تحریک انصاف اقتدار میں آ کر چوروں، لیٹروں کا احتساب کرے گی:ملک فیصل جاوید

کھاریاں :  تحریک انصاف اقتدار میں آ کر چوروں ، لیٹروں اور ملک کو لوٹنے والوں کا سر عام احتساب کرے گی ، اور ان کو عوام کے روبرو پیش بھی کیا جائیگا ، ان خیالات کا اظہار ملک فیصل جاوید اعوان آرگنائزر PTI حلقہ پی پی 115نائب صدر یوتھ ونگ گجرانوالہ ڈویژن نے کیا انہوںنے کہا کہ ملک میں اس وقت خانہ جنگی کی صورتحال پیدا کر دی گئی ہے ، کراچی اور بلوچستان میں خون اور آگ کی ہولی کا گھنائونا کھیل جاری ہے ، حکمران لوٹ مار اور کرپشن میں مصروف ہیں ، ملک و قوم کا کسی کو خیال نہیں ، یہ حکمران توہین عدالت میں سب کو مات دے گئے ہیں ، عدالتوں کی حکم ادول سر عام کر رہے ہیں ، انہوں نے کہا کہ عوام کا سونامی انہیں ان کے گناہوں سمیت ، بہالے جائے گا اور ان کو نیت و نابود کر کے رکھدے گا ، PTI اقتدار میں آ کر سر عام احتساب کرے گی ۔