بھمبر (ڈسٹرکٹ رپورٹر) محکمہ تعلیم کا سرکاری ٹیچر بندوق کے زور پر محکمہ جنگلات کے رقبہ پر قبضہ کرنے میں مصروف ہے سکول ٹیچر کو یہ کام زیب نہیں دیتا سکول ٹیچر ایک قوم کی تعمیر میں کردار ادا کرنے کی بجائے بندوق اٹھائے پھر رہا ہے وزیر تعلیم، وزیر مال اور ڈسٹرکٹ ایجوکیشن آفیسر سکول ٹیچر کی بد معاشی کا نوٹس لیں ان خیالات کا اظہار ارشد محمود آف کالی ترڑاں نے اپنے ایک اخباری بیان میں کیا انہوں نے کہا کہ معاشرہ کے اندر استاد کا بڑا کردار ہے استاد قوم کے مستقبل کی تعمیر کرتا اور معاشرہ میں اپنے کردار کے حوالے سے ایک بڑا مقام رکھتا ہے لیکن افسوس کہ ماسٹر محمد اصغر عر ف سونی بندوق کے زور پر نہ صرف سرکاری رقبہ پر قبضہ کر رہا ہے بلکہ قیمتی جنگلات کو بھی نقصان پہنچانے اور محکمہ جنگلات کے اہلکاران پر فائرنگ کرنے میں ملوث ہے ایک استاد کو اس طرح کی حرکات زیب نہیں دیتی تھانہ پولیس چوکی میں مقدمہ درج ہونے کے باوجود بااثر ٹیچر سر عام دندناتاپھر رہا ہے قبضہ کرنے اور فائرنگ کرنے والے ٹیچر کیخلاف محکمہ تعلیم کے ذمہ داران کی طرف سے بھی نوٹس نہ لینا قابل افسوس ہے اگر اس طرح کے استاد محکمہ تعلیم کا حصہ رہے تو مستقبل کے معمار ایک اچھے شہری بننے کی بجائے اسی استاد کی روش پر چل پڑینگے انہوں نے کہا کہ ہمارا وزیرتعلیم آزاد کشمیر ، وزیر مال چوہدری علی شان اور ڈسٹرکٹ ایجوکیشن آفیسر بھمبر سے مطالبہ کیا ہے کہ منفی سرگرمیوں میں ملوث سرکاری سکول ٹیچر کو فی الفور معطل کر کے اس کے خلاف قانونی کارروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر ) بھمبر چراغ تلے اندھیرا بھمبر سے 8 کلو میٹر دور موضع پیل چوہان کے باسی 21 ویں صدی کے جدید دور میں بھی سڑک ، سکول اور ڈسپنسری کی سہولت سے محروم 80 فیصد بچے اور بچیاں پرائمری کے بعد تعلیم کو خیر باد کہنے پر مجبور، بیماری کی صورت میں مریض کو ہسپتال لے جانے میں کچی اور ناہموار سڑک رکاوٹ بن گی اکثر مریض بھمبر ہسپتال پہنچنے سے قبل ہی راستے میں دم توڑ جانے لگے الیکشن میں عوامی نمائندے ہر بار سڑک، ڈسپنسری اور پرائمری سکول اپ گریڈ کرنے کے سہانے خواب دکھا کر پانچ سال تک واپس لوٹ کر نہیں آتے عوام علاقہ کا شکوہ حکومت آزاد کشمیر تعمیر و ترقی کے جھوٹے دعوے کرنے کی بجائے عملاً اقدامات اٹھائے عوام علاقہ کا مطالبہ تفصیلات کے مطابق بھمبر سے 8 کلومیٹر کے فاصلے پر دشوار گزار پہاڑی علاقے میں واقع گائوں، موضع پہل چوہان اور ملحقہ دیہاتی علاقہ کے لوگ آج بھی پتھر کے دور کی زندگی گزارنے پر مجبور ہیں علاقہ میں برسوں قبل بننے والا واحد پرائمری سکول جہاں پر علاقہ کے بچے اور بچیاں اکھٹے علم کی شمع سے روشنی حاصل کر رہے ہیں لیکن پانچویں جماعت کا امتحان پاس کر لینے کے بعد 10 کلومیٹر دور رنڈیام کے ہائی سکول میں جانے سے گریزاں ہو جاتے ہیں بالخصوص علاقے کی بچیاں پرائمری تعلیم کے بعد تعلیم کو خیر باد کہہ دینے پر مجبور ہیں جبکہ علاقہ کو جانے والی کچی اور ناہموار سٹرک جس پر صرف ٹریکٹر ہی سفر کر سکتا ہے نے بھی علاقہ میں تعمیر و ترقی کی راہ میں رکاوٹ پیدا کر رکھی ہے اکثر اوقات شدید بیماری کی صورت میں علاقہ کے لوگ مریض کو گدھوں پر بٹھا کر نچلے علاقے میں پہنچاتے ہیں جہاں سے پھر مریض کو بھمبر کے ہسپتالوں میں لے جایا جاتا ہے علاقہ میں ڈسپنسری کی سہولت ناپید ہونے کے باعث علاقہ کے لوگوں کو چھوٹی چھوٹی بیماریوں کیلئے بھی دور دراز کا سفر کرنا پڑتا ہے صحافیوں کے دورہ کے موقع پر عوام علاقہ نے بتایا کہ ہمارے علاقے کے ساتھ سوتیلی ماں جیسا سلوک روا رکھا گیا ہے سیاسی عوامی نمائندے ہر پانچ سال بعد الیکشن میں عوام علاقہ کو ان کے مسائل حل کرنے کی تسلی دے کر ووٹ لے جاتے ہیں لیکن ہمارے حقیقی مسائل کے حل کیلئے کوئی اقدامات نہیں اٹھائے جاتے انہوں نے کہا کہ ہمارا وزیراعظم آزاد کشمیر سے مطالبہ ہے کہ وہ تعمیر و ترقی صرف شہروں تک محدود نہ رکھیں دور دراز کے دیہات بھی ریاست کا حصہ ہیں اور تعمیر و ترقی پر ان کا بھی حق ہے انہیں بھی یہ حق دیا جائے اور علاقہ میں فی الفور سٹرک کی تعمیر ، پرائمری سکول کی اپ گریڈیشن اور ڈسپنسری کا قیام عمل میں لا کر علاقہ کے لوگوں کو بھی 21 ویں صدی کے جدید دور میں بھی قوم کا ہمنوا بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) حلقہ برنالہ میں برادریوں کے درمیان انتقامی سیاست کو پروان چڑھا کر نفرتوں کے بیج بوئے گے رواداری اور ترقی کی سیاست کے بجائے اپنے اپنے حواریوں کو نوازا گیا آئندہ الیکشن میں برنالہ کے عوام نئی قیادت کا انتخاب کر کے حقیقی تبدیلی کا آغاز کریں ان خیالات کا اظہار برنالہ کی معروف سیاسی و سماجی شخصیت ملک افتخار طیب اعوان نے اپنے ایک بیان میں کیا انہوں نے کہا کہ یونین کونسل ملوٹ سے لیکر یونین کونسل افتخار آباد، یونین کونسل تھب پتنی تک برادریوں کے نام پر نفرتوں کے بیج بوئے گے حالانکہ روئے زمین پر سب انسان برابری کا درجہ رکھتے ہیں اور برادریاں پہچان کیلئے بنائی گئی تھیں انہوں نے کہا کہ عوام علاقہ روایتی اور فرسودہ نظام سیاست کو ترک کر کے علاقہ میں تعمیر و ترقی کے حقیقی ثمرات کے بار آور کیلئے حلقہ برنالہ میں نئی قیادت کا انتخاب کریں ملک عبدالمالک اعوان برنالہ کی سیاست میں تازہ ہوا کا جھونکا ہیں وہ کسی ایک برادری کے امیدوار نہیں بلکہ برنالہ کی تمام برادریوں کے متفقہ امیدوار ہیں عوام آئندہ الیکشن میں ان کا انتخاب کر کے حلقہ کے اندر حقیقی تبدیلی کا آغاز کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) سابق صدر ڈسٹرکٹ بار بھمبر چوہدری خالق حسین ایڈووکیٹ ، چوہدری محمد افضل ایڈووکیٹ، محمود الحسن منشاء ایڈووکیٹ، چوہدری غضنفر علی ایڈووکیٹ اور مرزا عنائیت علی ایڈووکیٹ نے اپنے مشترکہ بیان میں منظور قادر ایڈووکیٹ کو آزاد جموں و کشمیر بار کونسل کا وائس چیئرمین منتخب ہونے پر مبارکباد دی ہے اور ان کیلئے نیک خواہشات کا اظہار کرتے ہوئے کہا کہ موصوف اپنی قائدانہ صلاحیتیوں کو بروئے کار لاتے ہوئے آزاد کشمیر بھر کے وکلاء برادری کے حقوق کا تحفظ کرنے کے ساتھ ساتھ ان کے مسائل کے حل کیلئے کوشاں رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) بھمبر اور گرد و نواح میں مرغی کے گوشت کے من مانے ریٹس وصول ہونے لگے ضلعی انتظامیہ خاموش مرغ فروش 150 روپے فی کلو کے بجائے 170 ، 175 اور 180 روپے فی کلو گوشت فروخت کرنے لگے تفصیلات کے مطابق بھمبر شہر اور گرد و نواح میں مرغ فروشوں نے ضلعی انتظامیہ کے جاری کردہ ریٹ پر گوشت فروخت کرنے کے بجائے من مانے ریٹس وصول کرنے شروع کر دئیے ہیں ضلعی انتظامیہ نے 158 روپے فی کلو مرغی کے گوشت کا ریٹ مقرر کر رکھا ہے جبکہ دوکانداروں نے 158 روپے کے بجائے 175,170 اور 180 روپے فی کلو گوشت کے ریٹس وصول کرنے شروع کر دئیے ہیں جس پر بھمبر کے شہریوں اور عوام علاقہ نے شدید احتجاج کرتے ہوئے ضلعی انتظامیہ سے مطالبہ کیا ہے کہ من مانے ریٹ وصول کرنے والوں کیخلاف کارروائی عمل میں لائی جائے تا کہ لوگوں کو سستے داموں گوشت مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) مسلم کانفرنس یوتھ ونگ کے مرکزی سیکرٹری جنرل چوہدری اسماعیل خالد آف پنڈی جہونجہ گذشتہ روز حرکت قلب بند ہونے سے انتقال پا گئے مرحوم کی نمازہ جنازہ سابق وزیراعظم سردار عتیق احمد خان نے پڑھایا مرحوم کو نماز جنازہ کے بعد انکے آبائی قبرستان پنڈی جہونجہ میں مسلم کانفرنس کے جھنڈے میں لپیٹ کر سپرد خاک کر دیا گیا نماز جنازہ میں سابق وزیراعظم و صدر مسلم کانفرنس سردار عتیق احمد خان، چوہدری محمد اشرف امیدوار اسمبلی، ممبر بار کونسل چوہدری عارف سرفراز ایڈووکیٹ، سردار عثمان عتیق چیئرمین یوتھ ونگ، سابق وزیر مرزا محمد شفیق جرال،اپوزیشن لیڈر چوہدری طارق فاروق، ایڈمنسٹریٹر راجہ محمد اقبال، شیخ محمد صادق، چوہدری کمال سبحانی ڈسٹرکٹ سپورٹس آفیسر،ایم ایس ڈاکٹر اقبال حسین، سابق کونسلر چوہدری محمد اسحاق، سابق چیف آرگنائزر مسلم کانفرنس فدا کیانی، سابق پولٹیکل سیکرٹری صدر ریاست راجہ فہیم اختر بڑھنگ، ملک رضوان کوٹلی ، مرکزی راہنما یوتھ ونگ شاہد رضا، راجہ غلام ربانی، چوہدری خالد حسین ایڈووکیٹ، ضلعی صدر مسلم کانفرنس چوہدری مصطفی کسگمہ، چوہدری سجاد الحق ایڈووکیٹ، راجہ عنصر عظیم، چوہدری جمیل سلطان ، سابق صدر پریس کلب راجہ نعیم گل، راجہ عطا المنعم، صدر ٹرانسپورٹ یونین چوہدری عارف کاکا، سابق چیئرمین چوہدری ظفر اقبال، چوہدری محمود سبحانی، ڈاکٹر محمد نواز،سمیت مسلم کانفرنس کے کارکنان، شہریوں، تاجروں، صحافیوں، عوام علاقہ اور عزیز و اقارب نے بڑی تعداد میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) مسلم لیگ نون کی حکومت جعلی مینڈیٹ بھی کھو چکی ہے گیس، بجلی ، پٹرول بحران کے بعد اب حکومت کا اقتدار میں رہنے کا کوئی جواز نہیں حکومت کا اپنی کرپشن اور نا اہلی کو تسلیم کرنے کی بجائے میڈیا اور عوام کا ذمہ دار ٹھہرانا انتہائی قابل افسوس اور قابل مذمت ہے ان خیالات کا اظہار پاکستان تحریک انصاف سٹی بھمبر کے صدر راجہ حامد ناصر نے چنار میڈیا سنٹر میں صحافیوں سے خصوصی گفتگو کرتے ہوئے کیا انہوں نے کہا کہ وقت اور حالات نے ثابت کر دیا ہے کہ مسلم لیگ نون جعلی مینڈیٹ کے ذریعہ اقتدار میں آئی تھی عوام کیلئے دودھ اور شہد کی نہریں بہانے کے دعوے کرنے والوں کی اصلیت عوام کے سامنے آ چکی ہے مسلم لیگ نون کرپٹ اور نا اہل اور نالائق لوگوں پر مشتمل ٹولہ ہے جس نے پاکستان کو بحرانوں سے دو چار کر رکھا ہے حکومت اور وزراء اپنی نالائقی اور نا اہلی کو تسلیم کرنے کے بجائے میڈیا اور عوام پر الزام تراشیاں کر رہے ہیں عوام کو بھکاری کہنے والے اور اقتدار کے مزلے لے رہے ہیں انہیں اس مقام پر اسی عوام نے پہنچایا ہے انہوں نے کہا کہ جعلی مینڈیٹ والے اخلاقی جرات کا مظاہرہ کریں اور اپنی غلطی اور نا لائقی تسلیم کرتے ہوئے حکومت چھوڑ دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) 5 فروری کو یوم یکجہتی کشمیر کے موقع پر ڈسٹرکٹ سپورٹس اینڈ یوتھ کلچر کے زیر اہتمام فٹ بال کا دوستانہ میچ کھیلا جائیگا میچ بھمبر سپورٹ سٹیڈیم میں کھیلا جائیگا تفصیلات کے مطابق ڈسٹرکٹ سپورٹس اینڈ یوتھ کلچر کے زیر اہتمام 5 فروری کو فٹ بال کا دوستانہ میچ کھیلا جائیگا دوستانہ میچ بھمبر سپورٹس سٹیڈیم میں کھیلا جائیگا دوستانہ میچ کے مہمان خصوصی ڈپٹی کمشنر بھمبر مرزا ارشد محمود جرال اور ڈسٹرکٹ سپورٹس آفیسر چوہدری کمال سبحانی ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) سیرلہ اور اصلاحی کمیٹی کے ممبران ملک عامر شہزاد، چوہدری شفقت الحق ، مرزا مبشر اقبال، عامر بٹ، ذیشان مرزا، نعمان عقیل اور ارسلان محمود نے منان فاروق بٹ آف سیرلہ کو بی ایس سی مکینکل انجینئرنگ کی ڈگری مکمل کرنے پر دلی مبارکباد دیتے ہوئے دعا کی ہے اللہ تعالیٰ ان کو تعلیمی میدان میں مزید کامیابیاں عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) بھمبر پہلا احمد فراز عرف ببلو مرحوم فٹ بال ٹورنامنٹ کا فائنل میچ ایور گرین کلب نے مقبول بٹ شہید کلب سے 2 کے مقابلے میں 4گول سے جیت لیا مہمان خصوصی کی طرف سے ونر ٹیم کیلئے 15000 روپے نقد انعام جبکہ دیگر کھلاڑیوں میں ٹرافیاں تقسیم کیں تفصیلات کے مطابق نوجوان طالبعلم رہنما مرزا احمد فراز عرف ببلو مرحوم کی یاد میں پہلا احمد فراز عرف ببلو مرحوم فٹ بال ٹورنامنٹ کا انعقام کیا گیا ٹورنامنٹ میں علاقہ بھر سے 12 ٹیموں نے حصہ لیا ٹورنامنٹ کا فائنل میچ گزشتہ روز گورنمنٹ پائلٹ ہائی سکول گرائونڈ میں مقبول بٹ شہید کلب اور ایورگرین کلب کے درمیان کھیلا گیا مقررہ وقت میں کوئی بھی ٹیم گول نہ کر سکی جسکا فیصلہ پلینٹی سٹرک پر ہوا جس میں ایور گرین نے 2کے مقابلے میں 4 گول کر کے فائنل کا ٹائٹل اپنے نام کر لیا فائنل میچ کی تقریب کے مہمان خصوصی مسلم لیگ کے رہنما ٹھیکیدار اشتیاق احمد سوکاسن نے جیتنے والی ٹیم کو ونر ٹرافی اور نقد 15000 روپے کا انعام یا جبکہ وسیم احمد مرزا اور تصدق یوسف نے رنر ٹیم اور دیگر کھلاڑیوں میں ٹرافیاں تقسیم کیں۔
