تعمیراتی کام مکمل ہونے کے باوجود رقم نہ ملنے پر ٹھیکیداروں کا احتجاج

گجرات: تعمیراتی کام مکمل ہونے کے باوجود سرکاری خزانے سے رقم نہ ملنے پر ٹھیکیداروں کا احتجاج ، تفصیلات کے مطابق سرکاری ٹینڈرز کے مطابق ضلع گجرات میں تعمیراتی کام مکمل کرنے والے سینکڑوں ٹھیکیدار حکومت پنجاب اور دیگر سرکاری اداروں سے فنڈزبروقت وصول نہ ہونے کی وجہ سے سخت پریشان ہیں اور انہوں نے گجرات میں احتجاجی مظاہرے کیے ہیں ، ٹھیکیداروں کا کہنا ہے کہ گزشتہ 8سال کے دوران جتنے بھی تعمیراتی کام کیے گئے ہیں وہ مکمل ہو چکے ہیں ، اور سرکاری اداروں نے اپنی سرئوے رپورٹس بھی مکمل کر لی ہیں ، مگر پھر بھی حکومت کی جانب سے رقم وصول نہیں ہو رہی ، لہٰذا ہم مذید کسی بھی قسم کے تعمیراتی کام تب تک نہیں کرینگے جب تک ہمیں ہمارے بقایا جات حکومت ادا نہیں کر دیتی ۔