ستارواں فری آئی کیمپ صمد آئی کلینک جی ٹی روڈ کھاریاں میں انعقاد پذیر ہوا

کھاریاں: ستارواں فری آئی کیمپ صمد آئی کلینک جی ٹی روڈ کھاریاں میں انعقاد پذیر ہوا۔ جس میں آنکھوں کے مریضوں کا فری چیک اپ فری فیکو لیزر آپریشن ، فری ادویات اور عینکیں دی گئیں ۔ اس فری آئی کیمپ میں بیس مریضوں کے فیکو لیزر آپریشن کیے گئے ۔ اس کیمپ کے آرگنائزر ڈاکٹر فاروق احمد نے کہاکہ اس کیمپ کا بنیادی مقصد فلاحِ انسانیت اور اپنے والدین اوربیٹے مرحوم کے ایصالِ ثواب کے لیے فری آئی کیمپ لگایا گیاہے۔ جس میں بیگم و چوہدری رزاق (ناروے) نے خصوصی تعاون کیا ہے ۔ جن کا مقصد آنکھوں کے مریضوں کا فی سبیل اللہ علاج کرنا تھا۔ اس فری آئی کیمپ میں سینکڑوں آنکھوں کے مریضوں نے چیک اپ کروایا اور فری ادویات کے علاوہ فری عینکیں بھی فراہم کی گئیں۔ اس فری آئی کیمپ کا افتتاح ملک اکرام اعوان ڈوگہ نے کیا اور فیکو آئی سرجن ڈاکٹر محمد شفیق لودھی ،ڈاکٹر فاروق احمد ،سید حیدر شاہ بخاری ،صحافی محمد اشفاق شاہین اور صحافی اُلفت حسین نے شرکت کی۔