ٹیکسلا (ڈاکٹر سید صابر علی) پاکستان تحریک انصاف کے رکن صوبائی اسمبلی ملک تیمور مسعود اکبرنے کہا ہے کہ پی او ایف کی اسلحہ ساز فیکٹری مسلح افواج کی دفاعی ضروریات کو پورا کرنے میں کلیدی کردار ادا کر رہی ہے چیف آف آرمی سٹاف جنرل راحیل شریف کے دورہ پی او ایف واہ کینٹ سے ادارے کی اہمیت بڑھی ہے امید ہے کہ چیف آف آرمی سٹاف کے دیئے گئے اہداف کو چیئرمین پی او ایف بورڈ لیفٹیننٹ جنرل عمر محمود حیات اپنی بہترین صلاحیتیں بروئے کار لا کر نہ صرف پورا کریں گے بلکہ ادارے کی پیداواری صلاحیتوں میں اضافے کے لئے اپنا کردار ادا کریں گے ان خیالات کا اظہار انہوں نے میڈیا سے گفتگو کے دوران کیا ایم پی اے ملک تیمور مسعود اکبر کا کہنا تھا کہ دورہ پی او ایف کے موقع پر چیف آف آرمی سٹاف کی جانب سے دفاعی ساز و سامان کے حوالے سے نئی منڈیوں کی تلاش کے اہداف نہ صرف ادارے کی دفاعی صلاحیتوں کو جلا بخشنے کا موجب بنیں گی بلکہ مذکورہ اہداف کی تکمیل سے ملکی معیشت مضبوط ہو گی اور ادارے میں کام کرنے والے ہزاروں محنت کشوں کے مالی حالات بھی سنوریں گے ان کا کہنا تھا کہ پی او ایف کے چیئرمین لیفٹیننٹ عمر محمود حیات کی ذاتی دلچسپی اور شبانہ روز کاوشوں کا ثمر ہے کہ پی او ایف کا ادارہ نہ صرف ملکی بلکہ بین الاقوامی سطح پر ایک منفرد مقام حاصل کرچکاہے چیئرمین پی او ایف بورڈ ادارے سے منسلک محنت کشوں کی فلاح و بہبود کے لئے نہ صرف عملی اقدامات کر رہے ہیں بلکہ شہر کی تعمیر و ترقی میں بھی ان کا کردار قابل ستائش ہے دفاعی لحاظ سے ادارے کی تیار کردہ مصنوعات کی ایکسپورٹ میں متواتر اضافہ اس کے پروڈکٹس کے بہترین معیار کا منہ بولتا ثبوت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی)رائز شائن پبلک سکول واہ کینٹ میں سالانہ تقسیم انعامات کی پروقار تقریب منعقد کی گئی جس میں تقریب کے مہمان خصوصی ادارہ ہذا کے چیف ایگزیکٹو چوہدری پرویز اختر تھے جبکہ تقریب کی صدارت مسز یاسمین پرویز نے کی تقریب میں سکول کے طلباء و طالبات نے حمد،نعت،ملی نغمے اور ٹیبلو پیش کئے تقریب سے مہمان خصوصی چوہدری پرویز اختر نے خطاب کرتے ہوئے کہا کہ طلباء قوموں میں ترقی کا نشان ہوتے ہیں جس قوم کے طلباء اپنی راہوں اور منزلوں کا صحیح انتخاب کرتے ہیں وہ قوم کبھی پسماندہ نہیں رہتی طلباء اپنی تمام تر توجہ حصول تعلیم پر دیں تا کہ وہ اعلی تعلیم حاصل کر کے ملک کی تعمیر و ترقی میں اہم کردار ادا کر سکیں ادارہ طلباء کو دنیاوی تعلیم کے ساتھ ساتھ دینی تعلیم بھی فراہم کر رہا ہے طلباء کو معیاری تعلیم کے ساتھ ساتھ طلباء کو حقیقی معنوں میں محب وطن پاکستانی بنانے کے لئے اساتذہ کو کردار ادا کرنا ہوگا کیونکہ آج کے طالب علم کل کے معمار ہیں انھوں نے ملک کی بھاگ دوڑ سنبھالنی ہے ہمیں بچوں کو بہتر تعلیم دینے کے ساتھ ساتھ سچا مسلمان اور پاکستانی بنانے پر توجہ دینی ہو گی ادارے کے طلباء میں سے جو بھی میٹرک کے بورڈ امتحان میں پہلی پوزیشن حاصل کرے گا اس طالب علم کو ادارے کی طرف سے 800سی سی کار انعام میں دی جائے گی تقریب میں (ڈائریکٹر) محمد انورمسز عشرت افتخارپرنسپل)نذیراحمد سینئرٹیچرکریم داد، سمیت بچوں کے والدین اور معززین علاقہ نے کثیر تعداد میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی)چئیرمین یونین کونسل لب ٹھٹھو و مسلم لیگ(ن) کے راہنما حاجی علی اصغر اعوان نے کہا ہے کہ یونین کونسل میں بلا تفریق ترقیاتی کام جاری ہیں ،وارڈ کی سطح پر کمیٹیاں بنا رہے ہیں جو عوام کے چھوٹے موٹے مسائل تھانہ کچہری میں جانے سے قبل ہی باہمی مشاورت سے حل کر لیا کرینگی، یونین کونسل میں مرکزی جگہ خواتین کے لئے دستکاری سینٹر کا قیام بھی عمل میں لا رہے ہیں، وفاقی وزیر داخلہ چوہدری نثار علی خان کے تہہ دل سے مشکور ہیں ان خیالات کا اظہار انھوں نے میڈیا سے گفتگو کے دوران کیا اس موقع پر وائس چئیرمین یونین کونسل لب ٹھٹھو ملک ارشد اعوان ،حاجی علی حیدر و دیگر معززین بھی موجود تھے حاجی علی اصغر اعوان نے کہا کہ عوام کی مشاورت سے اہل یونین کونسل کے اجتماعی مسائل ترجیح بنیادوں پر حل کرا رہے ہیں انتخابات میں عوام سے جو بھی وعدے کئے تھے ہر صورت پورے کرینگے،انھوں نے کہا کہ ہم اپنے قائد چوہدری نثار علی خان، سابق ایم پی اے حاجی ملک عمر فاروق، مسلم لیگ (ن) ضلع راولپنڈی کے صدر سردار ممتاز خان، تحصیل ٹیکسلا کے صدر حاجی فیاض خان تنولی و دیگر تمام مقامی قائدین کے بھی تہہ دل سے مشکور ہیں کہ وہ نہ صرف ہمارے ساتھ فلاحی کاموں میں بھرپور تعاون کر رہے ہیں بلکہ تعمیروترقی کے لئے ہماری تجویز کردہ سفارشات پر بھی عمل کرا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی)ڈسٹرکٹ پاپولیشن ویلفیئرآفس راولپنڈی کے زیراہتمام ٹیکسلامیں ہفتہ فیملی پلاننگ بھرپوراندازسے منایاگیا۔ اس سلسلہ میں تحصیل ہیڈکوارٹرہسپتال ٹیکسلا میں پاپولیشن واک کاانعقادکیاگیاجس میں ایم ایس ڈاکٹرمحمدشاہد،ڈپٹی ڈسٹرکٹ ہیلتھ آفیسر ڈاکٹر سرفرازخان ،ڈاکٹرشبنم اورمحکمہ بہبودآبادی تحصیل ٹیکسلاکے آفیسرطارق محمودعزیز کے علاوہ محکمہ صحت کے سٹاف نے کثیرتعدادمیں شرکت کی ۔ گذشتہ روزٹھٹھہ خلیل روڈٹیکسلامیں ہفتہ بہبودآبادی کے سلسلہ میں فری میڈیکل کیمپ کابھی انعقادعمل میں لایاگیاجہاں مریضوں کومفت طبی مشوروں کے ساتھ ساتھ مفت ادویات بھی فراہم کی گئیں ۔اس موقع پرفیملی ہیلتھ کلینک کی انچارج ڈاکٹرشبنم شہزادنے مریضوں کوچیک کیا۔
ڈاکٹر سید صابر علی ٹیکسلا 17-3-2016موبائل نمبر0300-5128038
