پیرمحل (نامہ نگار) بغیر نقشہ عمارات کی تعمیر غیرقانونی ہونے سمیت شہریوں کے لیے حادثات کا باعث بن سکتی ہے قبضہ مافیا کے خلاف کاروائی کا آغاز کردیا ہے ناجائز تجاوزات اور ہرقسم کی رکاوٹ کو دور کرکے عوامی خدمت کی مثال قائم کریں گے ان خیالا ت کا اظہار طارق جاوید کمبوہ چیف آفیسر پیرمحل نے ہمراہ امجد غوری سینئر سب انجنیئر ،مظفر علی بلڈنگ انسپکٹر ، عبدالجبار سینٹری انسپکٹر ، عاطف نیاز گجر انکروچمنٹ انسپکٹر،منور علی کالونی انسپکٹر کے ہمراہ بغیر نقشہ منظوری بلڈنگز اور غوثیہ آباد پیرمحل میں قبضہ مافیا کے خلاف کاروائی کرتے ہوئے کیا انہوںنے کہا زیر تعمیر منصوبہ جات میں ناقص میٹریل سمیت قواعد وضوابط پر سخت ایکشن لیا جائے گا انہوںنے کہا بغیر نقشہ منظوری بلڈنگزکی تعمیر سخت قانونی خلاف ورزی ہے خلاف ورزی کرنے والوں کے خلاف کریک ڈائون شروع کردیا ہے جس کے تحت بلڈنگوں کو سیل کیاجائے گا اور بھاری جرمانے عائد کیے جائیں گے انہوںنے کہا کہ قبضہ مافیا معاشرے کا ناسور ہے جو اپنے معمولی مفاد کے لیے عام شاہراہوں پر قبضہ کرکے مفاد عامہ میں رکاوٹ ڈالے ہوئے ہیں جن کے خلاف بلاامتیاز کاروائی کررہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) ڈکیتی کی واردات کی کال 15 پر بوگس کال کرنے پردو افراد کے خلاف ٹیلی گراف ایکٹ کے تحت مقدمہ درج تفصیل کے مطابق رات کے وقت شورکوٹ روڈ پر ملزمان محمد عرفان ولد للہ دتہ قوم سپرا سکنہ 718 گ ب اور عمیر انجم ولد محمد شریف قوم جٹ سکنہ 677/ 18 گ ب نے ڈکیتی کی واردات کی کال کی اطلاع پاکر ایس ایچ او پیر محل رائے فاروق نے بروقت کاروائی کرتے ہوئے بوگس کال کرنے والے دونوں ملزمان کو گرفتار کرکے زیر دفعہ 29 D بوگس کال ایکٹ کے تحت مقدمہ در ج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) ادویات نہ عملہ تحصیل ہیڈکوآرٹر ہسپتال پیرمحل مسائل کی آماجگاہ بن گیا ڈاکٹر اور عملہ تحصیل ہیڈکوآرٹر سے رورل ہیلتھ سنٹر اروتی اور رورل ہیلتھ سنٹر سندیلیانوالی بھجواکر تحصیل بھر کے لاکھوں مکینوں کو علاج معالجہ سے محروم کرنے پر مکینوں کا شدید احتجاج ڈی سی اوٹوبہ ٹیک سنگھ فی الفور تحصیل ہیڈکوآرٹر پیرمحل میں لیڈی میڈیکل آفیسر اورتبدیل کیے گئے عملہ کو دوبارہ تعینات کرے ای ڈی او ہیلتھ ٹوبہ ٹیک سنگھ نے عملہ رورل ہیلتھ سنٹر اروتی اور رورل ہیلتھ سنٹر سندیلیانوالی میں بھجوادیا تفصیل کے مطابق تحصیل پیرمحل ہیڈکوآرٹر سول ہسپتال جس کو دوتھانوں اروتی اورپیرمحل سمیت سندیلیانوالی اور اردگرد کے چالیس سے دیہات کے لاکھوں مکینوں کو علاج معالجہ کے لیے رجوع کرنا پڑتا ہے جس میں تعینات ڈاکٹر ز اورڈسپنسر ز اور درجہ چہارم عملہ کو رورل ہیلتھ سنٹر اروتی اور رورل ہیلتھ سنٹر سندیلیانوالی میں بھجوادیا گیا جبکہ تحصیل ہیڈکوآرٹر ہسپتال میں ایک ڈاکٹر اور دوڈسپنسر علاج معالجہ پوسٹمارٹم ، میڈیکل لیگل ، پولیو ڈیوٹی ، ٹی بی ڈاٹ ، کے فرائض کے لیے مامو رہے ہسپتال میں آنے والے مریضوں کو عملہ کی کمی کے باعث پرچی تک لینا محال ہے تحصیل ہسپتال میں تعینات واحد ڈاکٹرہارون مجیدکو تمام فرائض اکیلے انجام دینا پڑتے ہیں ایمرجنسی ڈیوٹی سمیت جنرل ڈیوٹی اورر افسران بالا کی میٹنک ہائے میں شامل رہنے کے باعث سخت مشکلات کا شکار ہے علاج معالجہ کے لیے آنے والے مریض ہاتھوںمیں پرچی پکڑے ہسپتال میں ڈاکٹر کو ڈھونڈتے پھرتے ہیں ایک سال سے لیڈی ڈاکٹر نہ ہونے کے باعث تحصیل پیرمحل کے مکینوں کو اپنی خواتین کے میڈیکل ڈاکٹ اور پوسٹمارٹم کے لیے کمالیہ تحصیل ہیڈکوآرٹر جانا پڑتا ہے جس سے شدید پریشانی کا سامنا ہے مکینوںنے ڈی سی او ٹوبہ ٹیک سنگھ صوبائی وزیر صحت سے مطالبہ کیا کہ فی الفور تحصیل ہیڈکوآر ٹر ہسپتال میںلیڈی ڈاکٹر سمیت کم ازکم تین ڈاکٹر اور چھ ڈسپنسر اور درجہ چہارم کا عملہ تعینات کیاجائے تاکہ تحصیل پیرمحل کے مکینوں کو علاج معالجہ کی سہولت میسر آسکے ایس ایم او ڈاکٹر باہلک علی ڈپٹی ڈسٹرکٹ ہیلتھ آفیسر پیرمحل کاکہنا ہے کہ ای ڈی او ہیلتھ ٹوبہ ٹیک سنگھ نے عملہ او رڈاکٹر رورل ہیلتھ سنٹر اروتی اور رورل ہیلتھ سنٹر سندیلیانوالی میں بھجوادیا باقی عملہ پولیو ڈیوٹی پر ہے ہم کیاکرسکتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) درجنوں دیہات کی واحد گذرگاہ سندیلیانوالی کمالیہ روڈ محکمہ ہائی وے کے ڈسٹرکٹ آفیسر کی نااہلی کی نذر روزانہ آنے جانے والے ہزاروں مکین مسائل کا شکارآئے روز حادثات کے باعث درجنوں طالب علم ، بچے بوڑھے خواتین زخمی تفصیل کے مطابق سندیلیانوالی کمالیہ روڈ جو کہ درجنوں دیہات کو آنے جانے کی گذر گاہ ہے جہاں سے روزانہ ہزاروں افراد جن میں طالب علم ،بچے بوڑھے خواتین کام کاج کے لیے سندیلیانوالی شہر آتے جاتے ہیں عرصہ دراز سے سڑک کی تعمیر مرمت نہ ہونے اور سڑک کی دیکھ بھال کے لیے تعینات بیلدار اوورسیئراور روڈ انسپکٹر کے گھریلو کام میں مصروف ہونے کے باعث سڑک کے دونوں اطراف چار چار فٹ گہرے گڑھے آئے روز حادثات کا باعث بن رہے ہیں ضلعی آفیسر ہائی وے کے پاس سڑک کی تعمیر مرمت کے لیے خطیر فنڈ موجود ہے مگر عرصہ دراز سے سڑک کی ٹوٹ پھوٹ پر میٹریل موجود ہونے کے باوجود کام نہ کروایاجاسکا جس کے باعث درجنوں افراد زخمی ہوکر اپاہج پن کا شکار ہوچکے ہیں راجہ ظفرزرین معروف سماجی کارکن نے ڈی سی اوٹوبہ ٹیک سنگھ سے ضلعی آفیسر ہائی وے اور مجاز اتھارٹی کے خلاف کاروائی کا مطالبہ کیا ہے ضلعی آفیسر ہائی وے کاکہنا ہے کہ فنڈ آئیں گے تو روڈ بھی تعمیر کردیں گے
