ڈی ایس پی موٹر وے پولیس ناصر حیات ہنجرا کا گورنمنٹ ہائی سکول ٹھیکریاں کا دورہ
لالہ موسیٰ (محمد بلال احمد بٹ ) DSP موٹر وے پولیس ناصر حیات ہنجرا کا گورنمنٹ ہائی سکول ٹھیکریاں کا دورہ ، انہوں نے دورہ میں اساتذہ اکرام اور طلباء سے ملاقاتیں کیں اور انہیں دوران سفر موٹر سائیکل پر ہیلمٹ کے استعمال کے متعلق تفصیلی بریفنگ دی ۔ انہوں نے ہیلمٹ کے استعمال سے انسانی جان کو خطروں سے محفوظ بنانے اور اسکے فوائد بارے خطاب کیا انہوں نے بتایا کہ نیشنل ہائی ویز اینڈ موٹر وے اتھارٹی یکم دسمبر سے ہیلمٹ کے بغیر موٹر سائیکل سواروں کے خلاف قانونی کارروائی کرے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
IP/SPO بہادر خان اور SI/PO سید عمران عباس نے لالہ موسیٰ سٹی میں جی ٹی روڈ پر موٹر سائیکلوں سواروں کو روک کر ہیلمٹ کے استعمال سے متعلق بریفنگ دی
لالہ موسیٰ (محمد بلال احمد بٹ ) DSP/CPO ناصر حیات ہنجرا نیشنل ہائی ویز اینڈ موٹر وے پولیس بیٹ 8جیلانی کے خصوصی ہدایات پر IP/SPO بہادر خان اور SI/PO سید عمران عباس نے لالہ موسیٰ سٹی میں جی ٹی روڈ پر موٹر سائیکلوں سواروں کو روک کر ہیلمٹ کے استعمال سے متعلق بریفنگ دی اور اسکے فوائد سے آگاہ کیا انہوں نے شہریوں کو قانون کی پاسداری کرتے ہوئے سفر کرنے کی ہدایت کی اور بتایا کہ یکم دسمبر سے ہیلمٹ کا استعمال نہ کرنے والے موٹر سائیکل سواروں کے خلاف قانونی کارروائی اور جرمانے کئے جائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہمارے دادا چوہدری محمد اسلم آف خواص پور ہمیشہ مظلوموں کا ساتھ دیا اور ظالموں کے سامنے سیسہ پلائی دیوار بنے رہے،چوہدری تنویر اشرف
لالہ موسیٰ( محمد بلال احمد بٹ) ہمارا دادا چوہدری محمد اسلم مرحوم آف خواص پور اور والد محترم چوہدری محمد اشرف خواص پور نے ہمیشہ مظلوموں کا ساتھ دیا اور ظالموں کے سامنے سیسہ پلائی دیوار بنے رہے ۔ یہ بات رئیس خواص پور چوہدری اشرف کے صاحبزادے چوہدری تنویر اشرف امیدوار چیئرمین یونین کونسلر خواص پور نے کہی ۔ انہوں نے کہا کہ میرے آبائو اجداد نے ہمیشہ غریبوں ، مساکین کی مدد کو اپنی زندگی کا مقصد سمجھا ہے اور میں بھی ان کے نقش قدم پر چلتے ہوئے ان کے مشن کو آگے بڑھا رہا ہوں ۔ میری یونین کونسل کے لوگ جس قدر ہم سے محبت کرتے ہیں وہ میرے خاندان کیلئے باعث فخر ہے ۔ حالیہ الیکشن میں ہمارا پینل بھرپور کامیابی حاصل کرے گا ۔ انشاء اللہ 30 جنوری کو طلوع ہونے والی سورج کی پہلی کرن ہماری کامیابی کی نوید لیکر ابھرے گی ۔ ہماری کامیابی علاقہ کی غریب عوام کی کامیابی ہوگی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کامیابی ہمارا مقدر ہے ، کامیاب کے بعد حلقہ کی تقدیر بدل دیں گے،شیخ خالد محمود
لالہ موسیٰ (محمد بلال احمد بٹ ) کامیابی ہمارا مقدر ہے ، کامیاب کے بعد حلقہ کی تقدیر بدل دیں گے ، کائرہ برادران کا پورا پینل تاریخ ساز کامیابی حاصل کرے گا ۔ ان خیالات کا اظہار رئیس پنجاب ، امیدوار جنرل کونسلر وارڈ نمبر 10 شیخ خالد محمود نے صحافیوںسے گفتگو کرتے ہوئے کیا ۔ انہوں نے مزید کہا کہ ہم نے ہمیشہ بے لوث عوامی خدمت کی ہے اور علاقہ کی تعمیر و ترقی کو اپنا نصب العین سمجھا ہے ، عوامی ووٹ کی طاقت سے کامیاب ہو کر تعمیر و ترقی کا نیا باب لکھیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلدیاتی انتخابات میں جیت انشاء اللہ ہماری ہوگی اور چیئرمین بلدیہ لالہ موسیٰ بھی ہمارے پینل سے ہی منتخب ہو ا،ڈاکٹر آصف محمود
لالہ موسیٰ (محمد بلال احمد بٹ ) بلدیاتی انتخابات میں جیت انشاء اللہ ہماری ہوگی اور چیئرمین بلدیہ لالہ موسیٰ بھی ہمارے پینل سے ہی منتخب ہو گا ۔ یہ بات امیدوار کونسلر وارڈ نمبر7 لالہ موسیٰ ڈاکٹر آصف محمود نے صحافیوں سے سے گفتگو کے دوران کہی ۔ انہوں نے مزید کہا کہ ہم ایسے امیدواران میدان میں لا رہے ہیں جو اچھے کردار کے مالک ہیں ، جن کا ماضی ان کی خدمات کا اعتراف کرتا ہے ، وہ لوگوں میں ہر دلعزیز ہیں ۔ ڈاکٹر آصف محمود نے کہا کہ ہم نے انتخابی مہم کا آغاز کر دیا ہے اور انشاء اللہ 30 جنوری کے سورج کی پہلی کرم ہمارے گروپ کی کامیابی کی نوید لیکر طلوع ہوگی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تعلیمی اداروں کے سامنے اور ملحقہ سڑکوں پر چھٹی کے اوقات میں اوباش منچلوں نے طالبات اور والدین کو پریشانی میں مبتلا کر رکھا
لالہ موسیٰ (محمد بلال احمد بٹ ) تعلیمی اداروں کے سامنے اور ملحقہ سڑکوں پر چھٹی کے اوقات میں اوباش منچلوں نے طالبات اور والدین کو پریشانی میں مبتلا کر رکھا ہے ، لیکن لالہ موسیٰ کی انتظامیہ اس سلسلہ می کوئی کارروائی کرنے سے گریزاں نظر آتی ہے ۔ بالخصوص کیمپنگ گرائونڈ ، نلکے والی گلی ، گلی صابری گڈز اور دیگر مقامات پر انتظامیہ کے اہلکاروں کی بے حد ضرورت ہے تاکہ طالبات بلاخوف گھر اور تعلیمی اداروں میں آجا سکیں ۔ شہریوں نے ڈی ایس پی سرکل لالہ موسیٰ ملک منظور اعوان اور ایس ایش او تھانہ سٹی لالہ موسیٰ سے اپیل کی ہے کہ فوری طور پر طالبات کے تعلیمی اداروں اور ملحقہ سڑکوں پر پولیس تعینات کریں تا کہ وہ منچلوں کو قابو کر سکیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ گیپکو سٹی سب ڈویژن میں آج 27نومبر بروز بدھ پاکپور فیڈر 9:30 سے1:30بجے تک بند رہے گا
لالہ موسیٰ (محمدبلال احمد بٹ ) لالہ موسیٰ گیپکو سٹی سب ڈویژن میں آج 27نومبر بروز بدھ پاکپور فیڈر 9:30 سے 1:30تک اور 28نومبر کو پاکپور روڈ دھامہ روڈ فیڈر صبح 9:20سے 1:30 بجے دوپہر تک درختوں کی کٹائی کے سلسلہ میں بجلی بند رہے گی ۔ SDO واپڈا عبدالقیوم نے شہریوں سے تعاون کی اپیل کی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
باجوہ برادری کی سرکردہ شخصیات نے ساتھیوں اور معززین سمیت امیدوار جنرل کونسلر وارڈ نمبر 6خالد مجید بٹ کی حمایت کا اعلان کر دیا
لالہ موسیٰ (محمد بلال احمد بٹ) باجوہ برادری کی سرکردہ شخصیات نے ساتھیوں اور معززین سمیت امیدوار جنرل کونسلر وارڈ نمبر 6خالد مجید بٹ کی حمایت کا اعلان کر دیا ۔ حمایت کے سلسلہ میں ایک عظیم الشان اکٹھ منعقد ہوا جس میں حاجی محمد رفیق باجوہ ، حوالدار عبدالخالق باجوہ ، جاوید نمبردار باجوہ ، ندیم عباس باجوہ ، غلام رسول باجوہ ، مشتاق باجوہ ، نجیب باجوہ ، سلیم باجوہ ، رشید باجوہ ، قدیر نجیب باجوہ ، کاشی اصغر باجوہ ، ظفر باجوہ ، ذوالفقار باجوہ ، عنصر باجوہ ، عدنان خالق باجوہ و دیگر شامل تھے جنہوں نے کہا کہ ہمارا جینا مرنا بٹ برادران کے ساتھ ہے انشاء اللہ خالد مجید بٹ کو وارڈ نمبر 6سے ریکارڈ کامیابی دلوائیں گے ۔ انہوں نے مزید کہا کہ ہم بٹ برادران کے الیکشن کو اپنا الیکشن سمجھ کر لڑیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز شخصیات کا عبدالپرویز بٹ صدر صرافہ ایسوسی ایشن کی ہمشیرہ اور سلطان جیولرز والے کی بیٹی کی وفات پر دلی اظہار افسوس
لالہ موسیٰ (محمد بلال احمد بٹ ) ممتاز شخصیات کا عبدالپرویز بٹ صدر صرافہ ایسوسی ایشن کی ہمشیرہ اور سلطان جیولرز والے کی بیٹی کی وفات پر دلی اظہار افسوس ۔ سرپرست اعلیٰ صرافہ ایسوسی ایشن صوفی محمد اقبال ، سینئر نائب صدر مرزا محمد جمیل ، جنرل سیکریٹری چوہدری حماد ، اطلاعا و نشریات شکیل احمد صراف نے اپنے تعزیتی بیان میں کہا کہ ہم رنج و غم کے ان لمحات میں مرحومین کے اہل خانہ کے دکھ درد میں برابر کے شریک ہیں اور اللہ تعالیٰ کے حضور دعا گو ہیں کہ مرحومین کو اپنے جوار رحمت میں جگہ دے اور لواحقین کو یہ صدمہ برداشت کرنے کا حوصلہ دے ، آمین ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صلح کروانے پر سید نور الحسن شاہ کا شکریہ ادا کرتے ہیں،ملک محمد دین پالم
لالہ موسیٰ (محمد بلال احمد بٹ ) ملک برادری کے اہم راہنما ملک محمد دین پالم نے کہا کہ انکے صاحبزادے اور حاجی عبدالرحمن قریشی کے بھتیجے کے مابین جھگڑے کے بعد صلح کروانے پر سید نور الحسن شاہ ، خالد مجید بٹ ، خالد جاوید مٹھو بٹ ، ڈاکٹر عرفان احمد صفی ، حاجی مہر محمد رشید ، ملک برادری اور معززین علاقہ کا دل کی گہرائیوں سے شکریہ ادا کرتے ہیں ۔ ملک محمد دین پالم نے کہا کہ شہر میں امن و امان کی بحالی اور بھائی چارے کیلئے ملک برادری نے ہمیشہ مثبت سوچ ، فکر اور اتحاد و اتفاق کا مظاہرہ کیا ہے جس کیلئے ہم ملک برادری اور بالخصوص عمائدین شہر کے مشکور ہیں جنہوں نے انکا بھرپور ساتھ دیا اور حق بات پر قائم رہنے کیلئے انکی حوصلہ افزائی کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے سی کھاریاں مظہر اقبال کی ہدایت پر ٹی او آر کھاریاں و دیگر افسران کا جی ٹی روڈ لالہ موسیٰ کا وزٹ
لالہ موسیٰ (محمد بلال احمد بٹ ) اے سی کھاریاں مظہر اقبال کی ہدایت پر ٹی او آر کھاریاں نوید اشرف وڑائچ اور انسپکٹر سی او کھاریاں عظمت فرید وڑائچ اور انسپکٹرتجاوزات علی نادر چوہدری نے لالہ موسیٰ جی ٹی روڈ کا وزٹ کیا اور جی ٹی روڈ کے دونوں طراف میں تجاوز کنندگان کو وارننگ دیتے ہوئے کہا کہ مالکان از خود تجاوزات بالخصوص پھٹہ تجاوزات ہوٹل وغیرہ ختم کریں ورنہ کھاریاں کی طرح کا گرینڈ آپریشن لالہ موسیٰ میں بھی کیا جائے گا ۔ TOR کھاریاں نوید اشرف وڑائچ نے کہا کہ تجاوزات کو کسی صورت بھی براداشت ننہیں کریں گے اور ہفتہ کو دوبارہ جی ٹی روڈ کا وزٹ کر کے آپریشن کا ختمی فیصلہ کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیئرمین ایف بی آر سے پرزور مطالبہ کرتے ہیں کہ تحصیل کھاریاں میں انکم ٹیکس کا دفتر قائم کیا جائے،چوہدری عرفان احمد صفی
لالہ موسیٰ (محمد بلال احمد بٹ ) سابق ناظم اور گجرات چیمبر آف کامرس کی سٹینڈنگ کمیٹی برائے الیکٹرانک و پرنٹ میڈیا کے چیئرمین ڈاکٹر عرفان احمدصفی نے چیئرمین ایف بی آر سے پرزور مطالبہ کیا ہے کہ تحصیل کھاریاں میں انکم ٹیکس کا دفتر قائم کیا جائے انہوں نے کہا کہ ایف بی آر نے 2سال قبل تحصیل کھاریاں میں قائم دفتر کو نامعلوم وجوہ کی بناء پر ختم کر دیا تھا جس کے باعث تحصیل کھاریاں ، تحصیل سرائے عالمگیر میں دفتر نہ ہونے سے ٹیکس گزاروں کو سخت مشکلات کا سامنا ہے ۔ انہوں نے کہاکہ ضلع گجرات میں تحصیل گجرات کے بعد تحصیل کھاریاں میں ٹیکس گزاروں کی بہت بڑی تعداد موجود ہے اور گزشتہ 2 سال کے دوران انیکم ٹیکس کے نیٹ میں اضافہ ہوا ہے انہوں نے چیئرمین ایف بی آر سے پرزقور مطالبہ کیا ہے کہ تحصیل کھاریاں میں انکم ٹیکس کا دفتر قائم کر کے ٹیکس گزاروں کی مشکلات کا ازالہ کیا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
DPO گجرات سید علی ناصر رضوی نے ضلع کے متعدد SHO تبدیل کر دئیے
لالہ موسیٰ (محمد بلال احمد بٹ ) DPO گجرات سید علی ناصر رضوی نے ضلع کے متعدد SHO تبدیل کر دئیے ۔ ایس ایچ او تھانہ سٹی لالہ موسیٰ انسپکٹر اعجاز بٹ کو تبدیل کر کے ایس ایچ او تھانہ بی ڈویژن سید صغیر حسین شاہ کو نیا ایس ایچ او تھانہ سٹی تعینات کر دیا ہے جبکہ شاہد تنویر کو SHO کنجاہ اور عامر شاہین کو ایس ایچ او تھانہ صدر کھاریاں تعینات کرنے کے احکامات جاری کئے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکی ڈرون طیارے کے ذریعے پاکستان میں دہشت گردی کی جا رہی ہے،ڈاکٹر سید احسان اللہ شاہ
لالہ موسیٰ (محمد بلال احمد بٹ ) ڈاکٹر سید احسان اللہ شاہ امیر جماعت اسلامی ضلع گجرات نے ایک بیان میں کہا ہے کہ امریکی ڈرون طیارے کے ذریعے پاکستان میں دہشت گردی کی جا رہی ہے اور اس سے ملک عدم استحکام کا شکار ہو رہا ہے ۔ جماعت اسلامی اور تحریک انصا ف پاکستان کی عوام کو امریکی غلامی سے نجات دلانے کیلئے بھرپور کردار ادا کرے گی اور ملک میں امن بحال ہو گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں سیاسی دبائو کی وجہ سے تجاوزات بے بس اور تجاوزات مافیا بے لگام ہو گیا
لالہ موسیٰ (محمد بلال احمد بٹ ) لالہ موسیٰ میں سیاسی دبائو کی وجہ سے تجاوزات بے بس اور تجاوزات مافیا بے لگام ہو گیا ۔ تجاوزات کیلئے بنائی گئی کمیٹی مین بازار تک محدود ہو کر رہ گئی ۔ لالہ موسیٰ کے باسی تجاوزات کے جن کو بوتل میں بند کرنے کیلئے کسی ایسے افسر کے منظر ہیں جو کسی قسم کا سیاسی دبائو یا چمک سے متاثر نہ ہو ۔ اخبارات میں خبروں کی اشاعت پر خبریں رکوانے کیلئے صحافیوں پر مختلف دبائو ڈلوانے کی بجائے اگر عملہ تجاوزات اپنے فرائض اور دکاندار اخلاقی اقدار پیش کریں تو تجاوزات کا خاتمہ ہو سکتا ہے ۔ لالہ موسیٰ میں رکشہ ، ریڑھی کی بھرمار ، تھڑوں اور جی ٹی روڈ کے دونوں اطراف میں سروسز روڈ تک چھابے و ہوٹل اور ریڑھیوں کے انبار لگے پڑے ہیں لیکن TMO ، TOR اور بلدیہ لالہ موسیٰ کا عملہ انکے سامنے بے بس اور انتہائی لاچار ہے ۔ شہریوں کا کہنا ہے کہ اگر DCO گجرات سرکاری افسران کو مطلع کئے بغیر شہر کا دورہ کریں تو انہیں حقائق سے آگاہی ہو سکتی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ کے اکثر علاقوں میں گندگی کے ڈھیر ، نالوں کی عدم صفائی سے برا حال ہوگیا
لالہ موسیٰ ( محمد بلال احمد بٹ ) لالہ موسیٰ کے اکثر علاقوں میں گندگی کے ڈھیر ، نالوں کی عدم صفائی سے برا حال ہوگیا ۔ محلہ کریم پورہ میں چرچ روڈ ، کھوکھر سٹریٹ ، خراد والی گلی ، سروسز روڈ پر گندگی کے حالات انتہائی ناگفتہ بہ ہو گئے ۔ جبکہ بڑے نالوں کی صفائی نہ ہونے پر ملحقہ گلیوں میں پانی نالیوں سے ابل پڑا ہے جبکہ سپر وائزروں اور سینٹری ورکروں کی عدم دلچسپی سے چرچ روڈ کی حالت پتلی ہو چکی ہے ۔ اہلیان کریم پورہ و شہر لالہ موسیٰ نے CO بلدیہ لالہ موسیٰ سے مطالبہ کیا ہے کہ شہر کی ابتر صورتحال پر فوری ایکشن لیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فروٹ منڈی آڑھتیاں کی جانب سے طارق محمود کے ساتھ کی گئی زیادتی کی شدید مذمت کرتے ہیں ،محمد ارشد قریشی
لالہ موسیٰ (محمد بلال احمد بٹ) فروٹ منڈی آڑھتیاں کی جانب سے طارق محمود کے ساتھ کی گئی زیادتی کی شدید مذمت کرتے ہیں اور انتظامیہ کی خاموشی پر حیران ہیں ۔ فروٹ فروش محمد ارشد قریشی سینئر نائب صدر فروٹ مرچنٹ ایسوسی ایشن لالہ موسیٰ نے کہا کہ طارق محمود کے سامان کی تو ڑ پھوڑ اور سامان اٹھانا شدید زیادتی ہے ۔ ہم انتظامیہ سے کارروائی کا مطالبہ کرتے
ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم اپنے بھائی مہر سجاد کو وارڈ نمبر 19سے شاندار کامیابی سے ہمکنار کروائیں ،مہر مبین علی آرائیں
لالہ موسیٰ (محمد بلال احمد بٹ) ہم اپنے بھائی مہر سجاد کو وارڈ نمبر 19سے شاندار کامیابی سے ہمکنار کروائیں گے ، کامیابی کے بعد علاقہ کی عوام کے تمام تر مسائل ان کی دہلیز پر حل ہوں گے ،انشاء اللہ عوامی خدمت میں کوئی کسر نہیں چھوڑیں گے ۔ ان خیالات کا اظہار سابق امیدوار صوبائی اسمبلی حلقہ پی پی 112مہر مبین علی آرائیں نے اپنے بیان میں کیا ۔ انہوں نے مزید کہا کہ ہم نے ہمیشہ عوامی خدمت کی ہے یہی وجہ ہے کہ علاقہ کی عوام ہمیں دل و جان سے چاہتی ہے ، ہم اپنے بھائی مہر سجاد کی کامیابی کیلئے کسی قربانی سے دریغ نہیں کریں گے۔
