لالہ موسیٰ:چوہدری شاہد حمید کائرہ کی ختم قل آج کائرہ ہائوس جی ٹی روڈ لالہ موسیٰ میں ہوگی
لالہ موسیٰ(محمد بلال احمد بٹ)چوہدری شاہد حمید کائرہ جو رضائے الٰہی سے (BURRY) مانچسٹر میں انتقال کر گئے ہیں ( اور تدفین بھی وہیں ہوئی ) ‘ ان کی روح کے ایصال ثواب کیلئے ختم قل آج مورخہ 24ستمبر بروز منگل کو کائرہ ہائوس جی ٹی روڈ لالہ موسیٰ میں سہ پہر 4بجے شروع ہو گا اور اجتماعی دعا ٹھیک 5بجے ہو گی اہل علاقہ دوست احباب سے شرکت کی استدعا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:نامعلوم چورموبائیل فون شاپ کے تالے توڑ کرصفایا کرگئے
لالہ موسیٰ(محمد بلال احمدبٹ) نامعلوم چورموبائیل فون شاپ کے تالے توڑ کرصفایا کرگئے،تفصیل کے مطابق گزشتہ رات نامعلوم چور ریلوے روڈ پرواقع حمزہ موبائیل شاپ کے کنڈے کاٹ کر دکان میں موجود 75ہزار نقدی ،5قیمتی موبائیل سیٹ چوری کرکے لے گئے،دکان مالک علی رضوان نے مقدمہ کے اندراج کیلئے درخواست دے دی لیکن تاحال مقدمہ درج نہیں ہوسکا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ صحافی برادری کاتعزیتی اجلاس زیر صدارت سابق صدر لالہ موسیٰ عبدالرزاق بٹ منعقد ہوا
لالہ موسیٰ(محمدبلال احمد بٹ)لالہ موسیٰ صحافی برادری کاتعزیتی اجلاس زیر صدارت سابق صدر لالہ موسیٰ عبدالرزاق بٹ منعقد ہوا،جس میں لالہ موسیٰ کے معروف صحافی
محمد منشاء بٹ کی بھاوج کی وفات پر فاتحہ خوانی کی گئی،اجلاس میں سینئرصحافی تاج نسیم،سینئرصحافی خالد مجیدبٹ،چیف ایڈیٹر ڈیلی جلا وطن ڈاٹ کام محمد بلال احمدبٹ،نصر اللہ مجید ،محمد جمیل طاہر،رفیع بھٹی،ملک ناصر،مہر فرحان حفیظ،ذیشان شیخ،ملک شریف،عبداللطیف نجمی،شیخ محمد حسین،قاری شاہد شبیر،مشتاق احمد بٹ،محمد یاسین بٹ،شاہد لطیف فوٹو گرافر ،فخر عالم بٹ سمیت صحافیوں نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ: محمد منشاء بٹ کی بھاوج اور محمد جلیل بٹ ایم ڈی زیمکو موٹر سائیکل کی اہلیہ محترمہ اور محمد عمران بٹ کی والدہ ماجدہ کا ختم قل آج جامع خالقیہ غوثیہ میں پڑھا جائے گا
لالہ موسیٰ(محمدبلال احمدبٹ)لالہ موسیٰ کے معروف صحافی محمد منشاء بٹ کی بھاوج اور محمد جلیل بٹ ایم ڈی زیمکو موٹر سائیکل کی اہلیہ محترمہ اور محمد عمران بٹ کی والدہ ماجدہ گذشتہ روز قضائے الٰہی سے انتقال کر گئی مرحوم کی روح کے ایصال ثواب کے لئے ختم قل شریف کی محفل آج بروز منگل مورخہ23ستمبر صبح نو بجے جامع خالقیہ غوثیہ جی ٹی روڈ لالہ موسیٰ میں شروع ہو گی دعائیہ تقریب دس بجے ہو گی،اہل علاقہ سے ثواب کی محفل میں شرکت کی اپیل کی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:تیزرفتار کار قابو سے باہر ہو کر جی ٹی روڈ پنجن کسانہ کے قریب درخت سے ٹکرا گئی
لالہ موسیٰ(محمد بلال احمد بٹ)تیزرفتار کار قابو سے باہر ہو کر جی ٹی روڈ پنجن کسانہ کے قریب درخت سے ٹکرا گئی،دو سگے بھائی موقع پر ہلاک ہو گئے،تفصیل کے مطابق لالہ موسیٰ کے نواحی گائوں ڈلہ رجادی کے رہائشی اپنے گائوں سے کھاریاں جا رہے تھے کہ کار ایکسل آئی گاڑی پر سوار دو سگے بھائی محمد شاہد اور محمد قیصر سرور
ولدمحمد سرور سکنہ ڈلہ رجادی تیزفتاری سے کھاریاں کی طرف جا رہے تھے جی ٹی روڈ پنجن کسانہ کے قریب کار نمبری2747کو قابو نہ رکھ سکے جس کی وجہ سے کار جی ٹی روڈ کے قریب کیکر کے درخت سے ٹکرا گئے دونوںسگے بھائی زخموں کی تاب نہ لاتے ہوئے خالق حقیقی سے جاملے موضع ڈلہ رجادی میں میتیں پہنچتے ہی کہرام مچ گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:پنجاب کے ممتاز ثناء خواں محمد ندیم صابری لالہ موسیٰ والے14اکتوبر کو پی ٹی ورلڈ لاہور میں عرس مبارک اویسیہ میں ثناء خوانی کریں گے
لالہ موسیٰ(محمد بلا ل احمدبٹ)پنجاب کے ممتاز ثناء خواں محمد ندیم صابری لالہ موسیٰ والے14اکتوبر کو پی ٹی ورلڈ لاہور میں عرس مبارک اویسیہ میں ثناء خوانی کریں گے،تفصیل کے مطابق لالہ موسیٰ کے مشہور ثناء خواں پنجاب بھر کے ممتاز ثناء محمدعلی صابری پی ٹی وی ورلڈ میں ریکارڈنگ کے لئے چودہ اکتوبر کو لاہور جائیں گے اسی روز حضرت خواجہ فخر الدین بٹالوی کے عرس مبارک اویسیہ میں بھی لالہ موسیٰ خصوصی طور پر ثناء خوانی کیلئے شرکت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:سیدنور الحسن شاہ ہمارے قائد ہیں،ان کے ہر فیصلے کی مکمل حمایت کرتے ہیں،صاحبزادہ محمدجمیل قریشی
لالہ موسیٰ(محمد بلال احمدبٹ)مسلم لیگی راہنما صاحبزادہ محمد جمیل قریشی نے ایک بیان میں کہا کہ سیدنور الحسن شاہ ہمارے قائد ہیں،ان کے ہر فیصلے کی مکمل حمایت کرتے ہیں،بلدیاتی الیکشنوں میں ان کے ہر حکم کو سر تسلیم خم کرتے ہیں،دسمبر میں بلدیاتی انتخابات میں انکے نامزد کردہ ہر امیدوار کو مالی جانی ہر طرح کی سپورٹ کریں گے،لالہ موسیٰ کی ہرگلی محلے اور یونین کونسلوں کے ہر کوچہ تک الیکشن کمپین کو بام عروج پر پہنچانے کے لئے سر دھڑ کی بازی لگائیں گے،انشاء اللہ دسمبر بلدیاتی الیکشن میں سادات گروپ کلین سویپ کریں گے،جنرل الیکشن میں
دھوکہ دے کر جیتنے والے نمائندوں نے حلقہ این اے106پی پی112کے ساتھ سوتیلی ماں جیسا سلوک کر رہے ہیں لالہ موسیٰ کی عوام کی آنکھیں اب کھل چکی ہیں انتمام لوگوں کو بلدیاتی الیکشن میں اپنا بھیانک چہرہ عوام دکھادے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:دسمبر بلدیاتی الیکشن میں یونین کونسل87/4 سے ٹالی گروپ المعروف ناظم راجہ عرفان خالق مرحوم گروپ کے امیدوار میدان میں اتریں گے
لالہ موسیٰ(محمد بلال احمدبٹ)دسمبر بلدیاتی الیکشن میں یونین کونسل87/4 سے ٹالی گروپ المعروف ناظم راجہ عرفان خالق مرحوم گروپ کے امیدوار میدان میں اتریں گے،ان باتوں کا اظہار صدر ٹالی گروپ چوہدری نزاکت علی نے کیا انہو ں نے مزید کہا کہ یو سی87/4سے امیدوار کونسلران کھڑے کرنے کا فیصلہ کیا ہے، سابق ناظم راجہ عرفان خالق مرحوم بانی ٹالی گروپ کی یاد تازہ کرنے کیلئے کیا،ماشاء یو سی87/4میں جتنے کونسلر کی تعداد بنے گی ہم اتنے امیدوار کھڑے کریں گے،انشائاللہ ہم اپنے مخالفین کو الیکشنوں میں عبرتناک شکست دیں گے ٹالی گروپ کی طرف سے ایم ڈی ابوبکر پیٹرولیم پی ایس او خواص پور ملک افتخار اور محمدفیق بھٹی الیکشن لڑیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:سانحہ پشاور پر جتنا بھی افسوس کیا جائے کم ہے،راہنما پاکستان تحریک انصاف
لالہ موسیٰ (محمد بلال احمد بٹ) پاکستان تحریک انصاف لالہ موسیٰ کے راہنمائوںنوازش علی شیخ ایڈووکیٹ،حاجی چوہدری رفیق احمد دھامہ،ڈاکٹر اکرام الرحمن ہاشمی،سید حسن رضا شاہ گیلانی،سہیل نواز خان،غلام عباس بھٹہ،نوید اختر قریشی ایڈووکیٹ ،مرزا قمر الزمان ایڈووکیٹ ،قاری عمر دراز،چوہدری امانت علی آف خواص پور،طاہر رفیق بٹ آف شاہ سر مست ،میاں کبیر احمد آف کوٹلی شاہ جہانیاں،آئی ایس ایف کی ڈسٹرکٹ کمیٹی کے ہیڈ مرزا خرم شہزاد،محمد شہباز
بٹ،فرقان جاوید،مبشر بٹ اوردیگر ممبران نے اپنے ایک مشترکہ بیان میں کہا ہے کہ سانحہ پشاور پر جتنا بھی افسوس کیا جائے کم ہے،مسیحی بھائیوں کے غم میں برابر کے شریک ہیں۔تمام پاکستانی اس ظلم و بربریت پر غم ناک ہیں۔معصوم لوگوں کی قیمتی جانوں کے نقصان کا ازالہ نہیں کیا جا سکتا۔دہشت گردپاکستان کو کمزور کرنے کیلئے مذہب اور فرقہ واریت کو ٹارگٹ کر رہے ہیں۔انہوں نے کہا کہ دہشت گردی کی وجہ سے صرف پاکستانیوں کا نقصان ہو رہا ہے اس واقعے سے دنیا بھر میں پاکستان کا امیج بری طرح متاثر ہوا ہے ۔ دہشت گردی کے خلاف پوری قوم متحد ہے اب صبر کا پیمانہ لبریز ہو چکا ہے حکومت دہشت گردوں کو کیفر کردار تک پہنچانے کیلئے اقدامات کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:سانحہ پشاور سے اظہار یکجہتی کے لئے لالہ موسیٰ میں مسیح برادری نے پر امن احتجاجی جلوس نکالا
لالہ موسیٰ(محمد بلال احمدبٹ)سانحہ پشاور سے اظہار یکجہتی کے لئے لالہ موسیٰ میں مسیح برادری نے پر امن احتجاجی جلوس نکالا جلوس کی قیادت مسیحی برادری کے پادری ہارون مسیح نے کی،تفصیل کے مطابق سانحہ پشاور میں83 مسیح برادری کے بچے بوڑھے جوان مرد عورتیں چرچ میں دہشت گردی کی نظر ہو گئے تھے ان کے ساتھ اظہار یکجہتی کے لیے سینکڑوں مسیح برادری کے لوگوں نے شرکت کی،مسیح برادری دن ایک بجے ٹینکی محلہ سے جلوس نکالا،جلوس کمیٹی روڈ سے ہوتا ہوا ریلوے اسٹیشن چوک جی ٹی روڈ پر داخل ہو کر مین بازار میلاد چوک پر اہتمام پذیر ہوا،جلوس کے مظاہرین نے جی ٹی روڈ بلال کر دی،مظاہرین سے ہارون مسیح پادری نے خطاب کیا اور حکومت سے مطالبہ کیا،دہشت گردوں کے خلاف سخت ایکشن لیا جائے ان دہشت گردوں نے پاکستان میں بسنے والے ہر فرد کا جینا دوبھر کر دیا ہے،یہ دہشت گرد نہ تو پاکستانی ہو سکتے نہ ہی مسلمان ہو سکتے ہیں،ان دہشت گردوں نے مسجدوں اور گرجا گھروں،امامبارگاہوں مندروں کو بھی نہیں چھوڑا،مسیح برادری کے راہنما پادری ہارون مسیح نے حکومت سے مطالبہ کیا ان دہشت گردوں کے خلاف آپریشن کر کے پاکستان کی سرزمین سے ختم کیا
جائے تاکہ اقلیتیں اپنی عبادات سے بے خوف فکر سے کر سکیں،دو گھنٹے پر امن احتجاجی جلوس منتشر ہو گیا۔
Related Posts
