پیرمحل (میاں اسد حفیظ سے) بلندوبانگ دعوےٰ کرنے والوں نے عوام کو مایوسیوں کے سوا کچھ نہیں دیا اب ظلم کے اندھیرے چھٹنے والے ہیں اور فتح انشاء اللہ عوامی خدمت گاروں کی ہی ہوگی حلقہ کے عوام باشعور ہیں اور کسی کے بہکاوے میں نہیں آئیں گے ان خیالات کااظہار پی پی 89کے ضمنی انتخابی کے لئے تحریک انصاف کے ٹکٹ ہو لڈر رانا شفیق خاں ،میاں اختر جاوید ایڈوکیٹ ،ملک ثاقب سہیل کے ہمراہ پریس کانفرنس کرتے ہوئے کہاکہ پہلے بھی عوام کی بے لوث خدمت کا سلسلہ جاری تھا اور اب بھی عوام کی خدمت کا سلسلہ جاری رکھیں گے انشاء اللہ تحریک انصاف کی کامیابی نوشتہ دیوار ہے حلقہ کے عوام ہمیں جانتے ہیں اور انشا ء اللہ عوام سے جوبھی وعدے کیے ہیں وہ وفا کریں گے اور عوام نے مجھ پر جس اعتماد کا اظہار کیا ہے اس پر بھی پورا اتروں گا مجھے عوام کی بھرپور سپورٹ حاصل ہے میری سیاست کا محور و مرکز صرف اور صرف غریب عوام کی فلاح وبہبود ہے اور عوام کی بے لوث خدمت کیلئے سیاست کے میدان میں اترا ہوں ہم نے ہمیشہ پسے ہوئے طبقات کی نمائندگی کی ہے اور پسے ہوئے طبقات کی آواز بلند کرنے کیلئے بھرپور کردار ادا کیا ہے ۔تحریک انصاف نے جس طر ح مجھے پر اعتماد کا اظہار کیا میں بھی اس طرح ان کے اعتماد پر پورا اتروں گا انہوں نے کہاکہ میرا خواب ہے کہ سندھیلیانوالی میں بوائز و گرلز کالج ہو نا چاہیے سند ھیلیانوالی میں کالجوں کے قیام عمل میں لاکر علاقے کی پسماندگی دور کریں گے کیونکہ تعلیمی انقلاب برپا کئے بغیر ملک ترقی نہیں کر سکتا کیونکہ قوموں کی ترقی کا راز بھی صرف اور صرف تعلیم ہے اور تعلیم کے میدان میں انقلاب برپا کرنے کیلئے اپنا بھرپور کردار ادا کروں گا۔ ہمارے عزائم اور حوصلے بلند ہیںحلقہ کے عوام6جنوری کو مجھے اور عمران خان کو ووٹ دے کر کامیاب کروائیںگے۔ تحریک انصاف کی قیادت نے مجھ پر جس اعتماد کا اظہار کیا ہے اس پر پورا اترتے ہوئے ان کے اعتماد کو کبھی بھی ٹھیس نہیں پہنچاوں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسد حفیظ سے )بدلتا ہے رنگ آسمان کیسے کیسے، کل کے حلیف آج کے سیاسی حریف بن گئے۔ جنرل الیکشن 2013میں پیپلزپارٹی کے قومی اسمبلی اور صوبائی اسمبلی کے ٹکٹ ہو لڈر زپی پی 89 کے ضمنی الیکشن میں دونوں آمنے سامنے آگئے تفصیل کے مطابق پاکستان مسلم لیگ(ن) کے رکن صوبائی اسمبلی مخدوم سید علی رضا کے وفات کے بعد خالی ہو نے والی نشست پر 6جنوری کوالیکشن ہو رہا ہے جس کے لئے مسلم لیگ(ن ) اور تحریک انصاف کے امیدوارسامنے آگئے 2013کے جنرل الیکشن میں پاکستان پیپلز پارٹی کے ٹکٹ پر انتخاب میں حصہ لینے والے قومی اسمبلی کے امیدوار سید قطب علی شاہ العمروف علی بابا کو پاکستان مسلم لیگ(ن) نے ضمنی الیکشن میں پارٹی ٹکٹ جاری کردیا دوسری طر ف علی بابا کے حلیف رانامحمد شفیق جوکہ 2013کے جنرل الیکشن میں پیپلز پارٹی کے ٹکٹ پر صوبائی اسمبلی کے امیدوار تھے اب تحریک انصاف کے قیادت نے پی پی 89 کے ضمنی الیکشن میں رانامحمد شفیق خان کو پارٹی ٹکٹ جاری کردیا ہے 2013کے جنرل الیکشن میں دونوں کو مسلم لیگ(ن ) کے امیدوار وں نے شکست دی تھی ۔6جنوری 2016کے پی پی 89کے ضمنی الیکشن میں کل کے جو حلیف تھے آج کے سیاسی حریف بن گئے دیکھتے ہیں کہ 6جنوری کو قسمت کس کا ساتھ دیتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسد حفیظ سے )پی پی 89کے ضمنی الیکشن میں حصہ لینے والے 10امیدوار وں کا انتخابی نشانات الاٹ کردئیے گئے جبکہ 8امیدوار وں نے کاغذات نامزدگی واپس لے لئے تفصیل کے مطابق 6جنوری کو ہو نے والے پی پی 89کے ضمنی الیکشن میں حصہ لینے والے امیدوار وں کوڈی آراو طاہر منصورخان کی طرف سے جانچ پڑتال کا عمل مکمل ہو نے کے بعد انتخابی نشانات الاٹ کردیئے گئے سید قطب علی شاہ ( شیر)،رانا شفیق خان ( بلا)میجر احمد نواز ( بیل) ، سیدة سونیا علی رضا شاہ ( لڑاکا طیارہ)، مقصود احمد شناور( مینار پاکستان)،شوکت علی بلوچ(بالٹی)رائو کاشف ظفر ( انرجی سیور)، رائے زکریا ( کجھور کا درخت)، آشفہ ریاض فیتانہ(ریچھ)، سعید احمدخان ایڈوکیٹ( بوتل) جبکہ کاغذات نامزدگی واپس لینے والوں میں مخدوم سید حسین رضا شاہ ، چوہدری خالد سردار، مہر ریاض فتیانہ ، سیدہ صائمہ علی رضا شاہ ، میاں اختر جاوید، سیدة حنا سلمان کرمانی، سید اسد عباس شاہ ، محمد سلیم ساجد شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسد حفیظ سے )الائیڈ سکول پیرمحل میں سانحہ آرمی پبلک سکول کے بچوں کی یاد میں دعائیہ تقریب کا انعقاد کیا گیاتفصیل کے مطابق الائیڈ سکول پیرمحل میں سانحہ پشاوراے پی ایس سکول کے بچوں کی یاد میں دعائیہ تقریب منعقد کی گئی جس میں بچوں اور اساتذہ کرام قرآن خوانی اورخصوصی دعا کروائی اور ایک منٹ کی خاموشی اور موم بتیاں جلائی گئیں۔شہید بچوں کو خراج تحسین پیش کیا گیا پرنسپل چوہدری خاور سلہری نے خطاب کرتے ہوئے کہا کہ شہداء آرمی پبلک اسکول نے اپنی جان کی قربانی دیکر ہمیں یہ سبق دیا ہے کہ علم کو فروغ دیکر ہی ہم اپنے پیارے وطن سے دہشت گردی کی عفریت کا خاتمہ کرسکتے ہیں اللہ تعالیٰ آرمی پبلک اسکول کے شہداء سمیت دہشت گردی کی جنگ میں شہید ہونے والے ہمارے فوجی جوانوں کو جنت الفردوس میں جگہ عطا فرمائے اور ہمیں ان کے مشن کی تکمیل کی توفیق دے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسد حفیظ سے )رائو گروپ کے رہنما وںنے مسلم لیگ(ن) کے امیدوار سید قطب علی شاہ کی حمایت کا اعلان کردیا تفصیل کے مطابق سابق یونین کونسل ناظم رائو اطہر اقبال کے قریبی ساتھی او ربڑے بھائی رائو واجد علی خان نمبردار ، رائو شاکر علی خان نے اپنے ساتھیوں سمیت مسلم لیگ(ن)کے امیدوار سید قطب علی خان کی حمایت کا اعلان کردیا اس موقع پر ، میاں خضر حیات کاٹھیا، چیئرمین یوسی چوہدری عرفان الحسن ، چیئرمین یوسی میاں غالب کاٹھیا، چیئرمین یوسی محبوب گوپے را، چوہد ری مسعود احمد اور رائو ذوالقرنین خان بھی موجود تھے۔
