ڈنگہ : علیگڑھ انسٹیٹیوٹ آف ایجوکیشن ٹوپہ عثمان میں چودھویں سالانہ تقریب تقسیم انعامات اور یوم والدین گذشتہ روز علیگڑھ ہاؤس ٹوپہ عثمان میں منعقد ہوا
ڈنگہ ( محمد بلال احمدبٹ ) علیگڑھ انسٹیٹیوٹ آف ایجوکیشن ٹوپہ عثمان میں چودھویں سالانہ تقریب تقسیم انعامات اور یوم والدین گذشتہ روز علیگڑھ ہاؤس ٹوپہ عثمان میں منعقد ہوا ۔ اِس تقریب میں مہمان خصوصی لیاقت چوہدری سابق ایڈوائزر وفاقی محتسب اسلام آباد ایڈووکیٹ ہائی کورٹ لاہور تھے ۔ ادارہ ہذا کے ڈائریکٹر محمد امین سابق کسان کونسلر نے اِس تقریب کی صدارت کی۔ سٹیج سیکرٹری کے فرائض ادارہ ہذا کی ہونہار طالبات صنم بی بی گلشن یونس ثنا ایوب اور نفیس بی بی نے ادا کئے ۔ تقریب کا باقاعدہ آغاز تلاوت قرآن مجید اور اس کے ترجمہ سے حافظہ وردہ مظفر اور مدیحہ مشتاق نے کیا ۔ طلباء و طالبات نے حمد درود شریف نعت ماں کی شان تعلیمی خاکے ملی نغمے کے علاوہ دیگر دلچسپ اور رنگا رنگ پروگرام پیش کئے ۔ مہمان خصوصی لیاقت علی چوہدری اور ادارہ ہذا کے ڈائریکٹر محمد امین نے طلباء و طالبات میں اول دوئم سوئم پوزیشن ہولڈرز میں شیلڈ تقسیم کیں ۔ بہترین تعلیمی کارکردگی ظاہر کرنے والے اساتذہ اکرام میں ” ٹیچر ایوارڈ 2013ء ” شیلڈ تقسیم کیں ۔ تقریب کے مہمان خصوصی کو ادارہ ہذا کے ڈائریکٹر محمد امین نے ادارہ کی طرف سے ” یادگار شیلڈ ” پیش کی اور مہمان خصوصی لیاقت علی چوہدری نے ادارہ کے ڈائریکٹر محمد مین کو ایکسیلینسی ایوارڈ شیلڈ پیش کی ۔ ادارہ کے ڈائریکٹر نے مہمان خصوصی اور دیگر معززین شرکاء تقریب کا شکریہ ادا کیا ۔ سالانہ تعلیمی رپورٹ پیش کی اور آئندہ کے تعلیمی منصوبہ جات اور پروگراموں سے معزز شرکاء کو آگاہ کیا ۔ تقریب کے اختتام پر مہمان خصوصی لیاقت علی چوہدری نے ادارہ کی تعلیمی کارکردگی سے متاثر ہو کر زبردست خراج تحسین پیش کیا ۔ نصابی اور غیر نصابی سرگرمیوں میں ڈائریکٹر پرنسپل اور ادارہ کے اساتذہ کرام کی انتھک تعلیمی و سماجی خدمات کی کوششوں کی تعریف کی ۔ یہ ادارہ ایک روشن مسقبل کی نوید اور ایک روشن روشن ٹوپہ عثمان کی تعمیر ثابت ہو گا ۔ معزز شرکاء کی تواضع کے بعد یہ تقریب اختتام پذیر ہوئی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :میاں عبدالغفار آف بیکنانوالہ کے والد محترم میاں نذر محمد کی نماز جنازہ گزشتہ روز بیکنانوالہ میں ادا کی گئی
ڈنگہ (محمد بلال احمد بٹ ) ممتاز سیاسی و سماجی شخصیت میاں عبدالغفار آف بیکنانوالہ کے والد محترم میاں نذر محمد کی نماز جنازہ گزشتہ روز بیکنانوالہ میں ادا کی گئی ۔ نماز جنازہ میں میاں ادریس احمد میاں کامران ادریس میاں اسد محمود میاں اسجد شاہ قلی میاں خالد چک جانی میاں منور سعید چوہدری غلام سرور میاں فتح محمد گودوآنہ عابد حسین قریشی سید الطاف حسین شاہ پنجن شہانہ پٹھانے خان چوہدری غلام سرور آف نورجمال سمیت سینکڑوں افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری نصر اقبال آف سکھ چین اور کاروان فرحان کا مشن نظام کو بدلنا ہے ،صاحبزادہ عمر شہزاد سلطانی
ڈنگہ (محمدبلال احمد بٹ) مرکزی وائس چیئرمین کاروان فرحان نظام مصطفی یوتھ فورس پاکستان صاحبزادہ عمر شہزاد سلطانی نے موضع چیچیاں میں نظام مصطفی کانفرنس سے خطاب کرتے ہوئے کہا کہ چوہدری نصر اقبال آف سکھ چین اور کاروان فرحان کا مشن نظام کو بدلنا ہے ۔ انہوں نے کہا کہ چوہدری نصر اقبال کی انتخابی مہم بھرپور طریقے سے چلائیں گے اور دن رات بھرپور طریقے سے ورک کر کے چوہدری نصر اقبال کو کامیاب بنائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عمر شہزاد سلطانی نے مہر عاصم اکرم کے ہمراہ سکھ چین ہاؤس ڈنگہ کا دورہ کیا
ڈنگہ ( محمد بلال احمد بٹ ) کاروان فرحان نظام مصطفی ۖ یوتھ فورس پاکستان کے مرکزی وائس چیئرمین صاحبزادہ عمر شہزاد سلطانی نے وائس چیئرمین پنجاب مہر عاصم اکرم کے ہمراہ سکھ چین ہاؤس ڈنگہ کا دورہ کیا ۔ انہوں نے کافی وقت سکھ چین ہاوس میں گزارا ۔ اس دوران انہوں نے مختلف افراد سے ملاقات کی اور چوہدری نصر اقبال کی کامیابی کے لئے دعا بھی کی اور انہوں نے الیکشن مہم کے دوران انتخابی مہم میں شرکت کی بھی یقین دہانی کرائی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری نصر اقبال آف سکھ چین سے نسبت رسول ۖ کا رشتہ ہے جو کسی بھی قیمت پر نہیں توڑیں گے ،مہر عاصم اکرم
ڈنگہ (محمد بلال احمد بٹ ) کاروان فرحان نظام مصطفی ۖ یوتھ فورس صوبہ پنجاب کے سینئر وائس چیئرمین مہر عاصم اکرم نے موضع چیچیاں میں ہونے والی نظام مصطفی ۖ کانفرنس سے خطاب کرتے ہوئے کہا کہ چوہدری نصر اقبال آف سکھ چین سے نسبت رسول ۖ کا رشتہ ہے جو کسی بھی قیمت پر نہیں توڑیں گے ۔ انہوں نے کہا کہ چوہدری نصر اقبال کی حمایت میں کانفرنس کا انعقاد کیا تھا ۔ کاروان کے منشور کو مد نظر رکھتے ہوئے چوہدری نصر اقبال کا بھرپور ساتھ دینے کا اعلان کیا ۔ انشاء اللہ کامیابی حاصل کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پاکستان تحریک انصاف یو سی ڈنگہ 2کا رزاق حیدری کو اتفاق رائے سے جنرل سیکرٹری نامزد کر دیا گیا ہے
ڈنگہ (محمدبلال احمد بٹ)پاکستان تحریک انصاف یو سی ڈنگہ 2کا رزاق حیدری کو اتفاق رائے سے جنرل سیکرٹری نامزد کر دیا گیا ہے ۔ اس موقع پر رزاق حیدری نے کہا کہ تحریک انصاف نے ان پر اعتماد کرتے ہوئے جو ذمہ داری ان پر ڈالی ہے اس پر پورا اترنے کی بھرپور کوشش کروں گا اور تحریک انصاف کی کامیابی کے لئے سخت محنت کروں گا ۔ تمام دوستوں اور ساتھیوں کو ساتھ لے کر چلوں گا ۔
ڈنگہ : پوری قوم پاکستان تحریک انصاف کے پرچم تلے متحد ہے ،چوہدری محمد ارشد منج
ڈنگہ (محمد بلال احمد بٹ)پاکستان تحریک انصاف حلقہ پی پی 113کے راہنما و متوقع امیدوار چوہدری محمد ارشد منج نے کہا ہے کہ پوری قوم پاکستان تحریک انصاف کے پرچم تلے متحد ہے ۔ پاکستان تحریک انصاف کی بڑھتی ہوئی مقبولیت سے مخالفین کی نیندیں حرام ہو گئی ہیں ۔ انہوں نے کہا کہ پاکستان تحریک انصاف الیکشن میں شاندار اور ریکارڈ کامیابی حاصل کرے گی ۔ تحریک انصاف کی کامیابی سے ملک ترقی کی راہ پر گامزن ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: حلقہ این اے 108سے چوہدری اعجاز احمد کو کامیاب کرانے کے لئے ہر ممکن کوشش کریں گے،چوہدری محمد اشرف گھیلا
ڈنگہ(محمد بلال احمد بٹ) ن لیگ چک خواجہ کے راہنما چوہدری محمد اشرف گھیلا نے اپنے بیان میں کہا ہے کہ حلقہ این اے 108سے چوہدری اعجاز احمد کو کامیاب کرانے کے لئے ہر ممکن کوشش کریں گے ۔ چوہدری اعجاز احمد بے لوث خدمت کرنے والے ہیں ۔ ن لیگ کے ٹکٹ کے لئے چوہدری اعجاز احمد بہترین امیدوار ہیں ۔ پارٹی انہیں ٹکٹ جاری کرے انشاء اللہ ہم ان کی کامیابی کے لئے سر دھڑ کی بازی لگا دیں گے ۔ ہم ان کے جانثار ساتھی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں محمد نواز شریف اور میاں شہباز شریف نے ہر کام میرٹ پر کیا ہے،چوہدری جعفر اقبال
ڈنگہ (محمدبلال احمد بٹ ) پاکستان مسلم لیگ ن کے تحصیل کھاریاں کے صدر چوہدری جعفر اقبال نے گفتگو کرتے ہوئے کہا کہ میرے قائد میاں محمد نواز شریف نے مجھے حلقہ این اے 106سے الیکشن لڑنے کا حکم دیا ہے ۔ انشاء اللہ مجھے اپنی ذات ‘ قائد کے ویژن اور اپنے ساتھیوں پر پورا اعتماد ہے کہ ہم یہاں پیپلزپارٹی کے طوفان کو روکنے میں کامیاب ہوں گے اور کامیابی حاصل کریں گے ۔ انہوں نے ایک سوال کے جواب میں کہا کہ تین ماہ پہلے ہونے والے ضمنی الیکشن میں عوام نے واضح کر دیا تھا کہ وہ میاں محمد نواز شریف کے ویژن کے ساتھ ہیں ۔ عوام نے پیپلزپارٹی اور ق لیگ کو شکست سے دوچار کیا تھا ۔ انہوں نے کہا کہ ضلع گجرات میں عام آدمی سیاسی ڈیروں پر جانے کے لئے مجبور ہیں ۔ لیکن آہستہ آہستہ لوگوں میں میڈیا کے ذریعے شعور آ رہا ہے ۔ انہوں نے کہا کہ میاں محمد نواز شریف اور میاں شہباز شریف نے ہر کام میرٹ پر کیا ہے ۔ انشاء اللہ وہ وقت آ گیا ہے عوام اس بات کا بھرپور جواب دیتے ہوئے میاں نواز شریف کو حکومت میں لائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : سیکریالی کی معروف کاروباری شخصیت قمر اقبال مغل ایران کے کامیاب دورے کے بعد وطن واپس پہنچ گئے
ڈنگہ(محمدبلال احمد بٹ ) سیکریالی کی معروف کاروباری شخصیت قمر اقبال مغل ایران کے کامیاب دورے کے بعد وطن واپس پہنچ گئے ۔ قمر اقبال مغل نے ایران میں مختلف کاروباری شخصیات سے ملاقات اور مختلف اداروں کا دورہ کیا ۔ وطن واپسی پر ڈاکٹر محمد عمران سمیت کثیر تعداد دوست احباب نے ان کو خوش آمدید کہا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سابق وفاقی وزیر اطلاعات قمر زمان کائرہ کی الحاج صادق بٹ کی رہائش گاہ پر آمد
ڈنگہ (محمد بلال احمدبٹ ) سابق وفاقی وزیر اطلاعات قمر زمان کائرہ کی الحاج صادق بٹ کی رہائش گاہ پر آمد ۔ خصوصی گفتگو ۔ الیکشن کے سلسلہ میں تفصیلی گفتگو ہوئی ۔ الحاج صادق بٹ نے قمر زمان کائرہ کی حلقہ کے لئے خدمات کو سراہا ۔ اس موقع پر مظہر نور ایڈووکیٹ اور دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پانچ سال اپوزیشن اور 5سال حکومت میں رہا ہوں اور میرا ضمیر مطمئن ہے،قمر زمان کائرہ
ڈنگہ (محمد بلال احمد بٹ ) سابق وفاقی وزیر قمر زمان کائرہ نے الحاج محمد صادق بٹ کی رہائش گاہ آمد پر صحافیوں سے خصوصی گفتگو کرتے ہوئے کہا کہ ڈنگہ سے اپنی انتخابی مہم کا باقاعدہ آغاز کر دیا ہے ۔ اس سے پہلے دو دفعہ حلقہ این اے 106سے منتخب ہوا ہوں ۔ پانچ سال اپوزیشن اور 5سال حکومت میں رہا ہوں اور میرا ضمیر مطمئن ہے کہ میں اپنے حلقہ کے لئے جو کچھ کر سکتا تھا میں نے وہ کیا ہے ۔ اب میں حلقہ کے لوگوں سے صرف یہ کہتا ہوں کہ اگر میں نے آپ کی نمائندگی کا صحیح حق ادا کیا ہے تو آپ مجھے ووٹ دو ہم نے مشکل ترین کام کیا اور حلقہ کو سوئی گیس فراہم کی ۔ 60دیہات میں ابھی بھی سوئی گیس فراہمی کا کام جاری ہے ۔ بہت جلد امرہ میں بھی گیس فراہم کر دی جائے گی ۔ ق لیگ سے اتحاد جاری ہے اور اتحاد سے ہی الیکشن لڑیں گے ۔ تھوڑے بہت معاملات بگڑتے رہتے ہیں ایسا اکثر جگہوں پر ہوتا ہے ۔ اس کی وجہ سے اتحاد کو کوئی فرق نہیں پڑے گا ۔ چوہدری احمد مختار کے بارے یقین ہے کہ جس فارمولا کے تحت اتحاد ہوا تھا اس کے مطابق ٹکٹ احمد مختار کو ہی ملے گا ۔ ایک سوال کے جواب پر انہوں نے کہا کہ پی پی 113میں پیپلزپارٹی کا امیدوار ہو گا یا ق لیگ کا اس کا فیصلہ قیادت ہی کرے گی اور جو قیادت نے فیصلہ کیا ہمیں وہ منظور ہو گا ۔ میاں خالد رفیق نے جذباتی ہو کر پارٹی چھوڑنے کا فیصلہ کیا ۔ انہوں نے کہا کہ میں اپنے دور اقتدار میں جو کام سب سے بڑا سمجھتا ہوں وہ گلگت بلتستان کو آزاد کرایا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :خالد حسین مغل کی والدہ محترمہ کا ختم قل آج 28مارچ بروز جمعرات 10بجے سے 11بجے تک جامع مسجد گلزار مدینہ میلاد چوک ڈنگہ میں پڑھا جائے گا
ڈنگہ (محمد بلال احمد بٹ ) نوجوان صحافی احسان اللہ مغل کی دادی محترمہ ‘ ضیاء اللہ مغل اور خالد حسین مغل کی والدہ محترمہ کا ختم قل آج 28مارچ بروز جمعرات 10بجے سے 11بجے تک جامع مسجد گلزار مدینہ میلاد چوک ڈنگہ میں پڑھا جائے گا ۔ دعا 11بجے ہو گی ۔ ممتاز علمائے کرام خطاب کریں گے اور سینکڑوں افراد شرکت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :رابطہ آفس سکھ چین ہاؤس ڈنگہ کا باقاعدہ افتتاح 29مارچ بروز جمعة المبارک دن 3بجے ہو گا
ڈنگہ ( محمد بلال احمد بٹ) رابطہ آفس سکھ سین ہاؤس ڈنگہ کا باقاعدہ افتتاح 29مارچ بروز جمعة المبارک دن 3بجے ہو گا ۔ نزد سرمنی میرج ہال ڈنگہ کھاریاں روڈ پر واقع سکھ چین ہاؤس کے افتتاح کے موقع پر ایک پروقار تقریب کا اہتمام کیا جائے گا جس
میں علاقہ بھر سے معززین علاقہ ‘ سیاسی و سماجی شخصیات بھرپور شرکت کریں گی ۔ آزاد امیدوار برائے حلقہ این اے 106چوہدری نصر اقبال آف سکھ چین اپنی ٹیم کے ہمراہ معزز مہمانوں کا استقبال کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حلقہ میں پیپلزپارٹی کے کارکنان کی کثیر تعداد موجود ہے جو ہماری جیت میں اہم کردار ادا کرے گی،رائو ساجد جہانگیر
ڈنگہ ( محمد بلال احمدبٹ ) امیدوار صوبائی اسمبلی پاکستان پیپلزپارٹی حلقہ پی پی 113راؤ ساجد جہانگیر نے صحافیوں خصوصی گفتگو کرتے ہوئے کہا کہ خلوص دل سے عوام کی خدمت کا جذبہ لئے میدان میں آئے ہیں ۔ کائرہ برادران کے ساتھ مل کر دونوں سیٹیں جیتیں گے ۔ حلقہ میں پیپلزپارٹی کے کارکنان کی کثیر تعداد موجود ہے جو ہماری جیت میں اہم کردار ادا کرے گی ۔ انہوں نے کہا کہ سیاست کو کاروبار سمجھ کر نہیں بلکہ عوامی خدمت کے لئے کریں گے ۔ انہوں نے مزید کہا کہ پیپلزپارٹی کے پلیٹ فارم سے ہمیشہ عوام کی فلاح و بہبود کے لئے کام کیا اور آئندہ بھی اس سے زیادہ جذبہ کے ساتھ عوامی خدمت کا سلسلہ جاری رکھیں گے۔
