2 ماہ قبل کڈہالہ میں اسلحہ کی دکان پر ہونے والی ڈکیتی کی واردات جس میں لاکھوں روپے کا اسلحہ اڑا لیا گیا
بھمبر (ڈسٹرکٹ رپورٹر ) 2 ماہ قبل کڈہالہ میں اسلحہ کی دکان پر ہونے والی ڈکیتی کی واردات جس میں لاکھوں روپے کا اسلحہ اڑا لیا گیا بھمبر پولیس کیلئے ایک چیلنج بن گیا تھا جس پر بھمبر پولیس کے آفیسران و اہلکاران نے شب روز محنت کر کے واردات کے ماسٹر مائنڈ محمد عمران ساکن لس کو چوری شدہ اسلحہ کی بھاری مقدار سمیت گرفتار کر کے علاقے میں ہونیوالے دیگر ڈکیتی کی وارداتوں کا منصوبہ ناکام بنا دیا ہے گرفتار ملزم سے تفتیش جاری ہے دیگر ساتھی ملزمان کا بھی جلد گرفتار کر لینگے ان خیالات کا اظہار ایس ایس پی بھمبر چوہدری منیر حسین نے سٹی تھانہ پولیس بھمبر میں ایک پر ہجوم پریس کانفرنس کے ذریعے کیا اس موقع پر انہوں نے بتایا کہ بھمبر کے رہائشی سید امتیاز شاہ نے کڈہالہ یں اسلحہ شاپ قائم کر رکھی تھی جس پر 2 ماہ قبل رات کے اندھیرے میں بازار کے چوکیدار کو باندھ کر ڈکیت بڑی تعداد میں اسلحہ و ایمونیشن لے اڑے تھے ڈکیتی کی یہ واردات ہمارے لیے چیلنج کی حیثیت رکھتی تھی بھمبر پولیس کے آفیسران ڈی ایس پی راجہ اشفاق ، ایس ایچ او چوہدری منیر حسین، ڈی ایف سی ساجد محمود اورمحمد بشارت نے شب و روز محنت کر کے واردات کا سراغ لگایا جس پر کارروائی کرتے ہوئے واردات کے ماسٹر مائنڈ محمد عمران ساکن لس کو ایک 2D کار سمیت اسلحہ کی بھاری مقدار جس میں 2 رالفلیٹی 44 بور 8MM رائفل 2 عدد 7MM رائفل 1 عدد ،ریپٹرگن 8 عدد ، پمپ ایکشن 5 عدد ، 12 بور ڈبل بیرل 1 عددم پستول 30 بور 2 عدد، میگزین 14 عدد سمیت بارہ بور کے 330 کارتوس 7MM سمیت دیگر ممنوعہ بور کی 1100 گولیاں شامل ہیں برآمد کر کے گرفتار کر لیا ہے انہوں نے کہا کہ ابھی کچھ اسلحہ کی برآمدگی باقی ہے اور پولیس بہت جلد دیگر ملزمان کو بھی گرفتار کر لے گی یہ گروہ ڈکیتی کی متعدد وارداتوں میں ملوث ہے اور آئندہ بھی متعدد وارداتوں کے منصوبے بنا رہے تھے جو کہ بھمبر پولیس کی بر وقت کارروائی نے اب ناکام بنا دئیے ہیں اس موقع پر انہوں نے صحافیوں کے سوالوں کے جوابات دیتے ہوئے کہا کہ بھمبر پولیس نے امن کے دشمنوں سے نمٹنے کیلئے حکمت عملی تیار کر لی ہے حالیہ پشاور میں ہونیوالا واقعہ افسوسناک ہے 16 دسمبر 1971 کو پاکستان دولخت ہوا اور دشمن نے ایک بار پھر 16 دسمبر 2014 کو کاری وار کر کے قوم کو ڈرانے کی کوشش کی لیکن قوم نے اس بار متحد ہو کر اس جنگ کا مقابلہ کرنے کا تہیہ کر لیا ہے پاکستان میں جاری جنگ 71 اور 65 کی جنگ سے خطر ناک جنگ جو صرف عوام کی حمایت سے جیتی جا سکتی ہے عوام اپنے ارد گرد رہنے والے مشکوک افراد پر نظر رکھیں بالخصوص مالک دوکان کرایہ پر دینے سے قبل کرایہ دار کی اچھی طرح چھان بین اور شناختی کارڈ کے بغیر مکان کرایہ پر نہ دیں بلکہ کرایہ دار کو مکان کرایہ پر دینے سے پہلے پولیس اسٹیشن میں کرایہ دار کا اندراج بھی لازمی کروائیں انہوں نے کہا کہ سیکورٹی کی صورتحال کے مد نظر ٹرانسپورٹر کو بھی سواریوں آگاہ کر دیا گیا ہے کہ دور دراز علاقوں میں سفر کرنے والوں کو ٹکٹ جاری کریں اور ان کے شناختی کارڈ نمبر کا اندراج بھی کریں اور مشکوک افراد کی اطلاع فوراً قریبی پولیس اسٹیشن پر دیں انہوں نے کہا کہ آج کے دور میں میڈیا کا انتہائی اہم رول ہے میڈیا کی نشاندہی پر بے شمار کارروائیاں کر کے امن وامان کی صورتحال بہتر ہوتی ہے میڈیا کے ذریعے قومی ذمہ داری بہتر طریقے سے ادا کی جا سکتی ہے دہشت گردی کے ناسور سے نمٹنے کیلئے میڈیا کی آگاہی اور رول بہت اہم ہے میڈیا بھی مقامی سطح پر مشکوک افراد کی سرگرمیوں اور واقعات کی بروقت رپورٹنگ کر کے عوام میں شعور اجاگر کر سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف روحانی شخصیت حضرت پیر سید پٹھان بادشاہ سالانہ عرس کی تقریب 25 دسمبر کو بھمبر میں منعقد ہو گی
بھمبر ( ڈسٹرکٹ رپورٹر ) معروف روحانی شخصیت حضرت پیر سید پٹھان بادشاہ سالانہ عرس کی تقریب 25 دسمبر کو بھمبر میں منعقد ہو گی تقریب میں سانحہ پشاور میں شہید ہونیوالے بچوں اور دیگر افراد کیلئے خصوصی دعا جبکہ چادر پوشی کے علاوہ ذائرین میں لنگر بھی تقسیم کیا جائیگا تفصیلات کے مطابق بھمبر کی معروف روحانی شخصیت حضرت سید پٹھان بادشاہ کا سالانہ عرس کی تقریب 25 دسمبر بروز جمعرات دن 11 بجے دربار عالیہ بھمبر میں منعقد ہو گی دربار عالیہ کے خادم مہر خالد حسین نے تفصیلات بتاتے ہوئے کہا کہ تقریب کے مہمان خصوصی DFO بھمبر راجہ عمران شفیع، اسسٹنٹ کمشنر بھمبر راجہ طارق محمود ہونگے جو چادر پوشی کرینگے جبکہ معروف عالم دین مولانا دلدار غوث خصوصی دعا کرائینگے اس موقع پر سانحہ پشاور کے شہداء کیلئے خصوصی دعا بھی کی جائیگی جبکہ بعد از دعا ذائرین میں لنگر بھی تقسیم کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماہ ربیع الاول انتہائی مقدس اور بابرکت مہینہ ہے بھمبر شہر میں عید میلاد النبی صلی اللہ علیہ وآلہ وسلم پورے مذہبی
بھمبر ( ڈسٹرکٹ رپورٹر ) ماہ ربیع الاول انتہائی مقدس اور بابرکت مہینہ ہے بھمبر شہر میں عید میلاد النبی صلی اللہ علیہ وآلہ وسلم پورے مذہبی جوش و جذبے اور عظیم الشان طریقے سے منائی جائیگی بھمبر شہر کے تمام بازاروں کو خوبصورتی سے سجایا جائیگا پورے شہر میں شاند ار لائٹنگ اور چراغاں کیا جائیگا ہر بازار میں میلاد کمیٹی بنائی جائیگی ان خیالات کا اظہار میلاد کمیٹی بھمبر کے نو منتخب صدر چوہدری محمد اکرم ، سنیئر نائب صدر، جنرل سیکرٹری فہد خورشید نے دیگر عہدیداران کے ہمراہ کشمیر پریس کلب بھمبر میں میٹ دی پریس میں اظہار خیال کرتے ہوئے کیا انہوں نے کہا کہ پہلی مرتبہ بھمبر شہر میں نوجوانوں پر مشتمل میلاد کمیٹی بنائی گئی ہے میلاد کمیٹی کے عہدیداروں اور ممبران انتہائی با صلاحیت اور ورکر ہیں بھمبر شہر میں عید میلاد النبی ۖ پورے مذہبی جوش و جذبے کے ساتھ منائینگے پورے شہر اور مساجد کو خوبصورتی کے ساتھ سجایا جائیگا شہر بھر میں چراغاں اور لائٹنگ کی جائیگی میلاد کمیٹی بھمبر شہر میں عید میلاد النبی ۖ کے موقع پر سب سے اچھا بازار سجانے والے ، بہترین لائٹنگ اور چراغاں کرنے والے اچھا اور خوبصورت سٹیج بنانے اور اچھی کارکردگی دکھانے والوں کو انعامات دینگے اس موقع پرصدر اور جنرل سیکرٹری نے باہمی مشاورت سے دیگر عہدیداران کا بھی اعلان کیا جس کے مطابق راجہ مسعود اقبال سینئر نائب صدر، راجہ فیصل انقلابی نائب صدر اول، چوہدری محمد امجد نائب صدر دوم، چوہدری ساجد محمود ایڈیشنل جنرل سیکرٹری، شکیل بشیر جوائنٹ سیکرٹری، ملک سلیم سیکرٹری مالیات جبکہ فیصل جاوید سیکرٹری نشرواشاعت کا اعلان کیا جبکہ راجہ عدیل ممتاز، علی رضا بھٹی ، مہر ہیرا، راجہ آصف خورشید، بابر علی بٹ، مرزا عمر ،راجہ نعمان سلیمان، چوہدری عارف، حیدر علی، ملک اعجاز ، ملک انیس صدیق، ملک سلیم اور چوہدری نوید چٹا کو میلاد کمیٹی کا ممبر مقرر کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپریشن ضرب عضب کی کامیابی سے دہشتگردی کا خاتمہ ہو گا دہشت گردی ملکی ناسور بن چکی ہے دہشت گرد
بھمبر ( ڈسٹرکٹ رپورٹر ) آپریشن ضرب عضب کی کامیابی سے دہشتگردی کا خاتمہ ہو گا دہشت گردی ملکی ناسور بن چکی ہے دہشت گرد کے ہاتھ قوم کے نو نہالوں کے گریبانوں تک پہنچ گئے ہیں سانحہ پشاور انتہائی دل فراش اور درد ناک واقعہ ہے جس نے پوری قوم کو جھنجھوڑ کر رکھ دیا ہے ان خیالات کا اظہار سابق سپیکر اسمبلی چوہدری انوارالحق نے کیا انہوں نے کہا کہ دہشت گردوں کے خلاف پاک فوج کا جاری آپریشن ضرب عضب پاکستان کی سلامتی اور بقاء کی جنگ ہے آپریشن ضرب عضب کی کامیابی سے دہشت گردی اور دہشت گردوں کا خاتمہ ہو گا انہوں نے کہا کہ سانحہ پشاور کے شہداء کی قربانیوں سے پوری قوم کو ایک نیا ولولہ ، جذبہ اور یکجہتی ملی ہے سانحہ پشاور کے معصوم شہداء کا خون کبھی رائیگاں نہیں جائیگا سانحہ پشاور پر پوری قوم دکھی اور غمزدہ ہے سیاستدانوں اور لیڈر شپ کو تمام اختلافات بھلا کر اب سیاسی قوتوں کو متحد ہونا پڑے گا دہشت گردی کو ہر صورت میں شکست دینا ہو گی پوری قوم کو افواج پاکستان کے ساتھ کندھے سے کندھا ملا کر کھڑا ہونا ہو گا تب جا کر آپریشن ضرب عضب کامیاب ہو گا اور دہشت گردی کا خاتمہ بھی ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلز یوتھ آرگنائزیشن ضلع بھمبر کے عہدیداران اور کارکنان کا ایک اہم اجلاس 25 دسمبر کو بھمبر میں طلب کر لیا گیا
بھمبر ( ڈسٹرکٹ رپورٹر ) پیپلز یوتھ آرگنائزیشن ضلع بھمبر کے عہدیداران اور کارکنان کا ایک اہم اجلاس 25 دسمبر کو بھمبر میں طلب کر لیا گیا اجلاس میں یوتھ اپنے آئندہ کے لائحہ عمل کا اعلان کر ے گی تفصیلات کے مطابق پیپلز یوتھ آرگنائزیشن کے مرکزی ممبر عمر ریاض ساگر اور ضلعی صدر چوہدری صابر حسین نے ضلع بھمبر کے عہدیداران اور کارکنان کا مشترکہ اجلاس 25 دسمبر بروز جمعرات کو بھمبر میں طلب کر لیا ہے اجلاس میں پیپلز پارٹی کی مرکزی قیادت اور ریاستی قیادت کی طرف سے ضلع بھمبر کے جیالوں کو مسلسل نظر انداز کرنے اور غیر جماعتی لوگوں کو نوازنے پر آئندہ کے لائحہ عمل کے حوالے سے اجلاس طلب کر لیا ہے اجلاس میں اہم فیصلہ جات کیے جانے کا امکان ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیکرٹری اسمبلی چوہدری بشارت حسین ، ایڈمنسٹریٹر بلدیہ راجہ شاہد انور، پیپلز پارٹی کے نائب صدر ڈاکٹر انعام الحق
بھمبر ( ڈسٹرکٹ رپورٹر ) سیکرٹری اسمبلی چوہدری بشارت حسین ، ایڈمنسٹریٹر بلدیہ راجہ شاہد انور، پیپلز پارٹی کے نائب صدر ڈاکٹر انعام الحق ، کشمیر پریس کلب بھمبر کے صدر راجہ نعیم گل، صدر صراف یونین بھمبر راجہ شوکت علی، ضلعی صدر ٹرانسپورٹ یونین چوہدری محمد عارف کاکا، میلاد کمیٹی بھمبر کے صدر چوہدری محمد اکرم، ٹھیکیدار چوہدری محمد الیاس، چوہدری تنویر صابر نقشی، چوہدری خالد حسین ایڈووکیٹ، ٹھیکیدار انعام الحق چوہدری، ٹھیکیدار چوہدری آصف اشرف، ٹھیکیدار قیوم یوسف، چوہدری شکیل احمد مکہال، چوہدری محمد یونس بروٹی، چوہدری خالد حسین ثاقب ایڈووکیٹ نے اپنے الگ الگ تعزیتی پیغام میں ٹھیکیدار لیاقت علی آف سوکاسن کے بھائی کی وفات پر گہرے دکھ و غم کا اطہار کرتے ہوئے مرحوم کے درجات کی بلندی کیلئے دعائے مغفرت اور پسماندگان کیلئے دعائے صبر و جمیل کی۔
