کہتے ہیں کہ لوگوں کی جان ومال کو تحفظ فراہم کرنا ریاست کی زمہ داری ہے اور خصوصاً جب دعوے جمہوریت کہ کیئے جائیں تو پھر تو اور بھی زیادہ یہ زمہ داری حکمرانوں کے کندوں پے آئد ہوتی ہے لیکن کیا کروں میرے اس دیس کا باوا آدم ہی نرالہ ہے جس کی لاٹھی اُسی کی بھینس کا قانون یہاں برپا ہے تین روز قبل اچانک یہ پُر مسرت خبر سننے اور دیکھنے کو ملی کہ افواج پاکستان نے دہشت گردوں کے خلاف ضرب عضب کے نام سے منصوب فوجی آپریشن کا آغاز کردیا ہے۔
محب وطن دیگر اہلیان پاکستان کی طرح اس خبر کے سنتے ہی میرا دل بھی خوشی سے باغ باغ ہوگیا اور دل نے یہ کہا کہ چلو دیر آئے درست آئے اب ہی میری اس دھرتی سے میری دلیر افواج شرپسندوں کا قلع قمع کردے گی اور اب میرا ملک ایک بار پھر امن کا گہوارا بن جائے گا خیر انشاء اللہ وہ دن تو دور نہیں کہ جب افواج پاکستان دہشت گردوں کے خلاف جاری آپریشن کو جلد از جلد کامیاب کرکے دہشت گردوں کے قبضہ میں شمالی پہاڑی علاقہ جات کو واگزار کروائے گی،انشاء اللہ ،پنجاب میں بھی آپریشن کیا گیا تاہم یہ زرا (وکھری ٹائپ) کا آپریشن تھا اُدھر افواج پاکستان تو دہشت گردوں کا صفایا کرنے میں آپنے اعصاب لڑا رہی ہے۔
ادھر پنجاب پولیس کے بہادر شیر جوان ملک کو بیرونی ممالک میں تمغہ بدنامی و رسوائی کے ایوارڈ دلوانے میں کوئی کثر اٹھا نہیں رکھ رہے ماڈل ٹاون سانحہ تو وقت گزرنے کے ساتھ ساتھ شائد ہماری قوم بھول ہی جائے کیونکہ بد قسمتی سے اس قوم کا حافظہ بے حد کمزور ہے یہ اپنے ساتھ ہونے والی ہر زیادتی اور ظلم کو امر ربی سمجھ کر بھول جاتی ہے لیکن قاریو!یاد رکھیں بطور مسلمان ہمارا مذہب ہمیں یہ سبق دیتا ہے کہ ظلم کو ہوتا دیکھ کر اگر آپ بھی اپنے لب سی لیں گے تو ظالم اور آپ میں کوئی فرق نہیں رہے گا۔
شیرجوانوں کو آرڈر ملا کہ آپ فوری طور پے ماڈل ٹاون میں طاہر القادری کی رائشگاہ کے آگے اور اطراف میں پڑی رکاوٹوں ،تجاوزات کو ہٹائیں لیکن یہ معاملہ جسے ہمارے حکمران اپنی بے شرمی اور بے حیائی کو چھپانے کے لئے ایک معمولی واقعہ قرار دے رہے ہیں اُن کی نظر میں ٹھرا یہ معمولی واقعہ بھی آٹھ قیمتی جانوں کو لقمہ اجل بنانے کا سبب بنا ،شیر جوانوں نے اس طرح سے نہتی عوام پے اپنے ہاتھ صاف کیئے کہ بس (رہ رب دا ناں )ناکسی کی عمر کا لحاظ کیا گیا نا کسی کی چادر ،چاردیواری اور ناہی داڑھی کے تقدس کو ملحوظ خاطر رکھا گیا۔
جس پولیس کے بہادر اہلکار کے ہاتھ جو لگا جیسے لگا اُس کو پھر (ماں )یاد دلادی پولیس نے اسلحہ کا بے دریغ استعمال کیا لوگوں پے سیدھی گولیاں برسائیں اور اپنوں نے ہی اپنوں کو مارا اور وہ بھی بغیر کسی جرم کہ بغیر کوئی دفعہ لگائے قانون نافذ کرنے والے ہی قانون شکن بنے اور سب کے سامنے یعنی کہ بڑے (ڈھڑلے ) سے قاریو! چند لمحوں کہ لیئے یہ بھول بھی جائیں کہ پولیس نے زیادتی کہ تو بھی آپ یہ سوچیں کہ احتجاج کس ملک میں نہیں ہوتا وہ کون سی قوم ہے جو اس دنیا میں مکمل طور پے پُر امن طریقے سے اپنی زندگی بسر کررہی ہے۔
اس واقعہ کہ بعد ہماری انتظامیہ اور حکمرانوں نے اپنی ٹھٹائی اور بے شرمی کی جو مثال قائم کی وہ بھی قابل انتہائی تعریف ہے خود کو خادم اعلیٰ گرداننے والے چیف منسٹر پنجاب نے کہا کہ اُن کو سرے سے اس سارے واقعہ کا پتا ہی نہیں جبکہ نئے نویلے آئی ،جی نے یہ کہہ کر اپنی جان بخشی کروائی کہ اُن نے اس سارے واقعہ کے رونماء ہونے کے بعد اپنے عہدے کا چارج سنبھالہ اسی طرح سی،سی،پی،او لاہور اورآئی ،جی آپریشن نے تو حد ہی کردی یہ کہہ کر کہ اسلحہ کا استعمال پہلے اُن کی پولیس نے نہیں کیا بلکہ اُن کے جوانوں پے طاہر القادری کے کارکنوں نے گولیاں برسائیں یہ وہ چھوٹ ہے۔
جس پے خود جھوٹ بھی شرمندہ ہے کہ اتنا بڑا جھوٹ اسی طرح پنجاب کے وزیر قانون محترم اعالی مقام رانا ثناء اللہ نے بھی جھوٹ اور مذاق کرنے کے اپنے قائم کردہ تمام سابقہ ٹاپ ٹین ریکارڈ توڑ دیئے ہیں اور کہا کہ یہ اموات کارکنوں اور مظاہرین کی اپنی ہی گولیوں سے ہوئی ہیں دوسری جانب پنجاب پولیس کے سامنے اور شیرجوانوں کے کہنے پر املاک اور خصوصاً طاہر القادری کی راہشگاہ کے آس پاس کھڑی گاڑیوں پے اپنی بہادری اور دلیری کی تاریخ رقم کرنے والے شخص کی شناخت( گلو بٹ ) کے نام سے ہوچکی ہے اور یہ بھی پتہ چلا ہے۔
لمبی موچھوں والی یہ سرکار اپنے علاقوں کے مختلف تھانوں کا ٹاوٹ ہے تاہم پولیس نے اس کے خلاف تاحال کوئی بھی قانونی کاروائی نہیں کی اور کرے بھی کیونکر یہ اُن کا حصہ ہے اور اپنے پٹی بھائی خواہ وہ ٹاوٹ کی صورت میں ،رضاکار ہو یہ بھر مخبر ہی کیوں نا وہ تو قانون سے بالا تر ہیں اُن پے کوئی قانون لاگو نہیں ہوتا ،خادم اعلیٰ ،آئی جی پنجاب ،وزیر قانون پنجاب اور دیگر پنجاب کے کرتا دھرتا سے ملک خصوصاً پنجاب بھر کی عوام یہ دست بستہ عرض کررہی ہے۔
اس سانحہ میں جو آٹھ قیمتی جانوں کا ضیاع ہوا جس میں ہماری دو بہنیں بھی شامل ہیں آپ اُن کے بارے میں یہ کیوں نہیں کہہ دیتے کہ مرنے والے ان تمام آٹھوں افراد نے خود کشی کی ہے اور الٹا ان پے ہی قانون کا نفاذ کیوں نہیں کرتے کیوں نا ان ہی کے خلاف مقدمات درج کیئے جائیں ایسا کرنے سے ناصرف آپ کی روح کو تسکین ملے گی بلکہ نا رہے کا بانس اور نا بجے گی بانسری۔ اللہ ہم سب کا حامی وناصر۔
تحریر : چودھری فتح اللہ نواز بُھٹہ ضلع اوکاڑہ 0300.6692536.18.06.2014
