہا کہ جلد سے جلد ان کھڈوں کو بند کیا جائے یہ ملاقات انتہائی خوشگوار موڈ میں ہوئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ : ممبر صوبائی اسمبلی چوہدری محمد اشرف دیونہ نے لالہ موسیٰ میں مصروف دن گزارا
لالہ موسیٰ(محمد بلال احمد بٹ)ممبر صوبائی اسمبلی چوہدری محمد اشرف دیونہ نے لالہ موسیٰ میں مصروف دن گزارا،انہوں نے ٹی ایم اے نان ہیڈ کوارٹر لالہ موسیٰ میں تقریباً پانچ گھنٹے گزارے اور ہر دفتر میں جا کر ٹی ایم اے ملازمین کی حاضری اور شناختی کارڈ بھی چیک کئے چاروں یونین کونسلوں کے دفاتر کا بھی معائنہ کیا،اس موقعہ پر انہوں نے سرکاری ملازمین کو ہدایت کی کہ وہ کسی بھی ملازم کی غیر حاضری برداشت نہیں کریں گے،اور کہا میں روزانہ کی بنیاد پر حاضری چیک کروں گا،ٹی ایم اے ملازمین اپنے محکمانہ کارڈ آویزں رکھیں،انہوں نے مزید کہا کہ سرکاری ملازمین خود کو عوام کا خادم سمجھیں کسی قسم کی کوتاہی برادشت نہیں کروں گا۔
Related Posts
