لالہ موسی کی خبریں 22.08.2013

اوسلو میں جشن آزادی کی تقریبات میں شرکت کے لئے گئے پیرس کی ممتاز عالمی شخصیت چوہدری صفدر برنالی کی شیخ طارق محمود کے گھر اداکارہ میرا سے خصوصی ملاقات
لالہ موسیٰ(محمد بلال احمد بٹ)اوسلو میں جشن آزادی کی تقریبات میں شرکت کے لئے گئے پیرس کی ممتاز عالمی شخصیت چوہدری صفدر برنالی کی شیخ طارق محمود کے گھر اداکارہ میرا سے خصوصی ملاقات، ملاقات میں باہمی دلچسپی کے ساتھ ملکی و قومی مسائل پر بات بھی ہوئی، چوہدری صفدر برنالی نے کہا کہ اداکارہ میرا کا کتا دنیا کے بہترین کتوں میں سے ہے اور جو دوسری تیسری مرتبہ انکے گھر جائے وہ اسکی شناخت کر لیتا ہے صفدر برنالی نے شیخ طارق محمود کی مہمان نوازی کا شکریہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چور ٹونٹیاں وٹائلیں اتار کر لے گئے
لالہ موسیٰ(محمد بلال احمد بٹ)چور ٹونٹیاں وٹائلیں اتار کر لے گئے لالہ موسیٰ میں 8واٹر فلٹریشن پلانٹ اور قریشی محلہ روڈ تعمیر کرنے کے لئے محکمہ پی ڈبلیو ڈی کوجاگ نہ آسکی،قومی انتخابات سے قبل80لاکھ روپے کی لاگت سے محکمہ پی ڈبلیو ڈی سیالکوٹ نے لالہ موسیٰ کے مختلف مقامات پر واٹر فلٹریشن پلانٹ لگانے کے کام کا آغاز کیا اور بیس سٹیشن بنانے کے بعد ٹونٹیاں اور ابتدائی سامان لگا دیا گیا لیکن سپریم کورٹ کے حکم پر انتخابات کی وجہ سے کام رک گیا اسی طرح قریشی محلہ میں سیوریج لائن ڈال کر سرک کا کام ادھورا چھوڑ دیا گیا جس بناء پر اہل قریشی محلہ ،کائرہ کو سڑک سے گزرنا دوبھر ہو گیا اور سڑک کے رہنے الوں نے اپنی جیب سے پیسے لگا کر مٹی اٹھوائی ایس ڈی او محکمہ پی ڈبلیو ڈی کا کہنا ہے کہ محکمہ کو کام کی اجازت مل گئی ہے،ٹھیکیداروں کو خط لکھے جا رہے ہیں اعلیٰ افسران کو موقع وزٹ کروا کر کام کا آغاز کر دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ کے ممتاز سبزی فروش نسیم عرف بھولا کی اہلیہ طویل علالت کے بعد انتقال کر گئیں
لالہ موسیٰ(محمد بلال احمد بٹ)لالہ موسیٰ کے ممتاز سبزی فروش نسیم عرف بھولا کی اہلیہ طویل علالت کے بعد انتقال کر گئیں،مرحومہ کو سینکڑوں سوگواران کی موجودگی میں شیخاں والا قبرستان میں سپرد خاک کر دیا گیا مرحومہ کے ختم قل آج بروز جمعتہ المبارک صبح نو بجے محمدی مسجد محلہ قصبہ میں ہونگے دعا صبح دس بجے ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ صدر لالہ موسیٰ کے علاقہ چکوڑی شیر غازی میں نوجوان کے گلی میں کھڑے ہونے پر دو طرفہ فائرنگ سے دونوں گروپ کے افراد زخمی
لالہ موسیٰ(محمد بلال احمد بٹ)تھانہ صدر لالہ موسیٰ کے علاقہ چکوڑی شیر غازی میں نوجوان کے گلی میں کھڑے ہونے پر دو طرفہ فائرنگ سے دونوں گروپ کے افراد زخمی،مقدمات درج،تفصیل کے مطابق چکوڑی شیر غازی کے رہائشی عرفان عرف عابد ولد بشیر قوم رحمانی نے تھانہ صدر لالہ موسیٰ میں ایف آئی آر درج کراتے ہوئے موقف اختیار کیا کہ میرا بیٹا حسنین شام کو کھانا کھا کر باہر نکلا جونہی وہ فقیر محمد کی بیٹھک کے پاس پہنچا تو طارق ،راشد ،اسجد،نوید،نبیل وغیرہ نے للکارا ماراکہ آج حسنین کو گلی میں کھڑا ہونے کا مزہ چکھا دو انہوں نے آتے ہی حسنین کو مارنا شروع کر دیا اور فائرنگ کر دی میں شور سن کر وہاں گیا تو ملزمان نے فائرنگ کر کے مجھے اور حسنین وغیرہ کو زخمی کر دیا،جبکہ محمد یونس ولد گہنے خاں نے موقف اختیار کیا ہے کہ حسنین عرفان وغیرہ نے ہم پر فائرنگ کی اور ہمارے ساتھی زخمی ہوئے ہیں،صدر پولیس لالہ موسیٰ نے دونوں فریقوں کے خلاف زیر دفعہ324کراس مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات عدالت میں تاریخ پیشی سے واپس جانے والے شخص کو مخالف نے قتل کر دیا
لالہ موسیٰ(خالد مجید بٹ) گجرات عدالت میں تاریخ پیشی سے واپس جانے والے شخص کو مخالف نے قتل کر دیا اس سلسلہ میں بتایا جاتا ہے کہ تھانہ رحمانیہ کے علاقہ قادر کالونی کے قریب لاٹی ہنڈی کے رہائشی راشد وغیرہ نے محمد رشید پیراندتہ سکنہ حسن ڈھینڈہ کو اس وقت قتل کر دیا گیا جو وہ تاریخ پیشی سے واپس گھر جا رہا تھا پولیس تھانہ رحمانیہ نے مقدمہ درج کر کے تفتیش شروع کر دی ہے، وجہ عناد دیرینہ دشمنی بتائی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں تین روزہ پولیو مہم27ٹیموں نے13627بچوں کو تین روز میں پولیو ڈراپس پلائے
لالہ موسیٰ(محمد بلال احمد بٹ)لالہ موسیٰ میں تین روزہ پولیو مہم27ٹیموں نے13627بچوں کو تین روز میں پولیو ڈراپس پلائے سول ہسپتال لالہ موسیٰ کے انچارج ڈاکٹر ارشد پرویز اور سپروائزر چوہدری اسمعیل چدھڑ نے تین روزہ مہم کے اختتام پر بتایا کہ لالہ موسیٰ شہر کی چاروں یونین کونسلوں میں 23موبائل ٹیمیں اور سول ہسپتال،ریلوے اسٹیشن،بس سٹینڈ و مچھلی چوک میں کیمپ لگائے گئے ا ن تین دنوں کا ہدف13288تھا، لیکن سکولوں میں بھر پور مہم کے باعث13627بچوں کو پولیو ڈراپس پلائے گئے اس حوالہ سے ہر ٹیم کے ساتھ پولیس ملازم بھی ہمراہ تھے،جس پر محکمہ صحت ایس ای چاو سٹی ناصر بٹ کا شکریہ ادا کرتا ہے ان تین دنوں کی مہم کے بعد اب دو دن فالو اپ مہم چلے گی اور کسی وجہ سے کوئی بچے رہ گئے ہیں تو ان کے گھر تک محکمہ صحت کے اہلکار پہنچ کر پولیو ڈراپس پلائیںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساجد ندیم نت کی صاحبزادی میونسپل ماڈل بھائی سکول گجرات کی ہونہار طالبہ مناہل ناظر نے گوجرانوالہ بورڈ کے نہم کے امتحان میں502نمبر لے کر سکول میں تیسری پوزیشن حاصل کی
لالہ موسیٰ(محمد بلال احمد بٹ)ممتاز ماہر تعلیم راہنما پنجاب ٹیچرز یونین ضلع گجرات ساجد ندیم نت کی صاحبزادی میونسپل ماڈل بھائی سکول گجرات کی ہونہار طالبہ مناہل ناظر کے گوجرانوالہ بورڈ کے نہم کے امتحان میں502نمبر لے کر سکول میں تیسری پوزیشن حاصل کرنے پر گورنمنٹ ماڈل ہائی سکول لالہ موسیٰ کے ہیڈ ماسٹر چوہدری عباس اصغر گل،ایس ٹی صفدر حسین تارڑ،ایس ایس ٹی ملک محمد شفیق آف بوسال،حاجی اقبال قریشی،ڈاکٹر گلزار احمد سجاد،عبداللطیف نجمی،رانا محمد نعیم،تنویر احمد رانا،شفیق احمد،افتخاراحمد بٹ،احمد ندیم اور دیگر مبارکباد پیش کی ہے اور کہا کہ مناہل ناظر نے شاندار تعلیمی کارکردگی سے اپنے والدین اساتذہ اور سکول کا نام روشن کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گورنمنٹ ماڈل ہائی سکول لالہ موسیٰ کا گوجرانوالہ بورڈ کا نہم کا رزلٹ47فیصد رہا
لالہ موسیٰ(محمد بلال احمد بٹ)گورنمنٹ ماڈل ہائی سکول لالہ موسیٰ کا گوجرانوالہ بورڈ کا نہم کا رزلٹ47فیصد رہا،سکول کے ہونہار طالب علم عبدالرحمن نے 483نمبر لے کر پہلی،محمد عمیر حسن نے450 نمبر لے کردوسری،محسن رضا نے447نمبر لے کر تیسری،عباس طاہر اور زین الحق ساجد نے444,444نمبر لے کر چوتھی اور محمد باسط نے443نمبر لے کر آرٹس میں پہلی پوزیشن حاصل کی یاد رہے کہ گورنمنٹ ماڈل ہائی سکول کا میٹرک کا رزلٹ95فیصد،مڈل کا100فیصد اور پنجم کا90فیصد رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رحمن میڈیکل کمپلیکس ملک ہسپتال مین بازار میں ڈبل پاور ڈاپلر کلر الٹرا سائونڈ کی کی پروقار افتتاحی تقریب منعقد ہوئی
لالہ موسیٰ(محمد بلال احمد بٹ)رحمن میڈیکل کمپلیکس ملک ہسپتال مین بازار میں ڈبل پاور ڈاپلر کلر الٹرا سائونڈ کی کی پروقار افتتاحی تقریب منعقد ہوئی،افتتاح میڈیکل ڈائریکٹر ملک ہسپتال ڈاکٹر آصف اقبال ملک کی والدہ محترمہ اور ان کے بڑے بھائی سابق ہیڈ ماسٹر ملک محمد یاسین نے کیا،اس موقع پر ممتاز عالم دین قاری محمد اصغر نے درس قرآن دیا اور خصوصی دعا کروائی،افتتاحی تقریب میں صدر شہری جمہوری اتحاد لالہ موسیٰ شیخ حفیظ اللہ صدیقی،انور مسعود شیخ،حاجی محمد ریاض انصاری،ڈاکٹر عرفان احمد صفی،آغاز شبیر احمد،سید مشتاق حسین شاہ،چوہدری عبدالجلیل،اعجاز حسین بٹ،صفدر حسین تارڑ،شاہد خوشنود،ڈاکٹر شیخ خالد محمود،ڈاکٹر انوار منیر،عبداللطیف نجمی،ڈاکٹر عبدالسلام نیئر،چوہدری محمد نواز ماجھا،شفیق احمد،اسد اللہ انصاری،ملک عبدالشکور،راجہ عبدالرحمن،ڈاکٹر محمد ارشد،ڈاکٹرریاض احمد،صوبیدار عاشق حسین سید،اکرام الدین قریشی،شاہد الرحمن،ڈاکٹر محمد اسلم جنجوعہ،ملک مدثر،شاہد نذیر ملک،ملک محمد رفیق،ملک عبدالمجید،سعید انوار صدیقی،ھاجی شمیم قریشی،محمد شفیق منا،اعجاز حسین ڈار سمیت دیگر شخصیات نے شرکت کی اس موقع پر مہمانوں کا شاندار استقبال کیا گیا اور ڈاکٹر آصف اقبال ملک کی طرف سے پرتکلف ظہرانہ دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں صفائی کی صورتحال بہتر بنانے کے لیے سی اولالہ موسیٰ کی زیر صدارت ممبران قومی و صوبائی اسمبلی کی بنائی گئی کمیٹی کا اجلاس منعقد ہوا
لالہ موسیٰ(محمد بلال احمد بٹ)لالہ موسیٰ میں صفائی کی صورتحال بہتر بنانے کے لیے سی اولالہ موسیٰ کی زیر صدارت ممبران قومی و صوبائی اسمبلی کی بنائی گئی کمیٹی کا اجلاس منعقد ہوا،چیف آفیسر بلدیہ شیخ وجاہت صدیقی کی زیر صدارت ہونے والے اجلاس میں ممبران کمیٹی مہر محمد رشید،حاجی عبدالعزیز گورسی،حاجی محمد ریاض انصاری،عمران رزاقی،لطیف قریشی،پرویز قریشی،مہر خالد نسیم،سینٹری انسپکٹر ظفر اقبال بٹ،اور چاروں یونین کونسل کے سپروائزر شریک ہوئے اجلاس میں فیصلہ کیا گیا کہ صفائی کمیٹی کے ممبران لالہ موسیٰ کے تمام بازاروں میں آگاہی مہم چلائیں گے اور تاجر برادری سے صفائی میں تعاون کی اپیل کی جائے گی،جبکہ شہر میں موجود گند اور کوڑا کرکٹ کے حوالہ سے فی الفور ٹی ایم اے ملازمین کو آگاہ کیا جائے گا جانب لاہوربس بے کی سطح جی ٹی روڈ کے برابر لانے سے نکاسی آب میں مدد ملے گی اس حوالہ سے وفدجلد اے سی کھاریاں اور این ایچ اے افسران سے ملاقات کرے گا صفائی کمیٹی کے ممبران ٹی ایم اے ملازمین کی اپنے اپنے بازاروں میں میٹنگ کروا کر انہیں علاقہ کا وزٹ کروائیں گے،جبکہ تمام بازاروں میں آگاہی مہم کے بعد گرینڈ آپریشن کلین اپ کا آگاز کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوامی شہری اتحاد کا اہم اجلاس آج مرکزی دفتر پرانی غلہ منڈی میں زیر صدارت ملک سراج اشرفی منعقد ہوا
لالہ موسیٰ(محمد بلال احمد بٹ)عوامی شہری اتحاد کا اہم اجلاس آج مرکزی دفتر پرانی غلہ منڈی میں زیر صدارت ملک سراج اشرفی منعقد ہوا جس میں عوامی شہری اتحاد کے تمام ممبران و عہدیداران نے شرکت کی۔اجلاس میں ہائوس کی کثرت رائے سے ملک ناصر علی کو صدر،خالد مجید بٹ کو جنرل سیکرٹری نامزد کیا گیا۔اجلاس میں شرکت کرنے والوں میں ملک سراج اشرفی،ملک ناصر علی،خالد مجید بٹ،شیخ تقی،محمد اسلم،حاج شوکت،ملک محمد دین،سہیل انصاری،ملک شبیر،شیخ ذیشان،راجہ عبدالرحمن ،ملک طاہر ،محمد طاہر ،ملک صغیر،وقار عرف وکی بٹ،علی بٹ دھامہ،ملک عمیر،کاشف زرگر،ملک علی علوی،یاسر جٹ،محمد شہباز علوی،محمد طارق سمیت دیگر درجنوں نوجوانوں نے شرکت کی اور ملک ناصر علی اور خالد مجید بٹ کی قیادت پر اعتماد کا اظہار کیا۔