قومی ضروریات کیلئے قومی مفاد دا ¶ پر نہیں لگایا جانا چاہئے‘ ایم آر پی
صوبوں کے اتفاق رائے کے بغیر کالا باغ ڈیم منصوبہ کی تعمیر قومی سلامتی کیلئے خطرناک ہوسکتی ہے
کالا باغ ڈیم پر قومی اتفاق رائے پیدا کیا جائے یا قومی ضرورت کےمطابق بجلی ایران سے لی جائے
کراچی ( اسٹاف رپورٹر ) حکومت کی جانب سے ملک میں توانائی بحران پر قابو پانے کیلئے ہائیڈل پاور پراجیکٹس کو فروغ دینے کے ماسٹر پلان میں تعمیرات کیلئے تیار منصوبوں کی فہرست میں کالا باغ ڈیم کو بھی شامل کرنے کے اقدام پر تبصرہ کرتے ہوئے محب وطن روشن پاکستان پارٹی کے قائد و چیئرمین امیر پٹی نے کہا کہ کالا باغ ڈیم یقینا و بلاشبہ قومی مفاد کیلئے بہترین منصوبہ ہے مگر افسوس کہ سیاسی مفاد پرستی کے باعث یہ منصوبہ اس قدر متازعہ ہوچکا ہے کہ اس پر عملدرآمد کی ضد سے قومی سلامتی کو نقصان پہنچنے کا اندیشہ ہے اسلئے قومی ضروریات کیلئے قومی مفادات کو نقصان پہنچانے والے اقدامات سے گریز کی ضرورت ہے اسلئے حکومت کالا باغ ڈیم منصوبے کی تعمیر سے قبل اس حوالے قومی اتفاق رائے پیدا کرتے ہوئے اس منصوبے پر تمام صوبوں کے اعتراضات وتحفظات کا خاتمہ کرے یا پھر توانائی کی قومی ضروریات کی تکمیل کیلئے ایران سے سستی بجلی کے حصول کے منصوبے کو محض چند سو میگاٹ تک محدود کرنے کی بجائے قومی ضرورت کی تمام تر بجلی ایران سے حاصل کرنے کے اقدامات کرے کیونکہ محدود ومخصوص طبقات کے مفادات کو قومی ضروریات کا نام دیکر قومی سلامتی کیلئے خطرناک فیصلوں و اقدامات کے نتائج بہت بھیانک نکل سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاٹھیاواڑ عرب جماعت کے رہنما عارف عرب کی چچی کا انتقال
گجراتی قومی موومنٹ ‘جونا گڑھ اسٹیٹ مسلم فیڈریشن اور جونا گڑھ کمیونٹی کا اظہار تعزیت
نوابزادہ غلام محمد خان‘امیر پٹی ‘ سلیم لودھی ‘ مصطفی خان و دیگر کی مرحومہ کی تدفین میں شرکت
کراچی( اسٹاف رپورٹر ) کاٹھیاواڑ عرب جماعت کے رہنما عارف عرب کی چچی کا انتقال ‘ گجراتی قومی موومنٹ اور جونا گڑھ اسٹیٹ مسلم فیڈریشن کے رہنما ¶ں کا اظہار تعزیت ‘ تفصیلات کے مطابق جونا گڑھ اسٹیٹ مسلم فیڈریشن میں شامل کاٹھیاواڑ عرب جماعت کے سینئر رہنما عارف عرب کی چچی جو کئی ماہ سے آغا اسپتال میں زیر علاج تھیں طویل علالت کے بعد گزشتہ روز انتقال کرگئیں ۔گجراتی قومی موومنٹ کی جانب سے مرحومہ کے ایصال ثواب کیلئے گجراتی سرکار امیر سولنگی المعروف سورٹھ ویر کی سربراہی میں تعزیتی اجلاس ہوا جس میں مرحومہ کے ایصال ثواب و مغفرت اور لواحقین کیلئے صبر جمیل کی دعا کی گئی ۔ جونا گڑھ اسٹیٹ مسلم فیڈریشن کے چیف پیٹرن نوابزادہ غلام محمد خان ‘ الیکشن کمشنر امیر علی پٹی والا ‘جنرل سیکریٹری سلیم لودھی ‘ آفس سیکریٹری مصطفی خان ‘ حنیف دربار و دیگر نے مرحومہ کی تدفین میں شرکت اور عارف عرب سے تعزیت کی جبکہ نواب جونا گڑھ جہانگیر خانجی نے ٹیلیفون پر مرحومہ کے لواحقین سے تعزیت کرتے ہوئے مرحومہ کی مغفرت اور لواحقین کیلئے صبر جمیل کی دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امیرپٹی کی سماجی و کمیونٹی خدمات قابل توصیف ہیں ‘ نواب جونا گڑھ
سماجی شعبہ میں ان کی تاریخ ساز خدمات پر جونا گڑھ کمیونٹی ان کی مشکور ہے‘ نواب جہانگیر خانجی
امیر پٹی کیلئے ’‘پرائیڈ آف پرفارمنس ایوارڈ “ کمیونٹی کاان پر اظہار اعتماد ہے‘ جونا گڑھ فیڈریشن
کراچی ( اسٹاف رپورٹر )گجراتی قومی موومنٹ کے سربراہ اور جونا گڑھ اسٹیٹ مسلم فیڈریشن کے الیکشن کمشنر امیر پٹی کی غیر جانبداری ‘ فیڈریشن کے انتخابات کو شفاف و غیر متنازعہ بنانے کی کاوشیں اور جونا گڑھ کمیونٹی کی فلاح و بہبود کیساتھ سیاسی و سماجی شعبہ جات میں ان کی تاریخ ساز خدمات پرپوری جونا گڑھ کمیونٹی ان کی مشکور ہے جبکہ جونا گڑھ اسٹیٹ مسلم فیڈریشن میں شامل ایشوریاجونیجو سندھی جماعت کی جانب سے ان کیلئے ’‘پرائیڈ آف پرفارمنس ایوارڈ“یقینا ان کی خدمات کا اعتراف اور کمیونٹی کی جانب سے ان پر اظہار اعتماد و ان کیلئے خراج تحسین ہے ۔یہ بات نواب آف جونا گڑھ جہانگیر خانجی نے ایشوریا جونیجو سندھی جماعت کی نو منتخب کابینہ کی تقریب حلف برداری میں امیر پٹی کو ”پرائیڈ آف پرفارمنس ایوارڈ “پیش کرتے ہوئے کہی ۔ اس موقع پر سابق صدر جونا گڑھ اسٹیٹ مسلم فیڈریشن اقبال ساند ‘ سابق سیکریٹری سلیم عباس ‘چےئرمین آل کاٹھیاواڑ سپریم کونسل رزاق ہنگورجہ ‘رہنما سندھی مسلم فیڈریشن جان محمد جانو بھائی‘ سربراہ سنی تحریک بلال سلیم قادری ‘ طیب قادری ‘ ایس ایچ او نیو کراچی فیض الحسن ودیگر شخصیات کو بھی ایوارڈ برائے حسن کارکردگی دیا گیا جبکہ تقریب حلف برداری کی مہمان خصوصی سندھ کی صوبائی وزیر برائے سماجی بہبود شمیم ممتاز نے نو منتخب صدر یونس جونیجو ‘چیئرمین حنیف ابراہیم ‘ وائس چیئرمین محمد علی ‘ سینئر نائب صدر یوسف ہاشم ‘ نائب صدور محمد صدیق ‘ محمد قاسم ‘ جنرل سیکریٹری محمد اسماعیل جونیجو ‘ جوائنٹ سیکریٹری علی محمد ‘ شاہد ‘خزانچی محمد حسین ‘ عبدالرزاق ‘ آفس سیکریٹری حنیف اسماعیل ‘یوسف ‘ رابطہ سیکریٹری رزاق ڈیکوریشن والا ‘ حاجی بھائی حنیف ‘ حسین جاپان والا ‘ معاون سرپرست طیب قادری ‘ حنیف جونیجو ‘ سلیمان ابراہیم اور کابینہ کے دیگر نو منتخب اراکین سے حلف لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیف جسٹس نے حکمرانوں کیلئے قومی راہ متعین کی ہے ‘ راجونی اتحاد
بھارت میں ہونے والی گلوبل کانفرنس میں شرکت سے جسٹس انوار ظہیر جمالی کا انکار راست اقدام ہے
بھارت کو اسی کی زبان میں سمجھانا ہی قومی حمیت وحب الوطنی کااظہار و تقاضہ ہے‘ امیر سولنگی‘عمران چنگیزی
کراچی (اسٹاف رپورٹر) پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے بھارتی سرحدی جارحیت اور غیر دوستانہ رویئے کے باعث بھارت میں ہونیوالی گلوبل کانفرنس میں شرکت سے چیف جسٹس آف پاکستان کی معذرت کو راست اقدام قرار دیتے ہوئے کہا ہے کہ جسٹس انور ظہیر جمالی کا درست فیصلہ پاکستانی حکمرانوں کیلئے درست راہ کا تعین ہے کیونکہ بھارتی جارحانہ اقدامات ‘ پاکستان کیخلاف سازشوں ‘ سرحدی کشیدگی ‘پاکستانی علاقے و افواج پر فائرنگ و گولہ باری‘ دوستی بس سروس کی بندش ‘ تجارت اور کھیل کے میدانوں میں پاکستان سے تعلقات بند کرنے کے بھارتی اعلان کے بعد اب پاکستان کیلئے بھارت سے اچھے تعلقات اور نرم رویئے کی کوئی وجہ و گنجائش باقی نہیں رہتی کیونکہ اب بھارت کو اسی کی زبان میں سمجھانا ہی قومی حمیت و غیرت کا ماظہار و تقاضہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان کیخلاف آن لائن بھارتی پٹیشن تشویشناک ہے ‘ سولنگی اتحاد
حکومت پاکستان اور قومی سلامتی کے اداروں کو اس جانب سنجیدہ توجہ دینے کی ضرورت ہے
پٹیشن کا مقصد پاکستان کو دہشتگرد قرار دلاکر اس پر عالمی پابندیاں لگوانا ہے ‘ عمران چنگیزی
کراچی ( اسٹاف رپورٹر ) پاکستان سولنگی اتحاد کے سینئر و بزرگ رہنما امیرعلی سولنگی ‘ پنجاب کے صوبائی صدر ملک نذیر سولنگی‘ سولنگی اتحاد کے سینئر رہنما ¶ں وعمائدین معین سولنگی ‘ عمر سولنگی ‘غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی اور انچارج میڈیا سیل نعمت اللہ سولنگی ودیگرنے کہا ہے کہ پاکستان کیخلاف جارحانہ عزائم رکھنے اور پاکستان کی سلامتی کو نقصان پہنچانے کیلئے ہمیشہ سازشوں کے تانے بانے بننے والا بھارت کشمیریوں کی تحریک آزادی کی حمایت اور مسئلہ کشمیر کو اقوام متحدہ میں صالح انداز سے پیش کرنے کی پاکستانی جرا ¿ت پر چراغ پا ہوکر نہ صرف پاکستان کو جنگ کی دھمکیاں دے رہا ہے بلکہ سرحدوں پر حملوں کے ذریعے کشیدگی بھی بڑھارہا ہے جبکہ پاکستا ن کو دہشتگرد ملک قرار دلانے کی سازشوں میں بھی تیزی آگئی ہے اور امریکہ میں مقیم بھارتی لابی پاکستان کیخلاف آن لائن پٹیشن مہم چلارہی ہے تاکہ پاکستان کو دہشتگرد ملک قرار دلاکر اس پر عالمی پابندیاں لگوائی جاسکیں جبکہ آن لائن پٹیشن پر ایک لاکھ سے زائد افراد کے دستخطوں کی اطلاعات یقینا پاکستان کیلئے خطرناک ہیں اس لئے حکومت اور قومی سلامتی کے ذمہ دار اداروں کو اس جانب سنجیدہ توجہ دینی چاہئے ۔
