لالہ موسی ٰ: چراغ پورہ کا رہائشی ہوٹل مالک چنگ چی رکشا کی ٹکر سے جاں بحق
لالہ موسیٰ (محمد بلال احمد بٹ) چراغ پورہ کا رہائشی ہوٹل مالک چنگ چی رکشا کی ٹکر سے جاں بحق، تفصیل کے مطابق محلہ چراغ پورہ کا رہائشی جمیل احمد ولد محمد رمضان گذشتہ روز اپنے ہوٹل کے لئے سبزی وغیرہ لینے کی غرض سے سبزی منڈی جا رہا تھا کہ جی ٹی روڈ پر تیز رفتار چنگ چی رکشہ نے ٹکر مار دی جس سے وہ شدید زخمی ہو گیا، جسے مقامی ہسپتال داخل کرایا گیا جہاں وہ زخموں کی تاب نہ لاتے ہوئے دم توڑ گیا، متوفی کو آبائی قبرستان میں سینکڑوں سوگواران کی موجودگی میں سپر د خاک کر دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدر پولیس لالہ موسیٰ نے چار ماہ قبل ڈکیتی کی واردات میں ملوث ملزم کو گرفتار کر لیا
لالہ موسی ٰ(محمد بلال احمد بٹ) صدر پولیس لالہ موسیٰ نے چار ماہ قبل ڈکیتی کی واردات میں ملوث ملزم کو گرفتارکر لیا، تفصیل کے مطابق نواحی گائوں شیر گڑھ کا رہائشی مبینہ ڈکیت عمران عرف مانا صدر پولیس لالہ موسیٰ کو چار ماہ قبل نندوال میں عنصر نامی شخص کے گھر ڈکیتی کی بڑی واردات میں مطلوب تھا، ایس ایچ او تھانہ صدر ساجد محمود سوہل کی قیادت پولیس نے ملزم کو گرفتار کر لے تفتیش شروع کر دی۔ دوران تفتیش ملزم سے اہم انکشافات کی توقع کی جا رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خواص پور پل خونی ڈکیتی کے بعد پولیس کا ڈکیتوں کے خلاف گھیرا تنگ
لالہ موسیٰ (محمدبلال احمدبٹ) خواص پور پل خونی ڈکیتی کے بعد پولیس کا ڈکیتوں کے خلاف گھیرا تنگ، تفصیل کے مطابق جمعہ کے روز خواص پور بھمبر نالہ کے پل پرڈکیتی میں مزاحمت پر محلہ عید گاہ کے رہائشی محمد ارشد کے قتل کے بعد صدر پولیس لالہ موسیٰ نے علاقہ بھر کے ڈکیتیوں کے ریکارڈ یافتہ ملزمان کو حراست میں لے کر پوچھ گچھ شروع کر دی ہے،پولیس ذرائع کا کہنا ہے کہ پوسٹ مین محمد ارشد کے قاتلوں تک جلد پہنچ جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدر پولیس لالہ موسیٰ نے دوران چیکنگ شراب کی بھاری مقدار کی سمگل کی کوشش ناکام بنا دی
لالہ موسیٰ(محمد بلال احمد بٹ)صدر پولیس لالہ موسیٰ نے دوران چیکنگ شراب کی بھاری مقدار کی سمگل کی کوشش ناکام بنا دی، تفصیل کے مطابق اظہر شاہ نامی شخص سینٹرو کار میں شراب لے کر کھاریاں کی طرف جا رہا تھا کہ صدر پولیس لالہ موسیٰ نے چیکنگ کے دوران کار سے تیس لیٹر دیسی شراب برآمد کر لی، پولیس نے مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سانحہ یو سی نندوال کی پر زور مذمت کرتے ہیں اور بھر پور مطالبہ کرتے ہیں،نوپ گلزار حسین، میر منظور حسین، سید شبیر حسین
لالہ موسیٰ (محمد بلال احمد بٹ) صدر نوپ گلزار حسین،جنرل سیکرٹری میر منظور حسین،چیف پیٹرن سید شبیر حسین نے اپنے مذہبی بیان میں کہا کہ سانحہ یو سی نندوال کی پر زور مذمت کرتے ہیں اور بھر پور مطالبہ کرتے ہیں کہ مقتول محمد ارشد کے قاتلوں کو جلد از جلد گرفتار کیا جائے اور ان کو قرار واقعی سزا دی جائے اور بے گناہ ملازموں کو تنگ نہ کیا جائے، یونین کے تمام عہدیدار اپنے محکمہ کے افسران بالا سے بھی اس واقعہ پر اظہار افسوس کرتے ہوئے مطالبہ کیا ہے کہ ڈاکخانہ میں کیش کی ترسیل کا مناسب اور سیکورٹی کا پروف بندوبست کیا جائے، تاکہ مزید کسی غریب ملازم کی جان نہ جائے۔ اور کسی کے بچے یتیم نہ ہوں اور والدین اپنے لخت جگروں سے محروم نہ ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میاں محمد نواز شریف کی حکومت ملک سے دہشت گردی بدامنی ختم کرنے کیلئے سنجیدہ اقدامات کر رہی ہے، چوہدری عثمان اسلم
لالہ موسیٰ (محمد بلال احمد بٹ) میاں محمد نواز شریف کی حکومت ملک سے دہشت گردی بدامنی ختم کرنے کیلئے سنجیدہ اقدامات کر رہی جلد ہی ملک میں امن قائم ہو جائے گا،میاں برادران کو ملک کو معاشی ترقی دے کر ایشین ٹائیگربناے گی یہ بات راہنما مسلم لیگ ن چوہدری جعفر اقبال ایم این اے کے بھائی چوہدری عثمان اسلم نے کہی، انہوں نے کہا کہ مسلم لیگ ن ملک اور عوام کو دہشت گردی اور مسائل سے نجات دلانے اور ترقی دینے کا پختہ عزم رکھتی ہے،چوہدری عثمان اسلم نے مزید کہا کہ گذشتہ حکومت کی غلط پالیسیوں اور کرپشن کی وجہ سے عوام کی مشکلات میں اضافہ ہوا ہے، لیکن ہم عوام کو یقین دلانا چاہتے ہیں میاں برادران آئندہ دو سال تک مشکلات پر قابو پا کر عوام کو ریلیف دے گی، اس موقعہ پر غضنفر علی بھٹی اور دیگر مسلم لیگی بھی رابطہ افس لالہ موسیٰ میں موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج کا جدید دور ٹیکنالوجی کا دور ہے، اور تعلیم کے بغیر جدید ٹیکنالوجی سے فائدہ حاصل نہیں کیا جا سکتا، سید افتخار حسین شاہ
لالہ موسیٰ (محمد بلال احمدبٹ) آج کا جدید دور ٹیکنالوجی کا دور ہے، اور تعلیم کے بغیر جدید ٹیکنالوجی سے فائدہ حاصل نہیں کیا جا سکتا، یہ بات معروف شخصیت چیف ایگزیکٹو کڈز فاونڈیشن کیمپس وہند سید افتخار حسین شاہ نے کہی، انہوں نے مزید کہا کہ تعلیم ہی قوموں کی ترقی میں اہم کردار ادا کرتی ہے، جن قوموں نے تعلیم کے حصول پر توجہ دی آج وہی قومیں ترقی کی منازل طے کر کے پوری دنیا میں اپنی حیثیت منوا رہی ہیں، سید افتخار حسین شاہ نے اپنی گفتگو جاری رکھتے ہوئے کہا کہ ہماری قومی بدقسمتی ہے ہمارے نوجوان کتاب سے دور ہوتے جا رہے ہیں، اور جن کو مطالعہ کا شوق ہے ان کی معیاری کتب تک رسائی ممکن نہیں انہں نے کہا کہ حکومت کو چاہیے کہ ہر دیہی و شہری علاقوں میں لائبریریوں کا سرکاری سرپرستی میں اجراء کیا جائے، سید افتخار حسین شاہ نے کہا کہ نوجوانوں کو اس بات پر غور کرنا چاہیے کہ اچھی زندگی گزارنے کیلئے دولت ضروری ہوتی تو اللہ تعالیٰ آسمان سے کتابیں نہ اتارتا اور آئندہ کے رسول صلی اللہ علیہ وآلہ وسلم علم کے حصول کو مسلمانوں پر فرض قرار نہ دیتے۔
Related Posts
