پیرمحل (نامہ نگار) پسند کی شادی کرنے والی لڑکی کو اس کے خالہ زاد بھائی نے غیرت کے نام پر موت کے گھاٹ اتارکر نعش غائب کر دی تفصیل کے مطابق تھانہ اروتی موضع اکبر سہوکی رہائشی حفصہ نامی لڑکی نے چند ماہ قبل گھر سے بھاگ کر عمر حیات ولد امام بخش سکنہ عبدالحکیم سے مبینہ طور پر پسند کی شادی کی تھی جس کے اغوا کا مقدمہ حفصہ کے تایا زاد محمد آصف ولد اسحاق کی مدعیت میں عمر حیات ولد امام بخش کے خلاف تھانہ اروتی میں درج کروایا تھا جس کے بعد لڑکی کو پنچائتی طورپرواپس کروایا گیااسی رنج کی بناء پر حفصہ کے خالہ زاد بھائی توقیر ولد ربنواز سہو نے غیرت کے نام پرحفصہ کو قتل کرکے اس کی نعش غائب کر دی جس کے خلاف اروتی پولیس نے اپنی مدعیت میں زیر دفعہ 302/201ت پ کے تحت مقدمہ درج کر کے نعش اور ملزم کی تلاش شروع کردیا ایس ایچ او تھانہ اروتی احمد یار نے بتایا کہ ملزم کو بہت جلد گرفتار کر کے نعش برآمد کر لیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) موٹر وے کی تعمیر پاک چین اقتصادی راہداری کے ضمن میں یہ شاہراہ تعمیر وترقی کے نئے دروازے کھولنے کا سبب بننے کے ساتھ ساتھ دور دراز کے فاصلے کو مٹھی میں سمیٹنے کے مترادف دنوں کا سفر گھنٹوں پر محیط کرکے چھوٹے شہروں کے باسیوں کا بڑے شہروں کے ساتھ تجارت کی نئی راہیں کھول دے گا ان خیالات کا اظہارحافظ محمد نجیب اسسٹنٹ کمشنر پیرمحل نے ہمراہ لینڈ ایکیوزیشن کلکٹر کے ریسٹ ہائوس پیرمحل میں کراچی لاہور موٹروے (M5)مین زیر آمدہ 14چکوک موضع کوہل ،چک319گ ب تا323گ ب ، چک نمبر689گ ب تا693گ ب ، چک نمبر695گ ب تا 697گ ب کے ایوارڈ ریسٹ ہائوس پیرمحل میںزمینداران ،مالکان زیر آمدہ Row کی موجودگی میں اپنے خطاب میں کیا انہوںنے کہا موٹر وے کی تعمیر میں آنے والے رقبہ جات کے مالکان زمینداران کو معاوضہ جات کی ادائیگی جلد ازجلد یقینی بنائیں گے نیشنل ہائی وے اتھارٹی کے افسران کی بھر پور کوشش ہے کہ ضلع اور تحصیل انتظامیہ کو جلد ازجلد رقم فراہم کردی جائے تاکہ زمینداران مواضعات ہائے کو فی الفور معاوضے کی ادائیگی شروع کی جاسکے انہوں نے کہا کہ حکومت کی طرف سے کراچی لاہور موٹروے (M5)کے راستے میں آنے والے رقبہ جات کے زمینداروں کسانوں کو معاوضہ جات کی بروقت ادائیگی حکومت کی کسان دوست اور تاجر دوست پالیسی کا مظہر ہے جن کسانوں زمینداروں کے رقبہ جات سے موٹر وے گذرے گی ان کے باقی رقبہ جات کمرشل ہونے سمیت باقی ماندہ رقبہ کی قیمت کمرشل ہونے سے علاقہ میں مثالی ترقی ناگزیر ہے انہوںنے کہا کہ اگر کسی زمیندارکسان کو اپنے رقبہ کے معاوضہ جات کی فراہمی میں کسی قسم کی رکاوٹ پیش آئے یا کسی قسم کا کوئی اعتراض ہو تو میرے دروازے شکایت کے ازالہ کے لیے ہروقت کھلے ہے انشاء اللہ قلیل مدت میں متاثرہ کسان زمیندار کے اعتراض کو دورکیا جائے گا انہوںنے کہا تحصیل پیرمحل سے گذرنے والے کراچی لاہور موٹروے (M5)کے راستے میں ہر رکاوٹ کو دور کردیا ہے تاکہ جلد از جلد کراچی لاہور موٹروے (M5)پایہ تکمیل ہوکر اقتصادی ترقی اس علاقہ کا مقدر ہوسکے اس موقع پر ان کے ہمراہ لینڈ ایکیوزیشن کلکٹربھی موجود تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار )سرکاری لکڑی چوری کرکے لے جاتے ہوئے ڈالہ دوڈالہ سوار گرفتار لاکھوں روپے کی لکڑی برآمد مقدمہ درج تفصیل کے مطابق جنگل بھسی سے سرکاری لکڑی مالیت ایک لاکھ15ہزارڈالہ نمبریRIO-5089جس کوڈرائیور محمد حمید ولد محمد خاں ساکن چک717گ ب چلا ر ہاتھا چوری کرکے لے گئے جارہے تھے کہ SOFOندیم اشرف وڑائچ نے سرکاری لکڑی چوری کرکے لے جاتے ہوئے ڈالہ ڈرائیور محمد حمید اور لکڑی چور صفدر ولد اختر ساکن چک728گ ب کو چوری شدہ لکڑی سمیت پکڑکر پولیس کے حوالے کردیا جبکہ پانچ لکڑی چور موقع سے فرارہوگئے پولیس نے چوری شدہ لکڑی قبضہ میںلے کر مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار )شراب فروش گرفتار مقدمہ درج تفصیل کے مطابق غلام مرتضیٰ اے ایس آئی نے درکھانہ روڈ پر جاتے ہوئے موٹرسائیکل نمبرTSL-2595پر سوار شراب فروش محمد یٰسین ولد عبداللطیف ساکن سی پلاٹ کو گرفتارکرکے اس کے قبضہ سے 30لٹر شراب برآمد کرکے زیردفعہ3/4ت پ مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ریلوے گرائونڈ میں تاش پر جوا کھیلتے ہوئے تین جواری رنگے ہاتھوں گرفتار دائو پر لگی نقد رقم اور تاش برآمد تفصیل کے مطابق چوکی انچارج خالد طیب نے مخبر کی اطلاع پر ریلوے گرائونڈ میں تاش پر جوا کھیلتے ہوئے تین جواریوں ذیشان ولد ناصر ، افضل ولد محمد منیر ، احسان ولد مہر حسن ساکنان تاندیلیانوالہ کو رنگے ہاتھوں گرفتار کرکے جواء پر لگی رقم 2100روپے مع تاش برآمد کرکے 5قمار بازی ایکٹ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار )سڑک کے حادثات میں خواتین سمیت 8افراد شدید زخمی تفصیل کے مطابق موٹرسائیکل کا ٹائر برسٹ ہونے کے باعث موٹرسائیکل سوار مبارک علی ولد عبدالعزیز ، جعفراں بی بی زوجہ عبدالعزیز ، رضیہ زوجہ رمضان ساکنان سی پلاٹ شدید زخمی ہوگئے سڑک کے دیگر واقعات میں شفقت مارکس ولد نذیر مسیح ساکن شادمان کالونی ،محمد صدیق ولد علی محمد ، یحیٰ ولد محسن ، عمر ولد چاند ، اسد علی ولد ارشد ساکن چک 665/6گ ب زخمی ہوگئے زخمیوں کو سول ہسپتال میں طبی امدا د دی گئی
