بلدیاتی انتخابات سے عوام کے مسائل حل کرنے میں مدد ملے گی

گجرات : بلدیاتی انتخابات سے عوام کے مسائل حل کرنے میں مدد ملے گی۔ ان خیالات کا اظہار پاکستان مسلم لیگ (ن) کے رہنما اورنگ زیب بٹ آف زیب بلڈرز نے گزشتہ روز رانا مشرف علی ناز کی رہائش گاہ پر میڈیا سے گفتگو کرتے ہوئے کیا۔ انہوں نے کہا کہ میاں برادران عوام کے مسائل کو ان کی دہلیز پر حل کرنا چاہتے ہیں۔ اسی لیے نیا بلدیاتی سیٹ اپ لایا جارہا ہے۔ زیادہ تر اختیارات میاں شہباز شریف نے عوامی نمائندوں کو دینے کا فیصلہ کیا ہے اور اس سے عوام کو بے پناہ سہولت ملے گی۔ عوام کا فرض ہے کہ وہ اچھے افراد کو سامنے لائیں تاکہ اسمبلیوں میں جاکر وہ لوگ عوام کے مسائل حل کرسکیں۔