پیرمحل میں سی این جی اسٹیشن کے سامنے دوسرے دن سلنڈر دھماکہ آگ لگنے سے ہزاروں روپے مالیت کا سامان تباہ
پیرمحل ( نامہ نگار ) پیرمحل میں سی این جی اسٹیشن کے سامنے دوسرے دن سلنڈر دھماکہ آگ لگنے سے ہزاروں روپے مالیت کا سامان تباہ دکان مالک زخمی ٹائون کمیٹی پیرمحل کے اہلکاروں محمد رضوان ،محمد عثمان کی بروقت کاروائی آگ پر قابو پالیا تفصیل کے مطابق انتظامیہ کی نااہلی اور غفلت کے باعث پیرمحل شہر میں گیس سلنڈر پھٹنے کا سلسلہ جاری ہے عباس ڈینٹر رنگساز رجانہ روڈ پیرمحل جوکہ الضامن سی این جی اسٹیشن کے بالکل سامنے واقع ہے سلنڈر پھٹنے سے آگ لگ گئی جبکہ ایک شخص ممتازخان زخمی ہوگیا آگ خطرناک حد تک پھیلنے سے پہلے الضامن سی این جی اسٹیشن کے عملہ اور ٹائون کمیٹی پیرمحل کے اہلکاروں محمد رضوان ،محمد عثمان کی بروقت کاروائی سے آگ پر قابو پالیا دوسرے روز کا دوسرا دھماکہ ہے پہلے روز گیس ری فلنگ کرتے ہوئے سبزی منڈی روڈ پردکان واقع عادل گیس پر گیس سلنڈر کا دھماکہ ہوا تھا جس میں دکان مالک سمیت2افراد زخمی ہوگئے جس کا تھانہ پیرمحل پولیس نے گیس سلنڈر دکان مالک محمد سلیم اور عامر لطیف ولد ولد محمد لطیف کے خلاف زیر دفعہ 285/286ت پ کے تحت مقدمہ درج کرلیا مگر انتظامیہ کی طرف سے کوئی ضابطہ اخلاق جاری نہ کیاگیا سماجی فلاحی حلقوںنے ڈی سی اوٹوبہ ٹیک سنگھ سے گیس سلنڈر کا کاروبار کرنے والوں کے خلاف فی الفور کاروائی کا مطالبہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس کانسٹیبل کا سود کی رقم ادانہ کرنے پر اپنے بیٹوں اور بیوی کے ہمراہ دوخواتین پر وحشیانہ
پیرمحل ( نامہ نگار ) پولیس کانسٹیبل کا سود کی رقم ادانہ کرنے پر اپنے بیٹوں اور بیوی کے ہمراہ دوخواتین پر وحشیانہ تشدد خواتین کو گھروں سے گھیسٹ کر کپڑے پھاڑ ڈالے عفت میں خلل ڈالا نیم برہنہ کرکے بالوں سے پکڑ کر گھسیٹامقدمہ درج تفصیل کے مطابق چک نمبر673/14گ ب حارث آباد کا رہائشی پولیس کانسٹیبل سکندر حیات ولد مسو سود پر رقم دیتا ہے چک نمبر673/14گ ب کی رہائشی خورشید بی بی زوجہ شوکت علی کے رشتہ ذوالفقار کو سکندر حیات نے سو د پر رقم دی جس پر بھاری سود وصول کرتارہا اور سو د کی رقم کا تقاضابڑھنے پر ذوالفقار نے بہت زیادہ سو د دینے سے معذوری کا ا ظہار کیا تواسی رنج کی بناء پر سکندر حیات ولد مسو ، نے اپنے بیٹوں ثناء اللہ ، حمیداللہ پسران سکندر حیات،انور بی بی زوجہ سکندر حیات قوم واہگہ کے ساتھ مل کر خورشید بی بی کے گھر پر حملہ کرکے دوخواتین عاصمہ بی بی ، خورشید بی بی کو بالوں سے پکڑ کر گھر سے گھسیٹتے ہوئے گلی میں لاکر تشدد کا نشانہ بنایا کپڑے پھاڑ ڈالے عفت میں خلل ڈالا جان سے مارنے کی کوشش کی تھانہ پیرمحل پولیس نے پولیس کانسٹیبل سکندرحیات اور اس کے بیٹے ثناء اللہ اور بیوی انور بی بی کے خلاف خلاف زیر دفعہ 354ت پ مقدمہ درج کرلیا خورشید بی بی کا کہنا ہے کہ پولیس نے اپنے پیٹی بھائی کو بچانے کے لیے سائلہ کی داد رسی کرنے کی بجائے معمولی دفعات لگائی تاکہ اپنے پیٹی بند بھائی کو بچایا جاسکے وزیر اعلیٰ پنجاب میاں شہباز شریف ، اور آئی جی پنجاب ، گورنر پنجاب چوہدری محمد سرورکے آبائی شہرپیرمحل میں پولیس کانسٹیبل کی ہم خواتین کے ساتھ ظلم وبربریت کا خود نوٹس لیں اورانصاف دلوائیں ورنہ میں اپنے اہل خانہ کے ساتھ وزیر اعلیٰ ہائوس کے سامنے خود سوزی پر مجبور جائونگی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موبائل فون چوری کرتے ہوئے چور رنگے ہاتھوں پکڑا گیا شہریوںنے درگت کے بعد پولیس
پیرمحل ( نامہ نگار ) موبائل فون چوری کرتے ہوئے چور رنگے ہاتھوں پکڑا گیا شہریوںنے درگت کے بعد پولیس کے حوالے کردیا تفصیل کے مطابق آصف ولد انور ساکن سندیلیانوالی کو کراچی برائلر سیل سنٹر سے موبائل چوری کرتے ہوئے دکاندار نے رنگے ہاتھوں پکڑلیا اور درگت کے بعد حوالہ پولیس کردیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انگریز کاروپ دھارکر اپنے ساتھیوں کے ہمراہ کنیڈا لے جانے کا بہانہ بناکراپنے ساتھیوں
پیرمحل ( نامہ نگار ) انگریز کاروپ دھارکر اپنے ساتھیوں کے ہمراہ کنیڈا لے جانے کا بہانہ بناکراپنے ساتھیوں کے ہمراہ دیہاتی کے ساتھ واردات کرتے ہوئے ریٹائرڈ فوجی نے نوسرباز گرفتار کروادیے پولیس کی چھتر پریڈ نے بھانڈا پھوڑدیا تفصیل کے مطابق عادل ساکن لاہور جوکہ انگریز کا روپ دھار کر اپنے ساتھیوں انتظار عرف منگا ساکن سی پلاٹ ، ، عبدالعزیز سی پلاٹ ، گلشن انور ساکن آئی بلاک کے ہمراہ سی پلاٹ بستی اوڈ کے رہائشی حسین ولد شیرمحمد کے گھر آئے لڑکی کو کنیڈا لے جانے کا بہانہ بناکر 15ہزارروپے نقدی وصول کی اور نکاح کی رسم اداہونے سے پہلے سی پلاٹ کے رہائشی ریٹائرڈ فوجی نے 15پر پولیس کو نوسربازوں کی اطلاع دے دی چوکی پولیس پیرمحل نے نوسربازوں کو گرفتار کرکے شناخت پریڈ کی تو انگریز کی اصل کا بھانڈا پھوڑ گیا اور پہلے ہی چھتر پر انگلش بھول کر پنجابی بولنے لگا اور اپنے ساتھیوں کے ہمراہ درجنوں وارداتوں کا اعتراف کرلیا پولیس مصروف تفتیش ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نامعلوم چو رمرغی خانہ کا بجلی کا میٹر چوری کرکے لے گئے تفصیل کے مطابق چک نمبر674/15گ ب میں موجود مرغی
پیرمحل ( نامہ نگار ) نامعلوم چو رمرغی خانہ کا بجلی کا میٹر چوری کرکے لے گئے تفصیل کے مطابق چک نمبر674/15گ ب میں موجود مرغی خانہ جو کہ ذوالفقار سردار ولد سردارمحمد کی ملکیت ہے پر بجلی میٹر نمبر21-13374-2401701نامعلوم چوروںنے رات کے وقت چوری کرلیا تھانہ پیرمحل پولیس نے نامعلوم چوروں کے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دوکس موٹرسائیکل سوار مویشی چوروںنے ہزاروں روپے مالیت کا بکر اچوری کرلیا
پیرمحل ( نامہ نگار ) دوکس موٹرسائیکل سوار مویشی چوروںنے ہزاروں روپے مالیت کا بکر اچوری کرلیا مقدمہ درج درج تفصیل کے مطابق چک نمبر671/12گ ب کے رہائشی ظہیر الرحمن ولد عبدالرحمن کا قربانی کے لیے رکھا گیا بکر امالیت 40ہزار روپے مویشی چور غلام رسول ولد محمد ارشد ، محمد مشتاق ولد محمد صدیق اوڈ ساکنان چک718گ ب نے موٹرسائیکل پر چوری کرلیا دیہاتیوں کے تعاقب پر مویشی چور مسروقہ بکرا ور موترسائیکل نمبرTSK-9945سپر پاور چھوڑکر فصل کماد میں فرارہوگئے تھانہ پیرمحل پولیس نے مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ ایڈوائزر برائے محتسب پنجاب نجم الثاقب قریشی نے کہا ہے
پیرمحل ( نامہ نگار ) ڈسٹرکٹ ایڈوائزر برائے محتسب پنجاب نجم الثاقب قریشی نے کہا ہے کہ صوبائی محتسب جاوید محمود کی خصوصی ہدایت پر عوام کی مختلف سرکاری و نیم سرکاری محکموں سے جائز شکایات کے ازالے اور فوری و سستے انصاف کے حصول کیلئے پنجاب کے تمام اضلاع میں علاقائی دفاتر کا قیام عمل میں لایا گیا ہے تاکہ متعلقہ اضلاع کی عوام کو ان کی دہلیز پر انصاف کی فراہمی ممکن بنائی جا سکے۔اگلے مرحلہ میں تحصیل سطح پر بھی ایڈوائزر بھرتی کیئے جا رہے ہیں جس کیلئے تحصیل ٹوبہ ٹیک سنگھ، گوجرہ، پیرمحل و کمالیہ کے اعلی تعلیم یافتہ،ایماندار اور بے داغ کردار کے مالک ریٹائرڈ سرکاری افسران اپنی درخواستیں ڈسٹرکٹ ایڈوائزر برائے محتسب پنجاب سوشل ویلفیئر کمپلیکس جھنگ روڈ میں جمع کرائیں تاکہ میرٹ پر آنیوالے امیدواروں کی فوری تعیناتی عمل میں لائی جا سکے۔ان خیالات کا اظہار ڈسٹرکٹ ایڈوائزر برائے محتسب پنجاب نجم الثاقب قریشی نے دفتر ہذا کی کارکردگی،انصاف کے حصول اور عوام کی داد رسی کیلئے محتسب پنجاب کے انقلابی اقدامات اور دیگر امور بارے پریس بریفنگ کے دوران کیا۔انھوں نے بتایا کہ تحصیل سطح پر ایڈوائزر کی جلد از جلد بھرتی کیلئے خواہشمند امیدواران اپنی درخواستیں تمام تر کوائف و قابلیت سرٹیفکیٹس کے ساتھ دفتر ہذا جمع کرائیں جبکہ مزید معلومات کیلئے دفتری اوقات کار کے دوران ٹیلی فون نمبر046251383پر بھی رابطہ کر سکتے ہیں۔ ڈسٹرکٹ ایڈوائزر نجم الثاقب قریشی نے کہا کہ سائلین کو انصاف کی فراہمی کیلئے تمام تر قانونی تقاضوں کو پورا کیئے جانے کے علاوہ کرپٹ و نااہل عناصر کا قلع قمع میری اولین ترجیح ہے اور اس ضمن میں کوئی دقیقہ فروگذاشت نہیں کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صحتمند بچے ہی مضبوط و توانا معاشرے کی اساس ہیںپولیو کا جنگی بنیادوں پر مستقل و مکمل خاتمہ
پیرمحل ( نامہ نگار ) صحتمند بچے ہی مضبوط و توانا معاشرے کی اساس ہیںپولیو کا جنگی بنیادوں پر مستقل و مکمل خاتمہ ہم سب کا مشن ہے اور ضلع بھر میں جاری انسداد پولیو مہم کے دوران اس بات کو یقینی بنایا جائیگا کہ ضلع بھر میں کوئی بھی بچہ قطرے پینے سے محروم نہ رہے ان خیالات کا اظہار قائمقام ڈی سی او ملک خادم حسین جیلانی نے ضلع بھر میں جاری سہ روزہ انسداد پولیو مہم سے متعلق پیشرفت اور دیگر امور کا جائزہ لیتے ہوئے اپنے خصوصی پیغام میں دیا انہوں نے کہا انسداد پولیو مہم کا بنیادی مقصد ہی نہ صرف اس موذی مرض سے چھٹکارہ حاصل کرنا ہے بلکہ عوام میں مہم کی اہمیت و افادیت سے متعلق شعور و آگہی پیدا کرکے حکومتی کوششوں و تعاون کو بہتر اور مستحکم بناتے ہوئے مستقل بنیادوں پر اس مرض کا قلع قمع کرنا ہے تا کہ بیماریوں سے پاک صحتمند معاشرہ تشکیل پا سکے قائمقام ڈی سی او ملک خادم حسین جیلانی نے متعلقہ افسران کو ہدایت کی کہ وہ مہم کی بھر پور کامیابی اور والدین کی مکمل آگاہی کیلئے ہر ممکن تشہیری ذرائع برئوے کار لائیں۔ انھوں نے سیکرٹری آر ٹی اے کو خصوصی ہدایت جاری کرتے ہوئے کہا کہ والدین کیساتھ سفر کرنیوالے بچوں کو پولیو ویکسیئن کے قطرے پلانے کیلئے ٹرانسپورٹ اڈوں پر انتظامات چوبیس گھنٹے فعال ہوں اور کوئی بس،ویگن پولیو ٹیموں سے کلیئرنس کے بغیر اڈوں سے نہ روانہ ہو۔
