پاکپتن (ڈسٹرکٹ رپورٹر) انجمن آڑھتیاں اور وکلاء کے درمیان کئی14 روز سے جاری تنازع میں اتحاد بین السلمین نے مصالحت کا کردار ادا کر دونوں فریقین میں صلح کر وادی۔بتا یا گیاہے کہ انجمن آڑھتیاں پاکپتن اور ڈسٹر کٹ بار پاکپتن کے وکلاء کے درمیان 14 روز سے جاری تنازعہ میں مصالحت کا کردارادا کرتے ہوئے ضلعی امن کمیٹی اور اتحاد بین المسلمین کے ضلعی صدر مفتی محمد زاہد اسدی،جنرل سیکرٹری حاجی محمد وسیم و دیگر ممبران نے باہمی مشاورت سے شہر میں امن و امان قائم رکھنے کیلئے دونوں فریقین کے درمیان منیر شاہ ایڈووکیٹ کے چیمبر میں صلح کرواتے ہو ئے ڈسٹر کٹ بار کے ممبر میاں محمد احمد ایڈووکیٹ اورمیاں غلام مصطفی ایڈووکیٹ کو آڑھتیاں کے صدر رائو رفاقت علی خان سے گلا ملوا کر تنازعہ کو مکمل طورپر ختم کردیا گیا۔واضح رہے کہ اسی تنازعہ کے باعث گزشتہ 13 روز سے ڈسٹر کٹ بار پاکپتن کے وکلاء نے احتجاجاً عدالتی بائیکاٹ کیا ہوا تھا ۔سیاسی و سماجی شخصیات اور شہریوں نے اس صلح کو سراہتے ہوئے صدر اتحاد بین المسلمین مفتی محمد زاہد اسدی اور جنرل سیکرٹری حاجی محمد اسدی کو امن کا کردار اداکرنے پر خراج تحسین پیش کیاہے۔ان کاکہنا تھا کہ اس صلح سے شہر ایک بڑے تنازعہ سے بچ گیا ہے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر) ڈکیتی کی دوردات کے دوران دن دیہاڑے تین نامعلو م مسلح افراد نے مقامی دکاندار کو لوٹ لیا۔بتا یا گیاہے کہ ہسپتال روڑ کے دکاندار سلیم ٹریڈرز کے مالک عبدالمجیدکی دکان پر تین نامعلوم مسلح افراد اسلحہ کی نوک پر گھس گئے جنہوں نے مالکان کو اسلحہ کی نوک پر یرغمال بناتے ہوئے 70000 نقدی اور دو قیمتی موبائل فون چھین کر فرار ہو گئے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)تحریک انصاف کے PP-231 سے ٹکٹ ہولڈر خان امیر حمزہ رتھ نے کہا ہے کہ پانامہ لیکس میں شریف خاندان کی ثابت ہونیوالے کرپشن کا خمیازہ نواز شریف کا بھگتنا پڑے گا، حکمرانوں نے کرپشن کی بدترین مثال قائم کرتے ہوئے پاکستانیوں کے اربوں روپے لوٹے، شریف خاندان عوامی مسائل کے حل کی بجائے خود کو ااور اپنے خاندان کو مستحکم کرنے میں سرگرم ہیں۔انہوں نے کہا کہ شریف خاندان نے ذاتی شوگر ملز بنانے کیلئے ریاستی طاقت کا استعمال کیا جن کو سپریم کورٹ نے بے نقاب کیا،شریف خاندان کرپشن کے ریکارڈ توڑ رہا ہے۔ امیر حمزہ رتھ نے کہا ہے کہ پانامہ لیکس کا مقدمہ زیر سماعت ہونے کے باوجود شریف خاندان نے ریاستی طاقت کا استعمال کرکے خاندانی شوگر ملز بنائی جارہی ہیں ،عدالت نے ان شوگر ملوں پر کام روکنے کا حکم دے کر شریف خاندان کو عوام کے سامنے بے نقاب کیا۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)سول جج چوہدری نوید انجم، سابق ناظم چوہدری طاہرمحمود،کونسلرچوہدری سلطان محمود اور جنرل سیکرٹری مرکزی انجمن تاجران چوہدری اظہرمحمودکا بھانجاانتقال کر گیا۔بتا یا گیاہے کہ سول جج چوہدری نوید انجم ،سابق ناظم چوہدری طاہر محمود،کونسلرچوہدری سلطان محمد اور مرکزی انجمن تاجران کے جنرل سیکرٹری چوہدری اظہر محمود کا 22سالہ بھانجا ارسلان فوت ہوگیا ہے ارسلان لاہورسے پاکپتن آتے ہوئے مانگامنڈی کے قریب روڈ ایکسیڈنٹ کے دوران زخمی ہوگیا تھا اورجناح ہسپتال میں پندرہ دن بے ہوش رہنے کے بعد آج اپنے خالق حقیقی سے جاملا ہے۔نوجان کی وفات پر ہرآنکھ اشکبارہے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)ایس ایچ او تھانہ صدر محمد امین کاٹھیا نے کہاہے کہ علاقہ سے جرائم پیشہ افراد کا خاتمہ اولین ترجیح ہے ،پولیس کی موثر کاروائی کے نتیجہ میں جرائم کی شرع میں موثر کمی آئی ہے، پولیس تھانہ صدر نے جرائم پیشہ افراد کا گھیرا تنگ کر رکھا ہے ،ڈسٹر کٹ پولیس آفیسر کامران یوسف ملک کی ہدایت پر جرائم پیشہ افراد کے خلاف کریک ڈائون کرتے ہوئے تھانہ میں آنیوالے سائلین کو انصاف فراہم کیا جا رہا ہے ،جرائم پیشہ افراد کے خلاف کریک ڈائون جاری ہے ،بہت جلد علاقہ کو منشیات فروشوں اور دیگر جرائم پیشہ سے پاک کر دیا جائے گا۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)سیکرٹری جنرل پاکستان سوشل ایسوسی ایشن حکیم لطف اللہ نے کہا ہے کہ2 افراد کی منشاء کی خاطر2کروڑ انسانوں کے حقوق غصب کرنے کے لیے کوئی کھیل کھیلنے کی اجازت نہیں دی جاسکتی، کہ فاٹا کے عوام 70سال سے اپنے بنیادی حقوق سے محروم ہیں،ہم کتنے نا اہل ہیں کہ فاٹا کے عوام اپنی خوشی سے ہمارے قومی دھارے کا حصہ بن کر ایک پیج پر آناچاہتے ہیں اور ہم صرف دوافراد مولانا فضل الرحمن اور محمود اچکزئی کو راضی کرنے اور ان کے کاروبار کو بچانے کے لیے گھنائونا کھیل کھیل رہے ہیں۔ سابق آرمی چیف جنرل راحیل شریف اور پاک فوج کو خراج تحسین پیش کرتا ہوں کہ جنہوں نے جانوں کے نذرانے پیش کرکے سنگلاخ پہاڑی سلسلوں کو دوبارہ جنت نظیر آبادیوں میں تبدیل کیا۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)پاکستان تحریک انصاف کے یوسی چیئر مین شفقت یٰسین موہل نے کہا ہے کہ حکمرانوں کی کرپشن نے ملک میں تباہی مچار کھی ہے، پانامہ لیکس حکمرانوںکی کرپشن کا منہ بولتا ثبوت ہے ،ٹوٹی پھوٹی سڑکیں حکمرانوں کی کارکردگی کا منہ بولتا ثبوت ہیں، کرپشن ہماری جڑوں کو کھوکھلا کررہی ہے۔انہوں نے کہا کہ پاکستان کا روشن مستقبل پڑھی نوجوان نسل ہاتھوں میں ڈگریاں اٹھائے نوکریوں کی تلاش میں دھکے کھاتے پھر رہے ہیں۔انہوں نے کہا ہے کہ پانامہ لیکس ختم ہو چکا ہے ،کرپٹ حکمرانوں کے پاس سوائے جھوٹ کے اور کچھ نہیں ہے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر) چوری کی واردات کے دوران دیہاتی مویشیوں سے محروم۔بتا یا گیاہے کہ گائوں ماڈھو فضل دین کا رہائشی صفدر حسین کے احاطہ مویشیاں سے عبدالشکور وغیرہ پانچ افراد 40000 مالیتی کی بکری چوری کر کے لے گئے۔پولیس نے مقدمہ درج کرلیاہے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)پولیس کی منشیات فروشوں کے خلاف کاروائی کے دوران 15 لیٹر شراب برآمد۔بتا یا گیاہے کہ برکت چوک میں پولیس نے ریڈ کر کے محمد یاسین لکے قبضہ سے 15 لیٹر شراب برآمد کرکے ملزم کیخلاف مقدمہ درج کرلیاہے۔۔۔۔
